بايرىمىمىزغا مۇبارەك بولسۇن !!!!

dilroh

	8-مارت ئاياللار بايرىمىنىڭ كىلىپ چىقىشى 3-ئاينىڭ 8-كۈنى خەلقئارا ئەمگەكچى ئاياللار بايرىمى.بۇ بايرام يەنە «8-مارت بايرىمى»،«ئاياللار بايرمى»،«8-مارت خەلقئارا ئاياللار بايرىمى»دەپمۇ ئاتىلىدۇ.بۇ بايرام دۇنيادىكى بارلىق ئەل ئاياللىرىنىڭ تىنىچلىق،باراۋەرلىك،تەرەققىياتنى قولغا كەلتۈرۈش ئۈچۈن بوشاشماي كۆرەش قىلىدىغان بايرىمىدۇر. 1909-يىل 3-ئاينىڭ 8-كۈنى،ئامرىكا ئىللىيونۇس شىتاتى چىكاكۇ شەھرىدىكى ئايال ئىشچىلار ۋە پۈتۈن مەملىكەتتىكى توقۇمۇچىلىق،كىيىم-كىچەك ساھەسىدىكى ئىشچىلار بىرلىكتە كەڭ كۆلەملىك نامايىش ئۆتكۈزۈپ،مۇئاش تەمىناتىنى ئۆستۈرۈش،8 سائەتلىك ئىش تۈزۈمىنى يولغا قۇيۇش،سايلاش-سايلىنىش ھوقۇقىنى قۇلغا كەلتۈرۈشنى تەلەپ قىلدى.بۇ تارىختىكى ئەمگەكچى ئاياللارنىڭ تۇنجى قېتىملىق تەشكىللىك ئاممىۋىي كۈرىشى بولۇپ،ئەمگەكچى ئاياللارنىڭ قۇدرىتىنى تولۇق نامايەن قىلدى.بۇ قېتىمقى ئىنقىلاپ پۈتۈن مەملىكەتتىكى ھەتتا پۈتۈن دۇنيادىكى ئاياللارنىڭ ھىسىداشلىقىغا ،قۇللاپ قۇۋەتلىشىگە ئىرىشىپ ،ئەڭ ئاخىردا غەلبىگە ئىرىشتى. بىرىنچى دۇنيا ئۇرۇشى ھارپىسىدا ،دۇنيانى ئۇرۇش تۇمانلىرى قاپلىغان بۇلۇپ ،جاھانگىرلار دۇنيانى مۇستەملىكە قىلىشقا ئۇرىنىدۇ.1910-يىل 8-ئايدا دانىيەنىڭ پايتەختى كوپىنھاگىندا خەلقئارا ئىنتېرناتسىئۇنالنىڭ 2-قېتىملىق قۇرۇلتىيى ئېچىلىدۇ.قۇرۇلتايغا 17 دۆلەتتىن كەلگەن ۋەكىللەر قاتناشقان بۇلۇپ،قۇرۇلتايدا ئاساسلىقى جاھانگىرلارنىڭ ھەربىي ھازىرلىقلارنى كىڭەيتىشىگە قارشى تۇرۇش،دۇنيا تىنىچلىقىنى قوغداش،ئاياللار ۋە بالىلارنىڭ ھوقۇق مەنپەتىنى قوغداش،8 سائەتلىك ئىش تۈزىمىنى يولغا قۇيۇش،ئاياللارنىڭ سايلاش-سايلىنىش ھوقۇقىنى قولغا كەلتۈرۈش قاتارلىق مەسلىلەر مۇزاكىرە قىلىنىدۇ.بۇ قېتىملىق قۇرۇلتايغا رەھبەرلىك قىلغان گىرمانىيەلىك مەشھۇر سوتسىيالىزىم ئىنقىلاپچىسى،كۆزگە كۈرۈنگەن كوممۇنىزىم جەڭچىسى كىلارا.زېتكىن ھەر يىلى 3-ئاينىڭ 8-كۈنىنى پۈتۈن دۇنيا ئاياللىرىنىڭ «كۆرەش كۈنى»قىلىپ بىكىتىشنى تەشەببۇس قىلىدۇ،ھەمدە بارلىق ۋەكىللەرنىڭ بىردەك ھىمايە قىلشىغا ئىرىشىدۇ.شۇنۇڭدىن ئىتىبارەن «8-مارت» ئاياللار بايرىمى دۇنيا ئاياللىرىنىڭ ھوقۇق مەنپەتىنى قۇلغا كەلتۈرۈش،ئازاتلىقنى قولغا كەلتۈرۈش بايرىمى بۇلۇپ قالىدۇ. 1911-يىل 3-ئاينىڭ 8-كۈنى بىرىنچى قېتىملىق خەلقئارا ئەمگەكچى ئاياللار بايرىمى. دۆلىتىمىزدە 1922-يىلدىن باشلاپ 8-مارت بايرىمى تەبرىكلىنىشكە باشلىغان.جۇڭگۇ ئاياللىرىنىڭ تۇنجى قېتىملىق ئاممىۋى خاراكتىرلىق 8-مارتنى تەبرىكلەش پائالىيىتى 1924-يىلى گۇاڭجۇدا ئۆتكۈزۈلگەن. 1949-يىل 12-ئايدا،مەركىزىي خەلق ھۆكۈمىتى ھەر يىلى 3-ئاينىڭ 8-كۈنىنى ئاياللار بايرىمى قىلىپ بىكىتكەن.بىرلەشكەن دۆلەتلەر تەشكىلاتى 1975-يىلىدىكى خەلقئارا ئاياللار يىلىدىن باشلاپ ئاياللار بايرىمىنى تەبرىكلەشنى باشلىغان،ھەمدە ئاددى ئاياللارنىڭ جەمىيەتكە باراۋەر قاتنىشىش ئەنئەنىسىنى قولغا كەلتۈرگەنلىكىنى ئىتراپ قىلغان.1977-يىلى ب د ت بىر تۈرلۈك قارار ماقۇللاپ،ھەربىر دۆلەت ئۆزىنىڭ تارىخى ،مىللى ئەنئەنىسى ۋە ئۆرۈپ-ئادىتىگە ئاساسەن بىر يىل ئىچىدىكى مەلۇم بىر كۈننى تاللاپ ب د ت ئاياللار ھوقۇقى ۋە دۇنيا تىنىچلىق كۈنى قىلىپ بىكىتسە بولىغانلىقىنى بەلگۈلىگەن.ب د ت بولسا ھەر يىلى 3-ئاينىڭ 8-كۈنىنى خەلقئارا ئاياللار بايرىمى قىلىپ بىكىتكەن.

مودەن

	بەك ياخشى يىزىپسىز مەن يېزىشقا ئۈلگىرەلمىگەن دىمەك ئۆزىمىزنىڭ بايرىمىنىڭ كىلىپ چىقىشىنى بىلىۋالدۇى دىگەن گەپ

مودەن

	شۇقوللىرىڭىزغا دەت كەلمىسۇن

ياپراق520

	رەھمەت سىزگە، مەنمۇ بىلىۋالدىم:P

جۇلالىق

	بۇ بايرامنىڭ قانداق كېلىپ چىققانلىقىنى بىلىۋالدۇق. دىلروھقا رەھمەت.

گۇلخان

	دىمەك بۇ بايرامنىڭ كىلىپ چىقىش تارىخى ھېچقاچان  كىيم -كىچەك  كىيىۋېلىش،سورۇنلارنى ئۇيۇشتۇرپ ئۆزىمىزنىڭ  كىيگەنلىرىنى كۆز-كۆز قىىش بىلەن مۇناسىۋەتلىك ئەمەسكەن! ئاياللارنىڭ  كۆڭلى كىيىمدىن خوش بۇلىدۇ  دەپ ئۈزىمىزگە بىچارىلارچە  تەسەللى  بىرىمىز.ئەمما بۇنىڭسىزمۇ خوش بۇلىدىغان يەرلىرىمىز ناھايىتى جېق ئىدى.  ....... كىيىم-كىچەكلارگە، سورۇنلارغا،ئەدناسى،ئاشۇ بىركۈندىكى پەردازخانىلارغا كەتكەن پۇللارنىڭ ئاز بىر قىسمنى بولسىمۇ ئايرىپ قۇيايلى. چۈنكى  بىزنىڭ  ئاشۇ ئازغىنا پۇلىمىزمۇ نۇرغۇن ئشلارغا  داۋا  بۇلالىشى  مۈمكىن. ..تاما-تاما كۆل تۇلىدۇ  ئەمەسمۇ؟

hilal

	ئۇنداقتا بىز 8- مارت ئاياللار بايرىمىنى كۈندۈزى تىرىشىپ ئەمگەك قىلىش بىلەن ، كەچتە باشقا خانىم - قىزلار بىلەن يىغىلىپ ھۇقۇق توغرىسىدا مۇنازىرە ئۆتكۈزۈش بىلەن تەبرىكلەيلى ....:D

saye

	پاھ..تاز بىر سۈيقەست پىلانلاۋاتقاننىڭ ئۈستىگە كىرىپ قاپتىمەن ھە ھىلال.... مەن مۇنبىرىمىزدىكى ئەر يولداشلارغا ۋەكالىتەن سىلەردىن سەمىمىي ھال سورايمەن ۋە ئۆتۈپ كەتكەن بايرام كۈنۈڭلار ئۈچۈن، كېچىككەن سالىمىمنى يوللايمەن (رەھمەت). بۇندىن كېيىنكى ھايات مۇساپەڭلەردە تېنىڭلارغا سالامەتلىك، خىزمەت ۋە ئۆگىنىشىڭلارغا ئۇتۇق، ئائىلەڭلەرگە بەخت ، تېنىچ ئاسايىشلىق تىلەيمەن. ئاللاھ ئىگەم سىلەرنى تېخىمۇ ساغلام، مېھرىبان، دىيانەتلىك، ئۇماق ، چىرايلىق ، پەرىزاتلاردەك گۈزەللىكىڭلارنى بەرسۇن.

neyime

	saye يوللىغان ۋاقتى  2012-يىلى 3-ئاينىڭ 10-كۈنى 21:28 پاھ..تاز بىر سۈيقەست پىلانلاۋاتقاننىڭ ئۈستىگە كىرىپ قا ... رەھمەت سايە ئوتلۇق تىلەكلىرىڭىزگە ،خۇدايىم دىگەنلىرىڭىزگە يەتكۈزسۇن . مەن قىزىمغا بۇ بايرامنىڭ قىسقىچە ئەھمىيتىنى چۇشەندۈرۈپ قويدۇم ،شۇنداق خوش بۇلۇپ كەتتى ،شۇنىڭ بىلەن بايرىمىغا بوياق ،ئوينايدىغان خىمىر ،قەلەم ،دەپتەر ئىلىپ بەردىم ،شۇنداق خوش بۇلۇپ كەتتى .

saye

	neyime يوللىغان ۋاقتى  2012-يىلى 3-ئاينىڭ 11-كۈنى 00:12 رەھمەت سايە ئوتلۇق تىلەكلىرىڭىزگە ،خۇدايىم دىگەنلىر ... شۇ گەپلەرنى چۈشەنگۈدەك چوڭ بوپ كەتتىما. يىللار تېز ئۆتۈپتۇ جۇمۇ.