سەن ئىكەنسەن ئەسلىدە

دىلەيسەم

	گەپ بولۇپتۇ، مەھەلىدە گەپ بولۇپتۇ، ....................قېنى داۋامىنى مەرىمخان چۈشۈرۋەتسۇن

otkankunlar

	بىر قايرىلىپ نازلىق بىلەن قاچقاندا، كىرپىگىنى ئوقيا قىلىپ ئاتقاندا. جان تۇشامدۇ بىر تىرىلىپ،مىڭ ئۆلۇپ، بېلىق بۇلۇپ شۇ كۆزلەرگە پاتقاندا. ھەجەپ سىرلىق قارايدىغۇ بۇ كۆزلەر، مەس بولغاندەك ئەسلىمىلەر ئىچىدە. سىەنمۇ شۇنداق ئۈمۇتلەرگە تولغانمۇ، يامغۇر ياققان كەچ كۈزدىكى كېچىدە.

otkankunlar

	ياشاپ كەلدىم مەنمۇ ئۈمۇتسىز، ئۇنتالماستىن ئەشۇ كۈنلەرنى. دىل خانەمگە پۇكتۇم تۇيۇقسىز، شىۋىرلاشقان تاتلىق ئۈنلەرنى. سىم سىم يامغۇر ياققان شۇ كۈنى، قول تۇتۇشۇپ ماڭغان ئىككىمىز. دۇنيا بىزنى ئۇنتىغان ئىدى، ئېچىلغاندەك مەڭگۈ بەختىمىز.

قەھۋە

	ۋاھ، بەك پەيزى. بىر-بىرىدىن ئۇستا مۇشائىرىچىلەرغۇ بۇ. كۈنلەر ئەپەندىم، يەنە بىرنى ئوقۇپ، ئىۋۇ سەلتەنەتنى قايتۇرۇپ ئەكىلىۋالماملا؟

gulhan

	ياشاپ كەلدىم مەنمۇ ھەم شۇنداق، كىچەلمىدىم ئاشۇ كۈنلەردىن. ئەلەم بىلەن كۈتتۈم تەسەللى، يۈرىگىمگە تۇنۇش ئۈنلەردىن. سىم-سىم يامغۇر تاتلىق ئەسلىمە، ئايلانغاندا ئۆتمۇشكە بۈگۈن، كىرىپ قالدۇق ھىجران باغرىغا، دىلىمىزدا قالدى ھەم تۈگۈن...

otkankunlar

	تەغدىرىمىز نىمە دىگەن ئوخشاش ھە؟ چېكىلمەيدۇ ئەمدى ۋىسال ئىشىگى. ئايلانغاندا ھەممە نەرسە ئۆتمۇشكە، دىلىمىزدا قالدى تاتلىق-ئاچچىغى.

gulhan

	تەقدىر نىمە -چالا پۈتكەن رىسالە، ھەر كويلاردا ئۇنى ھەرخىل يازىمىز. ئايلانغاندا ئاشۇ دەملەر ئۆتمۈشكە، سۆيگۈ ئۈچۈن يەنە بىر رەت ئازىمىز. كۈمۈلگەندە كۈل ئاستىغا ئارمانلار، ئۇندىن يەنە تالاي ھەسرەت قازىمىز.

otkankunlar

	ھايات دىگەن ھەجەپ قىزىق كارتىنا، بىردە كۈلۈپ بىردە يىغلاپ قالىمىز. مىڭ تىرىلىپ تۇرمۇش ئاتلىق ئۇچاقتىن، بەزەن سامان بەزەن بۇغداي ئالىمىز. تەغدىر بىزنى ھەر كويلارغا سالسىمۇ، سۆيگۈ ئۈچۈن يەنە قۇشاق قاتىمىز،

gulbargi24

	ۋاھ.....،قىزىپ كىتىپتىغۇ!

gulhan

	ھايات دىگەن بىر پىيالە قايناقسۇ، بەزى شىكەر بەزى زەھەر سالىمىز. ئىچمەيمىزۇ دەردى ئۇندىن ياماندۇر، ئەلىمىنى مۇھەببەتتىن ئالىمىز. كۈيۈپ-كۈيۈپ كۈل بۇلالماي ئاخىرى، «يار سىنىڭ دەردىڭ يامان»غا چالىمىز.