دۇنيانى تەسىرلەندۈرگەن قول-پۇتى يوق يىگىت تويىنى قىلدى

باتۇرچەۋەنداز

	ئامېرىكا تاراتقۇلىرىنىڭ 19-چىسلادىكى خەۋىرى، ئاۋىستىرالىيە مېلبۇرن شەھىرىدىكى 29ياشلىق يىگىت نىك.خۇج تۇغۇلىشىدىن ئاز كۆرۈلىدىغان «پوكومېلىيەلىك تۆرەلمە كېسىلى»گە گىرىپتار بولۇپ قالغان، قول-پۇتى يوق. لېكىن ئۇ چوڭ بولغاندىن كېيىن تەقدىرگە تەن بېرىپ چۈشكۈنلىشىپ يۈرمەستىن، نورمال ئادەملەر ئويلاپ يېتىپ بولالمايدىغان دەرىجىدە قىيىنچىلىقلارغا ئۇچرىغان بولسىمۇ، شۇنداق ئۈمىدۋار ياشاپ، قىيىنچىلىقلارنى يەڭگەن. شۇ ھالىتىدا چىش چوتكىلاشنى، خەت يېزىشنى، ھەتتا سۇ ئۈزۈشنى ، دولقۇن كېزىشنى، گولف توپ ئويناشنى ئۆگەنگەن. ئۆتۈپ كەتكەن 10نەچچە يىلدا نىك 25 دۆلەتكە بېرىپ نۇتۇق سۆزلىگەن. ئۆزىنىڭ قەيسىرانە ياشاش ئىرادىسى بىلەن نەچچە مىڭلىغان چۈشكۈن، ئۈمىدسىز ياشايدىغان ئادەم ۋە ئوقۇغۇچىلارغا مەنىۋى ئوزۇق يەتكۈزگەن. بۈگۈنكى كۈندە يەرشارىنى تەسىرلەندۈرگەن بۇ يىگىت ئۆزىنىڭ بەختىنى تاپقان. 2-ئاينىڭ10-كۈنى ئۇ نەچچە يىل مۇھەببەتلەشكەن ئاسىيالىق قىز دوستى گۇڭيۇەنجىيا مىللىر بىلەن توي قىلغان. ئۇنىڭ توي خەۋىرى يىتىپ بېرىپ، يەرشارىنىڭ ھەرقايسى جايلىرىدىكى چوقۇنغۇچىلىرى بەس-بەستە تىلەكلىرىنى يەتكۈزگەن.   29يىل ئىلگىرى نىك تۇغۇلغاندا ئۇنىڭ ئاتا-ئانىسى ھەيران قالغان. چۈنكى ئۇنىڭ قول-پۇتى يوق بولۇپ، بەدىنىنىڭ سول تەرەپ تۆۋەنىدە كىچىك خۇددى پالاقچىدەك پۇتى بار تۇغۇلغان. نىكنىڭ دادىسى بۇنى كۆرۈپ بىمار ياتىقى سىرتىغا چىقىپ قۇسىۋەتكەن، ئۇنىڭ بىچارە ئانىسى نىك 4ئاي بولغاندا ئاندىن ئۇنى قۇچاقلاشقا پېتىنالىغان. مەكتەپكە بەرگەندىمۇ قىياپىتى غەلىتە بولغانلىقتىن بالىلار تەرىپىدىن مەسخىرە قىلىنغان. ئۈمىدسىزلەنگەن، ئىشەنچىسىنى يوقاتقان نىكنىڭ ئۆزىنى ئۆلتۈرىۋىلىش خىيالىمۇ بولغان.    13ياشقا كىرگەندە، نىك گېزىتتىن بىر مېيىپ ئادەمنىڭ گولف توپ ئويناشنىلا ئەمەس،  ئۇنىڭدىنمۇ قىيىن ئىشلارنى قىلىپ ئۆگەنگەنلىكىنى كۆرۈپ ، قاتتىق ئىلھام ئالغان. شۇنىڭدىن كېيىن تىرىشپ پىسخىكىسىنى ئۆزگەرتىشكە كىرىشپ كەتكەن.   شۇنىڭدىن كېيىن، نىكنىڭ مۇھەببەت يولىمۇ ئۇنچە بەك ئوڭۇشلۇق بولمىغان. نىكنىڭ دوستلىرىنىڭ ئاشكارلىشىچە، بۇرۇندىن تارتىپ ئۇنىڭ توي قىلىپ بالىلىق بولغۇسى بار ئىكەن.ئىلگىرى بىرنەچچە قىز بىلەن يۈرۈپ، توي تەكلىپى قويغان بولسىمۇ، لېكىن ئۇ قىزلارنىڭ ھەممىسى ئەستايىدىل مۇئامىلە قىلمىغانلىقتىن ھەممە ئىش سۇغا چىلاشقان،نىك بىر قېتىملىق نۇتۇق سۆزلەش مۇراسىمىدا ھازىرقى ئايالى بىلەن تونۇشقان. ئىككىسى بىر-بىرىنى بىر كۆرۈپ ئاشىق بولۇپ قالغان. بىريىلدىن ئارتۇق مۇھەببەتلەشكەندىن كېيىن، 2011-يىلى 8-ئايدا نىك بىلەن بۇ قىز چاي ئىچكۈزۈش مۇراسىمى قىلغان. بۇ يىل 2-ئاينىڭ10-كۈنى داغدۇغىلىق قىلىپ توي مۇراسىمىنى ئۆتكۈزۈپ مۇراد-مەقسىتىگە يەتكەن.

قەھۋە

	توۋا! ئۇلۇغ ئاللاھ بەرگەن كۈنىگە يۈزمىڭ شۈكرى!!!   قانداق قىلىپ چىش چوتكىلاش، خەت يېزىشلارنى  ئۆگەنگەندۇ؟ پۇت بارماقلىرى ئارقىلىق ئۆگىنىپتۇدە. مۇشۇنداق ئادەملەرنىڭ ئالدىدا ئەسلى ئاجىزى بىز بولىدىكەنمىز:L

hilal

	ئۇنىڭ نۇتۇقلىرىنى ئاڭلاپ يىغلىۋەتكەن ، ئۆزەمنىڭ كىچىككىنە قىيىنچىلىقلار ئالدىدا چۈشكۈنلىشىپ ، ھالسىراپ كەتكەنلىكىمدىن نۇمۇس قىغان ئىدىم .... بۈگۈن ئۇنىڭ توي خەۋىرىنى ئاڭلاپ تولىمۇ سۈيۈندۈم ، شۇ بەختلىك بىر جۈپلەرنىڭ ئىزچىل ئىناق - ئىجىل ئۆتۈپ ئۆمرىنىڭ ئاخىرىغىچە بىر - بىرىگە يار -يۆلەك بولىشىغا تىلەكداشمەن .

يەرشارى

	ئۆزىگە ئىشەنگەن ئادەم،ئۆزىنى قەدىرلەيدۇ. ئۆزىنى قەدىرلىگەن ئادەم،دۇنيادىن،ھاياتتىن،تەغدىردىن ئاغرىنمايدۇ.

قاپلان

	مەن بۇنى كۈرۈپ  نىكنىڭ كەيسەرلىكىگە ،ئىرادىسنىڭ مۇستەككەملىكىگە چىن كۇڭلىمدىن قايىل بولدۇم.ئۇلارمەڭگۈ بەخىتلىك بۇلغاي،.:)

ئەزىزتارىم

	ئادەمدە قەيسەر ئىرادە بولسىلا قىلالمايدىغان ئىش يوق ،ئۇلارغا بەخىت مەڭگۇ يار بولسۇن!

جۇلالىق

	ئاللاھنىڭ بىزلەرنى ساغلام قىلغانلىقىغا مىڭلارچە شۈكرى! ھەقىقەتەن قەيسەر يىگىتكەن، بەخىت تىلەيمەن!

iltebir

	نىمە دىگەن قەيسەر يىگىت ھە!

ياپراق520

	ئۇلۇغ ئاللاھ بىزلەرنى بىجىرىم ياراتقىنىغا رەھمەت، ئۇ بىر جۇپلەرگە بەخىت تىلەيمەن.:Q

saye

	مەنمۇ نېكنىڭ بىر قانچە نۇتىقىنىڭ سىن فىلىمىنى كۆرگەن، ھەقىقەتەن قەيسەر يىگىت. ئۇ بىزگە شۈكرى قىلىش بىلەنلا ئەمەس، يەنە ئىنساننىڭ تەقدىرىنى ئۆز تىرىشچانلىقى ئارقىلىقلار ئۆزگەرتەلەيدىغانلىقىنى، پۇرسەتنىڭ كۈتۈش بىلەن ئەمەس، تىرىشىش بىلەن كېلىدىغانلىقىنى ئۆز ئەمىلىيىتى ئارقىلىق ئىپادىلەپ بەردى. نېكنىڭ بۇندىن تۇرمۇشى دەل مۇشۇنداق قاينام ھاياتقا تويغان ھەم ئۈمۈد، ئىشەنچلىك نۇرانە ھاياتتۇر.