<ئەدەپ -ئەخلاق مىزانلىرى>دىن

ayqiz

	قىز -ئاياللاردا ، بىرىنچى نوۋەتتە ئەقىل -پاراسەت ،ئىدىراك ،نازاكەت بولۇشى كېرەك . ئەنە شۇنىڭ بىلەن ئۇلار ئېگىز -پەسنى ،ئاچچىق -چۇچۇكنى ،بار -يوقنى ،ئائىلە شارائىتىنى ،ئىمكانىيەتلەرنى پەملىيەلەيدۇ ،ئەقلى -ھۇشى بىلەن ئىش تۇتۇپ ،كەم -كۇتىلەرنى  بىر تەرەپ قىلىدۇ .ئائىلىنىڭ بېشىغا بىرەر تەشۋىش چۇشكەندە ،دەرھال ھەمدەمدە بولىدۇ . ئەتراپىدىكىلەرگىمۇ ھەمدەم ،ھەمپىكىر  بولىدۇ . بولۇپمۇ ئاياللارغىلا خاس بولغان ئۆلمەس نازاكەت ئەتراپىدىكىلەرگە ھەمىشە قانات بېغىشلاپ كەلگەنلىكى ھەققىدە ھاياتتا مىساللار كۆپ ،نازاكەت ھەمىشە مېھىر بۇلىقىدىن سۇ ئىچىدۇ .مېھىر بولسا ئۆزىنىڭ ئاياللىقىنى تونۇغان ،زىممىسىدىكى ۋەزىپە ۋە بۇرچلارنى شەرەپ دەپ بىلگەنلەردە تىنماس بۇلاقتۇر .         دىلدا مېھرى يوقنىڭ نازاكىتىمۇ يوق بولىدۇ . ئايال كىشى ئۆزىنىڭ نېمە ئۇچۇن ياشاۋاتقانلىقىنى ،ئائىلىنىڭ ،تۇرمۇشنىڭ ،ئەرنىڭ ،بالا -چاقىنىڭ نېمىلىكىنى بىلمىسە ،تۇرمۇشتىن ھېچقانداق لەززەت تاپالمايدۇ . ئەلۋەتتە ئەر -ئايال بىرگە شادلىنىپ ،بىرگە قايغۇرۇپ ،بىر مەقسەت يولىدا جانداش بولۇشى كېرەك . دىلى پاك ئايال ئۆز يولدىشىغا ئەبەدىي ساداقەتلىك ،ۋاپادار ،مېھرى -مۇھاببەتلىك بولىدۇ .         نازاكەتلىك ئايال ھەرقانداق شارائىتتىمۇ ئۆزىنى تۇتۇشنى بىلىدۇ ؛ نومۇس ۋە ئىپپتىنى ،قەدىر -قىممىتىنى ،شەرم-ھاياسىنى ساقلاپ قالىدۇ . ئايالنىڭ نازاكىتى ئۇنىڭ نازۇك مىجەز -خۇلقىدا ،ئەدەپ ،تەربىيە ۋە ساداقىتىدە نامايان بولىدۇ . بۇنداقلار جەمىيەتتىمۇ ،ئائىلىدىمۇ  نازۇك گۈل كەبى ئەزىزلىنىدۇ ،شەرەپلىنىدۇ . مەنبە: گۇزەللىك ھەققىدە ھېكىمەتلەر [ ئايقىز بۇ يازمىنى  2009-3-26 20:50  دە تەھرىرلىگەن. ]

جۇلالىق

	ئايال كىشى ۋاپادارلىقى ، كەمتەرلىكى  بىلەن گۈزەل .

ayqiz

	تېمىنىڭ كېلىش مەنبەسىنى ئەسكەرتىپ قويدۇم ،رەخمەت سىزگە (جۇلالىق)