باشقىلارغا تەسەللىي بېرىشمۇ گۈزەل ئەخلاق

janu

	يېقىندا كېسەل كۆرسىتىش ئۈچۈن قەشقەر ۋىلايەتلىك 1-دوختۇرخانىغا باردىم، لېفىتتا ئادەم كۆپ ئىدى. شۇ ئەسنادا ئىككى ئايالنىڭ سۆزلىرى قۇلىقىمغا كىرىپ قالدى: - سىلى قەيەردىن؟ - پوسكامدىن. - ئەرلىرىنى نىمىشقا كېسىلى ئېغىرلىشىپ قالغاندا دوختۇرخانىغا ئەكەلدىلە؟ - ئۇنىڭغا ئىلگىرىلا ئېيتقان، بىراق ساقىيىپ قالىمەن، دەپ ئۇنىمىدى، ئۇنىڭ ئۈستىگە قولىمىز قىسقا كېلىپ قالدى... - چۈشەندىم، دوختۇرخانىدا داۋالانماي، ئۈجمە سايىسىدە چىۋىن قورۇپ، ئەزرائىلنى كۈتۈپ ياتقۇسى بار ئىكەندە -دە، ئەرلىرىنىڭ! - دېدى ئەھۋال سورىغان ئايال قاقاقلاپ كۈلۈپ. بۇ گەپنى ئاڭلاپ لىفىتتىكىلەر ئۇنىڭغا ئەجەبلىنىپ قاراشتى. ئېرىنى داۋالاتقىلى كەلگەن ئايالنىڭ چىرايى ئۆڭدى، بىراق لام-جىم دېمىدى، كۆڭلۈم غەشلىككە تولدى. ئەسلىدە ھەر ئىككى ئايال كېسەلگە قارىغۇچى بولۇپ، ئوخشاشلا تەسەللىي ۋە ياردەمگە مۇھتاج ئىدى. ھېلىقى ئايال: «كۆڭۈللىرىنى توق تۇتسىلا، ئەرلىرىنىڭ كېسىلى شىپا تېپىپ قالار» دېيىشنىڭ ئورنىغا كۈلگىنى نېمىسى؟ شۇنداق دەپ قويسا، كۆڭلى پەرىشان ئايال تەسەللى تاپماسمىدى؟ بەلكىم ئۇ ئايالنىڭ راستىنلا ئىقتىسادىي ئەھۋالى ناچاردۇ ياكى باشقا سەۋەبى باردۇ، بىزدە: «بۇغداي نېنىڭ بولمىسا، بۇغداي سۆزۈڭ يوقمىدى» دېگەن ماقال بار، شۇڭا ئېسىل ئەخلاقىمىزنى نۇرلاندۇرايلى، باشقىلارنىڭ بېشىغا كۈن چۈشكەندە قۇلىمىزدىن كېلىشىچە ياردەم قىلايلى، ياردەم قىلالمىساقمۇ، كۆپرەك تەسەللى بېرەيلى، ئۇلارنىڭ زىدە كۆڭلىگە ئازار بەرمەيلى!

guldana

	توۋا....تازىمۇ بىر تەربىيە كۆرمىگەن خوتۇنكىنا، مەن بولسام: سىلىنىڭ ئەرلىرى قىلىدىغانغا ئىش يوق دوختۇرخانىغا كىرىپ قالمىغان بولغۇيتتى دەيتتىم تازا

Aydar

	مۇشۇنداق زۇۋانى سۇغۇق ئادەملەر ئەتراپىمدا بەك جىق جۇمۇ...بىر تۇغقىنىمىز ئاشقازان راكى بولۇپ ئاشقازىنىنى كېسىۋىتىپ، ئۈچەي بىلەن قىزىلئۆڭگەچنى ئۇلاپلا قويۇپتۇ، لېكىن بۇۋايغا ئۇختۇرماپتۇ. بىرسى كىرىپ ‹‹ سېنىڭ ئاشقازىنىڭنى كىسىپ ئېلىۋىتىپتۇ دەيدۇغۇ›› دەپتىكەن. شۇنداق ياخشى بوپ قالغان ئادەم ئىككى ھەپتىگە قالماي تۈگەپ كەتتى. بۇمۇ ساپا بىلەن مۇناسىۋەتلىك ئىش ئوخشايدۇ.

sarsan@axik

	ئاش قازنى  بولمىسا   قانداق  ياشايدۇ  ئادەم

guldana

	sarsan@axik يوللانغان ۋاقتى  2011-يىلى 6-ئاينىڭ 9-كۈنى 21:11 ئاش قازنى  بولمىسا   قانداق  ياشايدۇ  ئادەم قانداق ياشايتتى، تاماقنى ئاز مىقداردا كۆپ قېتىم يەيدۇ، بەدەندە ساقلىنىش ۋاقىتى ناھايتى قىسقا بولىدۇ، شۇڭا بۇنداق ئادەملەر بەك ئورۇق بولىدۇ.

sarsan@axik

	تاماق  قانداق   ھەزىم  بۇلىدۇ

guldana

	sarsan@axik يوللانغان ۋاقتى  2011-يىلى 6-ئاينىڭ 9-كۈنى 21:33 تاماق  قانداق   ھەزىم  بۇلىدۇ ھەزىم بولمىايلا بەدەن سىرتىغا چىقىپ كېتىدۇ، شۇڭا بۇنداق كىشىلەرنىڭ قورسىقى توختىماي ئېچىپ تۇرىدۇ، توختىماي يەپ تۇرىدۇ...ھەم شۇ سەۋەپلىك بۇنداق كىشىلەر يىرىك تاماق يىيەلمەيدۇ، ئاسان ھەزىم بولىدىغان، ئوزۇقلۇق قىممىتى يۇقۇرى يىمەكلىكلەر بىلەن ھاياتىنى داۋاملاشتۇرىدۇ.

leyli

	- چۈشەندىم، دوختۇرخانىدا داۋالانماي، ئۈجمە سايىسىدە چىۋىن قورۇپ، ئەزرائىلنى كۈتۈپ ياتقۇسى بار ئىكەندە -دە، ئەرلىرىنىڭ! - دېدى ئەھۋال سورىغان ئايال قاقاقلاپ كۈلۈپ. كۆرۈشۈپ قويىدىغان ئايالكەن ماۋۇ

esil

	شۇم ئىغىز خوتون  ئاغزىغا تەتۈر شاپلاق بىلەن بىرنى  قويماي