نەۋرىزە: ئاياللار ئايغا ئوخشايدۇ....

nawriza

	ئاياللار ئايغا ئوخشايدۇ     ئاي- يېڭى ئاي، تۇلۇن ئاي، پۇچۇن ئاي، ھىلال ئاي دەپ ئاتالغاندىن سىرت، ئاي نۇرى ئاپپاق، قاشتېشىدەك سۈزۈك، ئاي نۇرى غۇۋا، تىمتاس ھەم مەيىن دېگەندەك سۆزلەر بىلەن سۈپەتلىنىدۇ، ئاي شۇنداقلا مۇلايىملىققا ۋەكىللىق قىلىدۇ. كىشىلەر ئاينى ئەڭ ئاق كۆڭۈل، كۆڭلى بەكمۇ نازۇك ۋە ئوڭاي تەسىرلىنىپ كېتىدىغان ئاياللارغا قىزلارغا ئوخشىتىدۇ، ئەمىلىيەتتىمۇ ئاياللاردا ئەرلەرگە نىسپەتەن قانداقتۇر بىر خىل مۇلايىملىق، ئاسانلا بىر ئىشلاردىن تەسىرلىنىپ كېتىدىغان خاراكتېر بولىدۇ، شۇڭا ئەر- بىلەن ئاياللار ئوتتۇرسىدىكى پاراڭلارنىڭ ھەممىسىدە ئاياللار ئايغا سىمۋول قىلىنغان، ئاينىڭ ھەرئايادا تولىدىغان ۋە يېرىم بولىدىغان، يورۇيدىغان ۋە شۇنداقلا تۇتىلىدىغان دەۋرى بولىدۇ، ئاياللارنىڭ ھايات مۇساپىسىمۇ خۇددىي شۇنداق. ئاياللار خۇددىي ئايدىن كەلگەندەك، ئۇلارنىڭ پۈتۈن ۋۇجۇدىدىن ئاي گۈزەللىكى ئۇرغۇپ تۇرىدۇ، ئۇلار قۇتاشتىن كەلگەندەك ئەرلەرگە سىرلىق تۇيغۇ بېرىدۇ. تۇلۇن ئاي ئاسمان بوشلىقىغا ئېسىلغان چاغدا، پۈتكۈل زىمىن جىمجىتلىققا تولىدۇ. سۇدەك ئاي نۇرى پەنجىرلەردىن، تۆڭلۈكلەردىن ماراپ، ئۆي ۋە ھويلا- ئاراملارغا ئاستا سىرغىپ كىرىدۇ، ئۆيلەرنىڭ ئىچى بىردىنلا يورۇپ ئىللىقلىققا چۆمىدۇ، ئاياللار ئاي بولۇش سۈپىتى بىلەن ئۆزىنى كۆيدۈرۈش بەدىلىگە ئىنسان قەلبىنى يورىتىدۇ. ھەر بىر ئائىلىدە شۇ ئاي بولمىسا، ئۆيلەر قاراڭغۇلۇققا چۆمىلىدۇ، شۇڭا بىزدا مۇنداق خەلىق ناخشىسى بار. ئاسمانىمدا ئايىمسەن، بوينۇمدا تۇمارىمسەن . ئاخشىمى قاراڭغۇدا جېنىم، ياندۇرغان چىراغىمسەن. ۋاي!!! يۇمۇلاققا يۇمۇلاق، سەن يۇمىلاق...... سەن چىرايلىق، مەن ئامىراق.... بۇ خىلدىكى ناخشىلار، قوشاقلار ناھايىتى كۆپ، بۇنىڭدىن سىرت، ئاينۇر،ئايگۈل، ئاجامال، ئايخېنىم دېگەندەك ئايغا سىمۋول قىلىنغان ئىسىملارمۇ نافايىتى كۆپ، مانا بۇنىڭدىن ئاياللارنىڭ ئايغا ئوخشىشىدا شەك يوق. مۇشۇنداق سىمۋوللۇق ، ئوخشىتىشلارمۇ، ئاياللارنىڭ ئاي جامالىغا، ئائىلىسىگە، باللىرىغا يورۇقلىق بېرىپ، ئۆز تەپتى بىلەن ھارارەت يەتكۈزىۋاتقان مۇبارەك تەنلىرىگە ئازلىق قىلىدۇ. ئەلۋەتتە ئاياللار ئىلاھ ئەمەس، چۈنكى ئاينىڭمۇ دېغى بار ئەمەسمۇ، يەنە كېلىپ ئاي بەزىدە يورۇق، بەزىدە تۇتۇق، بەزىدە يۇمۇلاق ۋە بەزىدە كەمتۈكلىگى بولغاندەك. رىئال تۇرمۇشتا بەزىدە ھەقىقەتەن، مۇلايىملىقنىڭ ۋەكىلى، گۈزەللىكنىڭ سىمۋولى بولىمىز، ئۇ چاغدا بىز ئىگىز ئاسماندا بارچە كۆزنى قاماشتۇرۇپ، مەغرۇر، تەبەسسۇم قىياپەتتە بىخىرامان ئېسىغلىق تۇرىمىز، ۋە بەزىدە يەردىكى لايغىمۇ ئايلىنىپ قالىمىز. ئۇ چاغدا باشقىلارغا يۇرۇقلۇق بېرىش ئەمەس، ئۆز تەپتىمىزنىمۇ ئىسسىتىشقا قۇربىتىمىز يەتمەيدۇ. كۆزىمىزدىن ياش قۇرىمايدۇ. بىراق ئاياللار ماھىيەت جەھەتتە ھامان ئايغا ئوخشايدۇ. شۇڭا زۆرۈر تېپىلغاندا ئۆزىنىڭ مىجەز- خۇلىقى، خاراكتىرى، سالاھىيىتى، ھەۋىسى ۋە ئىنتىلىشلىرى بىلەن ئائىلىسىدىن ئىبارەت <<كىچىك ئاي>> دائىرىسىدىن چىقىپ، گۈزەل ئاياللار دۇنياسىنىمۇ شەكىللەندۈرىدۇ، ئائىلىسى ئۈچۈن يورۇقلۇق بەرگىنىدىن سىرت بارچە ئىخلىم ئۈچۈن يورۇقلۇق بېرىشنى بۇيۈك ئارزۇلار قاتارىدا كۆڭلىگە پۈكىدۇ. ۋە شۇ بويىچە ئالغا ئىلگىرىلەيدۇ، شەكىللەندۈرگەن گۈزەل ئاياللار دۇنياسىنىڭ چوڭلىقىدىن دائىرىسىنى سان بىلەن بەلگىلىيەلمەيسىز، شۇنىڭ ئۈچۈن ئاياللار ئايغا ئوخشايدۇ. لېكىن پەقەت ئايلا ئەمەس!!!

saye

	ئاياللارنىڭ ھەم ئايغا ئوخشاش يۈزىنىڭ 15 ى يورۇق، 15ى قاراڭغۇ ۋاقتى بولۇپ قالىدۇ. شۇڭا بىز ئەرلەر،  ئاياللار كۈلۈمسىرەپ خۇش چىراي ئاچقاندا بەك خۇش بولۇپ كەتمەسلكىمىز، قاپىقى تۈرۈلگەندە خاپا بولۇپ كەتمەسلىكىمىز كېرەك. ئاياللار ئايغا ئوخشايدۇ. ئاينىڭ يۈزىدىكى داغ ئاينىڭ گۈزەللىكىگە نۇقسان يەتكۈزگەن بىلەن، گۈزەل نازىنىننىڭ يۈزىدىكى  ياراشقان ئەشۇ خال نازىنىننىڭ گۈزەللىكىنى ئاشۇرىدۇ.

روھچىن

	ئاياللارنىڭ بەزەنلىرى ئايغا ئوخشايدۇ، بەزەنلىرى چايغا، بەزەنلىرى لايغا، يەنە بەزەنلىرى مالايغا. بىرقىسىملىرى بار لالمىغىلا ئوخشايدۇ. خاپا بۇلۇپ كەتمەڭلار يەنە جەمىيەت ھەرقىسما ئادەملەر بىلەن تولغان.

anar

	rohqin يوللانغان ۋاقتى  2011-يىلى 8-ئاينىڭ 14-كۈنى 01:43 ئاياللارنىڭ بەزەنلىرى ئايغا ئوخشايدۇ، بەزەنلىرى چايغ ... بۇ جۈملىلەرنى ياقتۇرماي قالدىم . مۇكەممەل ئادەم يوق جاھاندا ...شۇڭا ئاياللارنىڭ بەلكىم بەزىبىر خۇلق-مىجەزلىرى كىشىنى بىزار قىلىشى مۇمكىن ، لېكىن ئۇ پەقەت ئۇنىڭ ناچار تەرەپلىرى خالاس ، لېكىن بەك يېقىمسىز  سۈپەتلەر  ئايال كىشىگە ماس كەلمەيدۇ . ئاينىڭ سىرتقى كۆرۈنۈشى بىلەن ئىچكى دۇنياسىنىڭ ماس كەلمەسلىكىنى ئايغا ئوخشىتىمەن مەنمۇ

روھچىن

	anar يوللانغان ۋاقتى  2011-يىلى 8-ئاينىڭ 14-كۈنى 02:00 بۇ جۈملىلەرنى ياقتۇرماي قالدىم . مۇكەممەل ئادەم يوق ج ... دىگىنىڭىز توغرا كۆڭلىڭىزگە كەلگەن بولسا كەچۈرۈم سورايمەن. لېكىن يانىلا پىكىرىمنى ساقلاپ قالاي

قەھۋە

	ئاياللار ئايغا ئوخشايدۇ، ئەمما ئاي ئەمەس.    روھچىننىڭ بەكمۇ سۈپەتسىز تىللارنى ئىشلەتكىنىنى مەنمۇ قۇبۇل قىلالماي قالدىم.

روھچىن

	قەھۋە يوللانغان ۋاقتى  2011-يىلى 8-ئاينىڭ 14-كۈنى 15:25 ئاياللار ئايغا ئوخشايدۇ، ئەمما ئاي ئەمەس.    روھچىننىڭ  ... ھەرگىز سىلەرگە قارتىلغان گەپ ئەمەس. ئۆزەڭلەرگە ئېلىۋالماڭلار

مەرۋەرى

	rohqin يوللانغان ۋاقتى  2011-يىلى 8-ئاينىڭ 14-كۈنى 19:15 ھەرگىز سىلەرگە قارتىلغان گەپ ئەمەس. ئۆزەڭلەرگە ئېلىۋ ... بۇ خانلار ئۆزىگە ئالمايدۇ، چۈنكى بۇلار لايمۇ ئەمەس، سايمۇ ئەمەس، ھەممىسىلا ئون بەش كۈنلۈك تولۇن ئايلار

روھچىن

	مەرۋەرى يوللانغان ۋاقتى  2011-يىلى 8-ئاينىڭ 14-كۈنى 22:44 بۇ خانلار ئۆزىگە ئالمايدۇ، چۈنكى بۇلار لايمۇ ئەمەس، س ... شۇ ئۈزىگە ئېلىۋالمىسۇن ! خەخنىڭ ھەققىنى. مىنىڭمۇ ئۈزەمگە چۇشلۇق ئاساسىم بار.

تاڭنۇرى

	ئاياللار ئاي ئەمەس. ئەمما ئايدەك چىرايلىق، يۇمىلاق، يېقىشلىق، نۇرلۇقتۇر!