ئاياللاردىكى سېھرىي كۈچ

nazinin

	ئاياللاردىكى سېھرىي كۈچ رابىيە تۇرسۇن سېھرىي كۈچ گۈلدەك چىراينى شەرت قىلمايدۇ ، ئۇ بىر ئىچكى گۈزەللىك . ئاياللارنىڭ جەزبىدارلىقى چىرايىدا ، خاراكتىرىدا ئىپادىلىنىدۇ. سۆيۈملۈكلىگى بولسا مېھرىبانلىقىدا ،ئەقىل-پاراسىتىدە ئىپادىلىنىدۇ .    سېھرىي كۈچكە ئىگە ئايالنىڭ سېھرىي كۈچى «ئاياللىق جەزبىدارلىق »ىدا .بۇنداق ئايال كىشىنى تېخىمۇ ھاياجانغا سالىدۇ . مۇلايىملىق ئېلىپ كەلگەن ئاياللىق جەزبىدارلىق ياش بىلەن مۇناسىۋەتسىز، ھەتتا سىرتقى قىياپەت بىلەنمۇ مۇناسىۋەتسىز .    ئاياللىق جەزبىدارلىق دېگىنىمىز ـــ پەزىلەتلىك ، ئاقكۆڭۈل ، مۇلايىم كۆرۈنىدىغان ئاياللارغا خاس خاراكتېرنى ، شۇنداقلا ئەرلەر تاقابى لتۇرالمايدىغان كۈچنى كۆرسىتىدۇ . ئەرلەرنىڭ كەسكىنلىگى پىشىپ يېتىلگەن قەيسەر خاراكتېرى بىلەن ئىپادىلەيدۇ .بىراق ،ئاياللارنىڭ كەسكىنلىگى دائىم كىشىلەرگە سوغۇق ،قوپال تەسىر بېرىدۇ ، ئەتراپىڭىزدىكى ئاياللارنى كۈزەتسىڭىزلا ،كىشىلەرنىڭ ئامراقلىغىنى كەلتۈرىدىغان ،كىشىلەر بىلەن مۇناسىۋىتى ياخشى بولغانلار «مۇز چىراي گۈزەللەر »بولماستىن ،بەلكى چىقىشقاق ،مۇلايىم ئاياللاردۇر . گەرچە بەزىلىرىنىڭ تەرقى –تۇرقى ئانچە چىرايلىق بولمىسىمۇ ، تولىمۇ ئاق كۆڭۈل ۋە مېھرىبان خاراكتېر كىشىلەرگە گۈزەللىك تۇيغۇسى بېغىشلايدۇ . چۈنكى، ئادەم ئوي-پىكىرلىك كېلىدۇ، ھېسسىيات جەھەتتىن ئۆز-ئارا ئالاقە ۋە مېھرى –مۇھەببەتكە مۇھتاج .كىشىلەرنىڭ دائىم ئاياللاردىن ئۈمىد قىلىدىغىنى ئانىلىق مۇھەببەتكە بولغان گۈزەللىكتۇر. بۇنداق گۈزەللىك تەبىئىي نۇقسانلارنى تولۇقلايدۇ ، ياش ئاياللارنى سۆيۈملۈك ، يېشى چوڭ ئاياللارنى ئۇلۇغ قىلىپ كۆرسىتىدۇ .    مۇلايىملىق جەزبىدار ئاياللارنىڭ مۇھىم قورالى. ئاياللار دەل ئۆزىدىكى ئەشۇ رومانتىك ،يېقىملىق ، مۇلايىم خاراكتېرىگە تايىنىپ ، ئەرلەرگە ئىللىق دۇنيا ئاتا قىلالايدۇ ، شۇنداقلا مۇھەببەتلىك تۇرمۇشنىڭ گۈزەللىكىگە ئېرىشەلەيدۇ ،ئەرلەرگە ئىچكى گۈزەللىك ھېس قىلدۇرىدۇ . بىر ئايال بولۇش سۈپىتىڭىز بىلەن ، ئۆزىڭىزدە مۇستەقىل خاراكتېر ئالاھىدىلىكلەرنى ساقلاپلا قالماي ، مۇلايىملىق ئېلىپ كەلگەن گۈزەللىكنىمۇ ساقلاپ قېلىشىڭىز كېرەك ،شۇندىلا ئۆمۈرلۈك نازاكىتىڭىزنى ساقلاپ قالالايسىز .    ئۆزىگە ئىشىنىش ئاياللارغا ئۆمۈرلۈك نازاكەتكە ئىگە قىلىدۇ . نازاكەتلىك ئايالنىڭ ئۆزىگە خاس سالاپىتى بولىدۇ ، بۇنداق سالاپەت ئۆزىگە ئىشىنىشتىن كېلىدۇ . ئۆزىگە ئىشىنىدىغان ئاياللار دائىم روھى كۆتۈرەڭگۈ ، جۇشقۇن بولۇپ ،خىزمەت ۋە تۇرمۇشقا ئۆزىگە ئىشىنىش تۇيغۇسىدا مۇئامىلە قىلىدۇ . ئاكتىپ پوزىتسىيە بىلەن تۇرمۇشتىكى قىيىنچىلىقلارغا ۋە ئوڭۇشسىزلىقلارغا يۈزلىنىدۇ ،ئەمىلىي ھەركىتى ئارقىلىق ئۆزىنىڭ غورۇرىنى قوغدىيالايدۇ .    گۈزەل رۇخسار ،سەۋرى-قامەت ئاياللارغا تەبىئي سېھرىي كۈچ ئاتا قىلىدۇ . لېكىن ئاياللارنىڭ سېھرىي كۈچى پۈتۈنلەي گۈزەللىكتىن بولماستىن، يېقىملىق ۋە چېچەنلىكتە ئۆز ئىپادىسىنى تاپىدۇ .    بەزى ئاياللار «سېھرىي كۈچ تۇغما بولىدۇ .چىرايلىق، زىلۋا ئەمەس. ئېسىل كىيىمىممۇ يوق ،شۇڭا بىر ئۆمۈر ئۇنىڭغا ئېرىشىشنىمۇ ئويلىمىسام بولىدۇ» دەپ قارايدۇ . بەزى ئاياللار تەبىئىي گۈزەل بولسىمۇ ،بەزىلىرى  كىيىم-كېچەكلەرنى ماسلاشتۇرۇپ كىيىش، زىبۇ-زىننەتلەرنى لايىقىدا تاقاش ، مۇۋاپىق گىرىم قىلىش ئارقىلىق ھۆسۈن-جامالىدىكى نۇقسانلارنى يېپىپ ،كىشىلەرگە گۈزەللىك تۇيغۇسى بېغىشلايدۇ .لېكىن كىشىنى ھەقىقىي زوقلاندۇرۇش ئۇنداق ئاسان ئەمەس .    چىرايىڭىز گۈزەللەرگە ،قابىلىيىتىڭىز ئىقتىدارلىق ئاياللارغا يەتمىسىمۇ ، سىز پەقەت ئۆزىڭىزگە ئىشەنسىڭىز ، قەيسەر بولسىڭىز ،سىزگەتەئەللۇق بولغان ئەشۇ سېھرىي كۈچنى چوقۇم تاپالايسىز . پەقەت تۇرمۇشقا ئىشەنچ بىلەن مۇئامىلە قىلسىڭىزلا ، ھاياتلىق سەھنىسىدە چوقۇم ئاياللىق نازاكىتىڭىزنى چاقنىتالايسىز .    خوشاللىق گۈزەل ئايالنى تېخىمۇ نازاكەتلىك قىلىدۇ .ئاياللارنىڭ خوشاللىقى قەيەردىن كېلىدۇ ؟ بۇ ناھايىتى ئاددىي . ئىللىق ئائىلە ئاياللارنى خوشال قىلىدۇ ، ئۆزى خالىغان ئىشنى قىلىش جەريانىدىمۇ خوشاللىق ھېس قىلالايدۇ ، كىشىلىك ھايات پەيدا قىلغان تۇيغۇلاردىمۇ خوشاللىق ھېس قىلىدۇ .    خوشاللىق تېگىدىن ئېيتقاندا خوشاللىق ئىزدەيدىغان كىشىلەرگىلا مەنسۇپ . چۈنكى ، گۈزەللىك خوشاللىقتا ئىپادىلىنىدۇ .خوشاللىق ئۆز-ئۆزىنى ئېتىراپ قىلىش ،تۇرمۇشنىڭ سۆيۈملۈك تەرەپلىرىنى بايقاشتۇر . خوشال ئايالنىڭ ھەر بىر سەھىرىدە شەبنەم تامچىسى يالتىرايدۇ ، ھەر بىر كۈنىدە خۇشپۇراقگۈللەر ئېچىلىپ تۇرىدۇ !   خوشاللىق مېڭىنىڭ سەگەكلىگىدىن كېلىدۇ ، بەدىنىڭىز، ئائىلىڭىز ،كەسپىڭىزنىڭ ھەممىسى پىسخىكىڭىزغا بوي سۇنىدۇ ، ئۇلار ھەر ساھە ،ھەرتەرەپتىن سىزنىڭ مول مەزمۇنلۇق ئاياللىق دۇنيايىڭىزدا تەشكىل قىلىدۇ . سىز ئۇلارنى تەشكىللەيسىز ،تەڭشەيسىز ،ئۇلارنى بىرلەشتۈرۈپ ئۆزىڭىز ئۈچۈن نەپىس ،گۈزەل ۋە تەسىرلىك ھاياتلىق مۇزىكىسىنى چالغۇزىسىز .   خوشاللىق ئەمەلىيەتتە ئاددىي-ساددا تۇرمۇشتا مەۋجۇت .ئۇ ئاشخانا ئۆيدە ، يولدىشىڭىز ،بالىلىرىڭىز ئوتتۇرسىدىكى كۈلگە –چاقچاقلارغا يوشۇرۇنغان بولىدۇ . ئىللىق چىراي نۇرىدا ،جىمجىت سىنىپلاردا ،ۋاراڭ –چۇرۇڭلۇق بازاردا ،كۆزنى قاماشتۇرىدىغان سودا سارايلاردا ، ئوچاقنىڭ يېنىدا ، كۆل بويىدا، ئورمانلىقتا ،ئوتلاقلاردا.....سىزگە تەلمۈرۈپ تۇرىدۇ .    خوشاللىق ھەممىمىزنىڭ ئەتراپىدا. خوشاللىقنى چىڭ تۇتۇڭ، خوشاللىقنى قۇچاقلاڭ! مەنبە: شىنجاڭ ياشلىرى

قەھۋە

	ئاياللار بار يەر گۈزەل، پۇراقلىق، يېقىملىق بولغىنىدەك، ئاياللار تېمىسمۇ يۈرەككە ياقىدىغان بولىدىكەن. كىشى باشقىچە يېقىملىق بىر دۇنيانى كۆرگەندەك بولىدىكەن. ئاياللارنىڭ سېھرى كۈچى ھەقىقەتەن زور. سىز ئەڭ ئاددى ئىش-ھادىسىلەردىنلا ئۇلاردىكى سېھرى كۈچنىڭ نەقەدەر مۇھىملىقىنى ھېس قىلالايسىز. مەسلە سىزنىڭ بايقاش-بايقىيالمىغانلىقىڭىزدا، نامايەن قىلىش-قىلالماسلىقىڭىزدا.    "ئاياللار گۈزەل بولغانلىقى ئۈچۈن سۆيۈملۈك ئەمەس، بەلكى سۆيۈملۈك بولغانلىقى ئۈچۈن گۈزەلدۇر". ئۆزى ئاددى، چىراي-تۇرقى ئادەتتىكىچە بەزى ئاياللار نېمە ئۈچۈن شۇنچىلىك جەزبىدار كۆرۈنىدۇ؟ بۇ بەلكىم ئۇلاردىكى بىر خىل يوشۇرۇن سېھرى كۈچنىڭ تەسىرىدىن بولسا كېرەك. تۇرمۇشتىمۇ كۆپ ئۇچرايدۇ. ئۇنداق ئاياللارغا قارىىسڭىز ئىچ-ئىچىدىن نۇر يېغىپ تۇرغان، يېقىملىق، ئىللىق.    مۇلايىملىق جەزبىدار ئاياللارنىڭ مۇھىم قورالى. ئاياللار دەل ئۆزىدىكى ئەشۇ رومانتىك،  يېقىملىق، مۇلايىم خاراكتېرىگە تايىنىپ، ئەرلەرگە ئىللىق دۇنيا ئاتا قىلالايدۇ. شۇنداقلا مۇھەببەتلىك تۇرمۇشنىڭ گۈزەللىكىگە ئېرىشەلەيدۇ ،ئەرلەرگە ئىچكى گۈزەللىك ھېس قىلدۇرىدۇ.   ئۆزىگە ئىشىنىدىغان، گۈزەللىككە ئىنتىلىدىغان، ئۆزى ۋە ئۆزگىنى سۆيۈشنى مۇھىم دەپ بىلىدىغان ئاياللار تەبىئىيلا سىزگە ئىشەنچ تۇيغۇسى بېغىشلايدۇ. ئۆزىنى مۇكەممەللەشتۈرۈشكە ئىنتىلىدىغان ئايال جەزبىدار، سېھرى كۈچكە تولغان، پىشقان ئاياللاردىن بولۇشى مۇمكىن.   ئايال بولۇش ئاسان. ئەمما مۇكەممەل، مۇلايىم، گۈزەل، ئاقكۆڭۈل ئايال بولۇش ئۇنچە ئاسان ئەمەس. تۇرمۇشنىڭ نۇرغۇن سىناقلىرىنى باشتىن كەچۈرۈپ، نۇرغۇن تەجىرىبە-ساۋاقلاردىن كېيىن بىر يىتىلگەن ئايال، پىشقان ئايال بولۇش مۇمكىن. دائىم كۈلۈپ، ئۆزىنى تېتىك، روھلۇق تۇتۇپ يۈرىديدىغان ئاياللارنىڭ ھەر بىر كۈنى خۇشاللىق ئىچىدە ئۆتۈشى مۇمكىن. مەن ئادەتتە ئاچچىقىم يامان، ئەمما ئۆزۈمنى تىزگىنلەپ ھەر ۋاقىت خۇشال ياشاشنىڭ كويىدىلا يۈرىمەن. تۇرمۇشۇمدىن خۇشاللىق ئىزلەيمەن. دېگەندەك بىز ئىزدىگەن خۇشاللىقلار، بەخت ئۆيىمىزنىڭ ئىچىدە،  دەريا بويلىرىدا، دوستلار ئۇچرىشىشدا، ئۇرۇق-تۇققانلار يىغىلىشىدا بولۇشى مۇمكىن.    تۇرمۇش بىر مۇزىكا بولسا، ئاياللار ئۇنىڭدىن سەر خىل يېقىلىق كۈيلەرنى ياڭراتقۇچىدۇر!

يەرشارى

	مىسالى كەبى-ئاياللار بىر دۇتتار بولسا،ئۇنىڭ ئۈستىنكى تارىسى تاشقى گۈزەللىكىدۇر.ئاستىنكى تارىسى ئىچكى گۈزەللىكىدۇر.بۇ قوش تاردىن چىقىۋاتقان كۈي-مىلودىيە،دۇنيانىڭ،ھاياتنىڭ نەقەدەر چىن-گۈزەللىكىنى مەدىھلىسە،تۇرمۇشقا ھاياتى كۈچ بېغىشلايدۇ! ‹غ›

باتۇرچەۋەنداز

	گۈلنى ياخشى كۆرىمەن دەيدىكەنمىز -پەرۋىشنى ۋاختىدا،جايىدا قىلىپ، تىكىننى سانجىتۋالماي ھۇزۇرلىنىشنى بىلىشمىز:victory: كېرەك.

peacelife212

	ئاياللاردىكى نازاكەت، مۇلايىملىق ، خۇشپېئىللىق ، ئەخلاق پەزىلەت، دىيانەت ئاياللاردىكى سېھرى كۈچنىڭ ئاساسى.

مودەن

	توغرا،ھەممىمىز  شۇ  سىھرى كۈچى بار ئايال بولىشقا تىرىشايلى.