يەتتە قىزلىرىمدىن دوستلارغا ئوتلۇق سالام!

مەرۋەرى

	ئەسسالامۇ ئەلەيكۇم، مۇنبىرىمىزنى يېقىندىن قوللاپ قۇۋەتلەپ كېلىۋاتقان دوستلار! ھەممىڭلارنىڭ تۇرمۇشىڭلارغا بەخت، تېنىڭلارغا سالامەتلىك تىلەيمەن! تۈنۈگۈندىن بېرى مۇنبەرنىڭ كەيپىياتىنىڭ يۇقۇرى كۆتۈرۈلۈشى ۋە دوستلارنىڭ پىكىرلىرىنى ئوقۇپ، بولۇپمۇ ئايچىۋەرنىڭ « ئەمەلىيەتتە بۇ مۇنبەر دەل ئاشۇنداقلارنىڭ سىردىشى بولۇشى كېرەكتى . بۇندىن كېيىن بوپ قالار » دېگەن سۆزىنى ئوقۇپ كۆپ ئويلاندىم. دوستلار مۇنبەرنىڭ تەرەققىياتىغا مۇشۇنداق كۆڭۈل بۆلۈۋاتقان يەردە بىزنىڭ يەنە قاراپ تۇرۇشقا باھانىمىز يوق. شۇڭا تۆۋەندىكىدەك يېڭى تۈرلەرنى ۋە پائالىيەتلەرنى يولغا قويۇشنى لايىق تاپتۇق. 1. مۇنبىرىمىزدە مەيلى باشقا مۇنبەرلەر يولغا قويغان بولسىمۇ ئىجادىي ئەسەرلەرنى باھالاش پائالىيىتى ئۆتكۈزۈشنى قارار قىلدۇق، پائالىيەت ۋاقتى ۋە تەپسىلىي ئىشلارنى ۋاقتنى بېكىتىپ بولۇپ ئايرىم ئۇقتۇرۇش قىلىمىز. 2. مۇنبىرىمىزدە تىببىي خادىملارنىڭ كۆپلىكى بىزنىڭ ئارتۇقچىلىقىمىزنىڭ بىرى، دوستلىرىمىزنىڭ تىببىي مەسلىھەت سەھىپىسىگە نوقۇل تېمىلا ئەمەس، بەلكى ئۆزى تۇرمۇشتا يولۇققان مەسىلىلەرنى ئوتتۇرغا قويسىمۇ بىز كۈچىمىزنىڭ يېتىشىچە مەسلىھەت ۋە ياردەم قىلىمىز. يېتىشمىگەن يەرگە باشقا پىشقەدەم دوختۇرلاردىن ياردەم سورايمىز، سىزنىڭ تەلىپىڭىزنى كۈچىمىزنىڭ يېتىشىچە قاندۇرىمىز. 3. ئاپتونوم رايونلۇق روھىي كېسەللىكلەر دوختۇرخانىسىدا پىسخىكا دوختۇرى دوستىمىز بار، شۇنى مۇنبەرگە تەكلىپ قىلىش ئارقىلىق سىزنىڭ پىسخىكا جەھەتتىكى ئۇچرىغان مەسىلىلىرىڭىزنى ھەل قىلىشىڭىزغا ياردەم قىلساق، ئۇنىڭدىن باشقا ئانا-بالىلار ساقلىقنى ساقلاش دوختۇرخانىسىدىكى ساۋاقدىشىمىز ئارقىلىق پەرزەنتىڭىزنىڭ پىسخىكىسىدىكى مەسىلىلەرنى ھەل قىلىشىڭىزغا ياردەم قىلساق دېگەن ئۈمىدتە بىز. 4. ئەتراپىمىزدا مېھرىبان ئانىلارنىڭ كۆپلەپ مەيدانغا كېلىشى سىز ۋە بىزنى تولىمۇ خۇش قىلىدۇ، شۇ سەۋەنلىك ئەتراپىمىزدىكى شۇنداق مېھرىبان ئانىلارنى تەۋسىيە قىلسىڭىز بىز يۈز تۇرانە زىيارەت ئورۇنلاشتۇرساق ۋە شۇ توپلارغا قوشۇلۇپ جەمئىيەتكە بىر كىشىلىك تۆھپىمىزنى قوشساق دېگەن ئۈمىتلەر بىلەن بۇ تېمىنى يوللاپ ئولتۇرۇپتىمىز، ئەمدى كۆپنىڭ ئەقلى كۆپ، يەنە تولۇقلايدىغان يەرلىرى بولسا تولۇقلاپ، ياخشى پىكىرلەر بولسا ئايىماي ئوتتۇرىغا قويسىڭىز ، يەتتە قىزلىرىم مۇنبىرى مەڭگۈ سىزنىڭ كۆڭۈللۈك سورۇنىڭىز بولۇپ قالغۇسى!

ulughbik

	يوللار ئەگرى توقاي ئىستىقبال پارلاق

Erkman

	مەن روھىي كېسەل دوختۇرىغا بىر كۆرۈنمىسەم بولمىدى!

tanhabora168

	بۇ ئارتۇقچىلىق باشقا مۇنبەرلەرگە قارىغاندا نوقول پەرىقلىنىدۇ . ئارتۇقچىلىقنى  ياخشى جارى قىلدۇرشىڭىزلارنى ئومىت قىلىمىز

مەرۋەرى

	رەھمەت تەنھا بۆرە 168ئامال بار ئۆزىمىزدىكى ئارتۇقچىلىقلارنى جارى قىلدۇرۇشقا تىرىشىمىز! ئەركمان ئاكا ئەگەر خالىسىڭىز مەن دوستۇمنىڭ چ چ نومۇرىنى يوللاپ بېرەي!

جۇلالىق

	يەتتە قىزلىرىم ئۈچۈن ياخشى تەكلىپلەر بوپتۇ. بۇرۇن يەتتە قىزلىرىم مەسلىھەتخانىسى ئايرىم بېتىنى ئېچىپ مۇھەببەت ۋە ئائىلىدە قىيىنچىلىقلارغا ئۇچرىغان تورداشلارغا مۇۋاپىق مەسلىھەتلەرنى بېرىپ خېلى ئۈنۈمى بولغان ئىدى. جەمئىيەتتە قىز-ئوغۇللار مۇھەببەتلىشىش جەريانىدا نۇرغۇنلىغان مەسىلىلەرگە ئۇچرايدىكەن. ئەسكەرتىش:  قىز-ئوغۇللارنىڭ مۇھەببەتلىشىشىنى قوللاشنى مەخسەت قىلىپ دىمەكچى ئەمەسمەن. قىز-ئوغۇللىرىمىزنى مۇھەببەتلەشمە دېسەكمۇ بۇلار مۇھەببەتلىشىۋېرىدىكەن. شۇڭا بەزى ئەتراپىدا بولىۋاتقان ئىشلاردىن گاڭگىراپ ماڭىدىغان يوللىرىنى تاپالمايۋاتقان قىزلىرىمىز ئۈچۈن ئازراق ئىش قىلىپ بەرسەك ئىكەن. يەتتە قىزلىرىم مۇنبىرىنى قۇرۇشتىكى مەخسەتمۇ شۇ ئىدى. خانىم-قىزلارنىڭ جاۋاب تاپالماي قالغان سوئاللىرىغا جاۋاب تېپىلىپ قالسا مۇنبەر ئۈچۈن جان كۆيدۈرۈۋاتقان ئەزىزلەر چەكسىز خۇرسەن بولغۇسى! مېنىڭ تەكلىۋىم يەتتە قىزلىرىم خانىم-قىزلار مۇنبىرى توي قىلغان ئاياللارنىڭ ئائىلە تۇرمۇشىنى ئاساس قىلىپلا قالماي ياش قىزلىرىمىزنىڭ كېلەچىكى ئۈچۈنمۇ يوللارنى ھازىرلىساق دەپ ئويلايمەن. توي قىلمىغان ياش قىزلارنىڭ تورغا چىقىدىغانلىرى توي قىلىپ تۇرمۇش قۇرغان ئاياللاردىن خېلى كۆپ ساننى ئىگىلەيدۇ. مۇنبەردە مۇشۇنداق سەھىپىدىن بىرنى ئاچساقمۇ ياكى باشقىچە ئۇسۇل قوللانساقمۇ بولىدۇ. قېنى باشقا تورداشلار قانداق مەسلىھەت بېرىدىكىن؟

Jilwe

	4. ئەتراپىمىزدا مېھرىبان ئانىلارنىڭ كۆپلەپ مەيدانغا كېلىشى سىز ۋە بىزنى تولىمۇ خۇش قىلىدۇ، شۇ سەۋەنلىك ئەتراپىمىزدىكى شۇنداق مېھرىبان ئانىلارنى تەۋسىيە قىلسىڭىز بىز يۈز تۇرانە زىيارەت ئورۇنلاشتۇرساق ۋە شۇ توپلارغا قوشۇلۇپ جەمئىيەتكە بىر كىشىلىك تۆھپىمىزنى قوشساق دېگەن ئۈمىتلەر بىلەن بۇ تېمىنى يوللاپ ئولتۇرۇپتىمىز،     بۇ تەكلىۋىڭلارغا قوشۇلىمەن ، مۇنبەر نامىڭلار بىلەن ئۆز ئالدىڭلارغا < مىھرىۋان ئانىلار > توپى قۇرۇپ يىتەلمىگەن ئارزۇلارنى ئىشقا ئاشۇرساڭلار .

مەرۋەرى

	بولىدۇ جىلۋە، <ئىش بىرلىكتە، كۈچ ئۆملۈكتە> دېگەن گەپ بار، پىلانلىرىمىز ھەر قايسىڭلارنىڭ ياردىمىدە پات ئارىدا ئەمەلگە ئاشقاي دەپ ئويلايمەن

deldax

	ياخشى پىكىرلەركەن، ئۇيغۇر تىبابىتى بۇيۇنچە مەسلىھەت سۇراش زۈرۈر تورداشلار ئۈچۈن مەن ياردەم قىلىمەن شۇنداقلا ياخشى مەسلەھەت بىرىمەن.