سائەت قوڭغىرىقى جىرىڭلىغاندا ئورنىڭىزدىن تۇرۇپ كېتىڭ

Aydar

	ئىشقا كېچىكىپ قالماسلىق ئۈچۈن، نۇرغۇن كىشىلەر قوڭغۇراقلىق سائەتنى بېكىتىلگەن ۋاقىتقا تەڭشەپ قويۇپ، ئاندىن ئازراق ئۇخلىۋالغاندا، ئۇيقۇنى تولۇقلاپ، روھلۇق بولغىلى بولىدۇ، دەپ قارايدۇ. ئەمەلىيەتتە ئۇنداق بولمايدۇ. ئامېرىكا فىلادېلفىيە شەھىرى بالىلار دوختۇرخانىسى ئۇيقۇ توسالغۇسى مەركىزىدىكى دوكتۇر چوتېر. مېدې مۇنداق دەيدۇ: ئۇيقۇدىن چۆچۈپ ئۇيغىنىپ كەتكەندە، قايتىدىن ئۈنۈملۈك ئۇيقۇ ھالىتىگە قايتىش تەس. يەنى ئەگەر ئەتىگەن سائەت يەتتىدە ئورنىڭىزدىن تۇرۇش زۆرۆر بولۇپ، سىز قوڭغۇراقلىق سائەتنى ئالتىدىن 40 مىنۇتقا توغرىلىغان بولسىڭىز، قوڭغۇراق ئاۋازى چىققاندىن كېيىن، چوڭ مېڭىڭىز ئاڭلىق ھالدا مۇنداق ئۇچۇرنى قوبۇل قىلىپ، سىزگە ئورۇندىن تۇرۇشقا 20 مىنۇت قالدى، دەپ ئەسكەرتىدۇ. بۇ ۋاقىتتا سىز داۋاملىق ئۇخلىماقچى بولسىڭىز، گەرچە پىسخىكا جەھەتتىكى تەلىپىڭىزنى قاندۇرغان بولسىڭىزمۇ، ئەمما چوڭ مېڭىڭىز يەنىلا توختىماي ئەسكەرتىپ تۇرىدۇ، ئۇيقۇڭىزنىڭ سۈپىتىمۇ ناچارلىشىدۇ، ئۇيغانغاندا تېخىمۇ ھارغىنلىق ھېس قىلىسىز، ئەكسىچە، دەل ۋاقتىدا تۇرۇپ كەتسىڭىز، روھلۇق ھېس قىلىسىز. ئادەتتە، كەچ سائەت 11 دىن ئەتىگەن سائەت ئالتىگىچە قاتتىق ئۇخلاش مەزگىلى بولىدۇ، ئەتىگەن سائەت ئالتىدىن كېيىن تېيىز ئۇخلاش ھالىتىگە ئۆتىدۇ. بۇ ۋاقىتتا، ئۇيغىنىپ كەتسە، قايتا ئۇخلاش تەس بولىدۇ. مانا بۇ بەزىلەرنىڭ ئۇخلىغانچە چارچاپ كېتىشنىڭ سەۋەبى، شۇڭا كۈنبويى روھلۇق يۈرگىڭىز كەلسە، بىرلا قېتىمدا قانغۇچە ئۇخلاپ ئۇيغىنىڭ. ئۇخلاشتىن ئىلگىرى بىر ئاز يىنىك مۇزىكا ئاڭلاپ، جىسمانى ۋە روھى جەھەتتىن تولۇق ئارام ئالسىڭىزمۇ بولىدۇ. گۈلگىنە مەسغۇت تەرجىمىسى مەنبە: شىنجاڭ گېزىتى

مەرۋەرى

	مەن ئۆزۈمنىڭ دەم ئالغانسىرى، ئۇخلىغانسىرى نىمىشقا چارچاپ كېتىدىغانلىقىمنى ئەمدى چۈشەندىم، رەھمەت ئەتە سەھەردىن باشلاپ چوقۇم شۇنداق قىلىمەن !

ئاھۇ

	مەن شۇڭا روھلۇق يۈرىمەن ئايدار

ayqiz

	مەن دىققەت قىلسام بولغۇدەك جۇمۇ .

Qarshi_Qirghak

	ۋاي ئەمىسە مەن تۇرۇپ كېتەي !!!!!!!!!!!!!!!!!!!!!!

جۇلالىق

	مەنغۇ سائەت جىرىڭلاپ بېشى ئايلىنىپ كەتسىمۇ تۇيماي ئۇخلايدىغانلاردىن.

esil

	نىمىشقىكىن سائىتىم توۋلىغانسىرى بەك ئۇيقۇم كىلىدۇ  مىنىڭ