نەۋرىزە: كۆڭۈل كۆڭۈلدىن سۇ ئىچەر...

nawriza

	كۆڭۈل كۆڭۈلدىن سۇ ئىچەر مىھرى- مۇھەببەت، ئېتىقات سۇسلۇشۇپ كېتىۋاتقان بۈگۈنكى كۈندە، ئىجتىمائىي مۇناسىۋەت بارغانچە مۇرەككەپلىشىپ، كەسكىنلىشىپ، ۋە ئىنسانلارنى چۈشۈنۈش تەسلىشىپ ۋە بەزىدە كىشىنى گاڭگىرىتىپمۇ قويىۋاتىدۇ، بەزىدە گۈزەل سۆز ئىبارىلەرگە كۆمۈلۈپ كەتسەك ۋە بەزىدە ئاچچىق سۆزلەر دەستىدىن بوغۇزىمىز بوغۇلۇپ نەپەس ئېلىش قىيىنلىشىدىغان ئەھۋاللارمۇ ئۇچراپ تۇرىۋاتىدۇ ، بەلكىم بۇ ھاياتلىقنىڭ قىززىقى ۋە ياكى بەلگىسى بولسا كېرەك. بىراق ئىنكار سۆزنى ئاڭلاشنى ياخشى كۆرۈدىغان پەزىلەتلىك كىشىدىن قانچىسى باردۇر؟! بولۇپمۇ ماددىي ئېھتىياج ئاساسىي جەھەتتىن تۇيۇنغان بۈگۈنكى كۈندە، كىشىلەرنىڭ مەنىۋى ئېھتىياجغا بولغان تەلىبى كۈنسايىن ئېشىپ بارماقتا، دانالار «ئىنساننىڭ كۆڭلىگە شادلىق يەتكۈزمەك ساۋاپ ۋە ئىبادەت قىلماق بىلەن باراۋەر» دەپ ئېيتقان. قايسى بىر ماتىرىيالدا «باشقىلارغا خۇشاللىق ئېلىپ كېلىدىغان ئىش- ھەركەتلەر ۋە سۆز- ئىبارىلەرمۇ ئىئانە قىلغان بىلەن باراۋەر،چۈنكى نىمىلا بولمىسۇن باشقىلارنىڭ قەلبىنى ۋىللىدە بىر يورۇتالىدى» دەپ يېزىلغانىكەن، بۇ سۆز ماڭا بەك تەسىر قىلغان ئىدى. ئەمەلىيەتتىمۇ ئاددىغىنە بىرەر ياخشى سۆز ھەركەتلەردىن ئالەمچە خۇشال بولۇپ سۈيۈنۈپ كېتىمىز. ھەركىمنىڭ ئېغىزىدىن چىققان ياخشى سۆز ئېقىن سۇغا ئوخشايدۇ. ئۇ قايسى تەرەپكە ئاقسا شۇ يەردىن گۈل- چېچەك ئېچىلىدۇ. قەلىبلەر يايرايدۇ، يۈرەكلەر ياشىرىدۇ،. شۇڭا گۈلنى يىلتىزىدىن سۇغۇرغادەك، ئادەمنى يۈركىدىن سۇغۇرۇش تولىمۇ ئاقىلانىلىكتۇر. چوڭلىرىمىزنىڭ ئاغزىدىن« بۇغداي نېنىڭ بولمىسىمۇ، بۇغداي سۆزۈڭ يوقمۇ » دېگەن سۆزلەرنى داۋاملىق ئاڭلايتتۇق. بۇ سۆزلەر تېخى ئۆز قىممىتىنى يوقاتقىنى يوق، شۇڭا ئىجتىمائىي ئالاقىدە « بۇغداي» سۆز تولىمۇ مۇھىمدۇر. ئالغا ئىلگىرىلەشنىڭ ھەركەتلەندۈرگۈچ كۈچىدۇر. شۇڭا كۆڭۈل، كۆڭۈللەردىن سۇ ئىچسۇن!!! نەۋرىزە

peacelife212

	باشقىلارغا ئىللىق، سەمىمى مۇئامىلە قىلىش- ئۆزى ئۈچۈنمۇ ياخشى شۇنداقلا ساۋاب ئالغانلىق بىلەن باراۋەر. ئەجداتلىرىمىز شۇنىڭغا« تاپقىنى گۈل كەلتۈرۈر، تاپالمىغىنى بىر باش پىياز، بۇغداي نېنىڭ بولمىسا، بۇغداي سۆزۈڭ يوقمۇ » دەپ بىكارغا ئېيتىمىغان ئەلۋەتتە.

مەرۋەرى

	نەۋرۇزە ھەدە، ئېسىل يازمىلىرىڭىزنى مۇنبەردە قايتا كۆرۈپ بەك خۇرسەن بولدۇم!

دىلەيسەم

	دانالار «ئىنساننىڭ كۆڭلىگە شادلىق يەتكۈزمەك ساۋاپ ۋە ئىبادەت قىلماق بىلەن باراۋەر» دەپ ئېيتقان. ------- بۇنداق ساۋاپلار ھازىر يوق دىيەرلىك بولۇپ كەتتى، بولسا بىرۋانى تىللىۋالسا، بىراۋنى سوقۇۋالسا، ئۇنىڭ ئەيىپىنى دەپ باشقىلار ئالدىدا تازا بىر نۇمۇسقا قويۇۋالسا....... مانا مۇشۇنداق باشقىلارنىڭ قەلبىگە ئازار بېرىش بەدىلىگە ئۆزىگە خۇشاللىق ئىزدەيدىغان كىشىلەر توپى كۈندىن كۈنگە كۆپىيىپ كېتىۋاتقان مۇشۇ كۈندە بۇنداق ئېسىل مۇراجەتنىڭ چىقىشى دىلنى سۆيۈندۈرىدۇ، راست كۆڭۈل- كۆڭۈلدىن سۇ ئىچىدۇ، دىل ئازار- خۇدا بىزار، قولىمىزدىن كەلسە ياخشىلىق ئىزدەيلى دوستلار!