بەدەن ئىسسىماسلىق مەلۇم كېسەلدىن بېرىلگەن بېشارەت.

خۇشچىراي

	نورمال كىشىلەرنىڭ بەدەن تېمپېراتۇرىسى ئادەتتە ℃37 – 36 بولىدۇ. بىراق بەزى كىشلەرنىڭ پۇت – قولى ۋە بەدىنى تۆت پەسىلنىڭ ھەممىسىدە دېگۈدەك سوغۇق تۇرىدۇ. بۇنداق ئەھۋال مەلۇم كېسەلدىن بېرىلگەن بېشارەتتۇر.     1 . توسۇلۇش خاراكتېرلىك ئارتېرىيە قېتىش. بۇنداق ئاغرىقلارنىڭ دائىم پۇت – قولى مۇزلاپ، ئۇيۇشۇپ تۇرىدۇ. يول ماڭغاندا توساتتىن ئاقساپ قالىدۇ. تېرىسى ئاقىرىپ، بەدەن تېمپېراتۇرىسى، سىزىمچانلىقى تۆۋەنلەيدۇ. تېرىسى نېپىزلاپ، پۇت مۇسكۇللىرى يىگىلەيدۇ، پۇتنىڭ تىرناقلىرى قېلىنلىشىدۇ، شەكلى ئۆزگىرىدۇ.     2 . كۆپ ئۈگۈلۈك چوڭ ئارتېرىيە يەللىكى. بۇنىڭدا پۇت ئىسسىمايدۇ، ئۇيۇشىدۇ، ئاغرىيدۇ، تالىدۇ، بەزىدە تۇيۇقسىز ئاقساپ قېلىش كۈرۈلىدۇ.     3 . لىنۇس كېسىلى. بۇ كېسەل پۇتتىكى ئارتېرىيە قان تومۇرىنىڭ قالايمىقان قىسقىراش كېسىلى، دەپ ئاتىلىدۇ. بۇنىڭدا بەدەندىكى قان تومۇرلار ۋە نېرۋا پائالىيەتلىرىنىڭ قالايمىقانلىشىشىدىن كىچىك ئارتېرىيە قان تومۇرلىرى سىپازمىلىنىپ، بۇ كېسەلنى كەلتۈرۈپ چىقىرىدۇ.     4 . قان نوكچىسى كەپلىشىپ قېلىش خاراكتېرلىك قان تومۇر يەللىكى. بۇ كېسەلنىڭ دەسلەپكى مەزگىلىدە پۇت مۇزلاپ، ئۇيۇشۇپ، ئاغرىيدۇ، ماڭغاندا پاقالچەكنىڭ مۇسكۇللىرى سىيقىراپ چىڭقىلىپ، ئاسان چارچاش قاتارلىق كېسەل ئالامەتلىرى كۈرۈلىدۇ. بۇنداق كېسەل ئالامەتلىرى كىچىلىرى ئېغىرلىشىدۇ.     5 . نېرۋا ئاجىزلىق. بۇنىڭدا پۇت بارماقلىرى مۇزلاپ ماغدۇرسىزلىنىدۇ، نەپەس قىسىلىدۇ، يۈرەك سېلىپ، كۆپ تەرلەيدۇ، قورساق كۆپىدۇ.     6 . ئاياللاردا ھەيز توختىغاندىن كېيىن، بىر مەزگىلگىچە بەدىنى مۇزلاپ تۇرىدۇ.     نورمالسىز پۇت – قول ھەم بەدەن مۇزلاش مەلۇم كېسەلدىن بېرىلگەن بېشارەت بولۇپ، دوختۇرخانىغا ۋاقتىدا بېرىپ تەكشۈرتۈپ، بالدۇر داۋالىتىش كېرەك. مەنبە:شىنجاڭ گىزىتى .

Yalchin

	مەن يېقىندىن بۇيان كېچىلىرى تەرلەيدىغان بولۇۋالدىم. [ anar بۇ يازمىنى  2010-يىلى 11-ئاينىڭ 19-كۈنى 14:43  دە تەھرىرلىگەن. ]

saye

	Yalchin بۇ يازمىنى 2010-يىلى 11-ئاينىڭ 19-كۈنى 09:08 دە يوللىغان مەن يېقىندىن بۇيان كېچىلىرى تەرلەيدىغان بولۇۋالدىم. [ anar بۇ يازمىنى  2010-يىلى 11-ئاينىڭ 19-كۈنى 14:43  دە تەھرىرلىگە ... ئەرلەردىكى كېچىسى تەرلەش، كۆپ چۈش كۆرۈش، ئۇنۇتقاقلىق ئەھۋاللىرىنىڭ كۆرىنىشى بۆرەك زەئىپلىشىش بىلەن مۇناسىۋەتلىك. كۆپرەك ئىسسىقلىق قىلىپ بېرىشىڭىز مۇمكىن بولسا ئۆزىمىزنىڭ مىللىي تىبابەت دورىلىرى بىلەن قەرەللىك ھالدا بەدەن سىرتىدىن ۋە ئىستىمال قىلىپ داۋالىنىپ تۇرىشىڭىزنى تەۋسىيە قىلىمەن. [ saye بۇ يازمىنى  2010-يىلى 11-ئاينىڭ 20-كۈنى 10:26  دە تەھرىرلىگەن. ]

Huxnizad

	ھەر قاچان قىززىق تۇرسىچۇ؟ ئۇمۇ كېسەللىكنىڭ بىشارىتىمىدۇ؟ قىشتىمۇ قولۇم قىززىق تۇرىدۇ مېنىڭ.

saye

	ياش بولغاندىكىن شۇ مېنىڭمۇ ئىسسىق تۇرىدۇ. بەدەن ئىسسىقراق تۇرغىنى قان ئايلىنىشنىڭ ياخشىلىقىمىكىن دەيمەنغۇ. مېنىڭچە سوغۇق يىلاندەك تۇرغىنىدىن ئىسسىق تۇرغىنى ياخشى .

مەرۋەرى

	Yalchin بۇ يازمىنى 2010-يىلى 11-ئاينىڭ 19-كۈنى 09:08 دە يوللىغان مەن يېقىندىن بۇيان كېچىلىرى تەرلەيدىغان بولۇۋالدىم. [ anar بۇ يازمىنى  2010-يىلى 11-ئاينىڭ 19-كۈنى 14:43  دە تەھرىرلىگە ... كۆپ تەرلىگەندىن سىرت يەنە باشقا ئالمەتلەر بارمۇ ؟ مەسىلەن ئاسان چارچايدىغان، چۈشتىن كېيىن بولغاندا سەل قىزىيدىغان، ئارلاپ- ئارلاپ يۆتىلىدىغان دېگەندەك، ئەگەر يۇقۇرقى ئەھۋاللار بولسا تەكلىبىم دوختۇرخانىغا بېرىپ تەكشۈرتۈڭ!

saniya20100409

	مەن ئىككنچى بالامنى تۇغقاندىن كىيىن پۇتۇن بەدىنم قىشمۇ ياز ئىسسمايدۇ،تەرلسەممۇ مۇزدەك تەرلەيمەن ،دۇختۇرخاندا تەكشۇرتسەم بىرەر كىسەل چىقمدىم ،مەندىكى بۇ نىمە ئىشتۇ ئەمدى،