تۇرمۇشنى خوشال - خورام ئۆتكۈزۈشنىڭ 38 چارىسى

arman-taxkin

	تۇرمۇش بېسىمى ئېغىرلىشىۋاتقان ھازىرقى دەۋىردە قانداق قىلغاندا خوشال ياشىغىلى بولىدۇ ؟ ئامېرىكا «ئەرلەر ساغلاملىقى» ژورنىلى ماقالىسىدە تەتقىقات نەتىجىلىرىگە ئاساسەن تۇرمۇشتا بېسىمنى يىنىكلىتىشنىڭ 38 ئۇسۇلىنى يەكۈنلەپ چىققان . بىز بۇنى ئوقۇرمەنلەرنىڭ پايدىلىنىشى ئۈچۈن سۇندۇق : 1. ئاپلىسىن شەربىتىنى كۆپرەك ئىچىپ بېرىڭ :  ئەڭ يېڭى تەتقىقاتلارغا قارىغاندا ، كۈندە بەدەنگە ۋىتامىن Cنى يېتەرلىك تۇلۇقلىغاندا ،  ئادەم بەدىنىدىكى غىدىقلىغۇچى ھورمۇنلارنى تۆۋەنلىتىدىكەن .  كۈندە ئىككى ئىستاكان . يەنە تەخمىنەن 250 مىللىلېتىر ئاپلىسىن شەربىتى ئىچىپ بەرگەندە ، بەدەننىڭ ۋىتامىن C غا بولغان  ئېھتىياجىنى قاندۇرۇپلا قالماي ، يەنە بېسىمنى تۆۋەنلىتىشكە پايدىلىق ئىكەن . 2.تېلىفون ئىشلىتىشتىن بۇرۇن چوڭقۇر نەپەسلىنىۋېلىڭ : يان تېلىفونىڭىزغا « تېلىفوننى ئېلىشتىن بۇرۇن چوڭقۇر نەپەسلىنىۋېلىڭ » دېگەندەك  ئۆزىڭىزنى ئاگاھلاندۇرىغان خەتنى يېزىپ چاپلاپ قۇيۇڭ .  بۇ ، ئۆزىنى ئازادە تۇتۇشنىڭ ھەم  بېسىمنى يىنىكلىتىشنىڭ سىرى . چوڭقۇر نەپەسئېلىۋالسىڭىز ، ئاۋازىڭىز تېخىمۇ تەبىئىي چىقىدۇ . 3. قۇلاق يۇمشىقىنى چۆرگىلىتىپ ئۇۋۇلاپ بېرىڭ : ئىككى قولىڭىز بىلەن ئىككى قۇلىقىڭىزنىڭ يۇمشىقىنى تۇتۇپ تەتۈر يۆلىنىش بويىچە چۆرگىلىتىپ ئۇۋۇلاڭ . بۇ ، چوڭ مىڭە پوستىلاق قەۋىتىنىڭ ھەرىكەتلىنىشىگە پايدىلىق بولۇپ ، بېسىمنى تۆۋەنلىتىدۇ . 4. سورۇنلاردا سۆزلەشتىن بۇرۇن جىمجىت تۇرۇپ ئىككى سىكونت كۈلۈمسىرەڭ :  نۇتۇق سۆزلەشتىن قورقامسىز ؟ تۆۋەندىكىلەرگە قاراپ كۈلۈمسىرەپ ئىككى سىكونت جىمجىت تۇرىۋېلىڭ . شۇنداق قىلغاندا ، سۈرئەتنى ئاستىلىتىپ ، تاماشىبىنلارنى تېخىمۇ ئازادە تۇيغۇغا كەلتۈرگىلى ، شۇنىڭ بىلەن بىللە ، ئۆزىڭىزدىكى جىددىيلىكنى پەسەيتكىلى بولىدۇ . 5. بىر نەچچەيلەن بىلەن قەھۋە ئىچىڭ : نۇرغۇن كىشى قەھۋە ئىچىپ بېسىمنى تۆۋەنلىتىشنى ياقتۇرىدۇ .بىراق ، ئەنگىلىيە تەتقىقاتچىلىرىنىڭ تەتقىقاتىغا قارىغاندا ، يالغۇز قەھۋە ئىچسە ، جىددىيلىشىش  ۋە تەشۋىشلىنىشنى ياكى نېرۋىنىڭ زىيادە سېزىمچانلىقىنى تۈگەتكىلى بولمايدىكەن . ئەمما بىر توپ كىشى بىرلىكتە قەھۋە ئىچسە ، بېسىم تەدرىجىي يىنىكلەيدىكەن . 6. كىيىمگە دەزمال سېلىڭ : كىيىمگە قايتا  ـ قايتا دەزمال سالغاندا روھنى ئۇرغۇتۇپ ، چوڭ مىڭىنى «ئاپتوماتىك ھەركەتلىنىش» ھالىتىگە كەلتۈرۈپ ، بېسىمنى پەسەيتىدىكەن . 7.   33 مىنۇت كۈچەپ ھەرىكەت قىلىڭ : مىسسۇرى ئۇنۋېرسىتېتىنىڭ تەتقىقاتىغا قارىغاندا ، 33 مىنۇت كۈچەپ چىققاندا ، بېسىمنى ئەڭ ئۈنۈملۈك تۆۋەنلەتكىلى بولىدىكەن . تېز يۈگۈرۈش ، كۈچەپ ۋېلىسپىت مىنىش ھەم  قۇم خالتىغا مۇشتلاش قاتارلىقلار بېسىمنى يىنىكلىتىشنىڭ ياخشى ئۇسۇللىرىدۇر . 8. ناخشا تېكىستى يادلاڭ : ئۆزىڭىز ياقتۇرىدىغان ناىشا تېكىستىنى يادلىسىڭىز ، ئەستە تۇتۇش قابىلىيىتىڭىز  ئاشىدۇ . بۇنىڭغا كۆنمەك تەس بولسىمۇ ، نەتىجىسى ئېنىق بولۇپ ، بېسىمنى تۆۋەنلىتىشكە پايدىلىق . 9. تەسەۋۋۇر قىلىڭ : كەپسىز بالىلارغا ياكى ئادەمنى جىددىيلەشتۈرۈۋېتىدىغان ئىشلارغا دۇچ كەلگەندە ،«ئەگر بىرسى سىزگە 100 مىڭ يۈەن بەرسە ، قانچە ئۇزاق چىداپ تۇرالايسىز ؟ »  دېگەننى تەسەۋۋۇر قىلىپ كۆرۈڭ .  شۇ چاغدا كەيپىياتىڭىزنىڭ ياخشىلىنىپ قالغانلىقىنى تۇيۇقسىز ھېس قىلىسىز . 10 . ئۆسۈملۈكلەرنى سۇغىرىڭ : ئىچىڭىز پۇشقاندا ئۆسۈملۈكلەرنى سوغىرىڭ . تەتقىقاتلارغا قارىغاندا ، ئادەم ئۆسۈملۈكلەر يېنىدا ئون سېكونت تۇرسا خېلىلا يەڭگىللەپ قالىدىكەن . 11. ئىشقا چىققان ۋە چۈشكەندە كۆكەرتىلگەن يولدىن مېڭىڭ : كۆكەرتىلگەن يوللارنىڭ مەنزىرىسى گۈزەل بولۇپ ، بۇ يولدا ماڭغاندا  كەيپىيات تۇراقلىشىپ ، بېسىم يىنىكلەيدۇ . 12. ۋاقتىدا كەچۈرۈم سوراڭ : خاتالىقىڭىزنى ئىقرار قىلىڭ ۋە باشقىلارغا زىيان - زەخمەت يەتكۈزگەن بولسىڭىز ، ئۇلاردىن ۋاقتىدا كەچۈرۈم سورىسىڭىز ، جىددىيلىكنى پەسەيتىپ ، بېسىمنى يىنىكلىتىشكە پايدىسى بولىدۇ . 13. تېننىس توپتىن تۆشۈك ئېچىپ كۈچەپ مىجىڭ : ئىككى قولنىڭ بېسىمى ئاشقاندا ، بەدەننىڭ باشقا ئەزالىرىغا چۈشكەن بېسىم ئازلاپ ، روھىي ۋە جىسمانىي بېسىم يىنىكلەيدۇ . 14. ئەنسىرەيدىغان  ئىشنى ئاۋۋال قىلىڭ : قىلغۇسى يوق ئىشلارنى ، مەسىلەن ، سالامەتلىك تەكشۈرتۈش ، ياقتۇرمايدىغان كىشىلەر بىلەن كۆرۈشۈش دىگەندەك ئىشلارنى ئارقىغا سوزغاندىن بالدۇر قىلغان ياخشى . بۇنداق قىلغاندا ، تېخىمۇ ككپ بېسىمدىن قۇتۇلغىلى بولىدۇ . 15. كۆڭلۈم ئازادە دەڭ : ئىشىكنى ئېتىۋېلىپ ، كومپىيوتىر ۋە ياڭراتقۇنىڭ  ئاۋازىنى چوڭايتىپ ، ئۆز - ئۆزىگە ئالتە مىنۇت ئەتراپىدا «كۆڭلۈم ئازادە» دەڭ ھەم چوڭقۇر نەپەسلىنىڭ . 16. ئايىغىڭىزنى مايلاپ پارقىرىتىپ تۇرۇڭ : ماڭغاندا بېسىم يىنىكلەيدۇ ، بىراق ئۆيدىن چىققاندا چۇقۇم ئاياغنى مايلاپ چىقىش كېرەك ، پارقىراپ تۇرغان ئاياغ  ئادەمگە ئىشەنچ ئاتا قىلىدۇ . 17. ساياھەت قىلىڭ : ئەگەر خوجايىنىڭىزنىڭ تەنبىھىسىدىن بېسىم ھېس قىلسىڭىز ، يىراقلارغا ساياھەتكە چىقىڭ ، يول بويىدىكى مەنزىرىلەر غەملىرىڭىزنى تۈگىتىشكە پايدىلىق . 18. ئۆيىڭىزگە سۈر رەڭلىك پەردىلەرنى ئېسىڭ : ئاچچىقى يامان كىشىلەر ئۆيىگە ئىمكانقەدەر يېشىل ياكى كۆك پەردىلەرنى  ئالماشتۇرۇپ ئىشلىتىپ رەڭنى تەڭشەپ تۇرسا ، كەيپىياتنى ياخشىلاشقا پايدىلىق بولىدۇ . . سۈرلۈك تۈس بېرىدىغان رەڭلەرنىڭ كىشىگە تەسەللى بېرىش ، كەيپىياتنى تۇراقلاشتۇرۇش رولى بار . 19. جىنسىي تۇرمۇش ئۆتكۈزۈڭ : جىنسىي تۇرمۇش ئۆتكۈزگەندە ، بەدەن ئېندورفىن ئاجرىتىدۇ . بۇ ماددا بېسىمنى ئازايتىپ ، بەدەننى يىنىكلىتىدۇ . 20. سېغىزلاي ئويناڭ : سېغىزلايدا مەغلۇبىيەت سىمۋول قىلىنغان  نەرسىنى ياساڭ . ئاندىن ئۇنى يىراققا ئېتىڭ . بۇ ھەرىكەت ئادەمنى مەغلۇبىيەتنىڭ ئازابىدىن قۇتۇلدۇرىدۇ . ھازىرقى پۇرسەتنى چىڭ تۇتۇشقا ئۈندەيدۇ . كەلگۈسىگە بولغان ئىشەنچنى چىڭىتىدۇ . 21. ئون مىنۇت بۇرۇن ھەرىكەتكە كېلىڭ : ئىشقا بارغاندا ياكى بىرەرسى بىلەن كۆرۈشمەكچى بولغاندا ئون مىنۇت بۇرۇن قوزغىلىڭ . ئەگەر ئۇنداق قىلماي ، ناۋادا يولدا ئاپتوموبىل توسۇلۇپ قالسا ، جىددىيلىشىپ ئېغىر بېسىم ھېس قىلىسىز . 22. دوستلىرىڭىزغا تېلفون قىلىڭ : خىزمەت ئالدىراش  ۋاقتىدا ئەكسىچە خىزمەت رېتىمىنى ئاستىلىتىپ ، دوستلىرىڭىزغا تېلفون قىلىپ ، قىسقىغىنا ئارام ئېلىۋالسىڭىز ، خىزمەت بېسىمىڭىز يىنىكلەپ ، خىزمىتىڭىزنىڭ ھۆددىسىدىن تۇلۇق چىقالايدىغاندەك تۇيغۇغا كېلىسىز . 23. ئايالىڭىزنىڭ قولىنى چىڭ تۇتۇڭ : شېرىن ئۇچرىشىش  قان بېسىمى ۋە يۈرەك رېتىمىنى تۆۋەنلىتىپ ، بېسىمنى ئازايتىدۇ . ئون مىنۇت قول تۇتۇشۇپ تۇرۇش كەيپىياتىڭىزنى تېخىمۇ ياخشىلايدۇ . 24. باشقىلارنى  كەچۈرۈڭ : ئۆزىڭىزنى باشقىلارنىڭ ئورنىغا قۇيۇپ  ئويلىنىپ كۆرۈڭ . باشقىلارنىڭ قىيىنچىلىقىنى ئويلىسىڭىز ، بېسىمىڭىز يىىنىكلەيدۇ . 25. قوناق يەڭ : سۇلۇ ، قوناق  قاتارلىق يىمەكلىكلەر  چوڭ مىڭىدىكى سېروتونىننى  يۇقىرلىتىپ ، خامۇشلۇق ، تەشۋىشلىنىش ۋە ھۇجۇم قىلىش خاھىشىنى ئازايتىدۇ . 26. جىسمانىي كۈچىڭىزنى خورىتىڭ : بېسىم چوڭايغاندا پىكىر يولىنى  ئۆزگەرتىپ ، « زېھنىي قۇۋۋىتىم ئورغۇپ تۇرىدۇ ، نۇرغۇن ئىشنى قىلالايمەن » دېگەنلەرنى ئويلاڭ ، ئاندىن بىرەر نەرسىنى يۆتكەڭ ياكى ئۆي ئىشىنى كۈچەپ ياخشى قىلىڭ . ھارغاندا بېسىمنىڭمۇ يوقالغانلىقىنى ھېس قىلىسىز . 27. خىزمەت ۋاقتىدا مۇزىكا ئاڭلاڭ : بىر تەرەپتىن خىزمەت قىلىپ ، بىر تەرەپتىن  مۇزىكا ئاڭلىسىڭىز بېسىمنى يىنىكلەتكىلى ھەم زۇكامدىن ساقلانغىلى بولىدۇ . 28. بىر ئىستاكان قاينىتىلغان يىلمان سۇ ئىچىڭ : يىلمان قاينىتىلغان سۇ بەدەن سۇيۇقلۇقىنى تۇلۇقلاپلا  قالماي ، يەنە بېسىمنى تۆۋەنلىتىدۇ . 29. ئىشنىڭ ئەڭ يامان ئاقىۋىتىنى ئويلاڭ : باشقىلار بىلەن توقۇنۇشۇپ قالغاندا  ئاۋۋال  يىغىزارە، ۋارقىراپ - جارقىراش ھەم ئۆزىڭىزنى ئاقلاش قاتارلىق ئاقىۋەتلەرنى كۆز ئالدىڭىزغا كەلتۈرۈڭ . بۇنىڭمۇ بېسىمنى يىنىكلىتىشكە پايدىسى بار . 30. ئاپلىسىننى پۇراڭ : ياپونىيە  تەتقىقاتچىلىرىنىڭ تەتقىقات نەتىجىسىگە قارىغاندا ، ئاپلىسىن ، لىمۇن ، مانگو قاتارلىق مىۋىلەر  ۋە  ئۇستىقۇددۇس قاتارلىق ئۆسۈملۈكلەرنىڭ خۇشپۇراقلىرى گېن ھەرىكىتىنى ۋە قاندىكى خىمىيىۋىلىك ماددىلارنى ئۆزگەرتىپ ، بېسىمنى ئازلىتىدىكەن . 31. مەسىلىگە يولۇققاندا ياخشى تەرەپنى ئويلاڭ :  بالا  زۇكام بولسا  چۇقۇم  بىئارام بولىدۇ . لىكىن ، كىشىنى خوشال قىلىدىغىنى  بۇ چوڭ كېسەل ئەمەس . بېسىم بولغاندا ئىشنىڭ ياىشى تەرىپىنى ئويلىسا جىددىيلىك پەسەيتىدۇ . 32. جاز دومنىقى چالغاننى دوراڭ : جاز مۇزىكىسىدىكى جاز دومبىقىنى چېلىش ھەرىكىتىنى ئۆگىنىۋېلىڭ ، ناۋادا ھەقىقىي دۇمباق بولمىسا ، جاز دومبىقى چالغان ھەرىكەتنى دوراپ ئۈستەلنى چىكىڭ . تەتقىقاتقا قارىغاندا ، ئوپچە جاز دومبىقى چالسا بېسىم يىنىكلەيدىكەن .  يالغۇز چالسىمۇ ئۈنۈمى ئوخشاش بولىدىكەن . 33. تەنھەرىكەت ئارىلىقىدا ئارام ئېلىڭ :  ھەرىكەت مىقدارى بەدەننىڭ ئۆلچىمىدىن ئېشىپ كەتكەندە بېسىم  پەيدا قىلىدۇ .  ئېغىر ھەرىكەت قىلغاندا  قاندىكى ھۆجەيرە ھورمۇنلىرى ئېشىپ كېتىپ ، چوڭ مىڭىنىڭ كورتىزول ئاجىرىتىپ چىقىرىشىنى تېزلىتىۋېتىدۇ . شۇڭا ، ھەرىكەت ئارلىقىدا سەل ئارام ئېلىۋالسا بېسىم يىنىكلەيدۇ . 34. تاققا چىقىڭ ، ئۇزاق يول يۈرۈڭ، سۇ ئۈزۈڭ : بۇ ھەرىكەتلەر بەدەن ساپاسىنى ئاشۇرۇشقا پايدىلىق ، شۇنداقلا بېسىمنى يىنىكلىتىدۇ . تاغلىق  ، دېڭىز بويى رايونلىرىدىكى مەنپىي ئىئون ئادەم بەدىنىنىڭ ئەركىن - ئازادە بولۇشىغا پايدىلىق  . سۇ ئۈزۈش ئادەمنىڭ پۇت قىسمىدىكى لىنفا سۇيۇقلۇقىنىڭ ئازىيىشىغا  پايدىلىق ، ئۇ ئادەمدىكى بىئاراملىقنى تۈگىتىپ ، تېرىكىش قاتارلىق يامان مىجەزنى ياخشىلايدۇ . 35. تېرىكىدىغان ئىشلارغا يولۇققاندا جىم تۇرىۋېلىڭ : مۇتەخەسسىسلەر : قارشى تەرەپ سىزنى يەنە تېرىكتۈرمەكچى بولغاندا ، ئۆزىڭىزنى سوغۇققان بولۇشقا ئاگاھلاندۇرۇپ تۇرىشىڭىزنى تەۋسىيە قىلىدۇ . سىزنى تېرىكتۈرىدىغان ئىشلارغا بىپەرۋالىق بىلەن قارىسىڭىز ، پاسسىپلىقنى تەشەببۇسكارلىققا ئۆزگەرتەلەيسىز  . بۇ ، بېسىمنى يىنىكلىتىشكە پايدىلىق . 36. 30 مىنۇت سەگەك تۇرۇڭ : ئۇيقۇڭىز قاچقاندا ، زەھەرنى زەھەر بىلەن قايتۇرۇش چارىسىنى قوللىنىپ  ، 30 مىنۇت قەتئىي ئۇخلىماسلىققا  تىرىشىپ كۆرۈڭ . بۇنىڭ بىلەن ، سىز جىددىيلىشىش ، تەشۋىشلىنىشتىن  قۇتۇلۇپ تېزلا ئۇخلاپ قالىسىز . 37. بېسىمنى ئۇيۇنغا ئۆزگەرتىڭ : ئەڭ ياخشى چەت ئەل تىلى فېلىمى بويىچە ئوسكار مۇكاپاتىغا ئېرىشكەن «گۈزەل ھايات» فېلىمىدە ، دادىسى ئوغلىغا جازا لاگېرىدىكى تۇرمۇشنىڭ ئۇيۇن ئىكەنلىكىنى ئېيتىدۇ . ئەمەلىيەت ئىسپاتلىدىكى ، بېسىم زورايغاندا ، ئۇنى ئۇيۇنغا ئوخشاتسا ، ئادەمنىڭ روھىي ۋە جىسمانىي جەھەتتىن ئەركىن - ئازادە بولۇشىغا ، تېخىمۇ ئوبدان ئامال - چارە تېپىشىغا  پايدىلىق . 38. تاماكا تاشلاڭ : تاماكا چەككەندە مىڭە دوپامىن ئاجرىتىپ چىقىرىپ ، ئادەمنى يىنىكلەپ قالغاندەك تۇيغۇغا كەلتۈرىدۇ . بىراق  ، ياۋروپا تەتقىقاتچىلىرىنىڭ تەتقىقاتىغا قارىغاندا ، دوپامىن ئازلاپ كەتسە داۋاملىق تاماكا  چەكمىسە كىشى تېخىمۇ زور بېسىم ھېس قىلىدىكەن .   مەنبە :ئىنتېرنېت تورى [ ayqiz بۇ يازمىنى  2010-يىلى 11-ئاينىڭ 2-كۈنى 21:52  دە تەھرىرلىگەن. ]

esil

	ياخشى چاركەن بۇلار ،بىر نەچچىسنى مەن دائىم سىناپ تۇرمەن بولمىسا .

قەھۋە

	بېسىپ چىقىرىۋېلىپ ئۆينىڭ تېمىغا چاپلاپ قويۇپ كۈندە كۆرۈپ تۇرغۇدەك مەزمۇنلاركەن. تېما ئىگىسىگە رەھمەت!   كۆپىنچە ئۇسۇللارنى تۇرمۇشىمىزدا ئىشلىتىپ كېلىۋاتقان بولساقمۇ، بەزىللىرىنى قوللىنىپ باقمىغان چارىلەركەن. دېمىسىمۇ ھازىرقىدەك جىددى خىزمەت بېسىمى ۋە جىىددى تۇرمۇش رېتىمى ئادەمنى ئاسان چارچىتىپ مىقداردىن ئارتۇق ئېنىرگىيە سەرپ بولۇشقا سەۋەپ بولۇپ قېلىۋاتىدۇ. مەن ئادەتتە خىزمەتتە چارچاپ كەتسەم مۇزىكا ئاڭلاشقا ئامراق. ئۆيگە قايتقاندىن كېيىنمۇ ياخشى كۆرىدىغان ناخشىللىرىمنى تاللاپ ئېچىپ قويۇپ باشقا ئىشلارنى قىلىمەن. يەنە بەزىدە دوستلار بىلەن سىرتقا چىقىپ ئولتۇرۇپ كېلىمىز، پاراڭلىشىمىز. ئائىلە، جەمئىيەت، پەرزەنتلەر، چوڭلار، ساۋاقداشلار، ئوقۇغان چاغلاردىكى گۈزەل ئەسلىمە...ئىشقىلىپ نەچچە قىز بىر يەرگە كەلسە گەپ تېمىسى ئۈزۈلۈپ قالمايدىغۇ. ياكى قەھۋە ئىچىشكەچ چەتنىڭ مۇزىكىللىرىدىن ھوزۇرلىنىمىز.  توغرا، چارچىغىنىڭلاردا مېنى ھايت دەڭلار، ھاردۇقۇڭلارنى چىقىرىپ قويىمەن. ئائىلە بويىچە كوچا چۆگىلەيمىز دېگەندەك. ئىشقىلىپ ئادەم چارچىغاندا، ھارغاندا، بېسىم ھېس قىلغاندا چوقۇم ئۆزىنى تەڭشەپ تۇرۇشى كېرەك. گۈزەل نەرسىلەرنى خىيال قىلىش، يېقىشلىق، ئۆزى خۇشال بولىدىغان ئىشلار بىلەن شۇغۇللىنىش كېرەك.  بۇنداق بولغاندا ئاسان قېرىپ كەتمەيدۇ ھەم بالدۇر كېسەل بېسىۋالمايدۇ. يىنىكلەپلا قالىدۇ. تۇرمۇش ناھايىتى شات-خۇراملىق ئىچىدە ئۆتىدۇ.

خۇشچىراي

	بولۇپمۇ ھازىرقىدەك ھەممە بېسىملار ئېشىپ كىتىپ بارغان ۋاقىتتا ،چۇقۇم مۇشۇنداق ياخشى چارىلەردىن پايدىلىنىشىمىز كىرەك .