ھاردۇق ئېشى ئەتتىم .

خۇشچىراي

	[ خۇرۇچى]       ئاق ئۇن بىر كىلوگرام، سېمىز گۆش 200 گرام، تۇخۇم ئىككى دانە، تۇز مۇۋاپىق مىقداردا،چامغۇر، سەۋزە، پەمىدۇر بىر تال، ئاقمۇچ ياكى قارىمۇچ ، پىياز بىر تال، سامساق تۆت چىش، يۇمغاقسۈت ئازراق.   [ئېتىش ئۇسۇلى]       1. ئۇندا ئوتتۇراھال ئاش خېمىرى يۇغۇرۇپ، قەغەزدەك نېپىز قىلىپ يېيىپ، ئىككى قول كەڭلىكتە كېسىلىدۇ. گۆشنى  ئۇششاق توغراپ، پەمىدۇرنى يالپاق، سەۋزەۋە چامغۇرنى تۆت چاسا ،يۇمغاقسۈت، سامساق ئۇششاق توغرىلىدۇ.     2. قازانغا سۇ قۇيۇپ توغرالغان گۆشنى سىلىپ قاينىتىپ شورپىسى چىققاندا ،  ئاندىن قازانغا توغرالغان پەمىدۇر، چامغۇر، سەۋزىلەرنى سېلىپ تۇز، زەنجىۋىل سۈيى قۇيۇپ ھاردۇق ئېشىنىڭ سۈيىنى تەييار قىلىۋالىمىز ،ئاندىن تەييار بولغان ئاش سۈيىگە  كېسىلگەن چۆپنى 7-10 سانتىمىتىر ئەتراپىدا قولىمىزدا ئۈزۈپ قازانغا تاشلاپ 3-5  مىنۇت قاينىتىپ پىشۇرۇپ، سامساق، يۇمغاقسۈتنى سېلىپ ئارىلاشتۇرۇپ،تۇزنى تېتىپ ، ئاشنى چۈشۇرىمىز. ئاندىن ئاش ئۇسۇلۇپ  داستىخانغا كەلتۈرۈلىدۇ. ئۇزۇن سەپەردىن كەلگەنلەرگە ،ئىشلەپ چارچىغانلارغا مۇشۇنداق سۇيۇقئاش ئىتىپ بەرسىڭىز ھاردۇقى چىقىپ قالىدۇ. مەنبە: ۋارىسلار تورىدىن ئۆزگەرتىپ تەييارلىغۇچى خۇشچىراي.

ayqiz

	خۇشچىراي بۈگۈن مېنىڭ تويغا قاتناشقىنىمنى بىلىۋالغانما ؟

خۇشچىراي

	تويدا بىر نىمە يىمىگەن ئوخشىمامسىز ئايقىز ؟ كىلىڭە بىر چىنە ئاش ئۇساي ،مۇڭدىشىپ ئولتۇرۇپ ،تازا تەرلەپ ئىچىۋېلىڭ .

anar

	ئالامەت ئوخشىغانچىراي جۇمۇ بۇ تاماق

خۇشچىراي

	راس بەك ئوخشىدى ،كىلىڭە ئانار سىزگىمۇ بىر چىنە ئۇساي .

جۇلالىق

	ھېرىپ كەلگەندە ئادەمنىڭ يېگىسىنى كەلتۈرۈپ ئايقىز ھەدەمگە تويدا بىرەر نەرسە بەرمەپتۇدە؟ قايسى پىخسىقنىڭ تويىغا بارغانسىز؟

ayqiz

	ۋاي جېنىم سىڭلىم كەسىپنى خاتا تاللىغاننىڭ مۇكاپاتى دەڭا بۇ ، ئەتىگەندىن تارتىپ كەچ بولغىچە دەپتەر تۇتۇپ كىم يازدۇراركىن دەپ تەلمۇرۇپ ....

خۇشچىراي

	ھاھاھاھاھاھا ئايقىز تازا جاپا چىكىپسىز جۇمۇ .

otkankunlar

	ئۇيغۇر خەلقى ئۆزىنىڭ ئۇزاق تارىخى تەرەقىيات جەريانىدا،ئۆزلېرىنىڭ ياشىغان ئقلىم شارائىتلېرىغا ۋە ئادەتلېرىگە ئاساسەن،نۇرغۇنلىغان يىمەك-ئىچمەكلىكلەرنى ياساش ھۈنەر-سەنئىتىنى كەشىپ قىلىپ،ۋەتىنىمىزنىڭ مەدىينىيىتىگە تىگىشلىك ھەسسە قوشتى.     تاماق تۈرىنىڭ كۆپ بولىشى،قۇۋۋىتىنىڭ زىيادە بولۇشى كىشىنىڭ سالامەتلىگىگە ،روھىنىڭ كۆتىرەڭگۈ بولىشىغا،ئۇگىنىشىنىڭ،خىزمىتىنىڭ ئۈنۇملۈك بولىشىغا بىۋاستە تەسىر كۆرسىتىش بىلەن بىللە،خەلىقنىڭ ماددى تۇرمۇش سەۋىيىسىنىڭ ۋە مەدىنىيەت سەۋىيەسىنىمۇ كۆرسىتىدۇ.      لەززەتلىك تاماقنى كۆرسە كىشىنىڭ ئىشتىھاسى ئېچىلىپ،تاماقنى كۆپرەك يەيدۇ ۋە ھوزۇرلىنىپ روھى كۆتىرلىپ قالىدۇ.دىمەك ،ئائىلىلەردە مۇشۇنداق تاماقلار كۆپ ئېتىلسە ،بىزنىڭ ئادەملېرىمىز،بالىلېرىمىز بىر كۈن خۇشال-خورام يۇرۇيدۇ.   ھەر قانداق ئىشنىڭ قائىدە-قانۇنىيىتى،ئوسۇلى بولغىنىدەك،تاماق ئېتىشنىڭمۇ ئۆزىگە يارىشا قائىدە-قانۇنىيىتى،ئوسۇلى بار،تاماق ئېتىشمۇ  بىر خىل سەنئەت ،تاماقنى لەززەتلىك ئېتىشنىڭ سىرى ئەنە شۇ سەنئەتنى بىلىشتە.       مۇشۇ نوختىنى چۇشەنگەن خۇشچىراي خانىم ئېرىنمەستىن ،بىزگە ھەر خىل تاماق ئېتىشنىڭ ئۇسۇللېرىنى ئۇگۈتۇپ كېلىۋاتىدۇ.مۇنبەردىكى خانىم-قىزلېرىىمىز بۇنى خوشاللىق بىلەن قۇبۇل قېلىۋاتىدۇ.دىمەك،خانىم-قىزلېرىمىزنىڭ تۇرمۇش سۆيەر بۇ روھى بىزنى خۇشال قىلىدۇ.     مۇشۇ كۈلەردىكى تۇرمۈش رېتىمىنىڭ تېزلىگى،خىزمەت بېسىمىنىڭ ئېغىرلىغى ۋە ئىختىساتنىڭ ئۇچقاندەك تەرەقى قىلىشى بىلەن خانىم-قىزلېرىمىزنىڭ زىممىسىدىكى يۇكمۇ بارغانسېرى ئېشىپ كېتىپ بارىدۇ.شۇنداق بولسىمۇ ئۇلار ۋايسىماستىن بىر ئائىلىنى چىرايلىق،پاكىز،سۆيگۇ-مۇھەببەت بىلەن باشقۇرۇپ ،جەميەت تەرەقىياتى ئۇچۇن ئۇن-تۇنسىز ھەسسە قوشىۋاتىدۇ.   سىلەرگە كۆپ رەخمەت،جاپا چېكىۋاتىسىلەر!       خۇشچىراي خانىممۇ ئۆزىنىڭ خۇشخۇيلىغى بىلەن ئۇيغۇر خەلقنىڭ بۇ لەززەتلىك تاماقلېرىنى بىزگە تۇنۇشتۇرۇپ،چېكىۋاتقان جاپالېرىغا كۆپ رەخمەت!         سىزگە سالامەتلىك،تۇرمۇشىڭىزغا بەخىت مەڭگۇ يار بولسۇن! [ otkankunlar بۇ يازمىنى  2010-يىلى 11-ئاينىڭ 7-كۈنى 21:52  دە تەھرىرلىگەن. ]

ayqiz

	بۇ قانداق بولغىنىكىن ھىچ بىلمىدىم ، ئۆتكەن كۈنلەر يازغاندەك سۆزلەرنى ئوقۇپ قالسام شۇنداق خوش بولۇپ كېتىمەن دېسە.    مۇشۇ كۈلەردىكى تۇرمۈش رېتىمىنىڭ تېزلىگى،خىزمەت بېسىمىنىڭ ئېغىرلىغى ۋە ئىختىساتنىڭ ئۇچقاندەك تەرەقى قىلىشى بىلەن خانىم-قىزلېرىمىزنىڭ زىممىسىدىكى يۇكمۇ بارغانسېرى ئېشىپ كېتىپ بارىدۇ.شۇنداق بولسىمۇ ئۇلار ۋايسىماستىن بىر ئائىلىنى چىرايلىق،پاكىز،سۆيگۇ-مۇھەببەت بىلەن باشقۇرۇپ ،جەميەت تەرەقىياتى ئۇچۇن ئۇن-تۇنسىز ھەسسە قوشىۋاتىدۇ.