بايرىمىڭغا مۇبارەك بولسۇن!

ئارسلان

	بايرىمىڭغا مۇبارەك بولسۇن! بۈگۈن سىنىڭ بايرىمىڭ . گۈل ئېلىپ قېشىڭغا بارالمايمەن . بۈگۈن سىنىڭ شاتلىققا تولغان كۈنۈڭ ، مۇھەببەتلىك تىلەكلىرىمنى قۇلىقىڭغا پىچىرلىيالمايمەن . سۈرىتىڭ قۇلۇمدا ، ئالقانلىرىمنى كۆيدۈرۋاتىدۇ ، سىمايىڭ قەلبىمدە ، سىغىنىش ئوتلىرى قەلبىمنى يالقۇنلۇق پىچقا ئايلاندۇرۋاتىدۇ .  يالغۇزلۇق ھىس قىلىۋاتىسەن جېنىم ، ئۈزەڭنى خۇشال تۇت ، كۆڭلۈڭنى يېرىم قىلما . ئايغا باققىن ، بىراق ياش تۆكمە . سەن مىنى ئىزەپ تۇلۇنئايغا قارىغىنىڭدا ، مەنمۇ سىنىڭ سىمايىڭنى ئىزدەۋاتقان بۇلىمەن . كۆزلىرىڭدىن بالقىغان مۇھەببەتلىك نۇر تۈن بوشلىغىنى يېرىپ ئۈتۈپ ، نۇرى ئۆچكەن كۆزلىرىمگە جان ئاتا قىلسۇن . مەن نىمىلەرنى دەۋاتىمەن ؟ كەپسىز شاماللار سىر-ئەسرالىرىمنى ساڭا يەتكۈزۈپ دەرتلىك قەلبىڭنى تېخىمۇ پايخان قىلسا ،ئۈزەمگە قىلغان ۋەدە-قەسەملىرىمگە ئاسىي بۇلۇپ قالمامدىم ؟ ھامىنى بىلىسەن .سەندىن يۇشۇرغىنىمدىن ۋىجدانىم مىنى ئەيىپلەيدۇ . مىنى كەچۈر ئالدىڭدا جىنايەتكارمەن . شۇنداق قىلماي مىنىڭمۇ ئامالىم يوق . تاشلاپ كىتىشىڭدىن قورقىمەن . كۆز نۇرۇم ئۆچكەن ئاشۇ كۈنى ئىسمىڭنى قانچە قېتىملاپ چاقىرغىنىمنى بىلمەيمەن . بەلكىم ئىسمىڭنى زىكرى قىلىش ئارقىلىق قايغۇنى يەڭمەكچى بولغاندىمەن ! رىئاللىق كۈلۈپ باقمىدى . دوختۇرنىڭ تەكشۈرۈپ بۇلۇپ ، ھەسرەتلىك ئۇھ تارتقىنىدىن بۇ ئالەمنىڭ مەن ئۈچۈن مەڭگۈلۈك قاراڭغۇلۇققا چۈمگەنلىكىنى ، سىنى كۈرۈشنىڭ شىرىن چۈشكە ئايلانغانلىقىنى بىلدىم .سەن ئۈچۈن ياشناتقان ۋىسال باغلىرىمغا ۋاقىتسىز ئۈششۈك تەگدى ، ئەقىدە گۈللىرىم ئېچىلماي تۇرۇپ زىمىستاننىڭ قۇربانىغا ئايلاندى . بۇ ھالىمنى ساڭا قايسى تىلىم بىلەن دەي ؟ مۇھەببىتىڭدىن شۈبھىلەنمەيمەن ، مىنى دەپ بىر ئۆمۈر جاپا تارتىشىڭنى خالىمايمەن . سەن خالىغىنىڭ بىلەنمۇ نۇرغۇن بېسىملارغا دۇچ كىلىسەن ، كىممۇ ئۈزىنىڭ يۈرەك پارىسىنى قاراپ تۇرۇپ ئوتقا ئىتتەرسۇن ؟ شەخسىيەتچىلىكىمدىن بۇ سىرىمنى سەندىن توققۇز ئاي يۇشۇرۇپ كەلدىم ، بىلەمسەن ساق توققۇز ئاي . ئەپتى-بەشرەم ئاشكارلىنىپ ، نەپرەتلىك قاراشلىرىڭدىن قەلبىم بىتچىت بۇلۇشتىن ئىلگىرى ئىقرار قىلغىنىم تۈزۈك . ئىسىڭدىدۇ ، بىز كەلگۈسىمىز ئۈچۈن ئوتقا ئايلانغانىدۇق ، كىلەچىكىمىز ئۈچۈن  پەرۋانىدەك ئۈزىمىزنى ھەريان ئۇراتتۇق . قىزىقىشىمىز ئوخشاش ، ئارزۇ -ئىستەكلىرىمىز ئوخشاش ، بولغۇسى دۇنيالىرىمىز ئۈچۈن قىلىشقان قىياسلىرىمىز تېخمۇ ئوخشاش ئىدى ، مۇشۇ ئوخشاشلىقلار بىزنى بىر جان ، بىر تەن قىلىۋەتكەن ئىدى . تەلەي قۇشى بېشىڭغا قۇنۇپ ، مەندىن ئايرىلىۋاتقان ئەشۇ كۈنلەردە چاندۇرماستىن ساڭا غەلىبىلەر تىلەيتتىم ، ئارقاڭدىن چۇقۇم بارىدىغانلىقىمغا ئىشەندۈرۈشكە ئۇرۇناتتىم . كەتتىڭ ، كۈزۈڭ كەينىڭدە ، زورىغا قىلغان تەبەسسۇمىڭ ئىلگىرىكىگە ئوخشىماي قالدى . ۋاقىت ئۈتۈۋەردى ، رىشتىمىز تېخىمۇ چىڭ باغلاندى . جان-جەھلىم بىلەن تىرىشتىم ..... ئارزۇ قىزى ئاخىرى ماڭىمۇ كۈلۈپ قارىدى . داڭلىق ئونۋىرسىتىتنىڭ ئۇقۇغۇچىسىمۇ بولدۇم . يەنە ئايرىلدۇق . ئىككىمىز ناھايىتى يىراق يەردىكى ئىككى شەھەردە بولساقمۇ ،  مۇھەببەتلىك تىلەكلىرىمىز بىر-بىرىمىزنىڭ جېنىغا جان قوشاتتى ، ھەممە ھەۋەس قىلاتتى ، ھەسەت قىلاتتى ، سۇغۇقچىلىقمۇ سالاتتى . پەرۋا قىلمايتتۇق .   ئاۋغۇستنىڭ گۈزەل كۈنلىرى . قۇياش يەر-جاھانغا مىھىرلىك نۇرىنى سەپمەكتە ، گۈل-چىچەكلەر دىماقلارنى غىدىقلىماقتا ، نەغمىچى قۇشلار ئۆز كۆيلىرىنى ياڭراتماقتا . سەيلى قىلىۋاتمىز ، بوينۇڭدىكى قىپقىزىل گاز ياغلىقىڭدىن قايتقان شۇلا تىگىدىن ئاق گۈزەل چىھرىڭگە يۇپقا قىزىللىق ئاتا قىلغان ، ناچىدەك بۇرۇنلىرىڭدا شەبنەمدەك تەر يالتىرايدۇ ، زىلۋا قامىتىڭگە خوپ ياراشقان ئۈرۈمە چاچلىرىڭنىڭ بەللىرىڭدە سويلىسشى بەئەينى يىلاننىڭ ئۈزى ، قارايمەن . تويماي-تويماي قارايمەن . چۈنكى سەن مۇشۇ گۈزەل لاتاپىتىڭ بىلەن مىنىڭ ئىدىڭ . تۇيىمىز بىر يىلدىن كىيىنگە قارار تاپتى . ھەر ئىككىمىز ئالەمچە شاتلىققا چۆمدۇق .   خىزمىتىمىز ئالدىراش ھەم كۈڭۈللۈك . قېتىقىنىپ ئىشلەيمىز . سەنمۇ ، مەنمۇ خىزمەت ئۇرۇنلىرىمىزدا ئۈزىمىزگە چۇشلۇق ھۆرمەت تىكلىدۇق . ھايات ئۆز گۈزەللىكى ، شەپقىتى بىلەن بىزگە باشقىچە كۈلۈپ باقماقتا . نىمىشقىدۇر مۇشۇ بەختىيار كۈنلەردە تۇرۇپ-تۇرۇپ كۈزۈم خىرەلىشىدىغان بۇپ قالدى ، ئۇيقىسىزلىقتىن ، چارچاشتىن بولسا كىرەك دەپ . ئۈزەمنى بەزلەپ يۈردۈم ، ساڭىمۇ چىش يېرىپ ھېچنىمە دىمىدىم ئەنسىرىمىسۇن دەپ . شۇنداقتىمۇ يەنىلا ۋاقىتنى قولدىن بەرگۈم كەلمەيتتى ، تىرىشاتتىم ، ئىجتىھات قىلاتتىم .  تۇيۇقسىز ئامىتىم كەپقالدى . ئۇقۇشقا بارىدىغان بۇپ قالدىم ، يەنە كىلىپ ئانا مەكتىپىمگە . بۇ خەۋەرنى تۇنجى بۇلۇپ ساڭا يەتكۈزگىنىمدە قۇشۇماڭ بىلىنەر - بىلىمەس تۈرۈلدىيۇ ، مۇبارەكلىدىڭ ، خەيرىلىك تىلىدىڭ .   قايتىدىن ماڭا قۇچاق ئاچقان سۈيۈملۈك ماكان . ئاسمانغا بوي تارتقان ھەيۋەتلىك بىنالار ، ئۆزگىچە گۈزەللىكى بىلەن شەھەرگە ھۆسۈن قوشقان گۈلزارلىقلار ، قاينام-تاشقىنلىق ئاۋات رەستىلەر مىنى قارشى ئالغاندەك تېخىمۇ جۇلالانماقتا ، قەلبىم خۇشاللىقتىن يىراق ، تەنھادۇرمەن . نازاكەتلىك جىسمىڭ ھەر قاچان كۆز ئالدىمدا ، تاتلىق پىچىرلاشلىرىڭ كۈمۈش قوڭغۇراقتەك قۇلىقىم تۈۋىدىلا جاراڭلايدۇ ، ساڭا بولغان سىغىنىشىمنى كىتاپلار دۈۋىسىدىن ئۇنتۇلدۇرىمەن . ساڭا بەرگەن ۋەدەم مىنى ھەردەم تىرىشىشقا ئۈندەپ تۇرىدۇ . بۈگۈن تۇنجى قېتىم ئايلىنىشقا چىقتىم ، گۇيا يېنىمدا سەن باردەك ، كىشىلەر تۇپىغا قارىماقتىمەن . سىنچى كۆزلىرىم يىراقلارغا نەزەر تاشلىماقتا . سەن يوق چۆلدەرەپ قالغان قەلپ بوستانىم قايتىدىن قاغجىرىماقتا . ھەممە ئىش مۇشۇ مەقسەتسىز كۇچا ئايلىنىشتىن باشلاندى ، بەلكىم تەقدىرى ئەزەلدە پۈتۈلگىنى شۇ ئوخشايدۇ . ماشىنىغا دۇچ كىلىپ قالغان بىر كىچىك قىزچاققا قاراپ ئىتىلغىنىم ، ماشىنىنىڭ زەرپ بىلەن ئۇرۇلىشى غۇۋا ئىسىمدە تۇرۇپتۇ .... ئىسىمگە كەلسەم پۇتۇنلەي قاراڭغۇلۇق ، گۇيا تۈۋى يوق ھاڭغا مەھكۇم بولغاندك  .... يارىلىنىپتىمەن ، ھەممىدىن قورقۇنچلىقى كۈزۈمدىن ئايرىلىپتىمەن . ئەمدىكى كۈنلىرىم كىسەل كارۋىتىدا ئۈتۈۋاتىدۇ ، شىرىن خىياللىرىم نەلەردە قالدى . سىنى ئەسلەيمەن ، ئۇنىڭ نېرىسىغا ئۈتەلمەيمەن . چۈنكى مەن تۈگەشتىم . بارلىق ئارمانلىرىم بەربات بولدى . مىنىڭ جەسۇرلىقىم قېنى ؟ ئۈزەمگە ۋەدە بىرىمەن ، بىراق ۋەدىلىرىم تۇتۇندەك بىردەمدە غايىپ بۇلىدۇ . كارىۋاتتىن چۈشتۈم . مەكتەپتىن مىنىڭ قايتىشىمغا ئىجازەت بەرگەنلىكىنى ئاڭلاپ ، جانسىز كۆزلىرىمدىن تۇنجى قېتىم ياش تۆكتۇم . بىر يىل توشقىچە قايتۇرماسلىقىنى ، ھېچكىمگە يۈك بولمايدىغانلىقىمنى ، ئۇقۇش ئارزۇيۇمنى قايتا-قايتا ئىلتىجا قىلدىم ، ئاخىرى ماقۇل بۇلۇشتى . قېپقالدىم ، قىينالساممۇ سىنىڭ ئالدىڭغا بۇنداق بېرىشقا كۆڭلۈم ئۇنىمىدى ، يەنە ئۈچ ئايدىن كىيىن قايتىشقا مەجبۇرمەن . شۇ چاغدا سەن بىلەن قانداق كۈرۈشۈشنىمۇ قىياس قىلالمىدىم . ياخشى ئىت ئۈلۈگىنى كۆرسەتمەپتۇ دەپ مەلۇم باھانە سەۋەپلەرنى تېپىشىم مۇمكىن . بىراق كۈننى ئىتەك بىلەن ياپقىلى بولمايدۇ دە ، قىلىدىغان بىردىنبىر ئىشىم ساڭا بەخىت تىلەش ، سىنى ماڭا نەپرەتلىنىدىغان قىلىش . قۇلۇمدىن كىلەرمۇ ؟   تىلىفۇنۇم يەنە سايراشقا باشلىدى ، يۈرىكىم تۇيۇۋاتىدۇ . چۇقۇم سەن . خائىن قوللۇرۇم تىلىفۇن كۇنۇپكىسىنى بېسىپ بولدى . مەن مەڭگۈ ئۇنتۇيالمايدىغان سىنىڭ ئاۋازىڭ . تىلىفۇننى قۇلىقىمغا چاپلىدىم . ۋەي ..... بايرىمىڭغا مۇبارەك بولسۇن جېنىم . مەنبە : قەلىمىم 2012.3.6

جۇلالىق

	ئۇھ!............ نېمانداق ئازاپلىق كەچۈرمىشلەر... ئۆزۈمنى سەندىن شۇنچە قاچۇرۇشقا تىرىشساممۇ يەنىلا بىر خىل قەدەملىرىم سېنىڭ ئۆيۈڭ تەرەپنى تارتىۋاتىدۇ، سېنىڭ چىرايىڭنى بىرلا كۆرۈۋالغۇم بار. بىراق بۇ مۇمكىن ئەمەس. ئاۋازىڭنى بولسىمۇ ئاڭلىۋالسام دەيمەن. سېنىڭ ئاشۇ گۈزەل سىمايىڭ قەلبىمنىڭ چوڭقۇر قېتىدا مەڭگۈ ساقلانغۇسى!

گۇلخان

	ئارسىلاننىڭ  بىردەستە  خۇشپۇراق  گۈلىگە رەھمەت! شۇقەدەر  نازۇك تۇيغۇلار ، شۇ قەدەر سەمىمى  ھىسيات!:victory:

hilal

	شۇ قەدەر نازۇك ، شۇ قەدەر گۈزەل تۇيغۇلار ... يۈرەكنى سۇ قەدەر ئىزىدىغان ھىكايە ... چارىسىز بىر نەتىجە ... ئىلتىجا ...:'(