قىزلارغا گىپىم بار .

خۇشچىراي

	1.    ئۆزىڭىز ئامراق نەرسىنى ئۆزىڭىز سېتىۋېلىشقا تىرىشىڭ، باشقىلارنىڭ سوۋغا قىلىشىنى كۈتمەڭ. 2.    زېرىككەندە ئاستا ناخشىلارنى ئاڭلىماڭ. ساراڭدەك كومپۇتېرغا قاراپمۇ ئولتۇرىۋالماڭ، ئەڭ ياخشىسى ئورنىڭىزدىن تۇرۇپ ھەرىكەت قىلىڭ ياكى دوستلىرىڭىز بىلەن بىللە كوچا ئايلىنىڭ. 3.    ئۇيۇن ئوينىغاندا ئەستايىدىللىق بىلەن ئويناڭ، لېكىن ئۇنىڭ بىر ئۇيۇن ئىكەنلىكىنى ئېسىڭىزدىن چىقىرىپ قويماڭ. 4.    شېرىن سۆزلۈك ئۇچۇرلارنى تاپشۇرىۋالغاندا كۈلۈمسىرەشنى ئۇنۇتماڭ، ئاندىن ئۆچۈرىۋېتىڭ. 5.    چ چ ياكى تېلفۇنىڭىزدىن بۇرۇنقى ئوغۇل دوستىڭىزنى ئۆچۈرىۋېتىڭ. بۇنىڭ ھەممىسى كەيپىياتىڭىز ناچار چاغدا ئۇنى ئىزلەشنىڭ ئالدىنى ئېلىش ئۈچۈن. 6.    ھەرگىز 1 رەزىم چوڭ كىيىم سېتىۋالماڭ، سېمىزلىككە بوشلۇق ھازىرلاپ بەرمەسلىك كېرەك. 7.    يەپ بولغىنىڭىزنى ھەرگىزمۇ تۈكۈرۈپ چىقىرىۋەتمەڭ، شۇڭا نەرسە يېيىشنىڭ ئالدىدا ئوبدان ئويلىشىڭ. مۇھەببەتلىشىشمۇ شۇنىڭغا ئوخشاش. 8.    تۇغۇلغان كۈنىڭىز، خانىم-قىزلار بايرىمىدا ئۆزىڭىزگە سوۋغات بېرىشنى ئۇنۇتماڭ. 9.    ئاچچىقىڭىز كەلگەندە 30 غىچە سانىۋېتىپ ئاندىن گەپ قىلىڭ. 10.ھەقىقىي كۆزىڭىزگە ياققان نەرسە بولسا دەرھاللا سېتىۋېلىڭ. پۇلغا ئىچىڭىز ئاغرىمىسۇن. ھەقىقىي ياخشى كۆرۈپ قالغان يىگىت بولسا دەرھال قوغلىشىڭ، باشقا بىلەن ھېساپلاشماڭ. 11.ھەرگىزمۇ ئىلگىركى مۇھەببىتىڭىزگە دەردىڭىزنى تۆكمەڭ. 12.ئىشىكتىن چىقىش ئالدىدا، ماڭىدىغان ۋاقتىڭىزغا قاراپ ئاياغ كىيىڭ. ھە دېسىلا ئىگىز پاشنىلىق ئاياغ كىيمەڭ. 13.پەسكە چۈشۈپ مېۋە سېتىۋالىدىغان ئىش بولسىمۇ چېچىڭىزنى تاراپ، تۈزۈكرەك كىيىم كىيىپ چىقىڭ. چۈنكى سىز قاچان، قەيەردە قانداق ئادەم بىلەن ئۇچرىشىشىپ قېلىشىڭىزنى بىلمەيسىز. بەلكىم بۇ ئۆمۈرلۈك تەقدىرىڭىزنى بەلگىلىشى مۇمكىن. 14.دۇنيادا ھەقىقىي مۇھەببەتنىڭ بارلىقىغا ئىشەنمىسىڭىزمۇ، بىر كۆرۈپ ئاشىق بولۇشنىڭ بارلىقىغا ئىشىنىڭ. 15.دۇنيادا جىن-شاياتۇنلارنىڭ بارلىقىغا ئىشەنسىڭىزمۇ ئىشىنىڭكى، ئوغۇل بالىنىڭ ئېغىزىغا ئىشەنمەڭ. 16.چىشىنىڭ ئېقىنى چىقىرىپ قويغانلارنىڭ ھەممىسىگە كۆيۈۋەرمەڭ. 17.باشقا كىشلەر بىلەن ئالاقە قىلغاندا بولۇپمۇ يات جىنىستىكىلەر بىلەن ئالاقە قىلغاندا، سەل ئارلىق ساقلاڭ. لېكىن ئارلىق ساقلىدىم دەپ بىراقلا ئالاقىنى ئۈزۈپمۇۋەتمەڭ. مەنبە: خاتىرەمدىن .

nazinin

	ھەقىقەتەن ئورۇنلۇق گەپلەرنى قىلىپسىز خۇشچىراي خانىم ،دېمىسىمى "يەتتە ئۆلچەپ ،بىر كەس " دەيدىغان گەپ بار ئەمەسمۇ ،ھەرقانداق ئىش قىلغاندا ئالدىراقسانلىق قىلماي ،ئەستايىدىل ئويلۇشۇپ قىلغىنىمىزدىلا ،پۇشايماندا قالمايمىز ،

مەرۋەرى

	مەن بىرمۇ - بىر يادلىۋالاي جۇما

سامسىپەز

	خۇشچىراي بۇ يازمىنى 14/11/2010 04:11 PM دە يوللىغان   ..................... 9.    ئاچچىقىڭىز كەلگەندە 30 غىچە سانىۋېتىپ ئاندىن گەپ قىلىڭ. ............. .... بىزنىڭ ئۆيدىكىلەر 30 نى تىللىۋېتىپ ئاندىن گەپ قىلامدىكىن دەيمەن ئاچچىقى كەلگەندە...

Jilwe

	سامسىپەز بۇ يازمىنى 2010-يىلى 11-ئاينىڭ 15-كۈنى 09:56 دە يوللىغان .... بىزنىڭ ئۆيدىكىلەر 30 نى تىللىۋېتىپ ئاندىن گەپ قىلامدىكىن دەيمەن ئاچچىقى كەلگەندە... ھى ھى ھى ... ئەستاخپىرۇللا ، ئەتىگەندە تازا كۈلىۋاپتىمەن ، خوتۈن ئەمدى 30 نى تىللىۋىتىدىغان دەرىجىگە كەلگەن بولسا ۋاقتى توشۇپ قاپتۇدە ، شېرىن ئايلاردا شۇ 30 ساننىمۇ سانىماس بولغۇيتى دەيمىنا ...

saye

	مەرۋەرى بۇ يازمىنى 2010-يىلى 11-ئاينىڭ 14-كۈنى 16:31 دە يوللىغان مەن بىرمۇ - بىر يادلىۋالاي جۇما قىسمەت قېرىنى ئالداپ قولغا چۈشۈرۋالدىڭىز ئەمدى يەنە يادلىشىڭىزنىڭ نىمە لازىمى مەرىم . يا يەنە باشقىلارنى كۆزلەۋاتامسىز؟   ئادەم دىگەنچۇ شۈكرى قانائەتچان بولىشى كېرەك. سىزنىڭ بۇ جەھەتتىكى بىلىملىرىڭىزنى يىغىپ كەلسە " ئاياللار بىلىۋېلىشقا تىگىشلىك مەخپىيەتلىك"نى 3 توم ئۇزارتىشقا يىتىدۇ. نەچچلىك ئوغۇللار قىرىلىپ كىتىدۇ بۇ خۇدايىم بىلىدۇ. شۇڭا سىز ئەمدى بۇلارنى يادلىمىسىڭىز. بىز ئوغۇللارمۇ يۈرەكلىك مۇنداق بازارلارغا كوچا كويلارغا چىقىپ باقايلى، دايىم سىزدىن قاچە قاچ بوپ يۈرمەيلى . ئىچىڭىز ئاغرىسۇن مەرىم .

خۇشچىراي

	ھاھاھاھاھاھا ، سايە مەرۋەرىنى چاقچاقتا بىر كەلتۈرىۋاپسىزدە .

مەرۋەرى

	سېنىڭ مۇشۇ خۇدۈكسىرەيدىغىنىڭ سايە، يادلىساممۇ ساڭا دىمەيمەن خاتىرجەم بولغىنە ، قىسمەت قارىمنى قولغا چۈشۈرۋالغان  بىلەن مۇشۇ تۇرمۇش يوللىرىنىڭ داۋامىنى ئۇزۇن بولىدىكەن ،بۇ قارىم بىلەن مەڭگۈلۈك بولۇش ئۈچۈن بولسىمۇ يادلاپ قوياي پايدىسى بولۇپ قالار

مەرۋەرى

	خۇشچىراي بۇ يازمىنى 2010-يىلى 11-ئاينىڭ 15-كۈنى 20:18 دە يوللىغان ھاھاھاھاھاھا ، سايە مەرۋەرىنى چاقچاقتا بىر كەلتۈرىۋاپسىزدە . ئىشقىلىپ بۇ سايە مېنىڭ ئىنكاسىمنى ماراپ يۈرۈپ ئىنكاس يازىدۇ، ئىلىنغىدەك يېرى بولسا ئىلىپ تۇرىدۇ

saye

	مەرۋەرى بۇ يازمىنى 2010-يىلى 11-ئاينىڭ 16-كۈنى 01:16 دە يوللىغان ئىشقىلىپ بۇ سايە مېنىڭ ئىنكاسىمنى ماراپ يۈرۈپ ئىنكاس يازىدۇ، ئىلىنغىدەك يېرى بولسا ئىلىپ تۇرىدۇ ھە مەن ئىنتزام تەكشۈرۈشنىڭ بولغاندىكىن شۇ سىزنىڭ ئىنكاسىڭىزنى ماراپ، ئىلىۋاپلا يۈرۈيمەن .