جۇڭگو ئاياللىرى لايىق تاللاشتا بارغانسېرى قۇسۇرچى بولۇپ كەتتى

ئەسمەتۇللاھ

	جۇڭگو ئاياللىرى لايىق تاللاشتا بارغانسېرى قۇسۇرچى بولۇپ كەتتى مۇھىم مەزمۇنى: ئىلگىرى ئاياللارنىڭ توي ئىشىنى ئاتا- ئانىسى بېكىتەتتى. مەيلى يېشىڭىز قانچە چوڭىيىپ كەتسۇن، ياكى بىر كۆزىڭىز كۆرمەس بولۇپ قالسۇن، سىز ھامان توي قىلاتتىڭىز. ئەمما ھازىر، ئەگەر مۇۋاپىق لايىق تاپالمىسىڭىز توي قىلالمايسىز. ئامېرىكا «سودا ھەپتىلىك ژۇرنىلى» نىڭ تور پونكىتىدا 14- ئىيۇن ئېلان قىلىنغان ماقالە، ئەسلى تېمىسى: جۇڭگودىكى لايىق تاللاش مەيدانىدا، ئاياللار بارغانسېرى قۇسۇرچى بولۇپ كەتتى 58 ياشقا كىرگەن جاڭ پېيجۈەن (ئاھاڭ تەرجىمىسى) شاڭخەي دۇنيا يەرمەنكىسى باغچىسىدا توپلانغان مىڭلىغان كىشى ئىچىدىن لاياقەتلىك بىر ھەمراھ تېپىشنى ئارزۇ قىلاتتى. «ئۇنىڭ تولۇق كۇرس ئوقۇش تارىخى بولۇشى، بوي ئىگىزلىكى 1.75 مېتىر ئەتراپىدا بولۇشى، چوقۇم ئۆيى بولۇشى كېرەك.» دېدى ئۇ. ئۇ 28 ياشقا كىرگەن قىزى ئۈچۈن ئەر تاپماقتا ئىدى، - «قىزىم ياقتۇرغۇدەك كىشى چىقسىلا، مەن بېرىپ ئۇنىڭ ئالاقىلىشىش ئۇسۇلىنى سورىۋالىمەن». جاڭ پېيجۈەن قاتناشقان شاڭخەيدىكى بۇ قېتىملىق ئەڭ چوڭ كۆلەملىك لايىق تاللاش پائالىيىتى 38 مىڭ كىشىنى جەلپ قىلدى. ئۇيۇشتۇرغۇچىنىڭ مۆلچەرىگە ئاساسلانغاندا، جۇڭگودىكى بۇ ئەڭ باي شەھەر، ئالدىنقى قاتاردا تۇرىدىغان پۇل مۇئامىلە مەركىزى ۋە ئەڭ چوڭ پورتتا، بۇ يىللىق توي قىلىشنى تىزىملاتقانلارنىڭ سانى شىددەت بىلەن %17 ئازلاپ كەتكەن. «شاڭخەي جەمئىيەتتە كەڭ كۆلەمدە ئۆزگىرىش يۈز بېرىدىغان ئالدىنقى سەپتە تۇرماقتا، جۇڭگودىكى نۇرغۇن شەھەرنىڭ ھەممىسى مۇشۇنداق.» دېدى چىڭخۇا – برۇكىڭس ئاممىۋى سىياسەت تەتقىقات مەركىزىنىڭ مۇدىرى رېن ۋاڭفېڭ. تېخىمۇ يۇقىرى تەربىيە سەۋىيەسى، كەسپىگە بولغان ئىخلاسمەنلىك ۋە تېخىمۇ يۇقىرى كۈتۈلمە قىممەت شەھەرلىكلەرنىڭ كېچىكىپ توي قىلىشى ۋە ئاز پەرزەنت كۆرۈشىنى كەلتۈرۈپ چىقاردى. شاڭخەيدىكى لايىق تونۇشتۇرۇش ئورگىنىنى باشقۇرۇش جەمئىيىتىنىڭ باشلىقى جوۋ جۆمىن مۇنداق دېدى: تېخىمۇ ياخشى تەربىيەلىنىش پۇرسىتى تېخىمۇ كۆپلىگەن ئاياللارغا جۆرە تاللاش ئىقتىدارى ئاتا قىلدى. ئىلگىرى ئاياللارنىڭ توي ئىشىنى ئاتا- ئانىسى بېكىتەتتى. مەيلى يېشىڭىز قانچە چوڭىيىپ كەتسۇن، ياكى بىر كۆزىڭىز كۆرمەس بولۇپ قالسۇن، سىز ھامان توي قىلاتتىڭىز. ئەمما ھازىر، ئەگەر مۇۋاپىق لايىق تاپالمىسىڭىز توي قىلالمايسىز. «جۆرە تاللاشتا ئەر- ئاياللار ھەمىشە تەلەپنى يۇقىرى قويۇۋالىدۇ.» - دېدى ئەسىر قۇت تەقدىر تورىنىڭ باش ئىجرائىيە ئەمەلدارى گوڭ خەييەن. بۇ تور بەت توققۇز يىل ئىلگىرى قۇرۇلغان چاغدا، ئاياللار ئۆيى بولسۇن دېگەن تەلەپنى جۆرە ئىزدەشنىڭ بىر ئۆلچىمى قىلىۋالاتتى، ئەمما ھازىر ئاساسلىق ئۆلچەمنىڭ بىرى بولۇپ قالدى. ئەنخۈيلىك ئەر خۇاڭ خەنسېن (ئاھاڭ تەرجىمىسى) مۇ مۇشۇنداق قاراشتا بولدى: «ئۇلارنىڭ بىلمەكچى بولغان تۇنجى ئىشى سىزنىڭ ئوبدانراق خىزمىتىڭىز بارمۇ، ئىش ھەققىڭىز قانچىلىك، ئۆيىڭىز بارمۇ دېگەنلەردىن ئىبارەت. ئاياللار مۇشۇلارنىڭ ھەممىسىنى قاندۇرالايدىغان جۆرە ئىزدەيدۇ، بۇنداق بولغاندا ئۇلار بىر قەدەر راھەت تۇرمۇش كەچۈرەلەيدۇ.» گەرچە بىر قىسىم ئاياللار ھازىر كىچىكىپ توي قىلىشقا مايىل بولسىمۇ، ئەمما ياش ۋاقتىدا ئەرگە تېگىش يەنىلا ئەڭ ياخشى تاللاشتۇر دەپ قارالماقتا. «ئاياللار ياش ۋاقتىدا تولىمۇ قۇسۇرچى بولۇشى مۇمكىن.» - ئەنخۈيلىك ئەر خۇاڭ خەنسېن (ئاھاڭ تەرجىمىسى) - «ئەگەر سىز ئەڭ قىممەتلىك چېغىڭىزدا ئۆزىڭىزنى ‹ساتالمىسىڭىز›، ئۇ ھالدا ئالتۇندەك ۋاقتىڭىزدىن مەھرۇم قېلىشىڭىز مۇمكىن. بىز ئەرلەرگە نىسبەتەن تاللىغۇدەك نۇرغۇن ئاياللار بار. ئەگەر سىز 26 ياشلىق ئايال ئىزدىمەكچى بولسىڭىز، 28 ياشلىقنى ئىزدىشىڭىزنىڭ ھاجىتى يوق.» قاشتېشى تورى

مايسىخان

	قۇسۇرنى جىق تاپقاچقا ئايپاتەملەر جىقىيىپ كېتىپ بارىدۇ-دە شۇ

peacelife212

	شاڭخەيدە تۇرمۇش رېتىمى تىز، ھەپتىدە بىر كۈرۈشىدىغان ئەر-خۇتۇنلار جىق دەپ ئاڭلىغان ئىدىم. جۆرە تاللاشتا، ھازىر ھەممە ئادەم ماددىلىقنى كۆپرەك ئويلىشىدىغان بوپ قالدى،ۋاقتى كەلسە،  ھىچكىم ئۆز قىزىنىڭ جاپا تارتىشىنى خالىمايدۇ .

saye

	بۇ پائالىيەتنىڭ سىن فىلىمىنى توردا كۆرگەنىدىم.  نىكاھ، تۇرمۇش ئىشىغا بىرنىمە دەپ بولغىلى بولمايدۇ. ھازىر كىشلىك ئەركىنلىك بەك تەرغىپ قىلىنىدىغان بولۇپ كەتتى، خەقنىڭ ئېشىغا ياخشى نىيەتتە ئارلىشىپ قويسا بۇرنىغا يەيدىغىنى ئېنىق. بولۇپمۇ مۇشۇنداق ھېسيات ئىشلىرىغا كەلسە. ئاللا ئىگەم چوكىنى جۈپ يارىتىپتىكەن. ئىنسانلارنىڭمۇ ئۆز جۆرىلىرىنى باردۇر.

سامسىپەز

	ھېلىقى بىر تېلېۋىزىيە ئىستانسىسىنىڭ ھېلىقى بىر پىروگراممىسى بار، 50 قىز ئولتۇرۇۋېلىپ ئەر تاللايدىغان.... بىچارە ئەرلەر ياخشىچاق بولۇپ ئۆزلىرىنى تونۇشتۇرۇپ كېتىۋاتقان... ھېلىقى خېنىملار نومۇر قويۇپ كېتىۋاتقان.... چىشلىرىم غۇچۇرلاپ كېتىدۇ كۆرسەم...   مەن بولسام، ئۆمۈر بويى خوتۇنسىز قالىدىغان ئىش بولسىمۇ شۇنداق يەرگە كىرمەيتتىم.... كىر دېسە، ئۆزەم يالغۇز ئولتۇرۇپ، 50 قىزدىن تاللايدىغان پىروگرامما بولسا ئويلىشىپ باقاتتىم...

hilal

	« شەرت قويۇشقا ئەرزىمەيدىغان ، كىلىشكەن ئەمەس ، ئۆيى خىزمىتى پۇلى يوق ئەرلەرمۇ ھەممە نىمىسى تەل ئەرلەرگە ئوخشاش ئەسكى تۇرسا نىمىشقا كىلىشكەن ئەمەس ، ئۆيى خىزمىتى پۇلى يوقنى تاللايمىز ، شەرتى تۇلۇقنى تاللىغاندا ھىچ بولمىغاندا سۇنغان كۆڭۈلنى ياسىنىش بىلەن ئابرويغورلۇق بىلەن بولسىمۇ ئازراق ئاۋۇندۇرغىلى بولىدۇ »  ... بىر يەردە مۇشۇنداق بىر نەرسە ئوقۇغىنىم ئىسىمدە ...

باتۇرچەۋەنداز

	ئەگەر سىز 26 ياشلىق ئايال ئىزدىمەكچى بولسىڭىز، 28 ياشلىقنى ئىزدىشىڭىزنىڭ ھاجىتى يوق مانى ماڭا قارتىپ دىگەندەكلا