چاقنى بۇزغان تانىسى، قىزنى بۇزغان ئانىسى

Qismet

	چاقنى بۇزغان تانىسى، قىزنى بۇزغان ئانىسى     تۈنۈگۈن بىر دەم خەۋەر كۆرەي دەپ تور ئارىلاپ، جۇڭگو ئاخبارات تورىدىن بۇ خەۋەرنى كۆرۈپ قالدىم:     http://www.chinanews.com/gj/2011/06-02/3086913.shtml     خەۋەرنىڭ ئاساسىي مەزمۇنى تۆۋەندىكىدەك:     جۇڭگو ئاخبارات تورى 2-ئىيۇن تېلېگراممىسى: فرانسىيە «پارىژلىقلار گېزىتى» نىڭ خەۋىرىگە ئاساسلانغاندا، لورا بىلەن مايا ئەمدىلا 6-يىللىققا چىققان قوشكېزەك ئاچا-سىڭىللار بولۇپ، ئۇلار ھەددىدىن زىيادە قىسقا پادىچىلار يوپكىسى ۋە بەدەن ئېنىق كۆرۈنۈپ تۇرىدىغان تار ئىشتان كىيگەنلىكى ئۈچۈن، مەكتەپ ئۇلارنى ئاممىۋىي سورۇن-مەكتەپنىڭ بەلگىلىمىسىگە خىلاپلىق قىلدى دەپ جازالىغان.     مەكتەپنىڭ بەلگىلىمىسىدە، ئوقۇغۇچىلار ئۆز لايىقىدا كىيىنىشى، جۈملىدىن ئەۋرەت (隐私部位 ئەۋرەت دەپ ئېلىندى) ئورۇنلارنى يېپىپ تۇرىدىغان كىيىملەرنى كىيىشى كېرەك دەپ بەلگىلەنگەن. بىراق، قوشكېزەكلەرنىڭ ئانىسى بۇ ئىشقا «ئەپسۇسلاندى»، ئۇ «بالىلارنىڭ كىيىمىدە چاتاق يوق، كۆينەكنى باشقا نەرسىلەر بىلەن باغلاپ چۈشىنىشنىڭ ھاجىتى يوق» دەپ قاراپ، مەكتەپ مۇدىرى ۋە نازارەت تارماقلىرىغا خەت يازدى.     ئوتتۇرا مەكتەپ ئوقۇغۇچىلىرىمۇ بۇ ئىشنىڭ ئىدىيىسىدىن ئۆتمىگەنلىكىنى بىلدۈردى. ئەيلىكا ئىسىملىك قىز ئوقۇغۇچى «ئوقۇغۇچىلار مانداقراق كۆينەك كىيسە ئايال نازارەتچىلەر ئۇلارنى بوش قويۇۋەتمەيدۇ، ئەمما نازارەتچىلەر ئۆزى ھەررەڭ-سەررەڭ كىيىملەرنى كىيىدۇ» دېدى. يەنە بىر قىز «مەكتەپ ھەممە ئىشقا چات كېرىدۇ، قىزلارنىڭ قېنىق گىرىم قىلىشىغا، كۆتبەل ئىشتان (低腰裤) كىيىشىگە، ھەتتا ئوغۇللارنىڭ كالتە ئىشتىنىنىڭ كۆرۈنۈپ قېلىشىغىمۇ ئارىلىشىدۇ» دەپ ئاغرىندى.     مەكتەپ بۇنى ئۆسمۈرلەرنىڭ بالدۇر يېتىلىپ قېلىشىنىڭ ئالدىنى ئېلىش، نارەسىدە قىزلارنى قوغداش ئۈچۈن دەپ چۈشەندۈرگەن بولسىمۇ، ئائىلە باشلىقلىرى «مەكتەپ ھوقۇقىنى قالايمىقان ئىشلەتتى» دەپ ئېتىراز بىلدۈردى.     ئالدىنقى مەزگىللەردىكى خەۋەرلەردە بەزى ئىپلاسلارنىڭ قىزلىرىنى ساتقانلىقى، شۇ ئارقىلىق سەبىيلەرنىڭ باشقىلار تەرىپىدىن خورلىنىشىغا يول ئېچىپ بەرگەنلىكىنى كۆرگەن ئىدىم. ئەمدى بۇ خەۋەرنى كۆرۈپ، ئىچىمنى تىڭشاپ تۇرۇپ كەتتىم…     شۇنداق، خەۋەر مۇشۇ يەردە ئاخىرلاشتى. لېكىن، كاللامغا كىرىۋالغان ئىزتىراپلىق سوئاللار مېنى ھازىرغىچە قىيناپ كەلدى:     نېمىشقا بەزى ئانىلار بۇ سالاھىيەتتە خاراكتېرلىنىپ قالىدۇ؟ ئانىلارنىڭ پەرزەنتلىرىگە ئەدەپ-ئەخلاق بابىدىن دەرس بېرىش ۋەزىپىسى بار ئىدىغۇ؟     ئانا دېگەن ئۇلۇغ نام نېمىشقا دەپسەندە قىلىنىدۇ؟     كەلگۈسىدىكى ئانىلار بولمىش قىزلار نېمىدەپ ئانا بولۇش سالاھىيىتى يوقلاردىن تۆرىلىپ قالىدۇ ؟     كەلگۈسىدىكى ئانا-ئايال تاللاشتا ئەرلەر كۆزىنى تېخىمۇ يوغان ئېچىپ تاللاش كېرەكمۇ قانداق؟     قارىغاندا «چاقنى بۇزغان تانىسى، قىزنى بۇزغان ئانىسى» دېگەن گەپ راست ئوخشىمامدۇ؟     ئىلى خەلق رادىئو ئىستانسىسىنىڭ دىكتورى خالمۇرات ماناپنىڭ مۇنداق بىر ئېغىز گېپى بار:     «كىندىكى ئوچۇق قىزنىڭ چوقۇم مەيدىسى ئوچۇق ئانىسى بار»، گەرچە بۇ سۆزنى سەل قوپال ئېيتىلدى دېگەندىمۇ، قېنى قايسى كىشى خاتا دېيەلەيدۇ؟     دۇنيا ئىپپەت دەپ يىغلاۋاتىدۇ، دۇنيا ئەدەپ، ئەخلاق نەگە كەتتى دەپ ئازابلىق چۇقان سېلىۋاتىدۇ…     جاھان سورىغان ئەزىمەتلەرنى، ياۋ يۈرىكىگە ئىپپەت خەنجىرىنى سانجىغان پەرىلەرنى ئاپىرىدە قىلغان ئۇلۇغ ئانىلار، قېنى سىلەر؟     ئۇلۇغ ئانىلار، قېنى سىلەر؟ كەمىنە قىسمەت سىلەرنى ئەخلاق دوقمۇشىدا ساقلاۋاتىدۇ…     ھېچكىم مەن بار دېمەيدىغۇ؟ ئەجەبا جاھاندا ئۇلۇغ ئانىلار قالمىغان بولسا-ھە؟!     مەنبە: قىسمەت بلوگى     يازما مەنزىلى: http://www.qismet.me/qizni_buzgahn_anisi.html

sarsan@axik

	تىمىسى بەك ياقشىكەن     مەزمۇنى  ئادەمنى  ئويغا   سالدكەن

RUZEBAK

	ئودېگەن  ئەر كېن   دۆلەت   دوستۇم؟

Erkman

	فىرانسىيەنىڭ  خرستيان دۇنياسىدا ئامېرىكىدىنمۇ ئەركىن ئىكەنلىكىنى ھىجران فىرانسوۋا ئېيتقان ئىدى!

dilnaz

	بىز بار قىسمەت ئەپەندىم. روزىبەك نىڭ دىگىنىدەك ئۇ دىگەن ئەركىن دۆلەت، ئەمما بىز كەلگۇسى ئەۋلاتلىرىمىزنى ئۇنداق ئەركىن قويىۋەتمەيمىز. ئەلۋەتتە كالتەك تەربىيىس ئارقىلىق ئەمەس! ئەدەب-ئەخلاق شىرنىسى بىلەن يۇمران كۆچەتلەرنى سۇغۇرۇپ، ئەدەب-ئەخلاقلىق، شەرمىي-ھايالىق، ھەرقانداق ئىش يۇز بەرگەندىمۇ تىك دەسسەپ تۇرالىغۇدەك جەڭگىۋار قىلىپ تەيبىيەلەيمىز، ئەلۋەتتە ئاللا نىسىپ قىلسا.

ئەزىزتارىم

	ئىجىتىمائى ئەخلاق بۇزۇلسا ،تەبىيلا كىيىم -كېچەك مەدىنيىتىمۇ خاراپلىشدۇ .

ayqiz

	بۇ تېمىنى ئوقۇغاندىن كېيىن بىرنەچچە يىل ئىلگىرى  ئۆز بېشىمدىن ئۆتكەن بۇ ئىش يادىمغا كەچتى . قوشماقلارنىڭ خەتنە توي كۈنى نەچچە سائەت گىرىم قىلغۇزۇپ ئاران دىگەندە رىستۇراننىڭ ئالدىغا كېلىشىم بىلەن بالىلار بىلەن ئويناپ يۇرگەن قوشماقنىڭ كىچىگى يىغلىغان پېتى  ئويناپ يۇرگەن كىچىك يەل توپنى يۈزۈمگىلا قارىتىپ ئاتماسمۇ تاس قالغان ئىدىم قاپاقتىن ئايرىلىپ قالغىلى ، سىزنى ئاپا دىمەيمەن جىنلار كېيىدىغان كىيىملەرنى كېيىۋاپسىز جىنلاردەك بولۇپ قاپسىز دەپ يىغلاپ ۋەيران قىلىۋەتكەن ئىدى .......

مەرۋەرى

	بۇ تېمىنى كېچىكىپ كۆرۈدۈم دىگەندىن كۆرە، نىمە دىيىشىمنى بىلمىدىم دىسەم بولىدۇ، چۈنكى مۇشۇ بالىلار بايرىمىدىلا كىچىك قىزىمغا يېڭى قىسقا كۆينەكتىن بىرنى ئېلىپ كىيگۈزۈپ ھەۋەس بىلەن قاراپ كەتكەن تۇرسام، گەرچە ئۆزۈم ھەدىدىن ئارتۇق قىسقا كىيىم ۋە ئوچۇق كىيىم كىيمىگەن بىلەن قىزلىرىمغا كەلگەندە تازا ئىتىبار قىلماپتىمەن، مۇشۇ تاپتا يۈزلىرىم قىزاردى، خۇددى تېمىدىكى نازارەتكە خەت يازغان ئانىلارنىڭ قاتارىدا ئۆزۈمنى باردەك ھېس قىلىپ كەتتىم. قىسمەت، دەل شۇ ئەخلاق دوقمۇشىدا بىزنى يەنى مېنى، قىزلىرىڭىزنى ساقلاڭ، بىز مەڭگۈ سىز بىلەن بىرگە!

leyli

	ئەمىسە ھېلىقى كىچىك 2-3 ياشلىق قىزلارغا ئوماق ئابايى كىيگۈزۈش توغرىمۇ ؟

sarsan@axik

	ئىنكاس قايتۇرۇش leyli نىڭ يازمىسى ئەرەپلەردە  شۇنداقكەنغۇ    سىزمۇ  كەيسىڭىز  بۇلىدۇ