مەن نىمە ئۈچۈن تۇرمۇشتىن ئۈمىتسىزلەندىم؟

قەھۋە

	كۆڭۈل ئوغرىسى! سىزگە قالدۇرغان ئۆزىڭىزنىمۇ تەكشۈرەپ بېقىڭ، دېگىنىمنى ئويلىشىپ باقتىڭىزمۇ؟ يەنە، ئايقىز ئېيتقاندەك ئايالىڭىزنى ماختاش ئۇسۇلىنى قوللىنىپ باقتىڭىزمۇ؟ ئائىلە ئىشىڭىزدا بېشىڭىز بەك قېتىۋېتىپتۇ. مەن تېخى ئايالىڭىزنىڭ ئانىسى ئارقىلىق ھەل قىلىڭ، دېمەكچى ئىدىم، بۇمۇ ئاقمىغۇدەك. راستىنى دېسەم قۇلاقتىن تارتىپ ئەكىرىپ، تەربىيە قىلىپ ئىش ئۈگەتكۈم كېلىۋاتىدۇ ئۇ خوتۇنغا. شۇنداقمۇ ئۆزگەرمىگەنلىك بامۇ دەيمەن. مۇشۇ دۇنيادا ئۆزىنىڭ نېمىنى قىلىش، نېمىنى قىلماسلىقى كېرەكلىكىنى بىلەلمەيدىغان ئاياللارغا شۇنداق ئۆچلۈگۈم كېلىدۇ. پەقەت ياراتمايمەن، ساپا يوق دەپ قارايمەن(كۆڭلىڭىزگە كەلسىمۇ دەۋىرەي)ئاياللار دېگەن ئاياللاردەك، ئەرلەر ئەرلەردەك بولۇشى كېرەك. جاھان ئاق بوپ كەتتى، كۆپ بوپ كەتتىىلەرنىڭ ھەممىسى ئىنسانلاردىن كېلىپ چىققان، ئۆزىمىز بۇزىۋاتىمىز. راستىنى دېسەم، سىزگە يەنە نېمىلەرنى دېيىشنى، نېمىلەرنى دېمەسلىكنى بىلمىدىم. ئەڭ ياخشىسى خۇدادىن ئايالىڭىزنىڭ كۆڭلىگە ئىنساب تىلەڭ!!!

Yurak-Oghrisi

	راستىنى دېسەم قۇلاقتىن تارتىپ ئەكىرىپ، تەربىيە قىلىپ ئىش ئۈگەتكۈم كېلىۋاتىدۇ ئۇ خوتۇنغا راستىنى دىگەندە ئۇنىڭ بۇ يۇرتتا مەندىن باشقا يېقىنى يوق... مەنچىمۇ ئاشۇنداق قىلىدىغان بىر ئادەمگە ئىھتىياجلىق . [ Yurak-Oghrisi بۇ يازمىنى  2010-يىلى 9-ئاينىڭ 23-كۈنى 22:53  دە تەھرىرلىگەن. ]

قەھۋە

	كۆڭۈل ئوغرىسى! دېيىشىڭىزچە ئايالىڭىزنىڭ يېقىنى يوقكەن. ئۇنداق بولغاندىكىن سىزنىڭمۇ ئۇنىڭغا ئارتۇق ئازار بەرگىڭىز كەلمىگەندەك، مەن قارىسام ئايالىڭىزغا  بەك كۆيىدىغاندەك قىلىسىز. توغرا، سىزنىڭ ئاتا-ئانىڭىز بارمۇ؟ بولۇپمۇ ئانىڭىز بۇ ئىشنى ھەل قىلىشنىڭ يەنە بىر ياخشى نامزاتىمىكىن دەيمەن. قېيىنئانا! مۇشۇ مۇنبەردىكى  كېلىن بولىۋاتقان، قېيىنئانىلىق بولغان ئاياللار بۇ نۇقتىنى بەكرەك چۈشىنەمدىكىن دەپ ئويلايمەن. ئەگەر قېيىنئانا زالىم، قاتتىق قولراق بولسا كېلىن بولغۇچىنى  تۈزەپلىۋېتىدۇ(ئەگەر كېلىن بولغۇچى شۇ قاتتىق قوللارغا چىداپ ياشىيالىسىلا).  كېلىن بولغۇچى ئەگەر ئۆزىگە تەلەپنى قاتتىقراق قويىدىغان بولسا قېيىنئاتا-قېيىنئانىنىڭ ئالدىدا مەيدىسىنى تىك تۇتۇپ يۈرەلەيدۇ، چۈنكى ئ.ۇلار كېلىن بولغۇچىدىن نۇقسان تاپالمايدۇ-دە. يولدىشىنىڭ ئالدىدىمۇ سۆزى چوڭ بولىدۇ. بۇ ئىشتا ئانىڭىزنىڭ رولىنىڭ چوڭلىقىغا سەل قارىماڭ!(ئەگەر ئايالىڭىز ئوڭلۇق بولۇپ، بىشەم بولمىسىلا!)

جۇلالىق

	يۈرەك ئوغرىسىنىڭ تېمىسىنىڭ مەزمۇنىدىن ئۇنىڭ ئايالىنىڭ سەل بىشەملىكى بىلىنىپ تۇرۇۋاتىدۇ. ئەگەردە بۇ ئىشقا قېيىنئانىسى ئارلاشسا ئەھۋال تېخىمۇ يامانلىشىشقا قاراپ ماڭىدۇ. ئەڭ ئاقىلانە ئۇسۇل سىز ئۇنىڭ ئېرى بىر ئۆمۈرلۈك ھەمرايى. بۇرۇن ئۇنى ياخشى كۆرگەن ھازىرمۇ ياخشى كۆرىسىز چىرايلىقچە گەپ قىلىپ ئۆزگەرتىشكە تىرىشىڭ.

Erwah

	ئايالىڭىز مۇنبەرگە كىرىپ ئۇمۇ سىزگە بولغان پىكرىنى ئېيتسۇن شۇندىلا ئاندىن بىر گەپ بولا ، مۇنبەردە گەپ سۆزلىرىڭىز ئاللىقاچان ئايالىڭىزنى باشقىلارغا بىشەم ، ھورۇن ، ساپاسىزدەك تۇيغۇ بېرىپتۇ ، كۆڭلىڭىزگە كەلسىمۇ دەي ، مەغلۇب بولغان ئەر بوپ قاپسىز ئەپەندىم .