مەن نىمە ئۈچۈن تۇرمۇشتىن ئۈمىتسىزلەندىم؟

Yurak-Oghrisi

	توي قىلغىلى ئاز كەم 5 يىل بوپتۇ... يېقىنقى بىر نەچچە يىلدىن بىرى تورمۇشتىن كۆڭلۈم سۇ ئىچمەيدىغان بۇلۇپ قالدى. ئائىلەم گۇياكى مىھمانخانىغا ئوخشاپ قالغىلى خېلى بولدى. مۇھەببەتلىشىپ توي قىلغاچقىمىكىن، جورام ئۈچۈن تۇلىمۇ  كەڭ قۇرساقلىق قىلىپ كەلدىم دەپ قارايمەن... تويدىن بۇرۇن گەرچە بىر نەچچە يىل مۇھەببەتلىشىپ، ئۆز ئارا چۈشۈنۈش ھاسىل قىلغان بولساممۇ ئەمما تويدىن كىيىن جورامنىڭ تۇرمۇشتا ئىشچان ئەمەسلىكى، ئۆي ئىشلىرى بىلەن ھېچقاچان كارى بولماسلىقى ۋۇجۇدۇمنى ئازاپلار قاينىمىغا سۆرەپ كىرىشكە باشلىدى... ئىشتىن كەلسە ھېرىپ قالدىم دەپ چىرايىنى پۈرۈشتۈرۈپ كارۋاتقا ئۈزىنى تاشلاپ ياتقىنىدا ئۈزۈمنى خاتا تاللاپ قالغاندەك ھىس قىلىمەن. ئەمەلىيەتتە خىزمىتى چارچىغۇدەك خىزمەت ئەمەس. بىراق ئۆيگە كەلسىلا سىرىتتىكى تىتىكلىكى ۋە كەيپىياتىدىن ئەسەر يوق. پات پات دادىسى ۋە بىر قىسىم ئەرلەرنىڭ ئائىلىدە تاماق ئىتىپ ئۆي ئىشلىرىنى قىلىدىغانلىقىدەك ھىكايىلەرنى ئېيتىپ قۇيىدۇ... مەن ئاياللارنى قانداق ھۆرمەتلەشنى بىلىمەن دەپ قارايتىم... شۇ ۋاقىتلاردا ئۇنىڭغا : مەنمۇ تۆشۈك ئىشلىرىغا ئۈتەيمۇ؟ دەپ سوراپ قۇيىمەن. بەلكىم بەزىلەر ئۇنداق بولسا نىمە بوپتۇ دەپ قارىشى مۇمكىن، بىراق... قازان بېشىغا چىققان ئەرلەرنىڭ بىر ۋىنتىسى كەم ياكى ئايالىدا زور مەسىلە بار دەپ قارايتىم.... ئاشۇ سۆزلىرىنى ئويلىغىنىمدا ئۈزۈمنىڭ نىمىشقا لاتا ئەر بۇلۇپ قالمىغاندىمەن دەپمۇ قالىمەن... بەزىلەر بەلكىم ئۇنداق ئىشلار ئاياللارنى ھۆرمەتلىگەنلىك ۋە ئاسرىغانلىق دەپ قارىشى مۇمكىن... بىجىرىم، ساپ–ساق خۇتۇن بار يەردە ئەرنىڭ قازان بېشىغا ئۈتۈشى، ئۆي سۈپۈرىشى، كىيىملەرگە دەزمال سېلىشى قۇبۇل قىلغىلى بولمايدىغان ئىشلاردۇر. تويدىن كىيىن ھۆرمەت ۋە يول قۇيۇش بولمىسا تۇرمۇشۇم بەلكىم ھازىرغىچە داۋاملىشالماسلىقى مۇمكىن ئىدى... ھامان بىر كۈنى ئوڭشىلىپ قالار دىگەن خام خىيالنىڭ تۈرۈتكىسىدە ياشىماقتىمەن...ھەر كۈنى ئىشتىن يېنىپ دەرۋازىدىن كىرگەندە ھويلامنىڭ پاكىز سۈپۈرۈگلۈك ئىكەنلىكىنى ، بۇسۇغىدىن ئاتلىغىنىمدا ئۆيلارنىڭ پاك-پاكىز ۋە چىرايلىق سەرەمجانلاشتۇرۇلغىنى كۆرسەم كۆڭلۈم نەقەدەر ئېچىلىپ كىتەر دىگەن خىيال بىلەن دەرۋازىدىن كىرىپلا سۇلىشىىپ قالىمەن، بۇسۇغىدىن ئاتلاپلا دىيىشىنى خىيال قىلغان تاتلىق گەپلىرىم ۋە سۆزلىرىم قاياقلارغىدۇ ئۇچۇپ كىتىپ چىرايىمنى بىر خىل سۇلغۇنلۇق ۋە ئازاپ قاپلايدۇ... ئاياللارنىڭ ئەرلەر ئۈچۈن خىزمەت قىلىشى، ئىتائەت قىلىشى شەرىئەتتە ئىنىق ھۈكۈم قىلىنغان، ئەرلەرنى ھۆرمەتلەش ۋە بوي سۇنۇش، ئائىلىنى ئەرلەرنىڭ كۆڭلىدىكىدەك تۇتۇش ئاياللارنىڭ باش تارتىپ بولمايدىغان مەسئۇلىيىتى ئىدى. ئەپسۇس... ئايالىم شەھەرلىك. شەھەر قىزلىرىنى ھۇرۇن، ئىش قىلمايدىغان، تەييارتاپ دىسەك توغرا بولماس ھەقاچان. بىراق مەن تاللىغان گۈلۈمنىڭ ئائىلىدە مىنى رازى قىلالماسلىقى بارا بارا يۈركۈمنىڭ چۇڭقۇر قاتلاملىرىدا بارا بارا سۇۋۇش كەيپىياتىنى پايدا قىلماقتا... كىچىككىنە بىر ھويلىمىز بار.بىزنىڭ يۇرتنىڭ قائىدىسىدە ھەر كۈنى قاق سەھەردە ئۆينى سۈپۈرۈپ تازىلاش قائىدىسى بار.  بىچارە گۈلۈم ئەتتىگەندە شۇ كىچىككىنە ھويلىمىز ئەمەس ئۆينى سۈپۈرۈشنى ھەپتىدە بىر قىتىممۇ قىلمايدۇ. چىرايلىق گەپ قىلىپمۇ باقتىم، خاپا بۇلۇپمۇ باقتىم... قىيداپمۇ باقتىم، ھەتتا سەن بۇنداق قىلساڭ مىنى سىرىتقا قاراپ قىلىشقا مەجبۇر قىلىپ قۇيىسەن، ئۇنداق قىلما، مىنى چىڭ تۇت، خىزمىتىمنى ياخشى قىل ، دەپمۇ باقتىم...... بىراق، ئاياللار يەنىلا ئىشچان بولمىسا مۇھەببەت دىگەن بىر ياقلاردا قالىدىكەن. مۇھەببىتىمىز ئەينى ۋاقىتلاردا تۇلىمۇ ئوتلۇق ۋە گۈزەل ئىدى، ۋەدىمىزمۇ چىڭ ئىدى. ئەپسۇسكى نىكاھ دىن كىيىن پەقەت مۇھەببەتلا ئەمەس ئەڭ مۇھىمى ئەرلەر ئۈچۈن ئىشچانلىق بولمىسا ئائىلىنىڭ مەززسىسى قالمايدىكەن. مۇھەببەتقۇ ئاندىن. قەلبىمدە چۇڭقۇر ئۇھسىنىپ قۇيىمەن.... دائىملا دەپ قۇيىمەن، سۈيى بار يەرنىڭ ئۇتى يوق، ئۇتى بار يەرنىڭ سۈيى يوق..

Qarshi_Qirghak

	سالام سىزگە يۈرەك ئوغرىسى :   ئەقىللىق بىر ئانا قىزىنى ئەرگە بەرگەندىن كېيىن ،تۆۋەندىكىچە نەسىھەت قىلغان ئىكەن:        -ھەي قىزىم ،بۈگۈندىن باشلاپ بىزنىڭ قولىمىزدىن كەتتىڭ ،باشقا بىر ئادەمگە يارۇ  ھەمرا بولدۇڭ،سەن ئۈچۈن بەخىت ئامەت تىلىگۈچى ئاناڭ تەرىپىدىن سۆزلەنگەن ئۇشبۇ نەسىھەتلەرنى ئېسىڭدە مەھكەم تۇتقايسەن ۋە مۇمكىن بولغاندا پايدىلنارسەن.      قىزىم ئېرىڭ دۇنيا سەپىرىدە ساڭا ھەمراھ.قايغۇدا بىللە قايغۇرغۇچى،شادللىقتا بىللە شادلانغۇچى ھەمراھ بولۇش ئۈمۈدى بىلەن سېنى قوبۇل قىلدى.ئۇنىڭ ئۈمۈدىنى ئەسلا يەردە قويمىغايسەن.ئۇ ھەر ۋاقىت سەندىن رازى بولۇپ ياشىسۇن.       قىزىم،تېز كۈنلەردە ئائىلە قۇرۇشقا كىرىشىسەن.ئائىلە قۇرۇشتا ئېتىبارغا ئېلىشقا تېگىشلىك نۇرغۇن نەرسىلەر بار.ئېرىڭنىڭ يىقىنلىرىنى بولۇپمۇ قېيناناڭ ، قېيناتاڭنى ھۆرمەت  قىل .ئۇلارنى  ئۆز  ئاناڭ  ، ئۆ ز ئاتاڭدەك  كۆر . ئۇلارنىڭ بالىلىرىنى ئۆز تۇغقانلىرىڭ ھېساپلا . قېيناناڭ - قېيناتاڭنىڭ نەسىھەتلىرىگە ئەمەل قىل.مۇشۇ    يىڭى تۇغقانلىرىڭنىڭ مىجەز-خۇلىقىنى بىلىۋال ۋە شۇنىڭغا قاراپ مۇئامىلە قىل،ئۇلار بىلەن يامانلىشىپ قېلىشتىن ساقلان.چۈنكى بۇنىڭ ئېغىرلىقى ئېرىڭنىڭ ئۈستىگە چۈشىدۇ.سەندىن ئۆتسە يىقىنلىرىڭنىڭ كۆڭلىدە قالار،ئۇلاردىن ئۆتسە سەندىن قىزغىنار ،بۇنىڭ قايغۇسى بىلەن ئېرىڭ تاماقتىنن قالار ۋە ئاخىر كېسەل بولۇپ قالار .ئەرلەر ئۆز كەسپىنى ياخشى قىلىش ئۈچۈن كۆڭلىنىڭ شاد،تىنىچ بولۇشىغا مۇھتاج.ئائىلىدە ئازىراق قايغۇ بولسا ،ئۇلارنىڭ كەسپىگە تەسىر يىتەر.                        ئەقىللىق بىر ئانا قىزىنى ئەرگە بەرگەندىن كېيىن ،تۆۋەندىكىچە نەسىھەت قىلغان ئىكەن:        -ھەي قىزىم ،بۈگۈندىن باشلاپ بىزنىڭ قولىمىزدىن كەتتىڭ ،باشقا بىر ئادەمگە يارۇ  ھەمرا بولدۇڭ،سەن ئۈچۈن بەخىت ئامەت تىلىگۈچى ئاناڭ تەرىپىدىن سۆزلەنگەن ئۇشبۇ نەسىھەتلەرنى ئېسىڭدە مەھكەم تۇتقايسەن ۋە مۇمكىن بولغاندا پايدىلنارسەن.      قىزىم ئېرىڭ دۇنيا سەپىرىدە ساڭا ھەمراھ.قايغۇدا بىللە قايغۇرغۇچى،شادللىقتا بىللە شادلانغۇچى ھەمراھ بولۇش ئۈمۈدى بىلەن سېنى قوبۇل قىلدى.ئۇنىڭ ئۈمۈدىنى ئەسلا يەردە قويمىغايسەن.ئۇ ھەر ۋاقىت سەندىن رازى بولۇپ ياشىسۇن.       قىزىم،تېز كۈنلەردە ئائىلە قۇرۇشقا كىرىشىسەن.ئائىلە قۇرۇشتا ئېتىبارغا ئېلىشقا تېگىشلىك نۇرغۇن نەرسىلەر بار.ئېرىڭنىڭ يىقىنلىرىنى بولۇپمۇ قېيناناڭ ، قېيناتاڭنى ھۆرمەت  قىل .ئۇلارنى  ئۆز  ئاناڭ  ، ئۆ ز ئاتاڭدەك  كۆر . ئۇلارنىڭ بالىلىرىنى ئۆز تۇغقانلىرىڭ ھېساپلا . قېيناناڭ - قېيناتاڭنىڭ نەسىھەتلىرىگە ئەمەل قىل.مۇشۇ    يىڭى تۇغقانلىرىڭنىڭ مىجەز-خۇلىقىنى بىلىۋال ۋە شۇنىڭغا قاراپ مۇئامىلە قىل،ئۇلار بىلەن يامانلىشىپ قېلىشتىن ساقلان.چۈنكى بۇنىڭ ئېغىرلىقى ئېرىڭنىڭ ئۈستىگە چۈشىدۇ.سەندىن ئۆتسە يىقىنلىرىڭنىڭ كۆڭلىدە قالار،ئۇلاردىن ئۆتسە سەندىن قىزغىنار ،بۇنىڭ قايغۇسى بىلەن ئېرىڭ تاماقتىنن قالار ۋە ئاخىر كېسەل بولۇپ قالار .ئەرلەر ئۆز كەسپىنى ياخشى قىلىش ئۈچۈن كۆڭلىنىڭ شاد،تىنىچ بولۇشىغا مۇھتاج.ئائىلىدە ئازىراق قايغۇ بولسا ،ئۇلارنىڭ كەسپىگە تەسىر يىتەر.                      قىزىم ،ئۆيۈڭ رەتلىك ،ھەر نەرسە جايىدا بولسۇن،بالىلىرىڭنى ئېرىڭگە ئامراق ،ئېرىڭنى بالىلىرىڭغا كۆيۈمچان قىلىشقا تىرىش.ئاتىلارنىڭ بالىلار بىلەن ئۆزىنى خۇش قىلىشى ئۇلار بىلەن بىللە بولۇشقا مۇناسىۋەتلىك . بالىلىرىنى سۆيىدىغان ئەرلەر كۆپ ھاللاردا ئىنساپلىق بولىدۇ ۋە بالىلىرى بىلەن ئۆزىنى خۇشال قىلىپ باشقا مۇناسىۋەتسىز نەرسىلەرگە كۆز سالمايدۇ. قىزىم ،بۇ ئېيتقان سۆزلىرىمنى بەجا كەلتۈرۈش ئەقىللىق ،تەدبىرلىك خوتۇنلار ئۈچۈن ئېغىر ئىش ئەمەس.ئەقىللىق خوتۇنلار كۈچلۈكلەر كۈچى بىلەنمۇ قىلالمىغان ئىشلارنى ئۆز ئەقلىگە تەيىنىپ قىلالايدۇ.قىزىم ،بەزى ۋاقىتتا ئەرلەر خوتۇنلىرىغا نىسبەتەن تۆۋەن كۆرۈش خاھىشىدا بولىدۇ.دەل شۇ چاغدا مۇشۇ ۋاقىتنى پۇرسەت بىلىپ ئۇنىڭ ئەيىبلىرى ھەققىدە ئازراق سۆزلە. قىزىم ،ئائىلە ھەر ۋاقىت نېمەت ئەمەس ،بەزى چاغلاردا زەھىرى ،تىكىنى بولىدۇ.ئېرىڭ بىلەن ئاراڭغا سوغۇقچىلىق چۈشسە ،ئېغر بېسىقلىق بىلەن سۆزلە، قىزىرىشما؛چىرايىڭنى ۋە ئاۋازىڭنى ئۆزگەرتمە،ھۆرمەت قىل،ئۇ ھەر قانچە ئاچچىقلانسىمۇ قارشى سۆز قىلما.ئەڭ ياخشى خورتۇن ئەرنىڭ ئالدىدا ئۆزىنى ئەركىن تۇتۇپ ،ئاچچىغىغا ھاي بەرگەن خوتۇندۇر. قىزىم،بالاڭ بولسا ئۇلارنىڭ تېنىنى ئاسىرا ،مەكتەپكە بارغۇچە ئەقلىي جەھەتتىن تەربىيە قىل،ياخشى قىلىقلارغا ئادەتلەندۈر. مەنبە :تەرمىلەردىن .

قەھۋە

	ئەسسالام يۈرەك ئوغرىسى!   يوللىغانلىرىڭىزنى كۆرۈپ مېنىڭ  بىر نەچچە ئېغىز سۆزلىگۈم كېلىپ قالدى. شۇنىڭدەك سىزنىڭ بۇ ئارقىلىق ئازراق بولسىمۇ ئىچىڭىزنى بوشىتىۋېلىش ھەمدە بىزگە ئوخشاش خانىم- قىزلار ئۈچۈن ئىبرەت بولۇشى ئۈچۈن ئۆز ھېسسىياتىڭىزنى بۇ جايدا دادىل ئىپادە قىلغىنىڭىزنى چۈشەندىم. سىزگە كۆپ رەھمەت! ئايالىڭىز ئىككىڭلار گەرچە ئۇزۇن مەزگىل مۇھەببەتلىشىپ توي قىلغان بولساڭلارمۇ، ھازىر تۇرمۇش ئۇسۇلۇڭلار سىلەرنى يىراقلاشتۇرۇپ، تۇرمۇشتىن رايىڭلار يېنىپ كېتىۋېتىپتۇ. سىز بولسىڭىز تۇرمۇشتىن قاتتىق ئۈمۈتسىزلىنىپسىز. ياخشى كۆرۈپ ئالغان قىزىڭىز، ئايالىڭىز سىزنى ئۈمۈتسىزلەندۈرۈپتۇ. ھەقىەتەنمۇ ئائىلىدە بۇنداق ئىشلارنىڭ مەۋجۇت بولۇپ تۇرىشى كىشىنى قاتتىق بىئارام قىلىدۇ. شۇنىڭدەك ئائىلىدە ئىلللىقلىق، چىن مېھىر، ھېسسيات ئالماشتۇرۇشلار سۇسلىشىپ، ئىللىق مىھېر-مۇھەببەت يوقىلىش گىردابىغا بېرىشى مۇمكىن. يازغانلىرىڭىزنى  كۆرۈپ كۆڭلۈم بىر قىسما بولدى. چۈنكى ئايالىڭىز ھازىرغىچە سىزنىڭ ئۆزىنى ھۆرمەتلەپ، يول قويۇپ ئۆتۈۋاتقانلىقىنى ھېس قىلالماپتۇ. يېشى كىچىك بولسا كېرەك، بۇنىسى بىزگە نامەلۇمغۇ. بىر ئائىلىدە ئايال كىشنىڭ رولىنىڭ قانچىلىك مۇھىملىغىنى، ئائىلىنى  چۆرۈپ كېتىۋاتقىنى دەل ئۆزلىرى ئىكەنلىكىنى نېمىشقا ھېس قىلمايدىغاندۇ؟! سىزدىن شۇنى سورىغۇم كېلىۋاتىدۇ، ئايالىڭىز 民考汉 مۇ ياكى؟! يەنە بىرى، سىلەر تويدىن بۇرۇن شۇنچە مۇھەببەتلىشىپ، بىر-بىرىڭلارنى تولۇق چۈشىنىشمىگەنمۇ-قانداق؟ بۇنداق دېسەم خاتا چۈشىنىپ قالمىغايسىز! ئۆزىڭىزنىڭ تۇرمۇشقا بولغان تەلىۋىڭىزنىڭ يۇقىرىلىقىنى سۆيگىنىڭىزگە بىلدۈرمىگەنمۇ، قىز دوستىڭىزنىڭ، ھازىرقى ئايالىڭىزنىڭ ئۆي ئىشلىرى، قازان بېشىغا پۇختا ياكى ئەمەسلىكىنى ئارىلىشىش جەريانىدا ھېس قىلالمىدىڭىزمۇ؟ بەلكىم، "مۇددەتتىن بۇرۇن بىر ئۆيدە تۇرۇپ سىناپ باققىلى بولمىسا"دەپ ئويلىشىڭىز مۇمكىن. بۇ نۇقتىغىمۇ  ئۆز يولى بىلەن  دىققەت قىلىپ قويسىڭىز بولاتتىكەن. ھازىر سىلەر ئۆي تۇتىۋاتقىلى بەش يىلچە بولۇپ قاپتۇ. دېمىسمۇ ھازىرغىچە ئۆزىنى ئۆزگەرتەلمىگەن بولسا...سىز بەكلا ئەتىۋالايدىكەنسىزدە، ئۇنىڭ ئۈستىگە قىزغىن مۇھەببەتنىڭ قاينىمىغا چۆكۈپ كېتىپ، مۇھەببەتلەشكەن چېغىڭلاردا ئارتۇق خىيالمۇ قىلمىغان بولغىيتىڭىز بەلكىم!(چاقچاق) قارىغاندا پەرزەنتىڭلار بولمىسا كېرەك. بالا بولغاندا ئائىلە، جىددى خىزمەت، چوڭلارنى يوقلاش، تۈگىمەس چايلار ھەلەكچىلىكىدە چاققان، پاكىزە بولۇپ كېتەر بولغىيتى. ۋە ياكى ئەسلىدىنلا كۆنگەن خۇي ئۇنىڭغا يار بەرمەمدۇ. بۇ تۇرمۇش بەكمۇ مۇرەككەپ، سىز ۋە بىز ئويلىغاندەك ئۇنچە ئاددى ئەمەس. ۋە ياكى كىچىك بالىلارنىڭ ئويۇنچۇق تىزىپ، ئۆي ياساپ ئوينىشىمۇ  ئەمەس. نۇرغۇن جەريان ۋە بەدەل كېرەك.  جەمئىيىتىمزدە بىر قىسىم  ئاياللار ئۆز تۇرمۇشلىرى ئۈچۈن كۆپلىگەن  بەدەللەرنى تۆلەپ، ئىللىق ئائىلە، ئوماق پەرزەنتلەر ئۈچۈن قۇربانلىق بېرىپ ياشاپ كېلىۋاتىدۇ. بۇرۇنقى شەھلا مۇنبىرىدە ۋاپادار خانقىز يوللىغان"چاقنى بۇزغان تانىسى، قىزنى بۇزغان ئانىسى" ناملىق ئەسىرىنى ياقتۇرۇپ ئوقۇيتۇم. ھەر قانداق ئادەم ئۈچۈن ئائىلە تەربىيىسى تولىمۇ مۇھىم. "ئانا بالىنىڭ بىرىنچى ئۇستازى"، دېگەن گەپ بار. ئەمما ئائىلە تەربىيسى، ئانا تەربىيسى نوقۇل ھالدا بالىنىڭ كەلگۈسىدە قانداق ئادەم بولۇپ چىقىشىنى بەلگىلىيەلمەيدۇ. (مەن شۇنداق قارايمەن)چۈنكى، ئۇلۇغ ئاللا:'يارىتىش مەندىن، يارالمىشىڭ ئۆزەڭدىن" دەپتىكەن. ھەر قانداق ئانا ئۆز پەرزەنتىنىڭ ياراملىق بولۇپ چىقىشىنى ئۈمت قىلىدۇ-دە! شۇڭا ھەممە ئىش ئادەمنىڭ ئۆزىگە باغلىقتۇر. بولسا ئايالىڭىز ئۆزىنى ئۆزگەرتىشكە تىرىشىپ باقسا ياخشى بولاتتى، سىزدىن تەسىرلەنسە بولاتتى. ئەمما ھازىرغىچە سىز ئۇنى تەسىرلەندۈرەلمەپسىز. قارىغاندا "قان بىلەن كىرگەن خۇي، جان بىلەن چىقىدۇ"، دېگەن گەپمۇ توغرىدەك قىلىدۇ. مەن بۇ يەردە ئايالىڭىزنى ئەيىپلىمەكچى ئەمەسمەن. پەقەت ئۇ قىزنىڭ نېمىشقا ئۆزى ۋە يولدىشى ۋاز كەچمىگۈدەك ئىللىق ئائىلە قۇرۇپ چىقىش خىيالى يوقتۇ، دېگەنلەرنى ئويلاپ قالدىم. ئەڭ باشتا ئائىلە مۇھىتى پاكىزە بولسا كىشى ھەر قانچە چارچىسىمۇ، ھەرگىز بىلىنمەيدۇ. يەنىلا ئىللىق بىلىنىدۇ. ئادەم ئىشتىن چۈشۈپلا ئۆيگە قايتقۇسى كېلىدۇ. چۈنكى بىر كۈننىڭ ئىچىدە 16 سائەت ئىچىدىكى پائالىيىتمىز ئۆيدە بولىدىغان تۇرسا.  ئايال كىشى پاكىزە، رەتلىك بولمىغاندا ئائىلنىڭ بەرىكىتى بولمايدۇ. ئەرنىڭمۇ كۆڭلى سۇ ئىچمەيدۇ. ئاز ساندىكى ئائىلە تەربىيسى ياخشى ئەمەس، ھاراق- شاراپ، ئەل-ئاغىينىلەرنى ھەددىدىن زىيادە چوڭ بىلىپ كېتىدىغان ئەرلەردىن باشقا،  قايسى ئەر ئىشتىن چۈشۈپلا ئۇدۇل ئۆيگە قايتقۇسى يوق؟ ئۇلارنىڭمۇ ئىللىق ئائىلىنىڭ پەيزىنى سۈرۈپ، ئارام ئېلىپ جۆرىسى بىلەن بىرلىكتە كۆڭۈللۈك ئۆتكۈسى باردە.      كۆڭۈل ئوغرىسى! بۇ يەردە بىز سىزگە ھېسداشلىق قىلىشتىن باشقا، پەقەت تەسەللىلا بېرەلەيمىز! يەنە بىرگە، سىزنىڭ ئايالىڭىزغا كۆيۈنۈپ، ئۇنى ھۆرمەتلەپ، نورمال ھالدا  قازان بېشىدىكى ئىشلارغا ياردەملىشىشىڭىزنى قوللايمەن. چۈنكى، خىزمەت بېسىمى ئېغىر، جاپالىق بۇ كۈنلەردە ئايال كىشى يالغۇز بىر ئائىلىنىڭ يۈكىنى كۆتۈرۈپ بولۇش تەس. ئۇنىڭ ئۈستىگە ھەممە ئائىلىلەردە ئاساسەن ئوقۇغان ئاڭلىق كىشىلەر بار. ئۆز-ئارا توغرا چۈشىنىشسە بولىدۇ. ھەممە ئىشلار لايىقىدا، نورمال بولغاندا ھېچقانداق تەسىر كۆرسەتمەيدۇ، خالاس! شۇنىڭدەك، سىزنىڭمۇ ئۆزىڭىزدىكى يېتەرسىزلىك- نۇقسانلارنى تەكشۈرۈپ بېقىشىڭىزنى تەۋسىيە قىلىمەن!...... ئائىلىڭىزنىڭ تېز ۋاقت ئىچىدە ئىلللىشىنى، ئايالىڭىزنىڭ كۆڭلىگە تېزراق ئىنساپ بېرىشىنى تىلەيمەن!

جۇلالىق

	توي قىلغاندىن كېيىنكى تۇرمۇش باشقىچە بىر دۇنيا، تويدىن بۇرۇنقى قايناق ھېسياتلار نەلەرگىدۇ ئۇچۇپ كېتىپ، ئۇنىڭ ئورنىنى ئۆي ئىچىدىكى ئاخىرى چىقماس ئىشلار ئالىدۇ. مۇشۇ كەمگىچە ئۇنى ئۆزگەرتەلمىگەن بولسىڭىز كېيىن قانداقمۇ قىلارسىز؟ يەنىلا سەۋرىچانلىق بىلەن چۈشەندۈرۈپ بېقىڭ. "چىرايلىق سۆز تاشنىمۇ ئېرىتىدۇ" دىگەن گەپ بار ئەمەسمۇ؟ پاكىزلىق ئاياللارنىڭ بىرىنجى زىننىتى، ئۆينى پاكىزە تۇتمىغان ئايالنىڭ، باشقا ئىشلارنى ياخشى قىلمىقى تەس.

ayqiz

	ئەسسالام يۈرەك ئوغرىسى : مېنىڭ سىزگە دالى كارنېگنىڭ ئائىلە ھەققىدىكى ھىكىمەتلىرىدىن سوۋغا قىلغۇم كېلىۋاتىدۇ .       1 . ھەمراھىڭىزنى ئۆز خايىشىڭىز بويىچە ئۆزگەرتىشكە ئۇرۇنماڭ .      2 . نى - نى رومانتىك خىياللار بەربات بولدى ، نىكاھلانغۇچىلارنىڭ ئەللىك پىرسەنتىن كۆپرەكى بەختسىزلىككە ئۇچۇردى . بۇنىڭ سەۋەپلىرىنىڭ بىرى ، قىلچە ئەھمىيەتسىز بولغان ،ئەمما يۈرەكنى زېدە قىلىدىغان تەنقىد .    3 . ئەگەر ئايال ئېرىدىن خوشاللىققا ئېرىشسە ، بۇ چوقۇم ئېرىنىڭ ئۇنى ماختىغانلىقى ۋە سادىقلىق بىلەن قىزغىن سۆيگەنلىكىنىڭ نەتىجىسى ، ئەگەر ماختاش ساداقەتلىك ئەرنىڭ چىن كۆڭلىدىن چىققان بولسا ، ئۇنداقتا ئۇ ئەر بەختلىك ۋە شاد - خورام بولالايدۇ .    4 .  سىز ئائىلە تۇرمۇشۇم بەختلىك ، شاد -خورام ئۆتسۇن دىسىڭىز ، ئەڭ مۇھىمى ، ئايالىڭىزنى چىن قەلبىڭىزدىن ماختاڭ .

kamiran

	مەنغۇ  توي  قىلمىغان...................لېكىن  بۇ  ئائىلىنىڭ بۇزۇلۇپ كېتىشىنى خالىمايمەن

قەھۋە

	تېما يوللاپ قويۇپ كىرمىگىنى نېمىسدۇ؟...

dilhox

	يەنىمۇ تىرىشىپ بېقىڭ !

Yurak-Oghrisi

	سىزدىن شۇنى سورىغۇم كېلىۋاتىدۇ، ئايالىڭىز 民考汉 مۇ ياكى؟! ئەلۋەتتە ئۇنداق ئەمەس. پەرزەنتىڭلار بولمىسا كېرەك. بالا بولغاندا ئائىلە، جىددى خىزمەت، چوڭلارنى يوقلاش، تۈگىمەس چايلار ھەلەكچىلىكىدە چاققان، پاكىزە بولۇپ كېتەر بولغىيتى... بىز قىزىمىز بار. 4 ياشقا كىرەي دەپ قالدى... دىمىسىمۇ پەرزەنىتنىڭ رۇلى ئارلىقنى چىڭىتىشتا ئالاھىدە رول ئوينايدىكەن... بەزىدە بۇ خىل بۇرۇقتۇرما تۇرمۇشقا كۈنۈپ قالغاندەك، ھەم مۇشۇ تەرەقىدە داۋام ئىتىدىغاندەك ھىس قىلىمەن.  تۈگمەس خىيال،  ئائىلىگە كەلسەم جىمغورلۇق.... بارغانسىرى ئادەمنىڭ رۇھىنى چۈشكۈنلەشتۈرۋىتىدىكەن. جەمئىيىتىمزدە بىر قىسىم  ئاياللار ئۆز تۇرمۇشلىرى ئۈچۈن كۆپلىگەن  بەدەللەرنى تۆلەپ، ئىللىق ئائىلە، ئوماق پەرزەنتلەر ئۈچۈن قۇربانلىق بېرىپ ياشاپ كېلىۋاتىدۇ ئەلۋەتتە بەزى ماڭا ئوخشاش ئەرلەرمۇ  قۇربانلىق بىرىپ ياشىماقتىمىز.... يالغۇز ئاياللارنىلا بەخىتسىز دەپ قارىماسلىق كىرەك. بەخىتسىزلىك سۈزى پەقەت ئاياللار ئۈچۈنلا ئىشىلتىلمەسلىكى كىرەك. ئەرلەرنىڭ ئاياللار تەرپىدىن خارلىنىدىغانلىقنى قۇبۇل قىلىش كىرەك. ئەجىبا دۇنيادا پەقەت ئەرلەرنىڭ بەخىتسىزلىرى يوقمىدۇ؟

Yurak-Oghrisi

	چاقنى بۇزغان تانىسى، قىزنى بۇزغان ئانىسى كونىلار بۇ سۆزنى ئاجايىپ توغرا دەپتىكەن. يېقىن بىر دوستۇم بار، ئۈزى يىزىدا ئىشلەيدۇ. ئۇ كەچلىرى سائەت 7يېرىملاردا ئىشتىن كىلىدۇ... ئايالى بولسا ئادەتتە كەچ سائەت 6دا ئىشتىن چۈشۈپ كىلىپ بۇلىدۇ... دوستۇم قاچانلا كەلسە ئايالى يوق، تىلىفۇن قىلسا ئانىسىنىڭ ئۈيىدە... بىر نەچچە يىل مۇشۇ تەرىقىدە داۋاملاشقاندىن كىيىن يېقىندا ئۇلارنىڭ مۇناسىۋىتى تۇيۇقسىز قاتتىق بۇزۇلدى... ھازىر ئاجرىشىپ كىتىش ئۇيىدا بۇلىۋاتىدۇ... ئۇنىڭ بىرلا دەيدىغان سۈزى" قورساق ئېچىپ ئاران ئۆيگە كەلسە تاماق ئىتىش تۈگۈل ئانىسىنىڭ ئۈيىگە كەتسە، ئانىسى بولغان ئايال، قىزىم، ئۆيگە كىلىۋەرمەي ئىرىڭىزگە تاماق ئىتىپ ئۆيدە ئولتۇرۇڭ " دىگەن سۆزنى نىمىشقا دىمەيدۇ"، بۇنداق ئائىلە ئەزالىرى بار ئۆي بىلەن ئۇرۇق-تۇققاندارچىلىق مۇناسىۋەتنى ئۈزگىنىم ئۈزگەن دەيدۇ... بۇ بىر مىسال... نەرى خاتا؟ ئۈزەمنى ئېلىپ ئېيتساممۇ، بىر نەچچە ئاي بۇرۇن  قېيىنئانام يېرىم كۈنلۈك يىراق يولنى بېسىپ كەلگەن ئىدى، بىر كۈنى ئىشتىن كەلسەم قېيىنئانام ئۈزى يالغۇز ئۆيلەرنى تازىلاپ شۇنچىلىك رەتلىك قىلىۋىتىپتۇ... بۇ نىمە قىلغانلىرى ،سىلى ئىش قىلسا قانداق بۇلىدۇ دىسەم،  قىزىم خىزمەت بىلەن بەك ئالدىراش بوپ كىتىپ ۋاقىت چىقمىغان ئوخشايدۇ...يۇغۇشتۇرۇپ قويدۇم...   ئۈندىمىدىم... بىر نەچچە كۈن تۇرۇپ، قېيىنئاتام كىتىش تەييارلىقىنى قىلىۋاتسا قېيىنئانام قازان بېشىدا نەچچە ۋاقتىن بىرى پاكىز يۇيۇلمىغان چىنە-تەخسە،...ئاشخانا ئۆينى تازلاپ ھالى قالمىدى... غۇژژىدە ئاچچىقىم كەلدى، ئانا بولغان ئادەم قىزىنى توۋلاپ ئولتۇرغۇزۇپ، قىزىم، ئۆينى چىرايلىق ، پاكىز تۇتۇڭ، بۇ ئىشلارنى قىلىڭ، دەپ قۇلىدىن تارتىپ كۆرسىتىپ قىلغۇزغان بولسا قىزمۇ ئىزار تارتىپ قىلار بولغىيدى... قىزىنىڭ تويدىن كىيىنكى ئۆي تۇتۇش ئەھۋالىنى كۆردى، بەلكىم يولغا چىققۇچە تەربىيە قىلار دىگەن ئۈمۈد بىلەن يەنە ئۈندىمىدىم... شۇ پىتى كەتتى.... كەتكەندىن كىيىنمۇ ھەپتە ھەپتە ئۆيلەر تازلانمىدى، ھويلىلارنى يەنە تۇپا باستى... چىرايلىق گەپلەر بىلەن تەربىيە قىلىپ باقتىم. ماقۇل دەيدىيۇ ئەتىسىدىن باشلاپ يەنە ئوخشاش... ئاخىرى قېيىنئانامغا يۈزى قېلىنلىق بىلەن تىلىفۇن قىلدىم ۋە تۇلىمۇ سىپايىلىق ۋە بىچارىلىك بىلەن ئەھۋالنى قىسقىسى دەردىمنى تۆكتۈم ھەمدە مۇمكىن بولسا قىزىغا تىلىفۇن قىلىپ تەربىيە قىلىشىنى ئۈتۈندۈم.. تەجرىبىلىك ئايال ماقۇل ، مەن تەربىيە قىلاي  دەمدىكىن دىسەم  " ماقۇل ، ئەمدى شۇ قىزىممۇ ئىشتىن ھېرىپ چارچاپ كەلگەندە بىرەر يېرىمدەم ئارام ئالاي دەپ ئىسىدىن چىقىرىپ قۇيىدىغان ئوخشايدۇ، ئوڭشىلىپ قالار...." دىمەسمۇ... ئەرۋاھىم 40گەز ئۇچتىكى..... قېنى ئانا بولغان ئادەم دەمدۇ دىمەمدۇ دەپ ھەپتە كۈزەتتىم... ئايالىم بىلەن ئالاقىلاشقانلاردا ئۇ گەپنى دەپمۇ سالماپتۇ... قاتتىق ئۈمۈدسىزلەندىم... ئەجىبا ئانا بولغان ئادەم قىزىغا ئانىلىق بۇرچى بىلەن قانداق تەربىيەلەرنى ئىشلەشنى بىلمەمدۇ ياكى قىزىنى ئاشۇ خىل ئۇسۇللار بىلەن قوغدامدۇ؟ Coffee خانىمنىڭ ئېيىتقىنىدەك  ئائىلەمدە بۇنداق ئىشلارنىڭ مەۋجۇت بولۇپ تۇرىشى مىنى تۇلىمۇ قايغۇغا سالىدۇ ۋە ئازاپلايدۇ.  خوشنام بار ئىدى، ئالدىنقى ھەپتە 17-قىتىملىق تۇيىنى ئۆتكۈزدۇق.  13يىلدا 16 خۇتۇن بىلەن ئۆي تۇتۇپ، تۇرمۇشنىڭ خۇۋلىقىنى كۆرمىگەن ئادەم ئۇ. مۇڭدىشىپ قالغانلىرىمىزدا " خۇتۇن كىشى چوغقا ئوخشايدۇ ئۇكا، پۈۋلىمىسەڭ ئۈچىدۇ، پۈۋلىسەڭ تۇمشۇقۇڭنى كۆيدۈرىدۇ، نۇرمال ساقلايمەن دىسەڭ تۇزانغا ئايلىنىپ تۈگەيدۇ، ئىشنىڭ ياخشىسى يەنىلا چوغنى يەڭگۈشلەپ تۇرۇش" دەپ قۇيىدۇ.قارىماققا قارىشى توغرىدەك بىلىنسىمۇ ئەمما كىشىلەر بۇ خىل  ئەھۋالنى قۇبۇل قىلالمايدۇ. شەخسەن مەنمۇ ئاجرىشىش دىگەن بۇ ئۇقۇمنى كاللامغا ئەكىلىشنى خالىمايمەن.  بىراق... كىمنىڭ ئازاپ تارتماي، بەخىتلىك، كۈلۈپ ياشىغۇسى يوق؟ كىمنىڭ ئائىلىسىدىن رازى بۇلۇپ ياشىغۇسى يوق؟ تاللاپ تاللاپ تازغا ئۇچراش دىگەن شۇ بولسا كىرەك.