قۇرغاق قورۇماچۆپنى يەپ باققانمۇ ؟

خۇشچىراي

	خۇرۇچى: ئۇن  ،  قوي گۆشى ،  پىياز ،،  كۆكمۇچ ،  ياكى  سامساق  چوكىسى ، پەمىدۇر  قىيامى ، قاقمۇچ  ، سامساق  چانالمىسى ، جاڭيۇ ، تۇز ، سۇ  يېغى ، كاۋاۋىچىن ، تېتىتقۇ ، ئاچچىقسۇ قاتارلىقلار . ئىتىش  ئۇسۇلى : 1.  ئۇنغا سۇ ، تۇز  قوشۇپ  مۇۋاپىق  چىڭلىقتا  خېمىر  يۇغۇرۇپ ، يېرىم سائەت  تىندۇرغاندىن كېيىن ، قېلىنراق يېيىپ ، توم ئۈگرە  قىلىپ  كېسىسىز ، 2.  قازانغا  سۇ  قۇيۇپ ، قاينىغاندا  ئاشنى سېلىپ پىشۇرۇپ سۈزىۋالىسىز  ،  بەك  پىشۇرۇپ  ئېزىلدۈرىۋەتسىڭىز ، يولدىشىڭىز  تىللايدۇ .  ئاشنى  سۈزىۋالغاندىن كېيىن مۇزدەك  سۇدا  چايقاپ  سوۋۇتۇسىز ، ھورۇنراق  بولسىڭىز  ئادەتتىكى پىلتە لەغمەن ( چۆپى )نى ئىشلەتسىڭىزمۇ بولىدۇ . 3.  قوي گۆشىنى  نېپىز  ياپراقچە  توغراپ ، جاڭيۇ ، كاۋاۋىچىن تالقىنى ، تۇز ، كىراخمال  گىدىككىنە  ئاچچىقسۇ  تېمىتىپ ئارىلاشتۇرۇپ  ، تەم كىرگۈزىسىز . 4. قازانغا ياغ قۇيۇپ ، قىززىغاندا گۆشنى  سېلىپ  ، ساغارغاندا  ئېلىۋالىسىز . ئالاھىدىلىكى ، رەڭگى قىزغۇچ ، سېرىق ، قۇرغاق تەمى  تۇزلۇق ئاچچىق ، مەززىلىك خۇشبۇي ، يىيىشلىك ، ئىسسىقلىق ئىنىرگىيەسى يۇقۇرى ، سوغۇق كۈنلەردە  ئىستىمال قىلىشقا  بەك  لايىق . 5. قازانغا بىر قوشۇق  ياغ قۇيۇپ ، قاقمۇچنى سېلىپ ، ئارقىدىن پىياز ، كۆكمۇچلارنى سېلىپ قورۇپ ، پەمىدۇر قىيامىنى( بىر قوشۇق ) سېلىپ ، تۇز ، جاڭيۇ قۇيۇپ ، ئاشنى سېلىپ ، ئىتتىك ئوتتا قورۇپ ، سامساق  چانالمىسى ، تېتىتقۇنى سېلىپ ،  ئاچچىقسۇ  تېمىتىپ   تەخسىگە ئالىسىز  ،  ھېچكىمگە  بەرمەي  يەيسىز .   خەقلەرگە  « مەن قۇرغاق چۆپ قورۇمىسى »  يىدىم ،  دەيسىز ...               دىققەت : 1. پەمىدۇر  قىيامى  ئىشلىتىڭ ، يېڭى  پەمىدۇر  ئىشلەتمەڭ ، بولمىسا  سۈيى چىقىۋېلىپ ، قۇرغاقلىق سۈپىتىگە  تەسىر يىتىدۇ. 2. قوي گۆشىنى قىممەت  دىسىڭىز  ، موزاي گۆشىنى ئىشلەتسىڭىزمۇ  بولاۋېرىدۇ . 3. كەرەپشى ( چىڭ سەي ) ، چوكا ماش ( جاڭدۇ )  سەي كاۋا ، پىدىگەن، كۆكبەسەي  قاتارلىقلارنى ئىشلەتسىڭىزمۇ بولىدۇ. 4. سامساق  چانالمىسىنى  سېلىشنى ئۇنتۇپ  قالماڭ ، قورۇما  چۆپلەرنى  سامساق بىلەن ئاچچىقسۇ ئوخشۇتۇدۇ......

ayguzal

	ئادەمنىڭ يىگۈسىنى كەلتۈرۈپ.......

ayqiz

	مېنى مېھمان قىلىدىغانلار بارمۇ ؟

قەھۋە

	ھازىر مۇشۇ 干煸炒面 دەپ دۈملا چۈشىدىغان بولدۇق. رەھمەت خۇشچىراي! دەم ئالغاندا ئالدىرىماي سىناپ باقىمىز.

esil

	نىمداق جىق ئى ئالار ئاۋۇ

مەرۋەرى

	ئېسىمدە قېلىشىچە بۇ تاماقنى 3 يىل ئىلگىرى<جاھانگىر تېز تاماقخانىسى> دا يىگەن ئىدىمئەمدى ۋاقىت چىقىرىپ بىر سىناپ باقسام بولغىدەك

خۇشچىراي

	ئاللا مەرۋەرى ئۇنداق بولسا گەنبىيەن سومەن دىگەننىڭ قاتىلىنى يەپسىز جۇمۇ ، جاھانگىر تاماقخانىسىنىڭ مۇشۇ تامىقى بەك ئوخشايدۇ زادى .

Huxnizad

	ئۆيدىمۇ ئوخشىتىپ ئەتسىە بەك يىيىشلىك بولىدۇ، خانىم قىزلار ھە دىسە تاماقخانىغا يۈگۈرمەي ئۆيدە ئېتىپ بېقىڭلار.