تارىختا شۇنداق بىر كىشى ئۆتكەن

قىسمەت

	ئەلقىسسە، تارىختا شۇنداق بىر كىشى ئۆتكەن. بىز تولۇقسىز ئوتتۇرا يېشىمىزدا ئاتا-ئانىمىزنىڭ پۇلىنى خەجلەپ يۈرگەندە، بۇ كىشى نەچچە قېتىم يامۇلدا يېتىپ چىققان، قېچىپ چىققان، ئەڭ بولمىسا تېشىپ چىققان ئىدى.      تارىخچىلارنىڭ ئۇچۇر بېرىشىچە، بۇ كىشى بەزىدە يامۇلنىلا ئەمەس، باشقىلارنىڭ تېمىنىمۇ تېشىپ قوياتتى. ئېپى كەلسە خەقنىڭ مال-چارۋىلىرىنى ئوغرىلاپمۇ قوياتتى. ئىشقىلىپ، جاننى ئۇتتۇرماي ياشاپ كەلگەن ئىدى.      ناھايەت، ئىلى دىيارىدا ئىنقىلاپ قوزغىلىپ، بۇ كىشىنى ئۆز قوينىغا ئالدى. قىلمىغان ئەسكى ئىشى قالمىغان بۇ كىشى باشقىچىلا بولۇپ قالدى.      بۇرۇن باشقىلارنىڭ مېلىنى ئوغرىلاپ، ئۇلارنى قان يىغلىتىپ يۈرىدىغان بۇ كىشى ئەمدى دۈشمەننىڭ بېشىنى «ئوغرىلايدۇ»غان بولۇپ قالدى.      شۇ دەھشەتلىك ئۇرۇش يىللىرىدا، بۇ كىشى ئوغۇللىرى بىلەن بايانداي قورغىنىغا مەخپىي ھۇجۇم قىلىپ، يولداشلىرى قان بېرىپ، جان بېرىپ ئالالمىغان بۇ قورغاننى ئالدى. شۇنداق قىلىپ، ئىلگىرى پېشانىسىدىن كەتمەيدىغان «ئوغرى»، «قاراقچى» دېگەن ناملارنى بىراقلا يۇيۇپ تاشلاپ، «پالۋان» دېگەن نامغا مۇشەررەپ بولدى.      بۇ كىشى ئاۋۇ رەسىمدىكى كىشى شۇ ئىدى. بۇ كىشى بىز باشلانغۇچتا ئوقۇيدىغان «سادىر دەپ ئېتىم يامان، ئونبەش ياشتا ئاتالغان» دېگەن قوشاقلارنىڭ ھەق ئىگىسى ئىدى. بۇ كىشى بىز ئۇلۇغلايدىغان بوۋىمىز «سادىر پالۋان» ئىدى.      بۈگۈن قولۇمغا ئاۋۇ سىزما چۈشۈپ قالدى. سادىر پالۋان بايانداي قورغىنىنى قانداق تېزلىكتە ئالغان بولسا، بۇ ئاددىي يازمىمۇ شۇنداق تېزلىكتە يېزىلىپ چىقتى.      ھۆرمەتلىك ئوقۇرمەن، يازمىنىڭ داۋامى سىزگە قالدى: تارىخ بىلگەنلەر يازمىنى تولۇقلار، بىلمىگەنلەر ساۋات ئالار، ۋەسسالام!      مەنبەسى: قىسمەت بلوگى      يازما مەنزىلى: http://www.qismet.me/sadir.html

anar

	تارىختا شۇنداق نۇرغۇن ئەسلەشكە تېگىشلىك ئەمما ئۇنتۇلۇپ كەتكەن بوۋىلىرىمىز ئۆتكەن دە

باتۇرچەۋەنداز

	چىرىك ئاتىدۇ تاشقا، سادىر ئاتىدۇ باشقا.

ياۋاگۈل

	سادىردەپ ئىتىم يامان، ئون بەش ياشتا ئاتالغان. دەسلەپكى تۇتۇلغاندا، يامۇلخانغا پالانغان. يامۇلنىڭ ياغاچلارى، ئىگىزقارىغاي چەنزە. يامۇلنى تىشىپ چىققان، سادىرئۆزى خوخەنزە.

kizilgul

	ياۋاگۈل يوللىغان ۋاقتى  2012-يىلى 5-ئاينىڭ 15-كۈنى 23:49 سادىردەپ ئىتىم يامان، ئون بەش ياشتا ئاتالغان. دەسلەپكى ... يامۇلخانغا پالانغان ئەمەس : قۇمۇلخانغا پالانغان .

Jewlaniy

	يەنە تارىختا مەنمۇ ئۆتكەن، ئاستا- ئاستا تارىخقا ئايلىنىمەن. لېكىن مېنىڭ تارىخقا ئايلىنىشىم ئىزدىرەكسىز غايىپ بولۇىش ۋەياكى ئۇنتۇلماس تارىخقا ئايلىنش بولىشى مۇمكىن. ھەمىمىز بىر تارىخنىڭ گۇۋاھچىللىرىدۇرمىز. يىڭى تارىخنى ياراتقۇچىلاردۇرمىز.  تارىخ  ھازىرقىلار يارىتىدىغان، كىيىنكىلەر  ياد ئىتىدىغان نەرسە.

مودەن

	بۇ شېئرنى شۇنداقمۇ بىر يادا ئالدۇرغان مۇئەلىملەر مانا تاشقا مۆھىر باسقاندەك ھەممىمىز بىلدىكەنمىز بۇنداق پالىۋانلارنى  مەڭگۈ ئۇنۇتمايمىز ئەلۋەتتە

Aydar

	سادىر پالۋاننى چوڭقۇر ئەسلەيمىز.