ئالىي مەكتەپ قىزلىرى بىلىشكە تېگىشلىك 20 نوقتا

دىلەيسەم

	1. قىزلار ناھايىتى سىلىق-سىپايە، نازاكەتلىك بولۇشى، ھەرگىزمۇ ھازازۇل –قوپال بولۇپ قالماسلىقى كېرەك. ئەدەپ ئۇقمايدىغان قىزلار ئاسانلا باشقىلارنى بىزار قىلىپ قويىدۇ؛ ئېسىل، نازاكەتلىك قىزلار ھەممىلا يەردە باشقىلارنىڭ ھۆرمىتىگە سازاۋەر بولىدۇ. 2. ئالىي مەكتەپ ھاياتى تولىمۇ قىسقا، قىزلار بۇ ۋاقىتتا گۈزەللىككە ئەھمىيەت بېرىش بىلەن بىرگە ئۆزىنىڭ كىشىلىك پەزىلىتىنى تەربىيىلەشكىمۇ كۈچ سەرپ قىلىشى كېرەك. چۈنكى سىز 25 ياشتىن ھالقىغاندىن كېيىنلا، قېرىشىش كوچىسىغا قاراپ يول ئالىسىز، بۇ ۋاقىتتا سىزگە ئەسقاتىدىغىنى قورۇق چۈشكەن رۇخسارىڭىز بولماستىن، بەلكى كىشىلىك پەزىلىتىڭىزدۇر. 3. بىر ئايالنىڭ پەزىلىتى ئۇنىڭ ئەتراپىدىكى ئەرنىڭ قانداق بولۇشىغا باغلىق، ئاياللارنىڭ ھاياتىدىكى ئەڭ مۇۋەپپەقىيەتلىك ئىش-ئۆمۈرلۈك ھەمراھىنى توغرا تاللىشىدۇر. 4. بىر ئەرنىڭ يامان ياكى ياخشىلىقىنى بىلىشتە، ئۇنىڭ ئەتراپىدىكى بىر توپ دوستلىرىغا دىققەت قىلسىڭىزلا كۇپايە. 5. ئاياللارنىڭ دوستلۇق ھېسسىياتىنىڭ كېلىشى ۋە قايتىشى ئوخشاشلا تېز. ئەمەلىيەتتە ئەر-ئايال ئوتتۇرىسىدىكى ھېسسىيات ئاچا-سىڭىللىق ھېسسىياتتىن ئىشەنچلىك، شۇڭلاشقا، سىز ئۇنى قەدىرلىسىڭىز بولىدۇ. 6. گىرىم بۇيۇملىرىغا سەرپ قىلىدىغان پۇلغا ياخشى كىتابتىن ئىككىنى سېتىۋالغىنىڭىز ياخشى، گىرىم لايىقىدا بولۇشى كېرەك، ئەمما بۇ سىزنىڭ گىرىم بىلەن بىلىم بىلەن ئۆزىڭىزنى نامايان قىلىدىغان ۋاقتىڭىز ئەمەس. ئالاھىدە گىرىم قىلغانلار قارىماققا باشقىلارنىڭ دىققىتىنى تارتقاندەك قىلغىنى بىلەن، ئۆز ئىقتىدارى ۋە ساپاسى بىلەن باشقىلارغا قالدۇرغان تەسىر ھەرگىز ئۇنتۇلمايدۇ. 7. ساختا ئوغۇللار دائىم سىزنى ياخشى كۆرىدىغاندەك تۇيغۇ بېرىدۇ. سىزنى ھەقىقىي ياخشى كۆرگەن ئوغۇل بالا  سىزگە «مەن سىزنى ياخشى كۆرىمەن» دەپ ئالدىراپ دېمەيدۇ، پەقەت دېيىش زۆرۈرىيىتى تۇغۇلغاندا دەيدۇ. باشقا ۋاقىتتا سىزنى قانچىلىك ياخشى كۆرىدىغانلىقىنى پەقەت ئۆز كۆڭلىدە بىلىدۇ ھەمدە سىزگە سىز ئويلاپ باقمىغان ئۇسۇللار بىلەن ئىپادىلەيدۇ. 8. ئەگەر بىر ئوغۇل بالا سىزنى بىر كۆرۈپلا باشقىچە ھەۋەسلەردە بولغان بولسا، ئۇنداقتا بۇ سىزنىڭ مەغلۇبىيىتىڭىزدۇر. سىز بىر ناچار ئوغۇل بالىغا يولۇقۇپ قالغانلىقىڭىزغا ئاغرىنىپ يۈرمىسىڭىزمۇ بولىدۇ. چۈنكى بۇنىڭغا سىزنىڭ سالاھىيىتىڭىز سەۋەبچى بولغان. 9. سىزنىڭ تېخى ئىشلار ۋاقتىغا يەتمەي تۇرۇپ، ئۇنىڭغا ئۆزىڭىزنى تەقدىم قىلغان پەيتىڭىز دەل ئۇنىڭ قەلبىدە قىممىتىڭىزنىڭ كۇرسى چۈشكەن ۋاقتىدۇر. ئەگەر سىز بارلىقىڭىزنى ئوغۇل دوستىڭىزغا ھەدىيە قىلىۋەتسىڭىز، ئۇنداقتا بولغۇسى ئېرىڭىزگە  زادى نېمىڭىزنى تەقدىم قىلىسىز؟!… 10. ئوغۇللار سىز ئويلىغاندەك ئۇنچە ياخشى بولماسلىقى مۇمكىن. شۇڭلاشقا، سىز ھامان چېكىنىش يولى قويۇپ قويسىڭىز بولىدۇ، چۈنكى سىز ئازابلانغان ۋاقىتتا ھەممىسى كېچىككەن بولىدۇ.   11. ئوغۇللارنىڭ شېرىن-شېكەر سۆزلىرىگە ئالدىراپ ئىشىنىپ كەتمەڭ، چۈنكى بىر خەتنىمۇ تونۇمايدىغان ئوغۇللار ئۆزىنى ياخشى كۆرىدىغان قىزلارغا يولۇققاندا بىر پارچە شېئىرغا ئايلىنىدۇ. ئەمما شائىرلار ھەرگىزمۇ رېئال تۇرمۇشتا ياشىمايدۇ. 12. ئەگەر سىز ئوغۇل دوستىڭىز بىلەن ھېچيەرگە بېرىپ ئايلانمىغان بولسىڭىز، كىتابخانىلارغا بارسىڭىز بولىدۇ. سىز ئۇنىڭغا يۈزلىنىپ تۇرۇپ كىتاب ئوقۇڭ، مۇشۇ پەيتنىڭ قانچىلىك رومانتىك ئىكەنلىكىنى ئۇ ھېس قىلماي قالمايدۇ. 13. بىرى سىزنى ياخشى كۆرسە، سىز ئۇنى ناھايىتى كىچىك ئىشلاردىنمۇ ھېس قىلالايسىز؛ ئوخشاشلا ئەگەر بىرى سىزنى ياخشى كۆرمىسە، سىز ئۇنى يەنە ئاشۇنداق كىچىك ئىشلاردىن بايقىيالايسىز.   14.  ئەگەر سىز بىر يوشۇرۇن كۈچكە ئىگە بىر ئەرنى بايقىغان ۋاقتىڭىزدا ئۇنىڭ يېنىغا بېرىپ، ئۇنىڭ بىلەن ئەمەلىي ئىشلىرى توغرىلىق پىكىر ئالماشتۇرسىڭىز بولىدۇ، شۇنداق قىلسىڭىز سىزمۇ مۇۋەپپەقىيەت تۇيغۇسىغا ئىگە بولۇپ قالىسىز.   15. ياخشى يىگىت ھەمراھ ئىزدەيدۇ، يەنى خوتۇن بولغۇدەك ياخشى قىز ئىزدەيدۇ، ئۇنىڭ ئىزدەيدىغىنى ھەرگىزمۇ كوچىدىكى سەتەڭلەرگە ئوخشىمايدۇ. شۇڭلاشقا سىز ئۆزىڭىزنىڭ زادى قايسى يۆنىلىشكە قاراپ تەرەققىي قىلىشىڭىزنى ئايدىڭلاشتۇرۇۋېلىشىڭىز كېرەك. 16. مۇھەببەتلىشىش قانداقتۇر ئالىي مەكتەپتىكى جەزمەن « مەجبۇرىي ئوقۇلىدىغان دەرس» ئەمەس. شۇڭلاشقا سىز ئۇنى «تاللاپ ئوقۇلىدىغان دەرس» قىلسىڭىز بولىدۇ. ئەڭ ياخشىسى شۇنداق قىلىڭ. 17. ئالىي مەكتەپنىڭ ئىككىنچى يىللىقىنىڭ ئاخىرىدىن باشلاپ سىز كېيىنكى بەش يىللىق ھاياتىڭىزنى پىلانلاشقا باشلىسىڭىز بولىدۇ. سىز ئالدى بىلەن بۇ پىلانغا ئوغۇللارنى كىرگۈزمەڭ، يەنىلا ئۆزىڭىزدىن ئىبارەت بىرلا باش قەھرىمان بۇ پىلاننى ياخشى ئورۇندىسۇن، ھەرگىز ھۇرۇنلۇق قىلماڭ. 18. ھەر ۋاقىت بۆرىنىڭ ھۇجۇمىدىن ئېھتىيات قىلىڭ، بارلىق ماھارىتىڭىزنى ئىشقا سېلىپ ئۆزىڭىزنى قوغداڭ. 19. ئېسىڭىزدە بولسۇن، ئالىي مەكتەپتە ئوغۇللار ناھايىتى كۆپ، ئەمما ئەرلەر ساناقلىقلا. ئەر بىلەن ئوغۇلنىڭ پەرقى چوڭ. ئەرلەر بىلەن ئوغۇللار كۈچلۈك-ئاجىزلىق، پىشىش ياكى خاملىق جەھەتتە پەرقلەنمەستىن بەلكى، ھېسسىيات ۋە كەلگۈسى جەھەتتىكى كۈچلۈك مەسئۇلىيەت جەھەتتە پەرقلىنىدۇ. سىز ۋە باشقىلارنىڭ ئالدىدا قەھرىمانلىق كۆرسەتكەن ئوغۇللارنىڭ ئىچىدە ئاخىرى ئەر بولالايدىغانلىرىنىڭ ناھايىتى ئاز ئىكەنلىكىنى بىلىشىڭىز كېرەك. 20. ئېسىڭىزدە بولسۇن، بۇ دۇنيادا سىزنىڭ ئەڭ ياخشى كۆرۈشىڭىزگە ئەرزىيدىغىنى ئاتا-ئانىڭىزدىن باشقا پەقەت ئۆزىڭىزلا. مەنبە: تور دۇنياسى

مىلودىيە

	بۇ دۇنيادا سىزنىڭ ئەڭ ياخشى كۆرۈشىڭىزگە ئەرزىيدىغىنى ئاتا-ئانىڭىزدىن باشقا پەقەت ئۆزىڭىزلا. ماۋۇ بەكلا جىڭ گەپ!

Aydar

	21. تىرىشىپ ئۆگىنىپ ۋەتەن خەلىققە ياراملىق ئادەم بولايلى!!!

قەھۋە

	مىلودىيە يوللىغان ۋاقتى  2012-يىلى 3-ئاينىڭ 23-كۈنى 08:52 بۇ دۇنيادا سىزنىڭ ئەڭ ياخشى كۆرۈشىڭىزگە ئەرزىيدىغىنى  ... توغرا دەيسىز مىلودىيە! ھەقىقەتەنمۇ ئەقىلللىق كىشى بۇنى بىلىپ يىتىشى تەس ئەمەس. بۇ دۇنيادا سىزنىڭ ئەڭ ياخشى كۆرۈشىڭىزگە ئەرزىيدىغىنى ئاتا-ئانىڭىزدىن باشقا پەقەت ئۆزىڭىزلا. چۈشىنىش ياشىسۇن!   ئالىي مەكتەپ بەك گۈزەل، ئۇنىڭدىكى كارتىنىلار ئاندىن گۈزەل. ئۇ ئىنساننىڭ ئۆز  ھاياتىدىكى ئېسىل باھار پەسلىدۇر.

anar

	مېنىڭچە قىزلار ھازىر بۇنى تولۇقسىزدىلا ئەمىلىيلەشتۇرۈپ بولامدىكىن دەيمەن لېكىن  مېنىڭ ئالىي مەكتەپتىكى ھاياتىم بەك كۆڭۈللۈكتى

دىلەيسەم

	Aydar يوللىغان ۋاقتى  2012-يىلى 3-ئاينىڭ 23-كۈنى 09:52 21. تىرىشىپ ئۆگىنىپ ۋەتەن خەلىققە ياراملىق ئادەم بولايل ... چالا قالغان يېرىنى ئايدار تولۇقلاپ ياخشى قىپسىز، ئەڭ مۇھىم نۇقتا چۈشۈپ قاپتۇ ئەمەسمۇ

Aydar

	ئادەم ئەقىللىق بولسىمۇ باشقىچە بولىدۇ جۇمۇ

مودەن

	راسىت  قىزلار  ئالىي  مەكتەپ  ھاياتىنى  ئوقۇشقا  قارىتىشى  كېرەك  بۇ  تەربىيلىنىشنىڭ  ياخشى  پەيىتى.بۇ  ۋاقىتتا  مۇھابەتلىشىش  كۆپۈنچە  ھاللاردا  دەرىستە  چىكىنىشنى  كەلتۈرۈپ  چىقىرىدۇ