شۇنداق بىر مۇھەببەت بار

روھچىن

	شۇنداق بىر مۇھەببەت بار، ئۇ ساقلاشقا بەرداشلىق بېرەلمەيدۇ، شۇنداق بىر مۇھەببەت بار، ئۇ ئازابلاشقا بەرداشلىق بىرەلمەيدۇ. بىلمىدىم، زادى قانداق مۇھەببەت ئەڭ گۈزەلدۇ؟ ئۆلۈمگىمۇ بوي بەرمەيدىغان مۇھەببەتمۇ؟ ياكى ئاداققى ۋاپادىن يۇغۇرۇلغان مۇھەببەتمۇ؟ ۋە ياكى قاينام-تاشقىنلىق ئىچىدە ئۆتكەن، نۇرغۇن بوران-چاپقۇنلارغا دۇچ كەلگەن، ئاخىرى ۋىسالغا يەتكەن مۇھەببەتمۇ؟ تۇرمۇشتا نۇرغۇن كىشىلەر مۇھەببەتنى باشتىن كەچۈرىدۇ، تۇرمۇشتا بەزىلەر مۇھەببەتكە بېرىلمەيۋاتقان، بەزىلەر مۇھەببەتنىڭ پەيزىنى سۈرۈۋاتقان، يەنە بەزىلەر بولسا مۇھەببەتتىن قېچىۋاتقان....شۇنى ھېس قىلدىمكى، شۇنداق بىر مۇھەببەتمۇ بار ئىكەن، ئۇ ساقلاشقا بەرداشلىق بېرەلمەيدىكەن، شۇنداق بىر مۇھەببەتمۇ بار ئىكەن، ئۇ ئازابلاشقا بەرداشلىق بىرەلمەيدىكەن. ئېسىمدە قېلىشىچە، مۇھەببەتنىڭ نېمە ئىكەنلىكىنى ئەمدىلا چۈشىنىۋاتقان بىر چاغلاردا مەن ئاسمانغا تىكىلىپ قارىغان پېتى ئۇنىڭدىن: «سەن مېنى قاچانغىچە ياخشى كۆرەرسەن؟» دەپ سورىغانىدىم. ئۇ ماڭا تىكىلىپ قاراپ، ئېڭىكىمنى ئالقىنىغا ئېلىپ، ئاندىن بۇرۇن ئۇچىنى بۇرنۇمغا يىنىك تەگكۈزۈپ تۇرۇپ: «مەن سىزنى بەك ئۇزاق، بەك ئۇزاقلارغىچە سۆيىمەن» دېدى. ئارقىدىنلا مەن يەنە: «بەك ئۇزاق، زادى قانچىلىك ئۇزاق؟» دەپ سورىدىم. ئۇ يەنىلا بالىلارچە بىر خۇلقى بىلەن: «بەك ئۇزاق دېدىمغۇ، شۇ بەك ئۇزاق، بەك ئۇزاق، بەك ئۇزاق، بەك ئۇزاق...» ئەسلىمە شىرىن، ئۇ چاغلاردا بىز بىر-بىرىمىزنى چىن قەلبىمىزدىن ياخشى كۆرۈشەتتۇق. ئۇنىڭ ھەممە نەرسىسى شۇ قەدەر ئۇماق، شۇ قەدەر نۇقسانسىز، شۇ قەدەر گۈزەل ئىدى. مەن ئۇنىڭ ماڭا بولغان مۇھەببىتىنى شېئىر-داستانلارغا پۈتۈپ جەمئىيەتكە سۇناتتىم. نەقەدەر قاباھەتلىك چۈش! ھەممە شىرىن تۇيغۇلار يۇقالدى، قالغىنى پەقەت ئازاب، نەپرەت ۋە پىچەكلىك! ئاستا-ئاستا، مەنمۇ ئۆزەمنى قوغداشنى ئۆگەندىم، مۇھەببەتنى خېلى چۈشەندىم، گەرچە مۇھەببەتنىڭ ئازابلاشقا بەرداشلىق بېرەلمەيدىغانلىقىنى بايقاپ يەتكەن بولساممۇ، ئەمما يەنىلا ئۇنىڭدىن ۋاز كەچكۈم كەلمەيتتى، ھەمىشە ئېلگىرى يازغان شېئىرلىرىمنى قايتا-قايتا كۆرۈپ شۇ چاغدىكى تۇيغۇلىرىمنى ھېس قىلاتتىم. كۆڭلۈمگە ئايان بولدىكى، مۇھەببەتكە چىن قەلبىمىىزدىن بېرىلگەندە، كىمنىڭ بېغىشلىغانلىرى ئەڭ كۆپ بولسا، ئاخىرقى ھېسابتا شۇ ئەڭ قاتتىق ئازابلىنىدىكەن. شۇڭا ھەممە نەرسىگە سوغۇققانلىق بىلەن قاراشنى، پەرۋا قىلماسلىقنى ئۆگەندىم. ئۆز-ئۆزۈمنى ياخشى كۆرۈشنى ئۆگەندىم. «مېنى قاچانغىچە ياخشى كۆرەرسەن؟» دەپ قايتا سورىمايدىغان بولدۇم، چۈنكى مەن شۇنى بايقىدىمكى، ئاخىرقى ھېسابتا مۇھەببەت ساقلاشقا بەرداشلىق بېرەلمەيدىكەن، ھەم ئازابلاشقىمۇ بەرداشلىق بېرەلمەيدىكەن. ئەپسۇس، ھېسسىيات قوينىغا قايتا چۆككىنىمدە مەن ئىلگىرىكى كۈنلەرنى ئۇنتۇپ قالغانىدىم، پەرۋاسىزلىقنى ئۆگىنەلمىگەن ئىدىم، ئەمما ھەر ھالدا ئۆز-ئۆزۈمنى قوغداشنى ئۆگەنگەن ئىدىم. مەن يەنە قۇربانلىق بېرىشتىن، بېغىشلاشتىن، قايتا ئازابقا قېلىشتىن قورقاتتىم. شۇنى ھېس قىلدىمكى، مەن ئەمدىلىكتە مۇھەببەتنىڭ نېمە ئىكەنلىكىنى چۈشەنمەيدىغان بولۇپ قالغانىدىم. ئەگەر سىز مېنى ياخشى كۆرمەيدىغان بولۇپ قالغان بولسىڭىز، ئۇنداقتا بىز ئايرىلىپ كېتەيلى، چۈنكى مۇھەببەت ساقلاشقا بەرداشلىق بېرەلمەيدۇ، مۇھەببەت ئازابلاشقا بەرداشلىق بېرەلمەيدۇ. مەنبە: روھچىن قەلب خاتىرسى

مەرۋەرى

	مەن يەنە قۇربانلىق بېرىشتىن، بېغىشلاشتىن، قايتا ئازابقا قېلىشتىن قورقاتتىم. مېنىڭ قەلب سىرلىرىمنى بىلگەندەكلا يېزىپسىز، مۇشۇ كۈندە مۇھەببەتلىك تېمىلىرىڭىز بىر- بىرىدىن ئېسىل چىقىۋاتىدۇ، قوللىرىڭىزغا دەرت يەتمىسۇن!

hilal

	ئادەم چوڭ بولغانسىرى ، ئەقىل تاپقانسىرى ئۆزىنى قوغداش ئۈچۈن مۇھەببەت ئويلىرىدىن يىراق تۇرىدىغان بولۇپ قالىدىكەن ، بىر چاغلاردىكى ھىچنىمىگە پەرۋا قىلمايدىغان ، ئارىلىق ، ۋاقىت ، توسقۇنلۇق ، ئازارلارغا پىسەنتمۇ قىلمايدىغان ھالىتىمىزنىڭ قانداقلارچە  ھازىرقى قورقۇش ۋە گۇمان بىلەن ئۆزىمىزنى قات - قات ئوراپ ، مۇھەببەتتىنمۇ نەپرەتتىنمۇ يىراق ، ئۈمۈت ۋە ئۈمۈتسىزلىك بولمىغان توختام سۇدەك ھالغا كەپ قالغانلىقىمىزنى بىلەلمەيلا قالىدىكەنمىز ....

قەھۋە

	مۇنبەردىكى بىردىنبىر رومانتىك، مۇھەببەتلىك تېما يوللىغۇچى ئەر- روھچىن:P ، بۇنى ھەجەپ بۇرۇن بىر يەردە كۆرگەندەكلا قىلىمەنغۇ، چوقۇم خاتا ئەمەس. نەدىدۇر؟؟؟ شۇنداق بىر مۇھەببەت بار، ئۇ ساقلاشقا بەرداشلىق بېرەلمەيدۇ، شۇنداق بىر مۇھەببەت بار، ئۇ ئازابلاشقا بەرداشلىق بىرەلمەيدۇ. سۆيۈش ھەم سۆيۈلۈش تەڭ مەۋجۇت بولۇپ تۇرىۋاتقان مۇھەببەت ئەڭ گۈزەلدۇر!:victory:

روھچىن

	قەھۋە يوللىغان ۋاقتى  2012-يىلى 2-ئاينىڭ 29-كۈنى 10:08 مۇنبەردىكى بىردىنبىر رومانتىك، مۇھەببەتلىك تېما يولل ... كۆپرەك ئەسلەپ بېقىڭ ! باشقا يەردە كۆرگىنىڭىز راس

ياپراق520

	شۇنداق ،مۇھەببەت كۇتۇشكە بەرداشلىق بىرەلمەيدۇ، ئازاپلاشقا بەرداشلىق بىرەلمەيدۇ. بىراق  مۇھەببەت نۇرغۇن سىناقلارغا دۇچ كىلىدىكەن، ھېتىمال ئاشۇ سىناقلاردىن ئوڭۇشلۇق ئۆتۈش ئۇچۇن نۇرغۇن لىغان قۇربانلىقلارنى بىرىشكە ، نۇرغۇن بەدەللەرنى تۆلەشكە، ئېددىيمىزدە تەييارلىق بولۇشى بەك موھىممىكىن دەپ ئويلاپ قالدىم...چۇنكى بىر ئۆمۈر بەخىتلىك ئۆتكەن قەدىناسلارنىڭ ، غورىدىن ھالۋا پۇتىدۇ، يەنە سەۋىرنىڭ تىگى ئالتۇن دىگەندەك نۇرغۇن ھىكمەتلىك سۆزلىرى بار!،،،، رىئاللىق تولىمۇ رەھىمسىز بولىدىكەن.

روھچىن

	مەرۋەرى يوللىغان ۋاقتى  2012-يىلى 2-ئاينىڭ 28-كۈنى 21:31 مەن يەنە قۇربانلىق بېرىشتىن، بېغىشلاشتىن، قايتا ئازاب ... :(ئىگىسىز يازمىلار

ZULIAYA

	ئاللاھ بۇنى يازغان قوللىرىڭىزغا دەت بەرمىسۇن.سىز بەلكىم بۇتىما ئارقىلىق نۇرغۇن كوڭۈللەرگە تەسللى ،نۇرغۇن كۆڭۈللەرگە چىراغ،يەنە نۇرغۇن كۆڭۈللەرگە يىڭى يول بەرگەن بولىشىڭىز مۇمكىن.مەنچە سىز بۇ تىما ئارقىلىق نۇرغۇن كىشىلەرنىڭ قەلبىدىكى سادانى ئىپادىلەپ بەرگەنسىز.شۇنداق بىر مۇھەببەت بار، ئۇ ساقلاشقا بەرداشلىق بېرەلمەيدۇ، شۇنداق بىر مۇھەببەت بار، ئۇ ئازابلاشقا بەرداشلىق بىرەلمەيدۇ.مەن يەنە قۇربانلىق بېرىشتىن، بېغىشلاشتىن، قايتا ئازابقا قېلىشتىن قورقاتتىم. بەك ياخشى يىزىپسىىز!!!!!

گۇلخان

	شۇنداق بىر  مۈھەببەت  بار،ئۇنى  بىر ئۆمۈر قەلبىڭدە  ساقلايسەن.رىئاللىقنىڭ  تۇپا-چاڭلىرى  بىلەن ئاستا-ئاستا  كۈمۈشكە  مەجبۇرسەن.ئۇ يۈرىگىڭنىڭ  ئەڭ  چوڭقۇر قېتىدا  بەكمۇ ئاجىز  ۋىلىلدايدۇ. ئۇ يانالمايدۇ،كۈيەلمەيدۇ،ئەمما  سەن  شۇ  ئاجىز  مۇھەببەت  بىلەن ئارزۇ-ئارمانلىرىڭنى،گۈزەل چۈشلىرىڭنى ئۈزۈڭنىڭ  كىچىككىنە روھى  دۇنياسىغا  مەھكۇم قىلىپ،ئاجايىپ زور چىدام-غەيرەتتە  ياشايسەن. ئۇ  ئەنە شۇنداق  مەھكۈم  مۇھەببەت!

جۇلالىق

	شۇنداق بىر مۇھەببەت بار. سەن ئۇنى ھەر تەرەپتىن چۈشەنگەنسېرى ئۇنىڭغا بولغان مۇھەببىتىڭ كۈنسېرى ئېشىپ بېرىۋاتاتتى. سېنىڭ ئۇنىڭغا بولغان مۇھەببىتىڭ رومانلاردا تەسۋىرلىگەن مۇھەببەتلەرنى بېسىپ چۈشىدۇ. چۈنكى سەن ئۇنىڭ پاك قەلبىنىڭ ئەڭ چوڭقۇر قېتىدىن ئورۇن ئالغانسەن. ئۇنىڭ ئاددىي بىر ئىنسان ئىكەنلىكىنى ئۇنىڭمۇ بەزىدە خاتالىقلارنى ئۆتكۈزۈپ سېلىشتىن خالىي بولالمايدىغانلىقىنى چۈشۈنۈپ يەتكەن ئىدىڭ. بارا-بارا ئاراڭلارنى مەڭگۈ ئۈزۈلمەيدىغان كۆز بىلەن كۆرگىلى بولمايدىغان زەنجىرلەر سىلەرنى باغلاپ بەنىت قىلىۋەتتى. سىلەر مەڭگۈگە بىرگە باغلانغان.