24 ياشلىق قىز بىلەن 30 ياشلىق ئەرنىڭ سۆھبىتى

otkankunlar

	24 ياشلىق قىز بىلەن 30 ياشلىق ئەرنىڭ سۆھبىتى _______________________________________________________________________________________________ "بۇ تېمىنى خېلى بۇرۇنلا بىر يەردە كۆرۈپ ، ياراپ قېلىپ ساقلاپ قويغان ئىدىم، ئاپتورى يادىمدا قالماپتۇ. تورداشلارغا كۆپرەك ئۇچۇر يەتكۈزۈش مەقسىتىدە تەرجىمە قىلىپ ئەۋەتتىم  " _______________________________________________________________________________________________ ئۈستەلنىڭ ئىككى تەرىپىدە ، ئەر بىلەن قىز ئولتۇرۇشقان . " مەن سىزنى ياخشى كۆرىمەن " . قىز قولىدىكى رومكىنى ئوينىتىپ تۇرۇپ سۆز باشلىدى . " مېنىڭ ئايالىم بار " . ئەر قولىدىكى ئۈزۈكنى سىىلاپ قويۇپ جاۋاپ بەردى . " ئۇنىڭ بىلەن چاتىغىم يوق ، مەن پەقەت سىزنىڭ ھېسياتىڭىزنى بىلمەكچى . سىز مېنى ياخشى كۆرەمسىز ؟ " . تەسەۋۋۇردىكى جاۋاپ . ئەر بېشىنى كۆتۈرۈپ قىزنى كۈزىتىشكە باشلىدى . 24 ياش ، چىرايلىق ، ھاياتى كۈچكە تولغان ، خېلىلا بولىدىغان بىر ياش . سۈزۈك تېرە ، تولغان بەدەن ، بىر جۈپ گەپ قىلالايدىغان سېھىرلىك كۆز . نىمە دېگەن ئېسىل قىز ، ئېسىت . .. " ئەگەر سىزمۇ مېنى ياخشى كۆرسىىڭىز ، ئاشنىڭىز بولساممۇ بولىدۇ " . قىز ئەرنىڭ جاۋابىنى كۈتەلمىدى . " مەن ئايالىمنى سۆيىمەن ." ئەر قەتئىيلىك بىلەن جاۋاپ بەردى . " ئۇنى سۆيىسىز ؟ ئۇنىڭ نىمىسىنى ؟ ھازىر ئۇ ئاللىقاچان قېرىپ ، بىرسىىگە كۆرسەتكۈسىىز بولۇپ كەتكەندۇ . ئەمىسە نىمەدەپ ئۇنى ئىدارىنىڭ پائالىيەتلىرىگە باشقا ئەرلەردەك بىرگە ئېلىپ كېلەلمەيسىز . . . . . . " قىز يەنە داۋاملىق سۆزلىمەكچى بولدىيۇ ، ئەرنىڭ تۈرۈلگەن قوشۇمىلىرىنى كۆرۈپ توختاپ قالدى . جىمجىتلىق . . . . . . " سىز مېنىڭ نەرىمنى ياخشى كۆرىسىز؟ " ئەر ئېغىز ئاچتى . " سىز سالماق ، تەمكىن ، سۆز - ھەرىكەتلىرىڭىزدە كۈچلۈك ئەرلىك پۇراق بار ، باشقىلارغا كۆڭۈل بۆلۈشنى بىلىسىز . بەك جىق ، ئىشقىلىپ مەن بۇرۇن كۆرگەن ئادەملەرگە پەقەت ئوخشىمايسىز ، سىز ئالاھىدە " " ئۈچ يىلنىڭ ئالدىدىكى مېنىڭ قانداقلىغىمنى بىلەمسىز ؟ " ئەر تاماكىدىن بىر تال تۇتاشتۇردى . " بىلمەيمەن . كارىممۇ يوق ، ھەتتا تۇرمىدە ياتقان بولسىڭىزمۇ... " " ئۈچ يىلنىڭ ئالدىدا ، مەن سىزنىڭ نەزىرىڭىزدىكى ئادەتتىكى ئەرلەرنىڭ بىرى . " ئەر قىزنىڭ گېپىگە پەرۋا قىلماستىن سۆزىنى داۋاملاشتۇردى . " ئادەتتىكى بىر ئالى مەكتەپنى پۈتتۈردۈم ، خىزمەت كۆڭۈلسىز ، كۈندە ھاراق ئىچىپ ، جىدەل ماجرا بىلەن يۈرەتتىم ، قىزلارغا پەرۋا قىلمايتتىم ، ****لەردىن ئۆزەمنىڭ ھاۋايى ھەۋىسىنى قاندۇراتتىم . ئىشرەتخانىلاردا پاھىشە ئىزلەپ ساقچىلار تەرىپىدىن تۇتۇلۇپمۇ باققان " " ئۇنداقتا ؟ " قىز خېلىلا قىززىقتى ، ئۇنىڭ قانداق نەرسىنىڭ بىر ئەرنى باشقىچە قىلىپ ئۆزگەرتىۋەتكەنلىگىنى بىلىپ باققۇسى كەلدى . " ئايالىڭىز ئۈچۈنمۇ " . " شۇنداق " . " ئۇ ، ھەمىشە ئاسانلا بىر ئىشلارنىڭ سەۋەبىنى بىلىۋالالايتى . ماڭا نۇرغۇن نەرسىىلەرنى ئۆگەتتى ، ئېرىشكەن ياكى يوقۇتۇپ قويغان نەرسىلەرگە ئارتۇقچە قايغۇرماسلىقنى ؛ كۆز ئالدىدىكى ئىشلارغا بەك ئېتىبار قىلىپ كەتمەسلىكنى ؛ كىشىلەرگە ئامالنىڭ بارىچە سەمىمىي مۇئامىلە قىلىشنى بىلدۈردى . شۇ چاغلاردا مەن ئۇنىڭ ئالدىدا ئىش بىلمەيدىغان بالا ئىدىم . شۇ ھېسىياتلار بەلكىم ، سىزنىڭ ھازىر ماڭا بولغان ھېسياتىڭىزغا ئوخشاشدۇر . ھەيرانمەن ، مىجەزىم شۇنچە چۇس تۇرۇپ نىمە ئۈچۈنكى ئۇنىڭ گېپىنى بەك ئاڭلايتىم . ئۇنىڭ دىگىنى بويىچە ئەمەلىيەتچىل بولدۇم ، ئۆزەمنىڭ كارغا كەلمەيدىغىنىمنى بىلىپ تىرىشىپ ئىشلىدىم ، خېلىلا ياخشىلانغاندىن كېيىن بىز توي قىلدۇق . " ئەر تاماكىسىنىڭ كۈلىنى كۈلدانغا چۈشىرىۋېتىپ سۆزىنى داۋاملاشتۇردى . " ئۇ چاغلاردا تۇرمۇش ھەقىقەتەن قىيىنچىلىقتاا ئىدى . ئىككى ئادەم بىرلا كارۋات ، ئۆي جابدۇقلىرىمۇ يوق دىيەرلىك . بىلسىڭىز ، توي قىلىپ بىر يىلدىن كېيىن ئاندىن ئۇنىڭغا تويلۇق ئۈزۈك ئېلىپ بەرگەن ، شۇ پۇلنىمۇ بىر يىلدىن ئوشۇق ۋاقىت يىغقان ئىدىم . ئەلۋەتتە ئۇنىڭدىن يوشۇرۇنچە ، ئەگەر بىلىپ قالسا ھەرگىزمۇ قوشۇلمايتتى " " ئۇ چاغلاردا ھاراق ، تاماكا سالامەتلىگىمنى ناچارلاشتۇرىۋەتكەن ئىدى . قىشنىڭ قاتتىق سوغاقلىرىدا ، ھەر ئاخشىمى ئۇخلاشنىڭ ئالدىدا ماڭا شورپا قىلىپ بېرەتتى ، ئۇ خىل تەمدىكى شورپىنى پەقەت شۇلا قىلالايتى " ئەر ئەسلىمىلەر ئىچىگە كىرىپلا كەتتى ، ۋاقىتنى ئۇنتىدى ، توختىماستىن ئۆتكەن ئىشلارنى سۆزلەۋاتاتتى . قىز بولسا قىلچە دەخلى قىلىدىغاندەك ئەمەس ئىدى ، جىمجىت ئاڭلاپ ئولتۇراتتى . ئەر تۇيۇقسىز بىر نەرسە ئېسىگە كەلگەندەك سائىتىگە قارىدى . سائەت ئاللىقاچان 10 بولغان ئىدى . " توۋا ، كەچۈرىسىز ئۇنتۇپلا كېتىپتىمەن ، بەك كەچ بولۇپ كېتىپتۇ " " سىز ئەمدى مېنى چۈشەنگەنسىز ؟ مەن ئۇنىڭغا يۈز كېلەلمەيدىغان ئىشنى قىلمايمەن ھەم قىلالمايمەن " " چۈشەندىم ، بۇنداق بىر ئايالغا ئۇتتۇرۇپ قويغىنىمغا ھەقىقەتەن تەن بەردىم " . قىز ئامالسىز بېشىنى لىڭشىتىپ قويدى ، " مەن شۇ ياشقا بارغاندا ئۇنىڭدىنمۇ ئېشىپ چۈشىمەن ، تېخىمۇ مېھرىبان... " " ئۇنداقتا، تېخىمۇ ياخشى ئەردىن بىرنى تاپالايسىز ، شۇنداقمۇ ؟ بەك كەچ بولۇپ كېتىپتۇ ، شورپاممۇ سوۋۇپ قالدى ، مەن سىزنى ئۆيىڭىزگە ئاپىرىپ قوياي " ئەر ئورنىدىن تۇرۇپ قىزنى ئاپىرىپ قويماقچى بولدى . "بولدى ، ئۆزەم قايتاي " قىز ئەدەپ بىلەن رەت قىلدى . " قايتىڭ ئۇ سىزنى ساقلاپ قالمىسۇن " ئەر مېييىغىدا كۈلۈپ قويۇپ ، كەينىگە بۇرۇلۇپ ماڭماقچى بولدى . " ئۇ چىرايلىقمۇ ؟ " " . . . . . . . . . شۇنداق ، ئىنتايىن چىرايلىق " ئەرنىڭ سىماسى تۈن قاراڭغۇسىدا غايىپ بولدى ، يالغۇز قالغان قىز شامغا ھاڭۋاققىنىچە قاراپ نىمىلەرنىدۇر ئويلاۋاتاتتى . ئەر كارۋاتنىڭ يېنىغا كېلىپ ئولتۇردى . " خوتۇن ، بۇ تۆتىنجىسى . مېنى نىمانچە بۇنچە ياخشى قىلىۋەتكەنسەن ، نۇرغۇن ئادەملەر مېنى ياخشى كۆرىدۇ . دېققەت قىلمىسام ئۆزگۈرۈپ قالىمەن جۇمۇ . مېنى شۇنچە ياخشى قىلىپ ئۆزگەرتىپ قويۇپ، ئۆزۈڭنىڭ بالدۇرلا ئۇ ئالەمگە كېتىپ قالغىنىڭ نىمىسى ؟ مەن ، مەن يالغۇز ، بەك غېرىپلىق ھېس قىلىۋاتىمەن " ئەر بوغۇلۇپ تۇرۇپ سۆزلەۋاتاتتى ، ئاخىرى ئۆزىنى تۇتالماي ئېسەدەپ كەتتى . كۆز ياش ، توختىماستىن تاراملاپ چۈشۈشكە باشلىدى . غۇۋا چىراق يورىقى ، تامدىكى كونا رەسىىمدىن ۋاپات بولغان سۆيۈملۈك ئايالىنىڭ ھىدى كېلىۋاتاتتى ... خوتەن قاشتېشى تور بېتى

جۇلالىق

	بۇنداق مۇھەببەت نەقەدەر قىممەتلىك ھە؟! مۇھەببەتنى چىن ماھىيتىدىن چۈشەنگەندە ئاندىن مۇھەببەتنىڭ قەدرىگە يەتكىلى بولامدىغاندۇ؟

مەرۋەرى

	تەسىرلىك مۇھەببەت ھېكايىلىرى ئىچىدىكى ماڭا ئەڭ تەسىر قىلغان يەنە بىر ھېكايە:(

گۇلخان

	راست، بۇنداق مۇھەببەت ھىكايىللىرى ئەتراپىمىزدا  ئۇچراپ  تۇرىدۇ.ھەقىقەت  ئادەمنىڭ  ھەۋىسىنى  كەلتۈرىدۇ.ئادەم ئاشۇنداق  مۇھەببەت ئىچىدە  ياشىيالىسا، بىرىگە ئاشۇنداق  مۇھەببەت  بىرەلىسە  نەقەدەر بەخىتلىك  بولغان  بۇلاتتى-ھە1

بەرىبىر

	مۇھەببەت تىگىگە يەتكىلى بولمايدىغان، تەدبىر بېرىش تەس بولغان بىر ئۇقۇم  ،مۇھەببەت ھەقىقىي قىمىتىنى بىلگۈچىلەر ئۈچۈن ئەڭ قىممەتلىك ،رەخمەت سىزگە ....

ئەزىزتارىم

	ئەجەپ تەسىرلىك چىققان ھىكايە ئىكەن ،ماڭا بۇ كۇنلەردە بەك تەسىرقىلغان ھىكايە بۇلۇپ قالدى، ئۇقۇۋېتىپ ھاياجاندا تەنلىرىمنى تىترەك باستى. مۇشۇ ھىكايىگە ئوخشاش مۇھاببەتنىڭ قەدرىنى بىلمەك بەك تەس ئىكەن،نۆۋەتتىكى تۇرمۇش قۇرغان ئەر-ئاياللار بىرقېتىم ئۇقۇپ چىقىشقا تېگىشلىك ھىكايە ئىكەن.تەربىيۋى ئەھمىيتى كۈچلۇك بولغان ھىكاينى يوللىغىنىڭىزغا تەشەككۇر.

dilroh

	مۇشۇنداق ئەرلەردىن ھازىر نەچچچىسى بار

hilal

	بۇنى نۇرغۇن قېتىم ئوقۇپ كەتتىم ، ئەمما ھەر قېتىم ئوقۇغاندا ئازراقتىن تەسىرلىنىپ ماڭدىم ... كېتىپ قالغاندا ئاندىن شۇ ئىسىل ئايالىنىڭ قەدرىگە يەتكەن ھاماقەت ئەر .... ئۇنىڭ بىر نەچچە قىزنى رەت قىلىپ كېلىپ نازلىق گۈزەلدىن بىرىنىڭ كەينىدىن ئەگىشىپ كېتىدىغانلىقىغا چەكسىز ئىشىنىمەن ....

خۇشچىراي

	تەسىرلىك ھىكايە ئىكەن ،ھىكايە ھامان ھىكايىدە،ئەمەلىيەتتە بولسا ئۇ ئەر تۆتىنچىسىگىچە ساقلارمىدى ؟

قەھۋە

	بەك تەسىرلىككەن! يۈرەكلىرىم جىددى سوقۇپ، بىردە شۇنچىلىك ھەسرەت، ئازاب مەۋجۇتتەك....    ئەمەلىي تۇرمۇشىمىزدا بۇنچىلىك نەق ھىكايىدىن نەچچىسى بار؟ ئەر تاماكىسىنىڭ كۈلىنى كۈلدانغا چۈشىرىۋېتىپ سۆزىنى داۋاملاشتۇردى ......