تەكشۈرۈشنامە (مەرۋەرى)

قۇيۇن

	مەنمۇ بىر تەكلىپ بېرەي. ئەسلى مۇنبەر مەسئوللىرى بىلەن ئايرىم سۆھبەتلىشەي دىگەن ئويۇم بارئىدى، ئەمدى قارىسام مۇشۇ يەردىلا كۆپچىلىكىنىڭ ئالدىدىلا دىسەم بولغىدەك، گەپنىڭ جىڭنى قىلغاندا مەيلى يەتتە قىزلىرىم بولسۇن ياكى باشقا مۇنبەرلەردە بولسۇن يېڭىلىق بەك ئاز، ھەممىسى كونا قېلىپ، بىرخىللا، قايسى مۇنبەرگە كىرسىڭىز شۇ بىرقانچە سەھىپە، مەن ئويلايمەنكى ھەربىر مۇنبەرنىڭ ئۆزىگە خاس خاسلىقى بۇلىشى، ئاشۇ خاسلىقى بىلەن ئۆزئەزالىرىنىڭ ھەم شۇنداقلا باشقا مۇنبەر ئەزالىرىنىڭ دىققىتىنى تارتالىسا مۇنبەر ئاندىن جانلىنىدۇ. نەق گەپنىلا قىلاي، بولسا ھەممىمىز بىرلىشىپ، يەتتە قىزلىرىمنىڭ ئۆزىگە خاس سەھىپىلىرىنى ئاچساق، مەسىلەن:ھازىر ھەممسى دەيدۇ، بالام ، كالام دەپ ئالدىراش بۇلۇپ كەتتىم، مەنچە بولسا ئاشۇ ئائلىدىكى ھەممىدىن مۇھىم بولغان باللار ھەم ئانا بۇلۇش، ئاتا بۇلۇش تۇغرىسىدىكى ئاددىي قىلىپ ئېيتساق، بالا تەربىيلەش، ئائىلىدىكى مۇناسىۋەتلەرنى بىر تەرەپ قىلىش دىگەندەكلەرنى تېما قىلغان ئاساستا بىر سەھىپە ئاچساق، ھەركىم ئۆزى يولۇققان قىيىن مەسىللەرنى ئوتتۇرىغا قويسا، دانا پىكىرىلىك كىشىلىرىمىز مەسلىھەت بەرسە،ئۆيدىكى ئىشلارمۇ ھەل بۇلىدۇ، ھەم مۇنبەرمۇ قىزىيدۇ، بالام،كالام دەپ ۋاقىت چىقىرالمايدىغان تۇرداشلارمۇ ئاشۇ بالىسى ئۈچۈن بېرەر ئىشقا دۇچ كەلگەندە ھەل قىلىش ئۈچۈن يەتتە قىزلىرىمىنى ئەسكە ئالىدۇ ھەم مۇنبەر ئۈچۈن ھەسسە قوشۇدۇ. كونكىرىت قىلىپ ئېيتسام، ئەڭ ئاددىيسى : مىنىڭ بالام ھازىر ئەمدى 4 ئاي بولدى، پات ئارىدا چىش چىقىش ئالدىدا تۇرىدۇ، قانداق قىلىشىم كېرەك؟نىمىلەرگە دىققەت قىلىمەن؟ دىگەندەك، بۇنداق مەسىللەر تۇرمۇشتا كۆپ، بەزىدە قانداق قىلىشنى بىلەلمەي قالىمىز، مۇنبەردە شۇنچە كۆپ ئەزا بار، مىنڭچە بىلىدىغان ئادەم چوقۇم چىقىدۇ ھەم ياخشى مەسلىھەت بېرەلەيدۇ. بەلكىم تىببىي مەسلىھەت ھەم كۆڭۈلدىكى سۆز سەھىپىلرى بار دىيىشىڭىز مۇمكىن، ئەمما مىنىڭ دەۋاتقىنىم ئۇنىڭغا ئۆخشىمايدۇ، مەن دىگىنىم بىر خىل مۇنازىرە تۈسىنى ئالغان، قېىنى دوستلار ئويلىشىپ بېقىڭلار، ناۋادا پايدىسى يوق تەكلىپ بولسا ئىرەن قىلىمىساڭلارمۇ بولىدۇ، يەنىمۇ ياخشى ئاماللار بولسا داۋاملىق ئويلاشساق بۇلىدۇ.

دىلەيسەم

	قۇيۇنمۇ دەل جايىدا گەپ قىپتۇ، بۇ توغۇرلۇق ئويلىغانلىرىمنى ئايرىم يازاي!

saye

	تىۋىش بىلەن دىلەيسەم جۇشى ، بىر بىرىڭلارنىڭ قولىنىلا تۇتماي، ئىككى تەرەپتىن مەن ئاۋاق سايىنىڭ قولىنىمۇ نامەرەم كۆرمەي تۇتىۋالساڭلارغۇ سەپتىنمۇ چۈشمەي ماڭاتتىم.   ( سەل رەڭلىك سايە بوپ قېرىدىم ئۇشبۇ كۈنلەردە). كۆپچىلىكنىڭ ھەممىسى ئۆزىنى تەكشۈرۈشكە چۈشۈپتۇ دە . كونا مائارىپىمىزدا « ئۆز ئۆزىنى تەنقىدلەش» تۇيغۇسى بىز چەمبەردەك باغلانغان ئەمدى . يوقاپ كەتكەنلەر ئۆز ئۆزىنى مەلۇم قىلغىلىمۇ تۇرۇپتۇ. قىسقىسى بىز يوقاپ كەتمىدۇق. شۇ بۇرۇنقىدەك قەلەم تەۋرەتمەس، ھورۇنلىشىپ كەتتۇق. ھۇرۇنمىكىن دىسە باشقا مۇنبەرلەرگە ئاندا ساندا كېرىپ بىز ياقتۇرۇدىغان تېمىلارغا تاغاردەك ئىنكاس يېزىپ تۇرىمىز. مۇنبەرنىڭ شۇ ۋاقىتلاردا تور سۇرئىتى بەك ناچارلىشىپ، بەتنى ئېچىپ بەش مىنۇت ساقلايدىغان ھالەتتە بولۇپ قالدى. ئاخىرى ئىچىم پۇشۇپ، تېز تېز ئېچىلىدىغان مۇنبەرلەرگە قەدەم تاشلاپ تېما كۆرۈپ يۈردۇم. مانا بۇ مېنىڭ مۇنبەرگە ۋاقتىدا كىرمەسلىكىمدىكى تۈپ سەۋەب. يوشۇرۇشنىڭ قىلچە ھاجىتى يوق. دىمەك، ئۆزىمىز ياخشى كۆرۈپ قۇرۇپ چىققان مۇنبەرنى، تور سۈرئىتى ئاستا دەپ شۇنداق ئېغىر كۈنلىرىدە تاشلىۋېتىپ كەتتىم. بۇنى بىر ئاشىققا نىسبەتەن ۋاپاسىزلىق، مۇنبەر  باشقۇرغۇچىسىغا نىسبەتەن مەسئۇلىيەتسىزلىك دىيىش كېرەك. قىسقىسى، مۇنبەر مەسئۇللىرىدىن مەرۋەرى بىلەن يېقىن دوست بولغانلىقىم سەۋەبىدىن، مۇنبەرگە ھەپتىدە بىر قېتىم كىرمىسەممۇ بۇ ئالىي باشقۇرغۇچىلىق قالپىقىم ھېچبىر مىدىرماي، مەزمۇت تۇرۇپ كەلمەكتە. ئەگەر جازالاشقا توغرا كەلسە، مەسئۇلىيەتسىز باشقۇرغۇچى بولغانلىقىمدىن مۇنبەرگە ئۇدا كىرمىگەن بىر ھەپتە ۋاقتىم ئۈچۈن، بۇ باشقۇرغۇچىلىقتىن قالدۇرۇپ، مۇنبەر ئۈچۈن كۈچ چىقىرىۋاتقانلارغا بۇ ئورۇننى بىكارلىشىم لازىم. ئەگەر يەنە جازالاشقا توغرا كەلسە، دوستلۇق مۇناسىۋەتنى دەپ يۈز قاراپ، مۇنبەر قائىدىسى بويىچە كەمىنىنى ئەمەلدىن قالدۇرمىغان مەرۋەرى، قىسمەت قاتارلىقلار يەنە بىر قېتىم مۇنبەر ئەھلىگە جاۋاب بېرىشى كېرەك ئىدى. نىمە ئۈچۈن؟ چۈنكى بىز مۇنبەرنى مۇنتىزىم تور سورۇنى قىلىپ، ھەممە قائىدىگە ئەمەل قىلىدىغان ئىناق مۇنبەر مۇھىتى بەرپا قىلىشتىن بەكرەك، دوستلار ھال مۇڭ قىلىشىپ، ۋاقتىمىزنى مەنىلىك سۆھبەت ۋە قىزغىن چاقچاق سورۇنى ئۈچۈن ھازىرغىچە تىرىشىپ كەلدۇق. مۇنبەر قائىدىسىدىن بەكرەك، مۇنبەردىكى دوستلارنىڭ مېھىر مۇھەببىتى بىلەن مۇنبەرنى باشقۇرۇپ كەلدۇق. شۇڭا بىز باشقا مۇنبەرلەردە، چ چ توپلىرىدا بىر قېتىممۇ مۇنبىرىمىزنى تەشۋىق قىلىپ باقمىدۇق. مۇشۇ يەرگە كىرگەنلەرنىڭ ھەممىسى دوستلىرىمىزنىڭ تەۋسىيەسى بىلەن كىرىپ، مۇقىم ئولتۇراقلىشىپ قالغانلاردۇر. مانا بۈگۈن مۇنبەرنىڭ قايتا قۇرۇلىشى، سېستىمىلىرىنىڭ تېخىمۇ ئەلالىشىپ، تور سۈرئىتى ۋە سۈپىتىنىڭ ياخشىلانغانلىقنى كۆرۈپ تۇرۋاتىمىز. تەكشۈرۈشنامە تېمىسى بەلكىم بىز ئېغىز ئېچىشقا جۈرئەت قىلالمايدىغان، دىيىشنى خالىمغان، كۆڭۈل ئاغرىقىدىن ئۆزىمىزنى ئېلىپ قاچقان بىرقانچە مەسلىلەرنىڭ ئېچىلىشىغا، دوستلار ئارقىلىق بىرلىكتە ھەل قىلىنىشىغا تۈرتكە بولىشى مۇمكىن.

anar

	نىمە سەۋەبتىن كىرەلمىگىنىمنى ئۆزۈممۇ بىلمەيمەن ، لېكىن ھەر ۋاقىت ئالدىراشلا يۈرىۋاتىمەن ، بەلكىم شۇ سەۋەپتىندۇ ...مەرۋەرىمۇ قانداق ئەھۋالىڭىز دىمەيدۇ يا ،ئەھۋال سوراشنىمۇ ئۇنتۇپ قالدى بۇ خېنىم يېقىندىن بېرى قايغۇرىدىغان ئىشلىرىم جىق بولۇپ كەتكىنىمۇ سەۋەپ بولۇشى مۇمكىن لېكىن ئويلۇنۇپ باقسام ھەممىسىدىن مەن ئاكتىپتەك قىلىمەن شۇڭا ئۆزۈمنى تەكشۈرمەي ، قايغۇنى كۈچكە ئايلاندۇرۇپ داۋاملىق مۇنبەر ئۈچۈن ئىنكاس ئۈنچىلىرىمنى چاچاي

مەرۋەرى

	سالام قۇيۇن، سايە سىلەرنىڭ سەمىمىي تەكلىپ ۋە پىكىرلىرىڭلاردىن تولىمۇ سۆيۈندۈم، شۇ سەۋەبلىك يەنە قايتىدىن كوتۇلداشقا مەجبۇر بولدۇم. قۇيۇن سىزنىڭ سەمىمىي تەكلىپىڭىزنى كۆرۈپ شۇنداق خۇرسەن بولدۇم، راست سىز يۇقۇردا ئېيتقان ئاشۇ ئاياللار ۋە ئانىلار دۈچ كېلىۋاتقان مەسىلىلەرنى تەشەبۇسكارلىق بىلەن ئوتتۇرغا قويىدىغان ئەزالىرىمىز بەكلا ئاز، ئەمەليەتتە مۇنبىرىمىزدە بېلىقىز ھەدىمىزدەك مەسلىھەتچى، مېھراي خانىمدەك پىسخىك مەسلىھەتچىسى، نەۋرۇزە ھەدىمىزدەك تۇرمۇشقا پىشقان ھەدىلىرىمىز بار، ئۇلارمۇ بىر مەزگىل مۇنبەرگە كىردى، چىقتى، ئەمما بىز ياشلاردەك ھەممىلا تېمىغا ئىنكاس يېزىپ ئولتۇرمىغاچ ئۆزلىرىگە مۇناسىۋەتلىك بىرەر تېما ئۇچرىتالماي چ چ دا مەندىن ئەھۋال سوراپ يۈرۈشىدۇ، ئەمەليەتتە مەن قولۇمدىن كېلىشىچە خانىم- قىزلار ئۈچۈن شارائىتنى  ھازىرلىدىم، لېكىن يالغۇز ئاتنىڭ چېڭى چىقمىغاندەك، مەن يالغۇز كېلىپ قالدىم. شۇڭا يۇقىرىدا ئېيتقاندەك باشقىلاردىن رەنجىشكە ئاساسىم يوق، ئەمما مەن دوستلار بىلەن ئەركىن- ئازادە پىكىرلىشىدىغان شۇنداق ئېسىل سورۇننى ھازىرلاپ، قىسمەت كېچە- كۈندۈز دېگۈدەك مۇنبەرنىڭ تېخنىك ئىشلىرى ئۈچۈن كۈچ چقىرىۋاتقان بولسىمۇ، نۇرغۇن كونا دوستلىرىمىزنىڭ سەۋەپسىزلا يوقاپ كېتىشى مېنى ئويلاندۇرماي قالمىدى، ئەمما ئۇلارنى سەن كىرمىدىڭ دەپلا مۇنبەردىكى ھوقۇقىدىن ئېلىپ تاشلاشنى لايىق كۆرمىدىم،. چۈنكى ئۇلار(شۇنىڭ ئىچىدە سايەمۇ بار) ئۈنسىز تۆھپە قوشقۇچىلار، يەتتە قىزلىرىمنىڭ بۈگۈنكى كۈنگە كېلىشىگە ئۇلارنىڭ رولى ناھايىتى چوڭ. ئۇنىڭدىن باشقا مېنىڭ تور دۇنياسىدا تونۇشۇپ ئىسسىق سوغۇقنى بېشىمىزدىن تەڭ ئۆتكۈزگەن بىر نەچچە دوستلىرىممۇ بار، خۇددى سايىدەك، لېكىن سايە ئېيتقاندەك بىر نەچچە كۈن كىرمىگەنلىك تۈپەيلى مەن سېنى، ئۇلارنى باشقۇرغۇچىلىقتىن ئېلىۋەتسەم بولمايدۇ، بۇ ھەرگىزمۇ دوستلۇقنى دەپلا ئەمەس بەلكى، سىلەرنىڭ ھامان بىر كۈنى قايتىپ كېلىپ بۇ مەسئۇليەتنى ئادا قىلىدىغانلىقىڭلارغا ئىشەنگەنلىكىم ئۈچۈندۇر. چۈنكى مەرۋەرى دوستلىرىغا ئىشىنىدۇ، مەرۋەرى دوستلىرى بولغانلىقى ئۈچۈنلا بۈگۈنكىدەك قايتىدىن باش كۆتۈرگەن، مەرۋەرىنى مەرۋەرى قىلغان سىلەردەك ۋاپادار دوستلىرىمنىڭ مېھىر- مۇھەببىتى! ئەمدى رېئاللىقتا يامانلاپ قالغان دوستلارنىڭ ئالدىغان داستىخان راسلاپ، ياكى چاي قۇيۇپ كۆڭلىنى ئالغىلى بولىدىكەن، مۇنبەردىكىلەرنىڭ ھەممىسىنىڭ كەينىدىن ئىزدەپ يېتىشىپ بولغىلى بولمايدىكەن، ياكى سىز بۈگۈن ماۋۇ تېمىنى مۇنداق يوللاڭ، سىز ماۋۇ تېمىغا مۇنداق ئىنكاس يېزىڭ، سىز بۈگۈن مۇنداق سوئالنى سوراڭ دېگىلى ، قىسقىسى ھەممىنى ئۆگىتىپ ئولتۇرغىلى بولمايدىكەن، شۇ سەۋەپلىك مەن ۋاقتىم چىقسا ئۆزۈم كىرىپ ئىنكاس يازغىدەك ماجالىم بولسا ئىنكاس، تېمىغا ماجالىم يەتسە تېما يوللاپ قويۇپ چىقىپ كەتتىم، مانا مۇشۇنداق قىلىپ بۈگۈنگە كەلدىم. بۇ يەردە مۇنبەرنى ئېچىپ قويۇپ بىزگە قىيدىدى، بىزگە ھال ئوقۇدىمۇ دەپ قالماڭلار، مەن باشتىلا دېگەن تور دېگەن ئەركىن دۇنيا خالىسىڭىز كىرىسىز، خالىمىسىڭىز كىرمەيسىز دەپ، يەتتە يىگىت ئېيتقاندەك مېنىڭ بۇ مۇنبەرنى جان تىكىپ ئېچىپ دۇنياغا تونۇتۇش ياكى باشقا مەقسىدىم يوق، پەقەت دوستلىرىم بىلەن سىردىشىپ، ھال- مۇڭ بولۇشۇپ، پىكىرلەشسەم، دوستلار، تورداشلار چېچىلىپ كەتمەي مۇشۇ يەردە كۆرۈشۈپ تۇرغاچ باشقىلارغا ئازراق نەپ بەرسەك، ئۆتكۈر پىكىرلىك دوستلارنى تەكلىپ قىلىش ئارقىلىق ئۆزىمىز ئۇچرىغان مەسىلىلەر ئۈستىدە ئورتاقلاشساق دېگەننى مەقسەت قىلغان خالاس.

دىلەيسەم

	ئەمدى مەن بۇ تېمىغا بىر، ئىككى جۈملە سۆز قوشمىسام بولمىغىدەك، جۇشىلىق سالاھىتىم بىلەن پۇقرالارنىڭ كەينىدە قالسام بولماس يولداشلار. كەمىنە دىلەيسەم ئۇشبۇ مۇنبەرنى بىلگەندىن تارتىپ باشقا مۇنبەرلەرگە بەكلا ئاز كىردىم، كىرمەيدىغان بولدۇم دېسەممۇ بولىدۇ، چۈنكى بۇ يەردە تىلغا ئېلىپ ئۆتۈشكە تېگىشلىكى مۇنبەرنىڭ ئىسمىدىنلا بىزنىڭ دۇنيارىمىز، خانىم- قىزلىرىمىزنىڭ ئىللىق ماكانى ئىكەنلىكى چىقىپ تۇرىدۇ، شۇڭا كىرمەسلىككە باھانەم يوق. يەنە بىر جەھەتتىن مۇنبەردىكى قىزغىنلىق، كىچىك پېئىللىق، مەيلى مەسئۇللار بولسۇن، مەيلى باشقۇرغۇچىلار بولسۇن ۋە مەيلى ئادەتتىكى ئەزالار بولسۇن، كىرگەن ئەزالارنى تولىمۇ قىزغىنلىق بىلەن ئۆزىگە تارتىدۇ، بەزى بىر مۇنبەرلەرگە كىرسىڭىز مەسئۇللار تۇرماق ئادەتتىكى بىر سەھىپە باشقۇرغۇچىلىرىمۇ‹ خۇش كەپسىز› دەپ قويمايدۇ. ئۇنىڭدىن باشقا مۇنبەردىكى يۇمۇرىستىك ئىنكاسلار، نادىر تېمىلار قاتارىغا تىزىلغان ئاشۇ ئېسىل يازمىلارنى بىر ئوقۇغان ئادەم بۇ يەرگە يىپسىز باغلىنىپ قالىدۇ. ئەمدى يەتتە يىگىتنىڭ مەلۇم بىر تېمىدىكى ئىنكاسى ۋە مەرۋەرىنىڭ بۇ تەكشۈرۈشنامىسىدىن نىمىنى چۈشىنىۋالىمىز؟ ئەڭ ئاۋال مەيلى ئەزا بولسۇن، مەيلى مەسئۇل بولسۇن ئۇلاردا مەسئۇليەت تۇيغۇسى بار ئىكەن، شۇنداق بىر مەۋھۇم دۇنيادىمۇ يەنە مەسئۇليىتىنى ئادا قىلىشنى ئۇنۇتماپتۇ، دەپ چۈشىنىپ بۇلارغا تەشەككۈرلەر ئېيتماي تۇرالمايمىز ئەلۋەتتە. ئەمدى يەتتە يىگىت ئىنكاسلىرىدا ئېيتقاندەك مۇنبەر گەرچە بەك ئالدىنقى ئورۇندا تۇرۋاتقان مۇنبەرلەردىن بولمىسىمۇ، شۇنى ئېتتىراپ قىلماي تۇرالمايمىز، ئۇ بولسىمۇ، يەتتە قىزلىرىم ھازىرقى بىردىن- بىر خانىم- قىزلار تور بېتى، شۇڭا يۇقۇردا دىگىنىمدەك بۇ بىزنىڭ دۇنيارىمىز، بىزنىڭ ئىللىق ماكانىمىز، ئىللىق ماكننى ۋەيران قىلىشمۇ بىزنىڭ ئىشىمىز، گۈللەندۈرۈشمۇ بىزنىڭ ئىشمىز! يەتتە يىگىت ئېيتقاندەك سىزگە تېما يوللاش، ھەممىلا تېمىغا ئىنكاس يېزىش شەرت ئەمەسقۇ؟ مەنمۇ تۇنجى قېتىم كىرگەندە ئۆزۈمنىڭ كۆڭلۈمدىكى سۆزلىرىمنى ئاددى بولسىمۇ تېما سۈپىتىدە يوللاپ، دوستلارنىڭ قىزغىن ئالقىشىغا ئېرىشكەن، ئەمما يېقىندىن بۇيان مەلۇم سەۋەپلەر بىلەن مۇنبەرنى زىيارەت قىلدىم، ئەمما ئىنكاس تېما يازالمىدىم. ئەمدى مەرۋەرىنىڭ بۇ تېمىسىغا كەلسەك، مەرۋەرى بولسۇن، ياكى ئىنكاس يازغنا باشقا خانىم- قىزلار بولسۇن مەن ئۇلارنىڭ ئىنكاسلىردىنلا ئائىلىسىنى سۆيىدىغان، مېھرىبان ئانا، ۋاپادار ئايال ئىكەنلىكىنى ھېس قىلدىم. سەۋەپ: ئۇلار تورغا ئاتا- ئانىسىنى، ئېرىنى، بالا- چاقىلىرىنى، خىزمىتىنى دەپ كىرەلمەپتۇ، توغرا قىپتۇ، شەخسەن مەن قوللايمەن، چۈنكى تور ئۈچۈن ئاتا- ئانىڭىزنى يوقلاپ تۇرمىسىڭىز ۋاقتى كەلگەندە، ئۇلار يېنىڭىزدىن كەتكەندە توردىن ئۇلارنى چۈشۈرەلمەيسىز، ئېرىڭىزنىڭ خىزمىتىنى قوللاپ، ئۇنىڭ ئالدىغا  بىر پىيالە ئىسسىق تاماق قويماي تورغا چىقىپ ئولتۇرسىڭىز، ئىسسىق تاماق قويىدىغانلاردىن بىرى چىقىپ، بۇ بەختلىك ئائىلىڭىز ۋەيران بولغاندا ئۇنى توردىن ئىزدەپ تاپالمايسىز، ئالدى بىلەن كۆز ئالدىڭىزدىكى بەختنى قەدىرلەشنى ئۆگىنىڭ! پەرزەنتىڭىز ئۈچۈن ياخشى ئانا بولۇڭ، ئەگەر سىز ئەتىدىن كەچكىچە تورنىڭ ئالدىدىن قوپماي ئولتۇرۇپ، بالىلىرىڭىزنىڭ نىمە قىلۋاتقانلىقى، نىمە يەۋەتقانلىقى بىلەن كارىڭىز بولمىسا كېيىنچە بالىڭىز يامان يولغا مېڭىپ قالغاندا ياخشى بالىنى توردىن تاپقىلى بولمايدۇ، ئىشقىلىپ مەرۋەرىنىڭ خىزمەت ۋە ئائىلىڭىزدىن ئېشىنغاندا، دەم  ئېلىش ۋاقىتلىرىڭىزدا كىرىپ تۇرسىڭىز مەن رازى، دېگەن بۇ سۆزى ماڭا بەك ياقتى، مەن قوللايمەن، شۇنىڭ ئۈچۈن مەن ئۆزلىكىمدىن كۈنىگە بىر يېڭى تېما ۋە ياخشى تېمىلارغا ئىنكاس يېزىشقا ئۆز- ئۆزۈمگە ۋەدە بەردىم، مانا مۇشۇنداق شارائىتى تولۇق، پاكىز، ئادەمگە ھەر جەھەتتىن بىلىم بېرىدىغان بۇ مۇنبەرگە كىرمەي، بۇ مۇنبەر ئۈچۈن كۈچ چىقارماي نەگە كىرەي. مەرۋەرى سىز راست ئېيتىپسىز سىزنىڭ دوستلىرىڭىز ھەقىقەتەن ئېسىل ئىكەن، ئۇلار سىزنىڭ بىر تېمىڭىز بىلەنلا ئەتتىراپىڭىزدا ھازىر بوپتۇ، سىز راستىنلا تەلەيلىك ئىكەنسىز، سىزگە تەكلىپىم سىز بۇ مۇنبەرنى ئاچقان ئىكەنسىز، ئاخىرىغىچە بەل قويۋەتمەڭ، ھەتتا ئۆزىڭىز يالغۇز بىر ئادەم قالغان تەقدىردىمۇ بەل قويۋەتمەڭ، سىز چوقۇم ئۇتۇپ چىقىسىز. سايە: سىزنىڭ ئاشۇ ئۆزگىچە دۇنيارىڭىزدىكى، ئۆزگىچە نەرسىلەر كىشىنى بەك مەپتۇن قىلىدۇ، مەرۋەرى بىلەن قىسمەتنىڭ سىزگە بولغان ئىشەچىنى يەردە قويماي،  شۇ ماكانىڭىزغا قايتىپ كەلسىڭىز، قىزىق- قىزىق گەپلىرىڭىز بىلەن قايتىدىن بىرنىڭ ئارىمىزغا قايتىپ كەلسىڭىز، مۇنبەر سۈرئىتى ئاستىلاپ قالغانتى كىرىمىدىم دېگەن يوق باھانىڭىزنى تۇرپاننىڭ قۇمىغا كۆمىۋېتىڭچۇ، بىر يىل تور تاقىلىپ ئېچىلغاندىن بۇياقنى تور سۈرئىتىنىڭ ئاستىلاپ قېلىشى، تور بەتلەرنىڭ تۇرۇپلا ئېچىلماي قېلىشلىرىنى خېلى توغرا چۈشىنىدىغان بولۇپ قالدۇققۇ، ئەجىبا يەتتە قىزلىرىمىزنىڭ قىسقىغىنە بىر مەزگىللىك قىيىنچىلىقى تۈپەيلى سىلەر تېزىپ كەتسەڭلار بولماس دەيمەن. خۇلاسە: گەپلىرىم ئىگىز پەس چىقىپ قالغان بولسىمۇ تۈزۈتۈپ ئوقۇپ قۇبۇل قىلغايسىلەر، ئىشقىلىپ مەرۋەرى بۇنچىلىك مەسئۇليەت بىلەن قارىغان ئىكەن بىز قىممەتلىك ۋاقتىمىزدىن ئازراق ئاجىرتىپ، ئازراق كۈچ قوشۇپ قويايلى! يەتتە قىزلىرىمنىڭ گۈللىرى مەڭگۈ پورەلىسۇن!

jahandar

	مەنمۇ ئۈزۈمنى تەكشۈرمىسەم بولمايدىغاندەك قىلىدۇ.  مىنىڭمۇكومپىيوتىرنى ئېچىپلا بىرىنچى بولۇپ ئاچىدىغاننىم  «يەتتە قىزلىرىم»مۇنبىرى،خىزمەتتىن ھېرىپ چارچاپ ئۆيگە قايتقاندا ماڭا خۇشاللىق ئاتا قىلىدىغىنى بالام ۋە مۇشۇ مۇنبەر، گەرچە ئىسىل تىمىلارنى ۋە پاساھەتلىك ئىنكاسلارنى يازالمىساممۇ  بىر كۈنلۈك خىزمەت ھارغىنلىقى مۇنبەردىكى تورداشلارنىڭ ئىسىل تىمىلىرى ۋە ئىنكاسلىرىنى كۆرگەندە قايەرلەرگىدۇر يوقايدۇ، ئۈزۈم بىر سەھىپىنىڭ باشقۇرغۇچىسى تۇرۇپ ۋەزىپەمنىڭ ھۆددىسىدىن چىقالمىدىم،بۇنىڭدىن مەن بەكمۇ خىجىل،لىكىن مەن ھەر ۋاقىت مۇشۇ مۇنبەر ۋە مۇنبەردىكى دوستلار بىلەن بىرگە.

sarsan@axik

	مەن  بۇ   مۇنبەرنىڭ   ئىسمىنى   بەك  ياختۇرمەن   تورداشلار      مەن  ئۇزۇمنى  تەكشۇرمىسەممۇ بولغۇدەك     شۇ  مۇنبەرگە  تەكلىپ بەرگەن يىرىم  بار

arman-taxkin

	نەچچە ۋاقىتتىن بۇيان مەن بۇ مۇنبەرگە كىرەلمىدىم ،  بۇ تور بەت ئادرىسىنى تۇغرا كىرگۇزسەممۇ بۇ تور بەت ئىچىلمىدى ، سەۋەبىنى بەكمۇ بىلگۇم بار  -

قەھۋە

	مەنمۇ بۇ تېمىنى، مەرۋەرىنىڭ كۆڭۈل سۆزلىرىنى، ئىقتىدارلىق تورداشلارنىڭ ئورۇنلۇق تەكلىپلىرىنى كۆرۈپ ئولتۇرۇپ ئىككى ئېغىز بىر نېمە يازغۇم كەلدى. ئالدىراشچىلىق ئىچىدىن ۋاقىت چىقىرىپ ئولتۇرۇپتىمەن. قىلما دېگەننى بەك قىلغۇسى كەپ تۇرىدىكەن ئادەمنىڭ. بۇ كۈنلەردە 机关效能 دەپ ھەممە تەرەپتىن تەڭ كۈزىتىپ جېنىمىزنى ئېلىپ، يەردە قويۇۋاتىدۇ. بۇغۇ ھەممىلا جايدا ئوخشاش بەلكىم. شۇڭا چەكلىگەنسىرى ئوغۇرلۇقچە كىيۇ-كيۇغا، مۇنبەرگە كىرىپ يۈرىۋاتىمەن.كۆنەپ قالغانغا ئامال يوقكەن. قاچان بۇ مۇنبەر ئېچىلدى، شۇندىن بۇيان "شەھلا"غا بولغان ئوتتەك قىزغىنلىقىمنىڭ تەسىرىدىن ئۇنىڭ ئورنىغا بۇنى دەسسىتىپ يۈرۈپ، كىرىپ بەھىرلىنىپ ھەم پەخىرلىنىپ يۈرگەن بۇ كۈنلىرىمدە خىزمەت ۋە ئائىلە، تۈگىمەس توي ئىشلىرى مېنى بۇ ماكاندىن بارغانسىرى يىراقلاشتۇرۇپ قويدى، ئەمما "كۆنگەن يامانمۇ، كۆيگەنمۇ؟ "دېگەندەك، "مىسرانىم"، "ئەلكۈيى" لەرگە كىرمىگىلى نە زامان؟ ئەمىلىيەتتە خېلىلا كونا، باشقىلار ئىزدىگۈدەك ئەزا بولۇپ قالغان ئىدىم ئۇ ماكاندىمۇ، بۇ ئۆزىمىزنىڭ دۇنياسىغا كۆنەپ قېلىپ، باشقا "ساياھەت رايونلىرى" غا بارغۇم كەلمىدى. شۇنچىلىك مېھرىم بار. نېمە تەكلىپ، تېما ، قانداق ئېسىل ناخشىلار يوللىنىپ كەتكەندۇ، دەپ خىيال قىلىپ تۇردۇم...سېغىنىپ تۇردۇم. مەرۋەرى دېگەندەك خىزمەت، ئائىلىدىن ئېشىنغاندا ئاندىن ۋاقتىمنى بېرىشنى لايىق تاپتىم. چۈنكى كۈندۈزى جىددىچىلىكتىن ھارغاندا كەچلىكى بىردەم-يېرىمدەم يولدۇشۇم ۋە شاھزادەمگە ھەمرا بولۇپ، ئۇلارنى كۆپرەك چۈشىنىشىم، ئۇلار ئۈچۈن ۋاقىت چىقىرىشىم كېرەكلىلىكىنى ئويلاپ يەتتىم. بىر ئايال، ئانا، كېلىن بولۇش سۈپىتىم بىلەن ئەڭ ئاۋۋال ئائىلەمنى ئەمىن تاپقۇزۇشۇم، ئۇلارنىڭ كۈتكەن يېرىدىن چىقىشىم، شۇنداقلا ئوغلۇمنى ياخشى تەربىيلىشىم كېرەككەن. بۇنىڭ ئۈچۈن بالامغا ئۈلگە بولسام بولىدىكەن. مەن كومپيۇتېرنى قوزغىتىپ بولغۇچە ئوغلۇم يۈگىرەپ كىرىپ بولىدۇ. مۇۋاپىق مەشغۇلات قىلدۇرۇش ئۈچۈن ھەپتە ئارىلىقىدىكى كەچلىرى پەقەتلا ئاچمىدىم.    يېقىنقى كۈنلەردىكى ئالدىراشچىلىقلار يەنە دېسەم يەنە شۇ. نەچچە ئويلىدىم. مەسئۇلىيىتىمنى ئادا قىلىپ بولالمىدىم، ئۆزلىكىمدىن چېكىنەيمۇ ياكى مەسئۇللارنىڭ ئېلىپ تاشلىشىنى كۈتەيمۇ، دەپ. يەنىلا مېھرىم بولغانلىقتىن، سۆيگەنلىكىمدىن ئايرىلغۇم، چېكىنگۈم كەلمىدى. بۇ كۈنلەرمۇ ئوڭشۇلۇپ، ئىزىغا چۈشۈپمۇ قالار، دەپ ئۈمىتلىنىپ بۇ كەم قىلدىم... ئەمما ۋاقتىم چىققاندا كىرىدىغان مۇنبىرىم يەنىلا يەتتە قىز بولدى.    مۇنبەردە  يەتتە يىگىت، تىنىچ تۇرمۇش، كەتمەنباي، جەۋلانىي، سايە، ئۆتكەن كۈنلەر، جاھاندار دەك يەتتە باش تۇرغان يەردە  دىلەيسەمدەك كىشىنى قايىل قىلغۇدەك  پىكىر قىلىدىغان، ئاناردەك ئۆزگىچە سۆزلەپ ئىنكاس يازىدىغان، ئېسىلدەك بىر قۇر ئىككى قۇر بولسىمۇ ئېسىل ئىنكاس يازىدىغان، مەرۋەرىدەك كېچىلىك ئىسمىنىدىن چۈشۈپ ئۆي- بالىلاردىن بۇ ماكاننى چوڭ بىلىپ، مۇنبەرگە كىرىپ سائەتلەپ كېزىپ ئادەمگە تەگكۈدەك، ئويلانغۇدەك گەپلەرنى قىلىپ قويىدىغان، ئايداردەك چۆچىكى بىلەن نۇرغۇنلارنى بۇ يەرگە رام قىلالايدىغان،  نەۋرۇزدەك ئادەمنىڭ ئىچ- ئىچىگە ئۆتىدىغان ئىجادىيەتلەرنى يازىدىغان، مەندەك نەچچە ھەپتە كىرمەي، بىر كىرسە ھەممىگە چاپلىشىپ ئىنكاس يازىدىغان، ئەڭ ئېسىل ناخشىلاردىن ھوزۇرلىنالايدىغان باشقۇرغۇچى ۋە تېمىچىلار، ئىسمى ئاتالمىغان نۇرغۇن كونا-يېڭى خانىم -قىزلار كۈچنى-كۈچكە ئۇلاپ، ۋاقىت ئىچىدىن ۋاقىت چىقىرىپ، ئۆز دۇنيارىمىزنى  ھاردۇقىمىزنى چىقىرالايدىغان، بىزگە ھوزۇر بېرەلەيدىغان گۈزەل، مېھرى ئىسسىق ماكان قىلىپ چىقالايمىز ئەلۋەتتە. بۇنىڭ ئۈچۈن سەۋىرچانلىق ۋە قۇربانلىق كېرەكتۇر.   كۆپمۇ سۆزلەپ كەتتىم، بۇنىڭ ئورنىغا ياخشىراق تېمىدىن بىرنى يازغان بولساممۇ ھەر قايسىڭلارغا يۈز كېلەلەر بولغىيتىم بەلكىم. خۇدا بۇيرىسا بۇنىڭدىن كېيىنمۇ قېچىپ يۈرۈپ كىرىپ تۇرىمەن، ۋاقتىمنىڭ يار بېرىشىچە. ھەممەيلەن بىرلىكتە، تەڭرىتاغنىڭ شىمالىدىن جەنۇبىغىچە، قول تۇتۇپ بىللە ئىلگىرلەيلى دوستلار!