ياخشى سۆز ئاڭلامسىز ...

peacelife212

	1. ئەڭ ھۆرمەتلەشكە تىگىشلىك كىشى ئاناڭ ،ئۇندىن قالسا، ئاناڭ ،ئۇندىن قالسا ئاناڭ، ئۇندىن قالسا داداڭ. 2.رەسىم ئېسىلغان، ئىت بار ئۆيگە پەرىشتە كىرمەيدۇ. ئۆيگە ئاتا-ئانامنىڭ، تويدا چۈشكەن، پەرزەنتلىرىمنىڭ ۋە ياكى شۇنىڭغا ئوخشاش سەۋەبلەر بىلەن رەسىم ئېسىشقا بولمايدۇ، ئىت بېقىشقا بولمايدۇ. پەرىشتە كىرمەيدۇ.      بايا ،مۇنبەردىكى"بۇنداق گەپلەرنى ئاڭلىغانمۇ"دىگەن تېمىنى  ئوقۇپ، بۈگۈنكى جۈمەدە جىگدىلىك مەسجىتىنىڭ يۇقارقى بۇ گەپلىرىنى كۆپچىلىككە يەتكۈزۈشنى لايىق تاپتىم.  چەتئەلدە  زوڭتوڭ بولسىمۇ، ئارىسىدا بىرەر ئايال بوپ قالسا، ئاۋال ئايالنى ئولتۇرۇشقا تەكلىپ قىلىدىكەن، ئايال كىشى ئۇرۇنداققا ئولتۇرۇپ بولغاندىن كېيىن، ئاندىن، ئەرلەر، زوڭتوڭمۇ شۇنىڭ ئىچىدە ئاندىن كېيىن ئولتۇرىدىكەن.  گەرچە رىۋايەتلەردە، ئايال كىشىنىڭ ئەر كىشىنىڭ قوۋۇرغۇسىدىن يارىتىلغانلىقى قەيت قىلىنغان بولسىمۇ، بۇ بىر بىرسىمىزنىڭ ئۈنسۇ-ئۈلپەت ئېلىشى ئۈچۈن، بىرىمىزدىن بىرىمىزنى ياراتقان، ئادەم ئاتىدىن ھاۋا ئانا، ھاۋا ئانىدىن، قابىل ۋە ھابىل، ئاندىن، ............ئانىمىزدىن بىز دىگەندەك داۋاملىشىپ كېلىۋاتقان. بۇنداق بولغانلىقى، ئاياللار بىزنىڭ قوۋۇرغىمىزدىن يارىتىلغان دەپ، ئۇلارنى پەس كۈرۈشكە، ئۇلارنى سۇندۇرۇشقا بولمايدۇ. ئانىلارنى خورلاش، ئۇلارنى ھۆرمەتلىمەسلىك، ئۇلارنى خارلاش، مىللەتنىڭ خاراپلىشىشىدىن باشقا نەرسە ئەمەس، ئەرلەردىكى مەسئۇلىيەت ۋە غۇرۇرنىڭ يوقالغانلىقىدىن باشقا نەرسە ئەمەس،  بىز ئاياللىرىمىز بىلەن بىر ياستۇققا باش قويۇپ، ئايالىمىز ھامىلدار بولغاندا، بىز قانچىلىك شات بولغان بولساق، ئۇرۇقىمىزنىڭ جىڭ ئىكەنلىكىدىن شاتلانغان، ئۆزىمىزنىڭ ئەركەكلىكىمىزدىن مەمنۇن بۇلۇپ، گىدەيگەن ۋاقتىمىزدا، ئايالىمىز سېزىك ئازابىدا، ھامىلدارلىقنىڭ ئۆزگىرىشلىرىدىن بەدىنىدىكى بەزى باشقا تەسىرلەردىن ئاجىزلاشقان ۋاقتى بولىدۇ، تۇغۇتتا ،قانچىلىك قىينالغان بولسا، مەيلى ئۆزى يەڭگىسۇن، ياكى ئوپىراتسىە پىچىقىدا بەدىنى تىلىنىپ، بىرلا ئەزاسى ئەمەس، 3 ئەزاسى، قۇساق، قوساق پەردىسى، بالىياتقۇ  تىلىنغاندا، گەرچە، ناركوز دورىسىنىڭ تەسىرىدە ئوپىراتسىيە جەريانىدا ھىچنىمىنى بىلمىگەن بىلگەن، ناركوزنىڭ كۈچى كەتكەندە، تىلىنغان، كىسىلگەن جاينىڭ ئاغرىقىنى شۇ كىسىلگەن، تىلىنغان ئادەم- ئايالىمىز ئۆزى بىلىدۇ. تىلىنغانلىق سەۋەبىدىن قوسىغىدا يوغان تارتۇق قالىدۇ،  ئەرلەر بولسا شۇ ھىچقانداق كىسەل ئاغرىقى تارتمايدۇ، بەدىنى تىلىنمايدۇ، ئوپىراتسىيە پىچىقىدا تىلىنمايدۇ، كىسىلمەيدۇ، بالا تۇغۇلۇپ، كېچىسى نەچچە قېتىم قۇسۇغى ئېچىپ يىغلىغاندا، چوڭ-كىچىك تاھارەت قىلىپ، يىغلىغاندا، يەنىلا شۇ ئانا ئورنىدىن تۇرۇپ، بالىنىڭ ھاجىتىدىن چىقىدۇ، بىر كېچىدە نەچچە قېتىم يىغلىسا، شۇنچە قېتىم پەپىلەيدۇ، قانچە قېتىم ئويغانسا، ئانىمۇ شۇنچە قېتىم ئويغىنىدۇ، شۇنچە قېتىم قۇسىغىغا سۈت، ئۇسۇزلۇق بىرىدۇ، ئىشقىلىپ، ئانا بۇلۇش، ئاسان ئەمەس، شۇنىڭغا، جەننەت ئانىلار ئايىغى ئاستىدا دەپ بىكارغا ئېىيتمىغان،    شۇنداقلا، ھەر قانداق بىر ئەرنىڭ بۇ دۇنياغا ئاپىرىدە بولۇشىدە يەنىلا شۇ ئانا بولىدۇ، ئانا بولمىسا، شۇ ئەر نەدىن پەيدا بولسۇن ؟؟؟ شۇنداق ئىكەن، ئاياللارنى خارلاش، ئۇلارنى ئويۇنچۇق قاتارىدا كۈرۈش، ئۇلارنىڭ بەختىگە ئولتۇرۇش، ئۇلارنىڭ كۆڭلىنى سۇندۇرۇش، دىلىغا ئازار بىرىش، ئۇلارنى تىللاش، ھاقارەتلەش -----بۇلار ئەرلەردىكى زەيپانىلىكتىن باشقا نەرسە ئەمەس.      ھەممە ئىش ھېكمەت بىلەن يارىتىلغان، ئايالنىڭ ئەرلەرنىڭ قوۋۇرغۇسىدىن يارىتىلىشى، بەلكى بىر بىرىگە تېخىمۇ ئىجىل-ئىناق بۇلۇشى ئۈچۈندۇر، ئۇنى ئۆزىنىڭ ئەزاسى ھىساپلاپ، ئۇنى ئاسرىشى كېرەكلىكىدۇر، ئەرلەر شۇنىڭغا بەك ئۆزىمىزنى يوغان چاغلاپ كەتمەي، ھالىمىزغا بېقىپ ئىش قىلغىنىمىز، ئەر بولۇپ تۇغۇلغانلىقىمىزغا ئۆزىمىزنى جاھانغا پاتماي قالغاندەك ھىس قىلماي، ، ئاياللارنى پەس كۆرىدىغان، ئۇلارنى خارلايدىغان ئىشلاردىن يىراق تۇرىشىمىز لازىمدۇر. ئەرلەرنىڭ كۈيىمى بولمىغان دەۋردە، ئاياللارنىڭ بۇزۇلۇشى مۇقەررەر، ئاياللار بۇزۇلسا، ئائىلە بۇزۇلىدۇ، ئەرلەر بۇزۇلسا، جاھان - تۈگىشىدۇ. ۋاقتى : 2011-يىلى 6-ئاينىڭ 3-كۈنى جۈمە مۇنبەرگە يوللىغۇچى: ئوماق بارماقلىرىم.

sarsan@axik

	رەخمەت سىزگە

mihrim

	بەك ياخشى يېزىپسىز ... لېكىن جەمئيېتىمىزدىكى يەنە بىر قىسىم كېشىلەر بۇنى بىلمەيدۇ ...