سۇنىڭ رولى

nazinin

	سۇنڭ بەدەنگە بولغان رولىنى تۆۋەندىكى 27 خىلغا يىغىنچاقلىغىلى بولىدۇ. 1. بەدەننىڭ قىسمەن يېرىدە سۇسىزلىنش كۆرۈلسە ، ئالدى بىلەن بەدەننىڭ مەلۇم. فۇنكسىيە  تورمۇزلىنىدۇ ،شۇڭا سۇ بەدەندە كەم بولسا بولمايدىغان ماددا . 2. سۇ بەدەننى ئېھتىياجلىق ئېنېرگىيە بىلەن تەمىنلەيدۇ . 3. سۇ ھۈجەيرە تۈزۈلۈشىنى قۇرغۇچى يېپىشقاق ماددا . 4. سۇ گېنىنىڭ بۇزغۇنچىلىققا ئۇچرىشىنىڭ ئالدىنى ئالىدۇ. 5. سۇ يىلىك ئىممۇنىتېت سىستېمىسىنىڭ ئۈنۈمىنى يۇقىرى كۆتۈرىدۇ ، شۇنداقلا بەدەننىڭ راكقا قارشى تۇرۇش ئىقتىدارىنى يۇقىرى كۆتۈرىدۇ. 6. سۇ بارلىق يېمەكلىك ، ۋىتامىن ۋە مىنېرال ماددىلارنىڭ ئاساسلىق ئېرىتكۈچىسى. 7. سۇ يېمەكلىكلەرنىڭ ھەزىم قىلىنىش ، سۇمۈرۈلۈشى ۋە ماددا ئالمىشىشىنى ئىلگىرى سۇرۇشكە ياردەم بېرىدۇ . 8. سۇ بەدەننىڭ ھەرقايسى ئورۇنلىرىدىكى زەھەرلىك ، كېرەكسىز ماددىلارنى تازىلايدۇ . 9. سۇ بوغۇملارنى سىلىقلاشتۇرۇپ، بوغۇم ياللۇغى ۋە گەجگە ئاغرىشنىڭ ئالدىنى ئېلىشقا ياردەم بېرىدۇ . 10. سۇ قەۋزىيەتنىڭ ئالدىنى ئالىدۇ . 11. سۇ يۈرەك كېسەللىكى ۋە سەكتىنىڭ پەيدا بولۇش ئېھتىمالىنى ئازايتىشقا ياردەم بېرىدۇ . 12. مۇ يۈرەك ۋە مېڭە قان تومۇرىنىڭ توسۇلۇپقېلىشىنىڭ ئالدىنى ئالىدۇ . 13. سۇ چوڭ مېڭىنىڭ تەپەككۇر قىلىش ئىقتىدارىنى ئىلگىرى سۈرىدۇ . 14. سۇ بارلىق ھورمونلارنى تەڭشەيدۇ . 15. سۇ ئادەمنىڭ زېھنىنى مەركەزلەشتۈرۈشكەياردەم بېرىپ، بۇ ئارقىلىق خىزمەت ئۈنۈمىنى ئاشۇرۇشقا ياردەم بېرىدۇ. 16. بارلىق ئىچىملىكلەرگە سېلىشتۇرغاندا ، سۇ ئەڭ ياخشى ئىچىملىكتۇر. 17. سۇ روھىي بېسىم ، تەشۋىشلىنىش ۋە قايغۇرۇشنى پەسەيتىشكە ياردەم بېرىدۇ. 18. سۇ ئۇيقۇنى ياخشىلايدۇ . 9ا. سۇ تېرىنى تېخىمۇ ياخشىلاپ ، قېرىشنى كېچىكتۈرىدۇ. 20. سۇ كۆزنى تېخىمۇ روشەنلەشتۈرىدۇ . 21. سۇ گلاۋكوما كېسىلى (كوز بېسىمى ئېشپ كېتىش كېسىلى) نىڭ ئالدىنى ئېلىشقا ياردەم قىلىدۇ. 22. سۇ يىلىكنىڭ قان ئىشلەپ چىقىرىش مېخانىزمىنى نورماللاشتۇرۇپ، ئاق قان كېسىلى ۋە لىمفا ئۆسمىسىنىڭ ئالدىنى ئېلىشقا ياردەم قىلىدۇ . 23. سۇ بەدەننىڭ ئىممۇنىتېت كۈچىنى تېخىمۇ ئاشۇرۇپ ، يۇقۇملىنىشقا ۋە راك ھۈجەيرىسىنىڭ ھاسىل بولۇشىغا قارشى تۇرىدۇ . 24. سۇ قاننى سۇيۇقلاشتۇرۇپ، قان ئۇيۇپ قېلىشنىڭ ئالدىنى ئالىدۇ . 25. سۇ بىلەن ئورۇقلاش ئەڭ ياخشى ئۇسۇللارنىڭ بىرى بولۇپ ، بەزىدە قورساق ئاچقاندا سۇ ئىچىش  ئارقىلىق كۆپ تاماق يېيىشنى توسقىلى بولىدۇ . 26. سۇ ھامىلىدارلىق مەزگىلىدىكى قۇسۇش ئەھۋالىنى ئازايتىدۇ . 27. سۇ ياشنىڭ چوڭىيىشىغا ئەگىشىپ كۆرۈلىدىغان ئەستە ساقلاش ئىقتىدارىنىڭ چېكىنىش ، دېۋەڭلىك كېسىلى ، كوپ ئورۇنلۇق قېتىشىش كېسىلىنىڭ ئالدىنى ئېلىشقا ياردەم بېرىدۇ . ئادەم تېنىدە ھەر 24 سائەتتە ئايلىنىپ تۇرىدىغان سۇنىڭ مىقدارى 40 مىڭ ئىستاكان سۇغا باراۋەر بولىدۇ . بەدىنىمىز ھەركۈنى 6 ~ 10 ئىستاكان سۇنى خورىتىدۇ ، شۇڭا ھەركۈنى خورىغان سۇنى تولۇقلىغاندىن باشقا ، يەنە شۇنچىلىك سۇنى ئىستېمال قىلىشىمىز كېرەك . شۇنداق قىلغاندا بەدەننىڭ ماددا ئالمىشىش تەڭپۇڭلۇقىغا كاپالەتلىك قىلغىلى بولىدۇ . سۇ ئىچىشتىمۇ ئىلمىيلىك بولمىسا سۇدىن زەھەرلىنىشنى كەلتۈرۈپ چىقىرىدۇ. سۇدىن زەھەرلىنىشنىڭ خەتىرى بىرقەدەر چوڭ ، شۇڭا ،ئۇسسىغاندا سۇنى ئاز - ئازدىن ئىچىش، ھەرگىزمۇ بىر قېتىمدا كۆپ مىقداردا سۇ ئىچمەسلىك ھەم مۇۋاپىق مىقداردا تۇز تولۇقلاش لازىم.

kamiran

	مەن  بەك  كۆپ  سۇ  ئىچىمەن

otkankunlar

	سەھەردە سۇۋىتىلغان سۇدىن بىر ئىستاكان ئىچىپ بەرسە ،تەنگە شىپا بولىدۇ دەيدۇ .راستما نازىنىن ؟

قەھۋە

	نازىنىننىڭ ئورنىدا مەن جاۋاب بېرىۋىتەي ئەپەندىم. ھەر كۈنى ناشتىدىن بۇرۇن سوۋۇتۇلغان قايناقسۇ ئىچىش تەن سالامەتلىككە ئىنتايىن پايدىلىق. ئۇزۇن ئۆمۈر كۆرۈشنىڭ بىرىنچى دورىسى، دېسەكمۇ بولىدۇ.       سۇ بولمىسا قانداقمۇ تۇرمۇش كەچۈرەرمىز دەيمەن. باشقا ھەر قانداق نېمە كەم بولسا مەيلىكىن، سۇ بولمىسا ھەممە نەرسە تۈگەيدىكەن. ئاچ قالساقمۇ بولىدىكەن، ئەمما سۇ بولمىسا كۈن ئۆتكۈزۈش بەك تەسكەن. بولۇپمۇ مەن ئۈچۈن، بىرەر يېرىم كۈن سۇ توختايدىغان بولسا ئادەم چولاق بولۇپلا قالدىكەن ئەمەسمۇ، بولۇپمۇ بىنادا. مۇشۇنىڭدىن ئاللاھنىڭ قۇدرىتىنىڭ شۇنچىلىك كۈچلۈكلىكىىنى بىلىۋالغىلى بولىدۇ دە مانا.      سۇ-ھاياتلىقتا كەم بولسا بولمايدىغان گۆھەر!!!

nazinin

	مەن بېرىدىغان جاۋابنى قەھۋە خانقىز  بېرىپ بوپتۇ . ئۆتكەن كۈنلەر ئەپەندىم  ئەتتىگەندە بىر ئىستاكان سوۋۇتۇلغان قايناقسۇنى ئىچىشتىن بۇرۇن ،ئۇنىڭغا بىر قوشۇق ھەسەل ئارىلاشتۇرىۋەتسىڭىز ئۈنۈمى تېخىمۇ ياخشى بولىدۇ ، يەنى ئۈچەينىڭ سىلىقلىقىنى ئاشۇرۇپ ،قەۋزىيەت بولۇشنىڭ ئالدىنى ئالىدۇ .

otkankunlar

	بەرگەن جاۋابىڭلاردىن شۇنداق بىر ھەقىقەتنى چۇشۈنۈپ يەتتىم.سۇ _ھاياتلىقنىڭ جان تومۇرى. دىگىنىڭلاردەك مەن سەھەردىلا 20-30پىرسەت سۇۋۇتىلغان قايناقسۇنى ئىچىۋېتىمەن. ھايات-مەن ئۈچۈن ئەڭ قەدىرلىك!

قەھۋە

	راست دەيسىز ئەپەندىم، ھاياتنى سۆيگەنلىك-ئۆزىنى سۆيگەنلىك!

otkankunlar

	قەھۋەنىڭ پىكىرى توغرا. سۆيۈلۈش ئۈچۈن ئالدى بىلەن سۆيۈش كېرەك.ئۆزىنى سۆيگەن،ئۆزىنى ياخشى كۆرگەن ئادەمنى باشقىلارمۇ ياخشى كۆرىدۇ.دۇنياغا مۇھەببەت بىلەن قارالىغان ئادەم ھەر كۈنىنى خۇشاللىق ئىچىدە ئۆتكۈزالايدۇ. بىز سۇ بولساق،ئۆيدىكىلەر،ئەتراپىمىزدىكى كىشىلەر بىز ئۈچۈن مۇنبەت تۈپراق بولالايدۇ.

خۇشچىراي

	سۇ تېرىنى تېخىمۇ ياخشىلاپ ، قېرىشنى كېچىكتۈرىدۇ. .................................. سۇنىڭ پايدىسى بەك كۆپ .