يالغان سۆزلەر

جۇلالىق

	يالغان سۆزلەر يالغان سۆزلەر خۇددى ئادەت بولۇپ قالغان «ئۆلچەملىك جاۋاب» تەك تۇرمۇشىمىزدا دائىم ئۇچراپ تۇرىدۇ. يايمىچى دەيدۇ: بۇ ئەڭ ئاخىرقى بىرى، ئەرزان بېرىمەن!    چولپانلار دەيدۇ: بىز پەقەت يېقىن دوستلاردىن.    سىياسەتۋاز دەيدۇ: مەن بىر تىيىنمۇ ئالمىدىم.    ئەرلەر ئالدىدىن ئۆتۈپ كېتىۋاتقان گۈزەلگە تىكىلىپ قاراپ تۇرۇپ، ئايالىغا دەيدۇ: ئۇ نەدىمۇ سىزدەك چىرايلىق بولسۇن.    باشلىق دەيدۇ: تۆۋەندە مەن ئاددىي قىلىپ ئىككى ئېغىزلا سۆزلەي...    ئاتا-ئانىلار بالىلىرىغا دەيدۇ: مەن ھېيتلىق پۇلىڭلارنى ساقلاپ بېرەي.    خانىملار سىرتقا چىقىشنىڭ ئالدىدا دەيدۇ: مەن تەييار بولدۇم مانا!    ئايرىلغاندا ئاياللار دەيدۇ: بىز دوستلاردىن بولۇپ ئۆتسەك بولىدۇ.    باشقىلارنىڭ مۇھەببىتىنى رەت قىلغاندا مۇنداق دەيدۇ: سىز بەك ياخشىكەنسىز، لېكىن مەن سىزگە لايىق كەلمەيمەن.    تەشەببۇسكارلىق بىلەن ئايرىلغاندا مۇنداق دەيدۇ: سىز مەندىنمۇ ياخشى بىرىنى تاپالايسىز.    تاڭ ئاتقاندا ئۆيىگە قايىتقان ئەر مۇنداق دەيدۇ: ئامال يوق، مېھماندوستلۇق ئەمەسمۇ.    ئادەتتىكى ئەرلەر مۇنداق دەيدۇ: پۇلى بار ئادەملەرنىڭ نېمىسى ياخشى؟ پۇلى بارلىكى ئادەملەرنىڭ ھەممىسى كۆڭۈللۈك ياشىيالمايدۇ.    ئوقۇتقۇچى دەرستە ئەڭ ناچار ئوقۇغۇچىغا دەيدۇ: سەن ناھايىتى ئەقىللىق، شۇغىنىسى تىرىشمايسەن. يالغان سۆز ئەسلىدە تۇرمۇشىمىزدا ئاڭلىمىساق ياكى سۆزلىمىسەك بولمايدىغان بىر كىچىككىنە باھانە-سەۋەب. كۆپىنچە چاغلاردا، چوقۇم بىر باھانە-سەۋەبلەرنى كۆرسىتىشىمىزگە، يالغا سۆزلىشىمىزگە، باشقىلارنى ھۆرمەت قىلىش يۈزىسىدىن بۇنداق ئۆتكۈنچى سۆزلەردىن پايدىلىنىشىمىزغا توغرا كېلىدۇ. كېلىش مەنبەسى: بلوگباس.

Aydar

	7 قىز مۇنبىرىدە: ياخشى يېزىپسىز...ئەسەرلىرىڭىزنى كۆرۈپ تۇرۇشنى خالايمىز

Qarshi_Qirghak

	ۋاي توۋا ، بۇمۇ يالغان سۆزما ؟

Aydar

	چاخچاق...مەن ئەگىشىپ يېزىپ قويدۇم.

ayqiz

	ئاتا-ئانىلار بالىلىرىغا دەيدۇ: مەن ھېيتلىق پۇلىڭلارنى ساقلاپ بېرەي. ھازىر بۇ گەپلەر ئاقمايدىغان بولۇپ قالدى

kamiran

	ئاشخانا خوجايىنلىرى دەيدۇ__________تاماق ھازىرلا چىقىدۇ

نالەن

	سېستىرالار: چىداڭ قەتئى ئاغىرمايدۇ، يىڭنە سانجىسا ئاغرىمايدىغان ئىش نەدە بار