ئەسسالامۇ ئەلەيكۇم مۇنبەر ئەھلى كەمىنە مەرۋەرى مۇنبەر مەسئۇلى بولۇش سۈپىتىم بىلەن مۇنبەرگە ۋاقتىدا كىرمىگەنلىكىم، ئېسىل نادىر تېمىلارنى يوللاپ تۇرمىغانلىقىم، تېمىلارغا ۋاقتىدا جانلىق ئىنكاسلارنى يازمىغانلىقىم، كونا- يېڭى تورداشلار ۋە جاپاكەش باشقۇرغۇچىلاردىن ۋاقتى- ۋاقتىدا ھال سوراپ تۇرمىغانلىقىم سەۋەپلىك يېقىندىن بۇيانقى مۇنبەردە يازما سانى تۆۋەنلەپ كېتىش، مۇنبەر قىزغىنلىقىنىڭ سۇسلىشىپ كېتىشىدەك ئېغىر ئاقىۋەتنى كەلتۈرۈپ چىقارغانلىقىم ئۈچۈن بارلىق دوستلاردىن تۆۋەنچىلىك بىلەن كەچۈرۈم سورايمەن!
پېقىر يەتتە قىزلىرىم ئىشخانىسىنىڭ ھەر- قانداق جازاسىغا تەييارمەن!
ئەمدى نەق گەپكە كەلسەك، چاقچاقنىمۇ قىلدىم، ھەقىقەتەن يېقىندىن بۇيان ئۆزۈم مۇنبەردە تازا بولالمىدىم، بۇنىڭ سەۋەبى:
بىر پەرزەنت بولۇش، ئايال ۋە ئانا بولۇش سۈپىتىم بىلەن ئەڭ ئاۋال ئاتا- ئانامنىڭ خىزمىتىنى قىلىشنى، يولدۇشۇمنىڭ خىزمىتىنى يېقىندىن قوللاپ ئۇنىڭغا ۋاقتىدا ئىسسىق بىر قاچا تاماق ئېتىپ ئالدىغا قويۇشنى، مېنىڭ مېھرىمگە تەشنا شۇ بالىلىرىمغا ئانىلىق بۇرچۇمنى ۋە مەسئۇليىتىمنى ئادا قىلىشنى بىرىنچى ئورۇنغا قويۇپ، شۇلاردىن ئېشىنغاندا مۇنبەرگە كىردىم، كىرگەن بىلەن بەزىدە چارچاپ كەتكەنلىكىمدىن، بەزىدە كەيپىمنىڭ جايىدا بولماسلىق سەۋەبىدىن تازا ياخشى تېما ئېسىل ئىنكاسلار مەندىن چىقمىدى، ئۆزۈمنى شۇنچە زورلاپ باققان بولساممۇ، ئەمما شۇنداق ياخشى تېمىلارغىمۇ كاللامدا تۈزۈك بىر ئىنكاس يوق، ئاخىرى مۇشۇ مۇنبەر مەسئۇلى دېگەن قالپىقىمنىڭ كۈچى بىلەن ئاددىي بولسىمۇ يېڭى ئەزالارنى قارشى ئېلىپ، كونا ئەزالارنىڭ قايتا كىرگەنلىكىگە تەشەككۈر ئېيتىپ دېگەندەك ئىنكاسلارنى يېزىپ قويۇپ چىقىپ كەتكەن كۈنلىرىم بار.
بىر چاغلاردا مەنمۇ خېلى بىر نەرسىلەرنى يېزىپ قوياتتىم، گەرچە كەسپىي يازغۇچىلاردەك پاساھەتلىك سۆزلەرنى، ئېسىل تەسۋىرلەرنى ئىشلىتىپ، پاھھھ، ئاھھھ، دەپ ھەيران قالغىدەك بىر نەرسە يازمىساممۇ، ئەمما ھەر ھالدا، كۆڭلۈمدىكى خۇشھاللىقلارنى، خاپىلىقلارنى، ئازاپلارنى خېلى جايىدا يېزىپ قوياتتىم، ئەمما بۇ ئىلھام دىگەنمۇ كېلە دىسىلا كېلىدىغان، كېتە دېسە كېتىدىغان نەرسە ئەمەسكەن، بەزىدە تازا قازان بېشىدا ئالدىراش تاماق قىلۋاتسام كاللامغا شۇنداق ئېسىل تېمىلار، تەپەككۈرلەر كېلىۋالىدۇ، پالاق- پۇلۇق تاماقنى ئېتىپ يەپ، كومپيۇتېرنى ئاچسام بىرىمۇ يوق. شۇ سەۋەپلىكمۇ يېقىندىن بېرى مۇنبەردە تۈزەك بىرەر نەرسە يازالمىدىم، تەرجىمە دېگەنگە نۆللا بوپتىمەن ھازىر
.
ئۆزۈممۇ كۆرۈپ تۇرۇۋاتمىەن، بىلىپ تۇرۇۋاتىمەن، ھېس قىلۋىاتىمەن، مۇنبەرنىڭ بۇرۇنقى قىزغىن كەيپىياتى ھازىر يوق، بۇنىڭدىكى سەۋەپ نۇرغۇن، بۇنىڭ ئىچىدە تىلغا ئېلىشقا بولىدىغان ئەڭ ئاددى سەۋەپلەر:
نۇرغۇن ئالىي باشقۇرغۇچى ۋە باشقۇرغۇچىلىرىمىزنىڭ ھەممىسىلا ماڭا ئوخشاش بىر ئائلە زىممىسىگە يۈكلەنگەن، بىر-ئىككىدىن بالىسى بار، بەزىلىرىنىڭ بالىلىرىنىڭ ئىمتىھان بېرىۋاتقان ھالىقىلىق ۋاقتى، بەزىلىرىنىڭ بالىلىرى كىچىك. شۇ سەۋەپلىك دېگەن ۋاقىتتا مۇنبەرگە كىرەلمەيۋاتىدۇ، مەن بۇنىڭلىق بىلەن ئۇلاردىن رەنجىشكە ھەققىم يوق ئەلۋەتتە، چۈنكى مۇنبەر بىر كۆڭۈل ئېچىش سورۇنى، پىكىرلىشىدىغان بىلىم ماكانى، بىلگەن بىلىدىغاننى سۆزلەيدىغان، بىلمەيدىغان سورايدىغان ئەركىن پىكىر مەيدانى، شۇڭلاشقا مەن بۇرۇنمۇ دېگەن، ھازىرمۇ دەيمەن: مەيلى كونا ئەزالار بولسۇن، يېڭى ئەزالاربولسۇن، مەيلى باشقۇرغۇچى بولسۇن ياكى ئاددىي ئەزا بولسۇن، ھەممەيلەننىڭ خىزمەت، ئائىلىدىن ئېشىنغان ئارام ئېلىش ۋاقىتىڭىزدىن ئازغىنە ۋاقىت چىقىرىپ مۇنبەرگە بىر كىشلىك ھەسسە قوشسىڭىز مەن رازى.
ئۇنىڭدىن باشقا تەكىتلەپ قويۇشقا تېگىشلىك بىر ئىش، مۇنبىرىمىزنىڭ يەنە بىر مەسئۇلى جۇلالىق خانىم ئوقۇش تۈپەيلى بىر مەزگىل تورغا بۇرۇنقىدەك چىقالمايدىغانلىقىنى ئېيتقان، شۇ سەۋەپلىك جۇلالىقنىڭ تەكلىپىگە قوشۇلدۇق. ئايقىز ھەدەمنىڭ قوشماقلىرىنىڭ ئىمتىھان ۋاقتى ۋە ئائىلىسىدىكى بەزەن ئىشلار تۈپەيلى تورغا كۆپ چىقالمايدىغانلىقىنى ئېيتقان، بۇ ھەدىمىزنىڭ پىكرىگىمۇ قوشۇلدۇق، قەھۋە خانقىزنىڭ بالىسى كىچىك، خىزمەت ئورۇندىكى يۈك ئېغىر سەۋەپلىك بۇرۇنقىدەك كۆپ كىرەلمەيۋاتىدۇ، بۇنىمۇ چۈشىنىشكە بولىدۇ، ئەمما باشقا ئالىي باشقۇرغۇچى ۋە باشقۇرغۇچىلارنىڭ شارائىتى يار بەرگەن ئاساستا مۇنبەرگە كىرىپ تەكلىپ- پىكىرلەرنى بېرىشىنى ئۈمىد قىلىمەن!
ئەركمان، نەۋرۇزە، ئايدار، كەتمەنباي، تىنچ تۇرمۇش، تامچە........قاتارلىق تىنماي يېڭى ئىجادىي تېمىلارنى مۇنبەرگە سۇنۇۋاتقان دوستلىرىمىزغىمۇ ئايرىم رەھمىتىمىزنى ئېيتماي تۇرالمايمىز. (ئىسمى قېلىپ قالغانلارنىڭ رەنجىپ قالماسلىقىنى سورايمەن)
يەتتە يىگىتنىڭ بىر تېمىغا يازغان ئىنكاسنى ئوقۇپ بۇ تېمىنى يازغۇم كەلدى، يەتتە يىگىتكە رەھمەت، سىزنىڭ مۇنبەر ئۈچۈن ئەتراپلىق ئويلاپ بەرگەن بۇ ئېسىل پىكرىڭىز مېنى ئويغاتتى.
ئەگەر راستىنلا يەتتە يىگىت ئېيتقاندەك مۇنبەردىن كۆڭلى سۇ ئىچمەي كىرگۈسى كەلمەيۋاتقان دوستلار بولسا، سەۋەپ نىمە؟- مۇنبەر سەۋەپلىكمۇ، ياكى مەلۇم بىر ئەزا سەۋەپلىكمۇ؟
مېنىڭمۇ بىر ئىككى يېقى ئۆتىدىغان دوستۇم بار، بىر كۈن كۆرۈشمىسەك تېلىفۇن ئۇرۇشۇپ نەدە سەن دەيدىغان، ئىككى كۆرۈشمىسەك ئۆيلىرىمىزگە ئىزدىشىپ كېلىدىغان، ئۇ دوستلىرىم بىلەن چ چ دا كۆرۈشۈپ تۇرىمەن، باشقا مۇنبەرگە كىرىدۇ، بۇ يەرگە كىرمەيدۇ، سەۋەبى ئۇلار بۇ يەردە ئۆزلىرىنى ئەركىن ھېس قىلالمايدىكەن، ئۆزلىرى ئۇزۇندىن بېرى كىرىۋاتقان شۇ مۇنبەرگە كۆنۈپ قاپتۇ، مانا شۇنىڭدەك نۇرغۇن دوستلار باشقىلارنى تەۋسىيەسى بىلەن مۇنبەرگە كىرىدۇ، بىرەر تېما ياكى ئىنكاسنى يوللاپ قويۇپلا يوقاپ كېتىدۇ، سەۋەبى بەلكىم مېنىڭ دوستلىرىم بىلەن ئوخشاشتۇ ياكى باشقا سەۋەپ باردۇ، ياكى مۇنبىرىمىز تازا مۇكەممەل، تېمىلىرىمىز سەرخىل ئەمەستۇ....... ئىشقىلىپ نېمىلا بولسۇن ئۇلارنىڭ ئۆزلىرىنىڭ كۆڭلى.
بۈگۈن تۇيۇقسىز بۇ تېمىنى يېزىشتا باشقىچە مەقسەت يوق، پەقەت مۇنبەرنىڭ ھازىرقى ھالىتى توغرىلىق ئۆزۈمنىڭ ئويلىغانلىرىمنى ئوتتۇرىغا قويدۇم، باشقا دوستلارنىڭمۇ ئويلىغانلىرىنى ئايىماي ئوتتۇرىغا قويۇشۇڭلارنى ئۈمىد قىلىمەن!
IP كارتىسى
ئىقتىدار كارتىسى
يوللىغان ۋاقتى: 2011-يىلى 7-ئاينىڭ 2-كۈنى 20:38:35
ئۆرلىتىش كارتىسى
چوققىلاش كارتىسى
سۈكۈت كارتىسى
شاۋقۇن كارتىسى
变色卡
显身卡
يوللىغان ۋاقتى: 2011-يىلى 7-ئاينىڭ 2-كۈنى 21:48:22
يوللىغان ۋاقتى: 2011-يىلى 7-ئاينىڭ 2-كۈنى 22:39:11
يوللىغان ۋاقتى: 2011-يىلى 7-ئاينىڭ 2-كۈنى 23:21:13
يوللىغان ۋاقتى: 2011-يىلى 7-ئاينىڭ 3-كۈنى 00:24:19
)