كەم بولسا بولمايدىغان ئىككى ئايال(قەھۋە)

قەھۋە

	بىر ئەر ئۈچۈن ئېلىپ ئېيتقاندا ، ئاپىسى ۋە ئايالى ئۇنىڭ ئۈچۈن ھاياتىدا ئەڭ مۇھىم ئككى ئايالدۇر ، شۇنىڭ بىلەن بىللە ئەرمۇ بۇ ئىككى ئايالنىڭ ھاياتىدىكى ئەڭ مۇھىم ئەردۇر ، بىراق بۇ ئىككى ئايالنىڭ ئەرگە بولغان پوزىتسىيەسىدە ئىنتايىن ئېنىق پەرق بار .    ئاددى ۋە دائىم ئۇچرايدىغان ئەمەلىي مىسال ئارقىلىق بۇ پەرقنى كۆرۈۋالغىلى بولىدۇ . بۇ يىل ياز كىرىشى بىلەنلا مەن ئۆزۈمنىڭ ۋە ئاپامنىڭ ئۆيىگە شامالدۇرغۇچ سېتىۋالدىم ، شامالدۇرغۇچنى ئۆيۈمگە ئورنىتىدىغان ۋاقىتتا مەن بىر ئورۇندۇقنى ئەكىلىپ ئۈستىگە چىقىپ شامالدۇرغۇچنى ئورناتماقچى بولدۇم ، لېكىن يەنىلا بويۇم يەتمىدى ، شۇنداقتىمۇ ئېسىلىپ يۈرۈپ ئاران تەستە ئورناتتىم ، مېنىڭ تەرگە چۆمۈلۈپ كەتكەنلىكىمنى كۆرگەن ئايالىم ماڭا لۆڭگە سۇنغاچ ‹‹ سىزنىڭ بويىڭىز بەكلا پاكار ئىكەن ›› دېدى . كېيىن ئوخشاش ئەھۋال ئاپامنىڭ ئۆيىدىمۇ يۈز بەردى ، ئاپام مېنىڭ بويۇم يەتمىگەنلىكىنى كۆرۈپ ، ماڭا ‹‹ بۇ ئورۇندۇق بەكلا پاكار ئىكەن ›› دېدى .    دېمەك ، ئەركىشىدىن ئاپىسى مەڭگۈ رازى بولىدۇ ، ئۇنىڭغا ئىشەنچ ۋە غۇرۇر ئاتا قىلىدۇ . ئەكسىچە ئايالى ئۇنىڭدىن مەڭگۈ رازى بولماي ، ئۇنىڭغا ھەركەتلەندۈرگۈچ كۈچ ئاتا قىلىدۇ .    ئەر كىشى ھاياتلىق يولىدا ئالغا باسىمەن دەيدىكەن ، چۇقۇم بۇ ئىككى ئايالدىن بىرى كەم بولسا بولمايدۇ . مەنبە: تەڭرىتاغ تورى

ئاھۇ

	ئەھمىيتى بار ھېكمەتكەن بۇ...بىر ئىستاكان قەھۋە ئىچكەندەك ھوزۇرلاندىم .

anar

	ئەرلەرگە مۇشۇ ئىككى ئايال كۇپايە شۇڭا ..

ayqiz

	anar بۇ يازمىنى 2010-يىلى 10-ئاينىڭ 4-كۈنى 10:27 دە يوللىغان ئەرلەرگە مۇشۇ ئىككى ئايال كۇپايە شۇڭا .. توغرا دەيسىز ياخشى خوتۇن جان مەلھىمى دەپتىكەن چوڭلار .

kamiran

	مەن  تەرجىمە قىلىپ ئەمدى يوللاي  دەپ تۇرسام  بۇ يەردە  چىقىپ بوپتۇ  بۇ  ماقالە

جۇلالىق

	ئەرلەر بۇ ئىككىسىنىڭ بىرىدىن ئايرىلىپ قالسا بىر قانىتى سۇنىدىكەندە؟