ئۇيغۇرۇم نەسىھەتلىرىدىن تاللانما

ayqiz

	بىسمىللا ھىررەھمانىررەھىم ( ناھايىتى شەپقەتلىك مىھرىبان ئۇلۇغ ئاللاھنىڭ ئىسمى بىلەن باشلايمەن ) بۇ كىتاب بۇندىن 20 يىللار بۇرۇن يېزىلغان بولۇپ ھازىرغىچە ئۆيدە ساقلاپ كەلگەن ، ئاللاھنىڭ ھىممىتى بىلەن بۈگۈن كەڭ تورداشلار بىلەن بىرلىكتە بەھىرلىنىش قارارىغا كەلدىم . كىتاپتىكى مەزمۇننى ئەينەن بايان قىلدىم  . ـــــــــــــــــــــــــــــــــــــــــــــــــــــــــــ   جامائەتلەر مەن سۆزلەي دىققەت بىلەن سېلىڭ قۇلاق   غەزەپ بىلەن قايناپ تاشتى ئىچىمدىكى دەردۇ پىراق   نەزەر سالسام جەمىيەتكە يامان ئىشلار تاپتى روناق   شۇ سەۋەپتىن بۇكىتاپنى يېزىپ چىقتىم نەزەر ئەيلەڭ   1   يۇرت مەھەللە قىمارۋاز ۋە ئىچەرمەنگە تولۇپ كەتتى   خالايىقلار شەرئى تۇتماي شۇنداق ئىشقا كۇنۇپ كەتتى   ئىتنى ئىتقا تالاشتۇرۇپ خۇشاللىنىپ كۇلۇپ كەتتى   شۇنىڭ ئۈچۈن نەھى مۇنكەر قىلىپ ئۆتتۇم نەزەر ئەيلەڭ   2   بەزى كىشلەر ئوياش ئۈچۈن پۇلنى بۇزۇپ ئىتنى ئالدۇق   شەيتانلارنى شاتلاندۇرۇپ تالاشتۇرۇپ ھوزۇر ئالدۇق   شۇنداق قىلىپ ئاخىرەتكە گۇناھلاردىن خالتا سالدۇق   سىزنىڭچە بۇ توغرا ئىشمۇ قېرىنداشلار نەزەر ئەيلەڭ   3   ئىتنى ئالغان شۇپۇللارنى ئاجىزلارغا خەيرى قىلساق   ياكى كىگىز گىلەم ئېلىپ مەسچىتلەرگە نەزىرە قىلساق   گورنى روشەن قىلماسمىدى ئەجەل يىتىپ ئۈلۈپ قالساق   بۇرادەرلەر بۇنداق بىدئەت يامان ئىشتىن ھەزەر ئەيلەڭ   4   ئىتنى ئىتقا تالاش تۇرۇپ ھۈزۈرلىنىپ كۇلۇپ يۇرسەك   ئىككى دوستنى دوشمەن قىلىپ گۇناھلارغا چۈمۈپ يۇرسەك   ئىتلاربىلەن بىرگە يېتىپ بىر سۇڭەكنى يالاپ يۇرسەك   قىيامەتتە بىزلەرنى ھەم شۇنداق قىلۇر ھەزەر ئەيلەڭ   5   بىرنىڭ سۆزنى بىرگە تۇشۇپ ئىككى ياخشىنى يامان قىلسا   جانۋارلارنى ئۈسسۈشتۇرۇپ تالاشتۇرۇپ زۈلۈم قىلسا   گۆر قىستايدۇ ئۇنداق كىشى ئەجەل يىتىپ ئۈلۈپ بارسا   ئەل قىساسى مىنەل ھەقتۇر شەرىئەتتە ھەزەر ئەيلەڭ   6   ئىتۋازنى ئىت سۇرتىدە قىلىپ ئاللاھ ئۇنى تالاشتۇرغاي   مۇڭۋاز سىزگە مۇڭۋاز بىرىپ قىساس ئۈچۈن ئىزنى قىلغاي   بۇدۇنيادا خارلانغانلار زالىملاردىن قىساس ئالغاي   سىزگە راھەت كىرەك بولسا بۇ ئىللەتتىن ھەزەر ئەيلەڭ   7   ياخشنى يامان قىلىپ ئۆيمۇ ئۆي ئېقىپ يۇرگەن   كىشىنىڭ سۆزىنى كىشىگە توشۇپ بىرنى بىرگە چېقىپ يۇرگەن   كىشىلەرنىڭ ئۈستىلىردە ھەرخىل گەپنى تېپىپ يۇرگەن   مۇناپىقلار ئايەت ھەدىس مەناسىگە نەزەر ئەيلەڭ   8   لاتەجەسسە سوۋە لايەغتەب بەئزۇكۇم بەئزەن دىدى ئاللاھ   سۆز تۇشىماڭ غەيۋەت قىلماڭ بىر بىرىڭىزنى مۇسۇلمانلار   غەيۋەت قىلىپ ئادەم گۆشنى يىمەڭ دىدى رەسۇرۇللاھ   بۇ ئەمىرگە بۇيۇن سۇنۇپ نەھىلەردىن ھەزەرئەيلەڭ   9   سۆز تۇشۇغۇچى قىيامەتتە مايمۇن سۇپەت ھەشىر قىلۇر   غەيۋەتچىنى قىلىنغۇچىنىڭ گۆشنى يىيىشكە ئەمرى قىلۇر   بۇ ئەمىرگە ئامالى يوق ئول جەسەتنى غاجاپ يىيۇر   ھەشرى نەشرى كۇنلىرىدىكى رەسۋالىقدىن ھەزەر ئەيلەڭ   10   شەرىئەتتە چوڭ ساۋاپ دۇر 2ياماننى ياراشتۇرماق   ئاداۋەتلىك ئەر خۇتۇننى سۈلھى قىلىپ بۇلاشتۇرماق   مۇسۇلماننىڭ ئوغۇل قىزنى سايە قىلىپ تۇنۇشتۇرماق   ساۋاپ ئىشقا قەدەپ تاشلاپ يامان ئىشتىن ھەزەر ئەيلەڭ   11   بىرسى ئازراق پايدا كۆرسە ئىچنى ئۇرۇپ تىنمايدىغان   شۇ پايدىنى مەن كۆرسەم دەپ ئۇخلىماي ئويلايدىغان   ئىچنى تارتىپ ھەيزى كۇرۇپ ئىشتىنىنى بۇلغايدىغان   ھەسەتخورلار مۇنداق ئىشتىن ئۈمۈت ئۇزۈڭ ھەزەر ئەيلەڭ   12   شەرىئەتتە پۇل مالىنى جازانىغا بىرىپ يۇرسە   خۇتۇن قىزلار ئەۋرەت ياپماي باشلىرىنى ئېچىپ يۇرسە   ھەسەتخور ۋە سۇخەنچىلەر بىر بىرىگە چېقىپ يۇرسە   دۇئا قىلساق قۇبۇل بولماس بۇ ئىشلاردىن ھەزەر ئەيلەڭ   13   بۇگۇن كۇندە قۇلۇم قوشنا كىسەل بولسا كۆرمەيدىغان   قازا يىتىپ ئۈلۈپ قالسا نامىزىغا بارمايدىغان    ئايدا يىلدا ئۆتنە يېرىم سىلە رەھىم  قىلمايدىغان   يامان ئادەت ئەۋجى ئالدى شەرىئەتكە نەزەر ئەيلەڭ   14   شەرىئەتتە ۋاجىپ دۇر مۇسۇلمانغا كىسەل كۆرمەك   مۇسۇلمانلار قازاتاپسا نامازىنى ھەم ئۆتىمەك   پېقىر ئاجىز مىسكىنلەرگە خەيرى قىلىپ ياردەم بەرمەك   بۇ ئەخلاققا يۇرۇش قىلىپ يامان ئىتىن ھەزەر ئەيلەڭ   15   يول يۇرگەندە يول ئۈستىدىن تاش تىكەننى ئېلىپ تاشلاش   تۇل خۇتۇن ۋە يىتىملارغا ياردەم بىرىپ بېشىنى سىلاش   ئەمرى مەئرۇپ نەھى مۇنكەر قىلىپ ئەلنى يولغا سۇلاش   دىنىمىزنىڭ ئاساسىدۇر جامائەتلەر نەزەر ئەيلەڭ   16   تۇخۇ ئكدەك قوي كالىنى قوشنىلارنىڭ يېردە باققان   چىتنى بۇزۇپ يىرنى شىلىپ دىل ئاغرىتىپ تامنى چاققان   خوتۇن قىزنى ئېزىقتۇرۇپ زىنا قىلىپ كۆڭۇل ئاچقان   نۇمۇسسىزلار شەرىئەتنىڭ ھوكۇملىرگە نەزەر ئەيلەڭ   17   قوشنىلارغا ئازار بەرگەب شەرىئەتتە مۆئمىن ئەمەس   ھەرقانچە كۆپ ئىبادەت قىلسا ۋەللاھۇ ئەئلەم مەقبۇل ئەمەس   ھەقتەئالا ئۇنداق كىشنى ئىككى ئالەم بەندەم دىمەس   بۇ سۆزلىرىم يالغان بولسا كىتابۇلغا نەزەر ئەيلەڭ   18   كىسەل بولساق قولۇم قوشنا ھالىمىزدىن خەۋەر ئالۇر   ئۆلۈپ قالساق جىنازىمىز تۆت پۇتىغا داخل بولۇر   ھېيىت ئايەم ۋە بارائەتتە دۇئالەردە يادىغا ئالۇر   قوشنىلارغا ئازار بىرىشتىن بۇرادەرلەر ھەزەر ئەيلەڭ   19   بۇگۇن كۇندە يېزا شەھەر قىمارخانغا بولۇپ قالدى   بەزى دوستلار مىليارت ئويناپ قەلەندەردەك بولۇپ قالدى   بەزىلىرى تەلەي سىناپ پۇل ماللىردىن قۇرۇق قالدى   سۆزلىرىمگە ئىشەنمىگەنلەر جەمىيەتكە نەزەر ئەيلەڭ   20   ئۈچ تۆتەيلەن شىرىكلىشىپ شەمۇشەھەر قاينايدىغان   ئاپتۇۋۇزدا ئەلنى گوللاپ ھەرخىل قىمار ئوينايدىغان   ئىككى قەلەم ئۈچتال قەرت تە يولۇچىنى ئالدايدىغان   ئىشلارمۇ ھەم مۇۋجۇت ئىدى قېرىنداشلار ھەزەر ئەيلاڭ   21   باشقىلارنى ئوينىسۇن دەپ شىرىكلىرى ئويناپ بىرىپ   شۇ ئارقىلىق قىززىقتۇرۇپ پۇللىرىنى ئۇتۇپ ئېلىپ   ئۇتقان پۇلنى شىرىكلىرگە ئۇتتۇرۋاتقان بولىۋېلىپ   كىشىلەرنى ئالداپ يۇرگەن ئادەملەردىن ھەزەرئەيلەڭ   22   بونداقلارنىڭ ئالدىمىغا چۇشۇپ كەتمەڭ جامائەتلەر   سىزگە ھەرگىز  ئۇتتۇرمايدۇبۇبىر تۇركۇم پالاكەتلەر   بۇندىن بۇرۇن بۇقىسماققا چۇشتى نۇرغۇن ھاماقەتلەر   سىز خۇداغا بەندە بولسىڭىز بۇ ئىللەتتىن ھەزەر ئەيلەڭ   23   چۇنكى ئاللاھ  قۇرئان كەرىمدە ھارام قىلدى بۇقىمارنى   ھەركىم بۇنى ھالال بىلسە زاۋال تاپقاي ئۇ ئىمانى   دىن دىن چىقىپ قۇر قۇر  بۇلۇر  ئۇنىڭ گۇناھى   سى زگە ئىمان كىرەك بولسا قىمارلاردىن ھەزەر ئەيلەڭ   24   قىمارۋازلار ئەدەپسىز سۆز قېنىدا قوليۇيغانغا باراۋەردۇر   ھۆكۈمەتمۇ ئالتە زىيانداشنىڭ بىرسى شۇدەپ جازالايدۇ   قىيامەتتىمۇ قىمارۋازنى جەھەننەمدە جازالايدۇ   قىمارۋازلار ئىككى ئالەم راھەت كۆرمەس ھەزەر ئەيلەڭ   25   بۇگۇن كۇندە ئوغرى يانچۇقچى يۇرتىمىزغا تولۇپ كەتتى   نەدە ئادەم كۆپ بولسا شۇنداق جايغا كۇنۇپ كەتتى   يەڭ ئىچىدىن قولچىقىرىپ كىشنىڭ پۇلنى ئېلىپ كەتتى   شۇنىڭ ئۇچۈن بۇنەسىھەتنى قىلدىم سىزگە نەزەر ئەيلەڭ   26   ئوغرى يانچۇقچى كۇپەيدى ياتمىدى ئوينى ماراپ   ئاجىزنى تاپسا قورقۇتۇپ پۇل مېلىنى ئالدى بۇلاپ   ھۆكۇمەتمۇ تۇگىتەلمىدى نەچچىمىڭنى تۇرمىگە سۇلاپ   قېرىنداشلار بۇكىشلەرنىڭ بالاسىدىن ھەزەر ئەيلەڭ   27   سودا سېتىق قىلغاندا قىستاڭچىلىققا بارغاندا   پۇلنى ئېلىپ سالغاندا نەرسە كىرەك ئالغاندا   دوستلار بىلەن سىردىشىپ پاراڭلىشىپ تۇرغاندا   يان بال دىكى كىشنىڭ يۇرۇش تۇرۇشقا نەزەر ئەيلەڭ   28   ئوغرى بىلەن توغرىنىڭ نىشانىنى بىلمەيمىز   بەزىلەرنىڭ سۆلىتىدىن ھەرگىز ئوغرى دىمەيمىز   پۇلنى ئېلىپ قاچقاندا ئۇياق بۇياقتىن ئىزدەيمىز   شۇڭا بۇنى سىزلەرگە بايان قىلدىم نەزەر ئەيلەڭ   29   بىز خۇدادىن قورقىمىز ئوغرى قورقماس خۇدادىن   چۇنكى ئۇلار تۇرەلگەن نامەھرەمدىن زىنادىن   خۇدايا پاك پەرۋەردىگارا پاناھ بەرگىن ئۇلاردىن   دەپ خۇداغا يالۋۇرۇپ بۇكىشلەردىن ھەزەر ئەيلەڭ   30   كىچە بولسا ئوغرىلىق قىلىپ تاڭ ئاتقۇچە ياتمايدىغان   تۇتقىنىنى چاشقان كەبى تېرىپ يىغىپ تويمايدىغان   نەچچە قېتىم تۇتۇلسىمۇ ھەرگىز نۇمۇس قىلمايدىغان   تاپان يۇزلەر ئاخىرەتنىڭ ئازابىدىن ھەزەر ئەيلەڭ   31   ئوغىرلىق قىلىپ ئەل يىغلىتىپ كىشىنىڭ مېلىنى ھارام يىسەڭ   قۇبۇل بولماس دۇئايىمىز كىچە كۇندۇز ئاللاھ دىسەڭ   مۇنكىر نەكىر ئازاپ قىلور ئەگەر ئۈلۈپ گۆرگە كىسەڭ   بۇرادەرلەر تۆۋە قىلىپ بۇنداق يولدىن ھەزەر ئەيلەڭ   32   كۇندۇزلىرى يانچۇق كولاپ كىچىلىرى تامنى تەشسەك   قانۇننى ۋە شەرىئەتنى ئاڭلاپ تۇرۇپ چىرىكلەشسەك   دىن شەرىئەت ھەم سىياسەتتە ئىشلىرىدا خۇنۇكلەشسەك   ھۆكۇمەتنىڭ جازاسىدىن قۇتۇلماق تەس ھەزەر ئەيلەڭ   33   يۇرتىمىزدا شەھۋەت پەرەس ئوغۇل قىزلار ئەۋجى ئالدى   رەسۇل سۇزى ئەل ھايا مىنەل ئىمان نەدە قالدى   پۇرسەت تاپسا ئۇيۇن دىسكو تانسا خانغا يول ئالدى   جامائەتلەر بالىلارنىڭ ئەخلاقىغا نەزەر ئەيلەڭ   34   ئوغۇل قىزنى تاپتۇق لىكىن ئەدەپ ئەخلاق ئۇگەتمىدۇق   بىزبار چاغدا ئوينىۋال دەپ ئۆز مەيلىگە قۇيىۋەتتۇق   ئەركىلىتىپ ۋاي بالام دەپ يامان ئىشتىن ياندۇرمىدۇق   شۇڭا باللار يولدىن چىقىپ ئىشنى بۇزدى نەزەر ئەيلەڭ   35   بەزىلىرى ئويۇن مەشرەپ مەيخانىغا پاتماس بولدى   شەيتانلارغائاشنا بولۇپ نەغمە قىلىپ ياتماس بولدى   ئەدەپ ئەخلاق دىن شەرىئەت ئىشقا ئۇزىنى قاتماس بولدى   جامائەتلەر بۇباللارنىڭ كەلگۇسىگە نەزەر ئەيلەڭ   36   بەزىلىرى ھاراق ئىچىپ خەقنى ناھەق ئۇرۇپ كەتتى   بەزىلىرى يانچۇق كولاپ خالايىقنى بۇلاپ كەتتى   بەزىلىرى قىمارۋاز ھەم ئالدامچى بولۇپ كەتتى   قېرىنداشلار بالىلارنىڭ توغرا يولغا نەزەر ئەيلەڭ   37   بۇلار بۇنداق كىتىۋەرسە قالاق لىشىپ يولدىن چىقۇر   ۋەتىنىمىزنىڭ ھەم مىللىتىمىزنىڭ ئابرويىغا خەتەر يىتۇر   نۇرغۇنلىغان ئاتا ئانىلارنىڭ ئەل ئىچىدە يۇزى كىتۇر   سىزگە جەننەت كىرەك بولسا بۇئىشلاردىن ھەزەر ئەيلەڭ   38   بەزى باللار پاخپاق لىشىپ باشتاقلىشىپ يۇرۇپ كەتتى   قايسى ئەركەك قاسى چىشى ئايرىماق تەس بولۇپ كەتتى   قىز ئوغۇلغا ئوغۇل قىزغا ئۆزگىرىپ يۇرۇپ كەتتى   بۇنداق يامان ئادەتلەردىن جامائەتلەر ھەزەر ئەيلەڭ   39   بەزى قىزلار ياغلىق ئارتماي چاچنى چۇۋۇپ پاخپاق لىشىپ   ھايا قىلماي كۇچىلاردا ئەرلەربىلەن چاخچاق لىشىپ   چوڭلاردىنمۇ ھېيىقماستىن مەكىياندەك قاقاق لىشىپ   يۇرۇشمەكتە ئاتا ائانىلار بۇقىزلارغا نەزەر ئەيلەڭ   40   جاھان بۇنداق ئەدەپسىزلىك ھاياسىزلىق بىلەن تولسا   قىزنىڭ بېشىدا ياغلىق يوق بەدەنلىرى ئۇچۇق بولسا   ئوغۇللار ئويۇن مەشرەپ ھاراق مەستانىسى بولۇپ قالسا   ئاللاھ بىزگە نىچۇن باققاي جامائەتلەر نەزەر ئەيلەڭ   41   بەزى ياشلار ماڭار بولسا كۇزى يوقتەك ماڭار بولدى   تۇرار بولسا نوچىلىق قىپ يولنى توسۇپ تۇرىۋالدى   كىبىر قىلىپ ھەم  چوڭلاردىن سالامىنى ئايار بولدى   بۇرادەرلەر بالىلارنىڭ كىيىنلىكىگە نەزەر ئەيلەڭ   42   كىچە كۇندۇر  كۆزنى يۇمماي ئىبادەتلەر قىلىپ يۇرسەك   ھەركۇنلىكى خەيرىقىلىپ يەتمىش ئاچقا تائام بەرسەك   لىكىن ئوغۇل قىزلىرمىزنى يامان ئىشتىن تەزدۇرمىسەك   قىلغان ئەمەل بىر پۇل بولغاي بۇرادەرلەر ھەزەر ئەيلەڭ   43   بەزى كىشلەر باللىرىنى ئەجەپ ياخشى تەربىلىدى   ئەدەپ ئەخلاق قائىدە يۇسۇن شەرىئەتنى ھەم بىلدۇردى   ئەل جامائەت بۇ باللارنى يوق يىرىدە مەدىھلىدى   ئاتا ئانىلار بۇنداقلارنىڭ ئەخلاقىغا نەزەر ئەيلەڭ   44   بۇبالىلار ئۇزدىن چوڭنى ھۆرمەتقىلىپ سالام قىلدى   قېرى ئاجىز مېيىپلەرگە شەپقەت قىلىپ ياردەم بەردى   شەرىئەت ۋە سىياسەتنى ئۆزلىرىگە ئۆلچەل قىلدى   بۇنداق ياخشى بالىلارنىڭ ئىش ئىزلىرغا نەزەر ئەيلەڭ   45   ئاجىزلارغا ياردەم بەرمەك ۋاجىپ بولدى شەرىئەتتە   لى فىڭ چە ئادەم بولۇڭ دەيدۇ يېڭى سىياسەتتە   ھەر ئىككىسنىڭ مەزمۇنى بىر ئويلىساقمۇ ھەقىقەتتە   رەھىم شەپقەت قىلىپ ھەردەم يامان ئىشتىن ھەزەر ئەيلەڭ   46   كۆپ كىشىلەر ئىمان ئىسلام شەرىئەتتىن بىكار بولدۇق   نەغمە قىلىپ ئويۇن ئويناپ شەيتانلارغا چاكار بولدۇق   ناماز روزا ئۆشرە زاكات ساۋاپ ئىشتىن قاچار بولدۇق   شۇڭا بۇگۇن يۇرتنى قىممەت قىلدى ئاللاھ نەزەر ئەيلەڭ   47   بەزىلىرمىز غەپلەت بىلەن دىن ئىسلامدا ئاجىز بولدۇق   خۇشياققاندا رىيا بىلەن بەش ۋاخ ناماز ئوقۇپ قويدۇق   خوش ياقمىسا ئۈچ كۈن ئوقۇپ تۆتىنچى كۈنى تاشلاپ قويدۇق   شۇنىڭ ئۈچۇن كۆپ ئىللەتلەر ياغدى بىزگە نەزەر ئەيلەڭ   48   قىلما دىگەن ئىشنى ئارزۇ قىلىپ ھەريان چېپىپ يۇردۇق   يېڭى يېڭى بىدئەتلەرنى سەت ئادەتنى تېپىپ يۇردۇق    قىل دەپ ئەمرى قىلغان ئىشتىن ھەرتەرەپكە قېچىپ يۇردۇق   ھېلىمۇ بىزنى يەر يۇتمىدى جامائەتلەر ھەزەر ئەيلەڭ   49   بۇگۇن كۇندە كاھىن پالچى يۇرتىمىزدا ئەۋجى ئالدى   يالغان ياۋداق سۆزلەربىلەن ئەلنى ئالداپ پۇلنى ئالدى   نۇرغۇن كىشلەر ئاخماق بۇلۇپ پۇلدىن ئاجراپ ئوڭدا قالدى   شۇڭا بۇنى خالايىققا تەنبىھ  قىلدىم نەزەر ئەيلەڭ   50   دۇئا ئۇقۇپ دەم سالدىم دەپ ھەرتەرەپكە قاتراپ يۇرگەن   كالامۇللانى تەتۇر ئۇقۇپ خەلىقلەرنى ئالداپ يۇرگەن   شەرىئەتكە داغ تەككۇزۇپ ئىسلام دىننى بۇلغاپ يۇرگەن   مۇناپىقلار ئىمان ئېيتىپ شەرىئەتكە نەزەر ئەيلەڭ   51   شەرىئەتتە دىندىن چىقۇر غايىپتىن خەۋەر بەرگۇچىلەر   سىھىر قىلىپ كىشىلەرنى تۇگۇنچىگە تۇككۇچىلەر   ھەم شۇنىڭدەك  بۇكىشلەرگە ئىشەنچ قىلىپ پۇتكۇچىلەر   ئايەت ھەدىس مەنا سىدۇر جامائەتلەر ھەزەر ئەيلەڭ   52   ئارزۇ قىلماڭ بۇرادەرلە سىھىرگەرنىڭ سىھىرىنى   ئۇلار ھەرگىز سالالمايدۇ خۇدا سالغان مىھرىنى   ئىشەنچ قىلىپ دىندىن چىقماڭ رامباللارنىڭ ھىلىسىنى   ئاللاھ ئەقىل بەرگە بولسا بۇھەقىقەتكە نەزەر ئەيلەڭ   53   پالچى رەمبال بىلسە ئىدى غايىپلارنىڭ بايانىنى   نەزرە چىراق پۇل مال ئۈچۈن ساتماس ئىدى ئىمانىنى   تىلسىم ئېچىپ باي بۇلاتتى دورىماستىن دىۋانىنى   بۇرادەرلەر بۇنى ئويلەپ توغرا يولغا نەزەر ئەيلەڭ   54   ۋەلىللاھۇ غەيبىس سەماۋاتى ۋەلئەرزى دەپ ئېيتتى ئاللاھ   مەن ئامەنۇ بىننۇجۇمى پەقەت كەپرە دىدى يەنە رەسۇلۇللا   مەزكۇر ئايەت ھەدىسلەرگە نەزەر سېلىپ مۇسۇلمانلا   بۇنداق ھارام مەينەت ئىشتىن نېرى بولۇڭ ھەزەرئەيلەڭ   55   كاھىنلىق ۋە ساھىرلىق راۋا ئەمەس شەرىئەتتە   ئالتە زىيانداشنىڭ بىرى شۇدەپ كۆرسەتتى ھەم سىياسەتتە   بۇنداقلارغا ئورۇن يوقتۇر بۇدۇنيا ۋە ئاخىرەتتە   بەندە مۆئمىن بولسىڭىزلەر بۇنداق ئىشتىن ھەزەر ئەيلەڭ   56   بېشىڭىزغا كۇن چۇشسىلا كاھىن پالچى ئىزدەپ ماڭماي   پۇلنى بۇزۇپ تۆيزە تۇمار يازدۇرۇشنى خىيال قىلماي   خۇدانىڭ ئۇزىدىن تىلەيلى بىز كۇن چۇشكىچە ئۇخلاپ قالماي   ئور ئوۋنى ئەستەجىپ لەكۇم دىدى ئاللاھ نەزەر ئەيلەڭ   57   پەيغەمبىرىم رەسۇلۇللا ئۆزسۇزىدە مۇنداق دىگەن   ھالال لوقما دۇئالارنىڭ ئىجابىتى شەرتى  دىگەن   توڭگۇز قۇپارگورلىرىدىن  قىيامەتتە ھارام يىگەن   جامائەتلەر بۇھەدىسنىڭ مەزمۇنىغا نەزەر ئەيلەڭ   58   ئايەت ھەدىس مەنىسىنى ئاڭلىغاندا تۆۋبە دەرسىز   ئارقىدىنلا نەپسىنى دەپ غاپىل بولۇپ ھارام يەرسىز   كېكىردەكتىن ئوتكىنىنى نىمە بولسا ھالال دەرسىز   ھارام يىيىش چوڭ گۇنادۇر جامائەتلەر ھەزەر ئەيلەڭ   59   ئىشلىگەننىڭ يۇزى يۇرۇق ئىشلىمىگەننىڭ يۇزى چۇرۇق   ھەر ئىشتا قانتەر تۇكۇپ ھالال يىسە بولغاي ئۇلۇق   ھۇرۇن بولسا قانداق كىشى بولۇر دائىم قۇلى قۇرۇق   ئۈجمە پىش ئاغزىمغا چۇش دەپ يېتىپ قېلىشتىن ھەزەرئەيلەڭ   60   ئەمگەك قىلىپ ھالال يىسەك ئاندىن يىغلاپ خۇدادىسە   ئىجابەت قىلىپ دۇئاسىنى بىرەر ئاللا نەچچە ھەسسە   بەخىت ئىقبال يۇز ئۆرىمەس نەچچە مىڭ يىل ئۆمۇركۆرسە   بۇسەۋەپنىڭ ئالەمىدۇر جامائەتلەر نەزەر ئەيلەڭ   61   خۇدايىمدىن بەخىت تىلەپ ئولتۇرسا قىلماي ئىجات   ئاسماندىن ئالتۇن كۇمۇش ياغمايدۇ بۇ قانۇن ھايات   مۇشەققەتسىز بەخىت دۆلەت تاپالمىغان ھېچ مەخلۇقات   تەلەپمۇ قىل سەۋەپمۇ قىل بەخىت تەرەپكە نەزەر ئەيلەڭ   62   ئەمگەك قىلىپ يىگەن لوقما ئىجابەتنىڭ ئاچقۇچىدۇر   تەييار تاماققا يۇگۇرەەندىن خۇدا يىراق قاچقۇچىدۇر   كىم تىرىشچان ئىشچان بولسا بەخىتنى شۇ تاپقۇسىدۇر   بۇرادەرلەر ھالالدىن يەپ ھاراملاردىن ھەزەر ئەيلەڭ   63   دىنىمىزنىڭ چوڭ نوقتىسى بەش پەرىزنى ئاداقىلىش   ئاداۋەتنى ھەم ھەسەتنى كۆڭلىمىزدىن جۇداقىلىش   كىشى ھەققىدىن پەرھىز قىلىپ تەر ئاققۇزۇپ ھالال يىيىش   بۇرادەرلەر يول مۇشۇدۇر ھورۇنلۇقتىن ھەزەر ئەيلەڭ   ـــــــــــــــــــــــــــــــــــــــــــــــــــــــــــــ     ئاپتۇر : ئۇبۇل قاسىم  تۈمۈر بەردى 1990- يىلى4 -ئاينىڭ1-كۈنى مەنبە: ئۇيغۇرۇم مۇنازىرە مۇنبىرى

خۇشچىراي

	دىنىمىزنىڭ چوڭ نوقتىسى بەش پەرىزنى ئاداقىلىش   ئاداۋەتنى ھەم ھەسەتنى كۆڭلىمىزدىن جۇداقىلىش   كىشى ھەققىدىن پەرھىز قىلىپ تەر ئاققۇزۇپ ھالال يىيىش   بۇرادەرلەر يول مۇشۇدۇر ھورۇنلۇقتىن ھەزەر ئەيلەڭ   بۇ مىسرالار بەكمۇ يارىدى ماڭا .

nazil

	رەخمەت سىزگە ئايقىز ، ھارمىغايسىز ! تەربىيى - ئەھمىيىتى چوڭ بولغان تېمىدىن بىرى يوللاپسىز ، ئەجرىڭىزدىن سۆيۈندۈم . ( بۇ نادىر تېما ئىكەن ئەسلى )