ئالتە خىل تۇرمۇش شەكلى ئادەمنى دۆتلەشتۈرىۋېتىدۇ

باغرىم

	ھەممە كىشى ئەقىللىك ، چېچەن بولۇشنى ئۈمىد قىلىدۇ ، شۇنداقلا ھەركىم بۇنى ئىشقا ئاشۇرۇش يولىدا پايدىسى بار دەپ قارىغان چارىلەرنى قوللىنىدۇ . بىراق ، كۈندىلىك تۇرمۇشتا ، تۇرمۇش ئامىلى ۋە كىشىلەرنىڭ كاللا ئىشلىتىش ئادىتى چوڭ مېڭىنىڭ ئەقلىي ئىقتىدارىغا پايدىسىز تەسىر كۆرسىتىدۇ . ئادەمنى دۆتلەشتۈرۈۋېتىدىغان ئالتە خىل تۇرمۇش شەكلى مۇنۇلار :    1 . سۆرەلمىلىك ، كاللىنى ئاز  ئىشلىتىش كاللىنى كۆپ ئىشلەتكەنچە ئۆتكۈرلىشىدۇ ، دېگەن گەپ بار . كاللىنى ئىلمىي ، مۇۋاپىق ھالدا كۆپ ئىشلىتىش ، نېرۋا سىستېمىسىنىڭ قېرىلىشىشىنى ئاستىلىتىدۇ ، ھەمدە نېرۋا سىستېمىسىنىڭ ئورگانىزم ئىقتىدارىغا نىسبەتەن تەڭشەش ۋە تىزگىنلەش رولىنى ئوينايدۇ ، بۇ ئارقىلىق مېڭىنى ساغلاملاشتۇرۇش ، ئۆمۈرنى ئۇزارتىش مەقسىتىگە يەتكىلى بولىدۇ . ئادەم ھۇرۇن ، سۆرەلمە بولۇپ ، دائىم مېڭە ئىشلىتىپ تۇرمىسا چوڭ مېڭىگە ۋە سالامەتلىككە زىيان يېتىدۇ .    2 . ئوي - پىكرى قالايمىقان بولۇش ، كاللىنى نامۇۋاپىق ئىشلىتىش " كاللىنى ئىشلەتكەنچە ئۆتكۈرلىشىدۇ " دېگەندە كاللىنى ئىلمىي ، مۇۋاپىق ئىشلىتىش كۆزدە تۇتۇلغان ، ئەگەر ھەددىدىن ئارتۇق جىددىيلىشىش ، تەشۋىشلىنىش ياكى ئەمەلىيەتتىن چەتنىگەن ھالدا قاتتىق باش قاتۇرۇش ھالىتىدە بولغاندا چوڭ مېڭىگىمۇ ، سالامەتلىككىمۇ زىيان يېتىدۇ .    3 . ئاغرىق ھالەتتە مېڭىنى زورلاپ ئىشلىتىش سالامەتلىك ياخشى بولمىغان ئەھۋالدا ، خىزمەت ۋە ئۆگىنىشنى زورمۇ - زور داۋاملاشتۇرغاندا ، ئۈنۈم تۆۋەن بولۇپلا قالماستىن ، ئاسانلا چوڭ مېڭىنى زەخىمىگە ئۇچرىتىدۇ ، سالامەتلىككىمۇ زىيانلىق .    4 .قورساق ئاچ ھالەتتە كاللا ئىشلىتىش بەزى ئادەملەر ئورنىدىن سەھەر تۇرماي ، ناشتا قىلىشقا ئۈلگۈرەلمەيدۇ ، ياكى ناشتا قىلمايدىغان ناچار ئادەتكە ئىگە بولغان بولىدۇ . بۇنداق ئادەملەر چۈشتىن بۇرۇن يېرىم كۈن قورسىقى ئاچ ھالەتتە ئىشلەيدۇ ، بۇنداق بولغاندا قان شېكىرى نورمال تەمىنلەش سەۋىيىسىدىن تۆۋەن بولۇپ ، چوڭ مېڭىگە ئوزۇقلۇق يېتىشمەسلىكنى كەلتۈرۈپ چىقىرىدۇ . بۇنداق ھالەت داۋاملىشىۋەرسە چوڭ مېڭىنىڭ ساغلاملىقى ۋە تەپەككۇر ئىقتىدارى زىيانغا ئۇچرايدۇ . ئامېرىكا ئالىملىرىنىڭ تەجرىبە ئارقىلىق ئىسپاتلىشىچە بالىنىڭ يۇقىرى ئاقسىللىق يېمەكلىكلەر بىلەن ئوزۇقلانغاندىكى ئۆگىنىش نەتىجىسى ئاددىي تاماق بىلەن ناشتا قىلغاندىكىدىن روشەن يۇقىرى بولىدىكەن ، ناشتا قىلمىغان بالىلارنىڭ ئۆگىنىش نەتىجىسى ئومۇمەن بىرقەدەر تۆۋەن بولىدىكەن . ئوخشاشلا ، باشقا چاغلاردا ئاچ قورساق كاللا ئىشلەتكەندىمۇ ، چوڭ مېڭىگە زىيانلىق تەسىر كۆرسىتىدۇ .    5 . ئۇيقۇ سۈپىتى ناچار بولۇش چوڭلار كۈندە 7 سائەتلىك ئۇيقۇغا موھتاج ھەمدە ئۇيقۇ سۈپىتىنىڭ بىرقەدەر يۇقىرى بولۇشىغا كاپالەتلىك قىلىشقا توغرا كېلىدۇ . ئەگەر ئۇيقۇ ۋاقتى يېتەرلىك بولمىسا ياكى ئۇيقۇ سۈپىتى يۇقىرى بولمىسا چوڭ مېڭە ناچار غىدىقلىنىدۇ ، بۇنداق ئەھۋالدا چوڭ مېڭىنىڭ چارچىغان ھالەتتىن ئەسلىگە قايتىشى قىيىن بولىدۇ ، ئاسان قېرىلىشىش يۈزبېرىدۇ . ئۇيقۇسى يېتەرسىزلەر ياكى ئۇيقۇ سۈپىتى تۆۋەنلەر ئۇيقۇ ۋاقتىنى مۇۋاپىق ئۇزارتىشى لازىم ھەمدە ئۇيقۇ ئەھۋالىنى ياخشىلاش تەدبىرىنى قوللىنىشى لازىم .     6 . باشنى پۈركەپ ئۇخلاش بەزى ئادەملەر ئۇخلىغاندا بېشىنى پۈركىۋېلىشقا ئادەتلەنگەن ، بۇنداق بولغاندا يوتقان ئىچىدىكى كاربون تۆت ئوكسىدىنىڭ قۇيۇقلۇقى ئېشىپ ، ئوكسىگېننىڭ قۇيۇقلۇقى ئۈزلۈكسىز تۆۋەنلەيدۇ ، ئۇزاق مۇددەتكىچە مۇشۇ خىل بۇلغانغان ھاۋادىن نەپەسلەنگەندە ، چوڭ مېڭىنىڭ ساغلاملىقىغا جەزمەن زىيان يېتىدۇ .

kamiran

	مېنىڭ ئۇيقۇم بەك ناچار.......دۆتلىشىپ  كېتىدىكەنمەندە

قەھۋە

	بۇ ئالتە خىل ئالامەتلەرغۇ مەندە يوقكەن بولمىسا، ئەمما مۇشۇ كۈنلەردە ئۆزەمنىڭ دۆتلىشىپ كېتىۋاتقىنىمنى ھېس قىلىۋاتىمەن...

kamiran

	ئۆزىنى دۆتلىشىپ كېتىۋاتقاندەك تۇيغۇ  ئەقىلىقلىشىپ كېتىۋاتقانلىقنىڭ ئالامىتى دەك

قەھۋە

	كامىران، سىز پىسخىكا ئوقۇغانمۇ-قانداق؟

kamiran

	يانا خاتا گەپ قىلىپ قويمىغاندىمەن  ھە،مەخسۇس پسىخكا كەسپىدە ئوقۇمىغان،لېكىن ئىككى يىل ئۆگەنگەن

جۇلالىق

	مەندەك ئاز ئۇخلايدىغانلارغا نېمە دېگۈلۈك؟

خۇشچىراي

	راس باشنى پۈركەپ ئۇخلاش راسلا ياخشى ئەھۋال ئەمەس . دىققەت قىلىشقا تىگىشلىك مەسىلىلەركەن ھەممىسىلا .

Aydar

	. ئوي - پىكرى قالايمىقان بولۇش ، كاللىنى نامۇۋاپىق ئىشلىتىش ماۋۇ مەندە باركەن. قانداق قىلارمەن ؟ دائىم غەلىتە خىياللارنى قىلىمەن.

anar

	مەن ئويلىغان زادى ...بەك ئۇزاق ئەسرالىشالمايمەن سىلەر بىلەن دوستلار ، مۇشۇ تۈرنىڭ 2،3،5 مەندە بار ئەھۋاللاركەن ، ئاللىمادىس يوقاپ كەتسەم توغرا چۈشىنەرسىلەر