ئاشخانىدىكى خەتەردىن نېمىلەرنى بىلىسىز؟

anar

	تۈز تەگلىك قازان (خەتەر دەرىجىسى: 5 – دەرىجە) بۇنىڭدا تۇۋاقسىز تۈز تەگلىك قازان ئەڭ خەتەرلىك. شۇڭا ياخشىسى تۇۋاقلىق چوڭقۇرراق قازان ئىشلەتكەن ياخشى. بۇنداق قازانغا تاسادىپىي ئوت كەتسە، بىخەتەر ئوت ئۆچۈرۈش تەدبىرلىرىنى چوقۇم ئەستە تۇتۇش لازىم، يەنى ئاۋۋال گاز ئوچىقىنى ئېتىش ياكى توكنى ئۈزۈۋېتىش؛ ئاندىن ھۆللەنگەن لۆڭگە بىلەن قازاننىڭ ئاغزىنى تاكى ئوت ئۆچكىچە يېپىپ قويۇش لازىم. ئوت كەتكەن قازاننى ئاشخانىدىن ئېلىپ چىقىشقا ياكى سۇ قۇيۇشقا قەتئىي بولمايدۇ.    توڭلىتىلغان يېمەكلىكلەر (خەتەر دەرىجىسى: 4 – دەرىجە) توڭلىتىلغان يېمەكلىكلەرنى ئېرىگەن ھامان، قىسقا ۋاقىت ئىچىدە يېۋىتىش كېرەك، ئۇنى قايتىدىن توڭلاتقۇغا سېلىپ توڭلاتماسلىق لازىم. يېمەكلىك قايتا توڭلىتىلغاندىن كېيىن، ئاسانلا سالمۇنېللا باكتېرىيەسى ۋە لىسىت باكتېرىيەسىنىڭ < يېتىلىش بازىسى > غا ئايلىنىپ قالىدۇ.    مىكرو دولقۇنلۇق دوخۇپكا (خەتەر دەرىجىسى: 3 – دەرىجە) مىكرو دولقۇنلۇق دوخۇپكىدا ئېشىپ قالغان يېمەكلىكلەرنى ئىسسىتقاندا، تېمپېراتۇرا قايناش نۇقتىسىدىن ئاشقاندىن كېيىنمۇ، يېمەكلىكتە كۆپۈكچە پەيدا بولمايدۇ. شۇڭا، يېمەكلىكنى مىكرو دولقۇنلۇق دوخۇپكىدىن ئالغاندا، ئېھتىيات قىلىنمىسا، قول ھوردا ئاسانلا كۆيۈپ قالىدۇ.    توڭلاتقۇ (خەتەر دەرىجىسى: 2 – دەرىجە) توڭلاتقۇدىكى پىششىق ۋە خام يېمەكلىكلەر ئارىسىدا ئۆز – ئارا باكتېرىيە يۇقۇش ئېھتىماللىقى ئەڭ چوڭ بولىدۇ. شۇڭا، خام گۆشلەرنى ياخشى ئوراپ، توڭلىتىش قاچىسىنىڭ ئاستىغا قويۇپ، گۆشتىن سىرغىپ چىققان قاننىڭ باشقا يېمەكلىكلەرنى بۇلغاپ قويۇشىنىڭ ئالدىنى ئېلىش لازىم.    يېمەكلىك ئورالمىلىرى (خەتەر دەرىجىسى: 2 – دەرىجە) ياۋروپا ئىتتىپاقىنىڭ 2009 – يىلىدىكى بىر دوكلاتىدا كۆرسىتىلىشىچە، مۇھىتتىكى ئانىلىق ھورمون بالىلارغا، بولۇپمۇ ئوغۇل بالىلارنىڭ ساغلاملىقىغا زور خەۋپ ئېلىپ كېلىدىكەن. كۆپلىگەن يالتىراق خالتا، ئورالمىلارنىڭ تەركىبىدە ئورتوفتالىك كىسلاتا تۇزى قاتارلىق <ئانىلىق ھورمون خىمىيەلىك ماددا>لىرى، يالتىراق يېمەكلىك ئورالمىلىرى ۋە كونسېرۋا قۇتىلىرىنىڭ ئىچكى قىسمىدىكى سىرنىڭ تەركىبىدىكى قوش فىنول A راك كېسىلىنى، شۇنداقلا ئىسپېرما سانىنىڭ ئازىيىشىنى كەلتۈرۈپ چىقىرىپ، قىز – ئوغۇل تۇغۇلۇش نىسبىتىنىڭ تەڭپۇڭلۇقىنى بۇزغۇچى ئەڭ ئاساسلىق ئامىل ئىكەن

esil

	ۋاي ، مەن تىخى  گاز ، توك دىگەنلەرنى دىدىمىكىن دەپتىمەن

جۇلالىق

	خانىم-قىزلار دىققەت قىلىدىغان ئىشكەن. مىكرو دولقۇنلۇق دوخوپكىدا تاماق قىزىتقاندا ئېھتىيات قىلاي.

saye

	خەتەرلىك دەرىجىسى 1-دەرىجىلىكتىن ھالىقىغان خەتەرلەر: رەتسىز قويۇلغان پىچاق، سىلىق سۈرتۈلگەن فار فور خىش، ئاغزى ئوچۇق چايدان، ئاچچىقلانغان خوتۇن، ئۆلۈپ قالغان چاشقان، رۇخسەتسىز كىرگەن بالا، تولۇق ئېتىلمىگەن گاز ئوچاق، رەڭ قارغۇسى بولغان ئاشپەز . . .

جۇلالىق

	saye بۇ يازمىنى 2010-يىلى 10-ئاينىڭ 1-كۈنى 12:53 دە يوللىغان خەتەرلىك دەرىجىسى 1-دەرىجىلىكتىن ھالىقىغان خەتەرلەر: رەتسىز قويۇلغان پىچاق، سىلىق سۈرتۈلگەن فار فور خىش، ئاغ ... سايە ھەممىدىن خەۋەرداركەنسىزا؟

ayqiz

	سايەنىڭ ئىنكاسىنىڭ تولۇقلىمىسى : قىمار ئۇستىلى ئالدىدىكى ئەر ، چالا مەست ئەر  ، تاماكا خۇمار ئەر .......

saye

	ayqiz بۇ يازمىنى 2010-يىلى 10-ئاينىڭ 1-كۈنى 20:37 دە يوللىغان سايەنىڭ ئىنكاسىنىڭ تولۇقلىمىسى : قىمار ئۇستىلى ئالدىدىكى ئەر ، چالا مەست ئەر  ، تاماكا خۇمار ئەر ....... يۇقۇرىقىدىكى ئەرلەرمۇ ئاشخانىدىكى خەتەرگە كىرەمدۇ؟    ئەمىسە ئانالىز قىلىپ باقايلى : قىمار ئۈستىلىدىكى ئەر : بۇنداق ئەرلەرنىڭ قىمارغا خۇمارلىق نىسبىتى ئالاھىدە يۇقۇرى،ئاشخانىغا ئەمەس، ئائىلىگىمۇ قايتىشى تەس،مەسئۇلىيەتسىز،ئائىلىگە كۆيۈمسىز ئەرلەر قاتارىغا قوشىۋەتسەك بولىدۇ. دىمەك،ئاشخانا خەتىرىگە چېتىلمايدۇ. چالامەست ئەر: ئاشخانىغا كىرىش ئېھتىمالى بار، ئەمما چوڭ ئەمەس. چالا مەست ئەرلەر باشقا سورۇنلاردا كەيپىنى قايتىدىن توشقۇزۇش ئېھتىمالى 84پىرسەنت،ئەقلىنى يىغىپ شۈكرى قىلىپ ئارام ئالىدىغانلىرى 10 پىرسەنت، ئائىلىگە قايتىپ ئاشخانىدىن يىمەكلىك ئېلىپ ئۆزى تەييارلايدىغانلار 1 پىرسەنت، خوتۇنىغا تەييارلىتىدىغانلىرى 5 پىرسەنت. گەرچە بۇ تۈردىكى ئەرلەرنىڭ ئاشخانىدىكى خەتەرلىك نىسبىتىنى يوق دىيىشكە بولمىسىمۇ ئەمما چوڭ ئەمەس، خەتەرلىك دەرىجىسىنى يىنىك دەپ قارىساق بولىدۇ، ئەمما چالا مەست كىرىپ ئاشخانىدىكى خوتۇننى غەزىپىنى قوزغاپ قويسا بۇ خەتەر بىراقلا 1-دەرىجىلىكتىن ئاشىدۇ. تاماكا  خۇمارى كۈچلۈك ئەر: تاماكا چىكىدىغان ئەرلەر تاماكىنى ئاساسەن چاقماق ( ياقماق) بىلەن ياندۇرۇدىغان بوپ كەتتى، بۇرۇنقىدەك سەرەڭگە ئىزلەپ ئاشخانىغا كىرىدىغانلار ناھايىتى ئاز، ھەرقانداق تاماكا خۇمارى كۈچلۈك بولغان ئەرمۇ ھەرگىز ئاشخانىدىكى      گاز ئوچاقتىن تاماكىسىنى تۇتاشتۇرمايدۇ، شۇڭا ئاشخانىدىن سەرەڭگە ئەكىرىشتىن باشقا ئىشقا كىرمەيدىغان ئەرلەر ئۈچۈن ئاشخانىدىكى خەتەر بولۇش دەرىجىسىگە توشمايدۇ. شۇڭا مەلۇم بىر ھادىسىلەرنى ھىسابقا ئالمىغاندا بۇخىلدىكى ئەرلەرنى ئاشخانىدىكى خەتىرى بار ئەھۋاللاردىن ساقىت قىلساق تامامەن بولىدۇ.

قەھۋە

	دەھشەت ئانالىز بوپتىغۇ بۇ! يېمەكلىك ئورالمىلىرى (خەتەر دەرىجىسى: 2 – دەرىجە) مۇشۇ بىزنىڭ ئۆيدىكى بەزەنلەر يېمەكلىكلەرنى ئوراپلا تۇرىدۇ. بالا ئىككىلەڭلارغا زىيانلىق، دېسەم بىرمۇنچە پەلسەپە سۆزلەيدۇ. ئەمدى قۇلاقتىن تارتىپ ئەكىرىپ كۆرسىتىدىغان يەرگە يەتتى... رەھمەت ئانار! بىلىۋېلىشقا تىگىشلىك نەرسىلەركەن. بۈگۈنكىدەك ھەممىلا ئادەم قوساق ئۈچۈن كۆرەش قىلىۋاتقان كۈنلەردە ئاشخانا بىلىملىرىنى بىلىۋېلىش زۆرۈر. [ Coffee بۇ يازمىنى  2010-يىلى 10-ئاينىڭ 2-كۈنى 12:48  دە تەھرىرلىگەن. ]

باغرىم

	ھازىر يالتىراق خالتىلاردىن ئايرىلالماس بولۇپ قالدۇق ، ئورىمىساق تېخى ، ئورىساق تېخى ... گېزىتكە ئورىغىلى يا بولمىغان ، ئەمدى رەخكە ئوراپ سېلىشنىڭ ئورنى يوق ، قانداق قىلىشىپ كەتتۇقكىن تاڭ ، ھەي !!! ...

saye

	تاماقنى ئوخشىتىپ ئەتسەڭ، يىيىلىپ تۈگىسە ئورىمىساڭلا بولمىدىمۇ؟ گۆشنى ئۇششاق پارچىلاپ، يىمەكلىكنىڭ مەخسۇس دېزىنفىكىسيە قىلىنغان يالتىراقنى ئىشلەت. بولسا خوشناڭنىڭ توڭلاتقۇسىغا ئەكىرىپ قوي، بىرىنچىدىن توكنى تىجەيسەن، ئىككىنچىدىن ئۆزۇڭنىڭ گۆشىنى قالدۇرۇپ قويۇپ، خوشناڭنىڭ گۆشىنى توغراپ ئىشلىتىۋەر، بەرىىبىر بىلمەيدۇ. گۆش ئازلاپ كىتىپتۇ دىسە، توڭلاتقۇ سىلىنىڭ ئۆيدە بولغاندىكىن سىلەر بىلەرسىلەر؟  مېنىڭ ئۇششاق گۆشلىرىمدىنمۇ كاملاپ قاپتۇ. مەن تاز دىگۈچە سەن تاز دەۋىلىپ بۇلارنى قارا. ھارامدىن قورقمامسىلەر دەپ قويساڭلا بولىدۇ باغرىم. سەن بۇنى قىلالايسەن. چۈنكى سەن بۇنىڭغا ئادەتلەنگەن ، ساڭا يۈزدە بىر يۈز قىرىق پىرسەنت ئىشىنىمەن.