يېرىم كېچىدە تورغا چىقىدىغان ئاياللار(ئەرلەر كۆرمەڭ)

زەپەر

	تورغا چىقىدىغان ئاياللارنىڭ ئىچىدە خىزمەت ئېھتىياجى ياكى پەقەت قىززىق بىلىنىپ چىقىدىغانلارنى ھېسابقا ئالمىغاندا، كۆپ قىسمىنىڭ ئازدۇر- كۆپتۇر يۈرەك سىرلىرى بولىدۇ. بولۇپمۇ دائىم يېرىم كېچىدە تورغا چىقىدىغان ئاياللارنىڭ ھېچكىمگە تىنمىغان غېرىپ سىرلىرى تېخىمۇ كۆپتۇر.  بۇ خىلدىكى ئاياللارنىڭ بەكمۇ چىرايلىق بولۇپ كېتىشى ناتايىن... بەلكىم ئۆزى تەسەللىي تاپقۇدەك، ئىشەنگۈدەك چىرايى بولۇشىمۇ مۈمكىن. ئەمما شۇنىسى ئېنىقكى، ئۇلار نازۇك ھېسسىياتلارغا باي كېلىدۇ. رېئال تۇرمۇشتا ئۇلار بەلكىم ئازدۇر - كۆپتۇر نەتىجە قازانغان بولۇشى، تەڭتۇشلىرى ئارىسىدا شەرەندازلاردىن بولۇشى، باشقىلارنىڭ نەزىرىدە قابىل ئايال سانالغانلار بولۇشى مۈمكىن. دوستلىرى ئارىسىدا ئۇلار قولىدىن ھەممە ئىش كېلىدىغان، يۈز- ئابرويلۇق ئاياللاردىن بولۇشى مۈمكىن. قارىماققا ئۇلار تۇرمۇشتا قەيسەر ئاياللار قاتارىدا سانىلىپ، قۇياش نۇرى ئاستىدا مەيدىسىنى كۆتۈرۈپ ماڭىدىغان ئاياللار بولۇشى مۈمكىن.      پەقەت يېرىم كېچە بولۇپ، جاھان تىمتاسلىققا چۆككەندىلا.... ئۇلار ھارغىن ھالدا، ئەينەكتىكى خىرە چىرايىغا ئۇھسىنىپ قاراپ، ئۈستىدىكى قەيسەر  لىك كىيىملىرىنى يېشىپ، ئېكران ئالدىدا، كۇنۇبكا تاختىسىغا قاراپ، تورغا... توردىكى ئىرماش- چىرماش ناتونۇش ئىسىملارغا ئۆزىنىڭ يۈرەك سىرلىرىنى... غېرىپ تۇيغۇلىرىنى تۆكۈشكە باشلايدۇ.   ئۇلار شۇنداق نازۇككىن، نۇرغۇن كىشىلەر چۈشىنىپ بولالمايدۇ. ئۇلارنىڭ تۆككەن ياشلارنى بەلكىم ھېچكىم كۆرمىگەن بولۇشى مۈمكىن. ئۇلارنىڭ مۇھەببىتى شۇنچىلىك كۈچلۈك بولسىمۇ بەلكىم باشقىلار ھېس قىلمىغان بولۇشى مۈمكىن.       ئەمما، ئۇلار قەلب دەرۋازىسىنى ئىشىكلىرىنى ساڭا ئاچقان چېغىدا، سەن شۇنچىۋالا قەيسەرلىكنىڭ تېگىدە شۇنچىۋالا ئاجىز، دەرتلىك يۈرەكلەرنىڭ يوشۇرۇنغانلىقىنى قاتتىق ھەيرانلىق ئىچىدە بايقايسەن... سەن ئۆزەڭنى تۇتۇۋالالمىغان ھالدا.. ئۇلارغا كۆيۈنىسەن. ئىللىق مېھرىڭنى بېرىسەن... ئۇنى ئۆزەڭمۇ ھېس قىلمىغان ھالدا ھىمايا قىلغۇڭ كېلىدىغان بولۇپ قالىسەن.   شۇنىڭ بىلەن سەن ئېھتىيات بىلەن، ئۇلار بىخەتەر ھېس قىلغۇدەك مەلۇم ئارىلىقنى ساقلاپ، ئۇلارغا خوشاللىق ئاتا قىلىشقا ئۇزۇن كېچىلەردە ئۇلارنى غېرىپلىق ھېس قىلدۇرماسلىققا تىرىشىسەن. مەنبە: ئېنتىرنىت

dilroh

	مەن بەزىدە نىمە ئۈچۈن تورغا چىقىۋاتقىنىمنى بىلمەيلا قالىمەندە      كۈندۇز ئىشخانىدا  تور بىلەنلا ھەپىلىشىمەن خىزمەت شۇ ```   كىچىسى ئۆيگە كەلسەم   قىلغۇدەك باشقا ئىش يوق بىردەم تېلېۋىزور كۆرۈپ ئۇنى بۇنى كۆرۈپ يەنە تورغا چىقىۋالىمەن بىرە سائەت بولسىمۇ ئۇخلاپ قالمىساملا   كىنو كۆرۈپ مۇنبەر كۆرۈپ  توردا بار يىقىن كىشللىرىم بىلەن ئاز پاز سۆزلىشىپ رادىئو ئاڭلاپ مۇشۇ ئىشلارنى قىلىدىكەنمەن كىچىسى ئۆيدە تورغا چىققاندا

jahandar

	ئەرلەر چۇقۇم كۈرۈڭ دىگەن بولسىڭىز كۆرمەستىم.

anar

	ئېسىمگە نىقابلىق تانسا دىگەن كونا بىر كىنو كېلىپ قالدى دىسە ....

guldana

	بۇ خىلدىكى ئاياللارنىڭ بەكمۇ چىرايلىق بولۇپ كېتىشى ناتايىن... بۇ گەپنىڭ ئىلمىي ئاساسى قانچىلىكتۇر

zulala

	سىزنىڭ بۇ گەپلەرنى توردىن كۆچۈرۋالىگىنىڭىزنى بىلسەممۇ،سىزگە سەل ئاچچىغىم بار.مېنىڭچە كېچىسى تورغا چىققان ئاياللارنىڭ ھەممىسى سىز دىگەندەك بۇلىشى ناتايىن.

anar

	مۇشۇ تېما يوللىنىپ كېچىسى مۇنبەرگە قىزلىرىمىز يۈرەكلىك كىرەلمەس بوپ قالدى جۇمۇ

مەرۋەرى

	anar يوللانغان ۋاقتى  2011-يىلى 6-ئاينىڭ 1-كۈنى 00:12 مۇشۇ تېما يوللىنىپ كېچىسى مۇنبەرگە قىزلىرىمىز يۈرەكلى ... شۇنى دەڭە، بىزدەك غەيرەتلىك بولمامدۇ دەيمەن،چىرايلىق ئەمەس، دىسە چىرايلىق ئەمەس دەپ يۈرىۋەرمەمدۇق، يا بىزنى مۇنبەر مودىللىققىغا تاللىمىسا، يا گۈزەللەرنى تاللاش مۇسابىقىسىگە قاتناشتۇرمىسا

anar

	مەرۋەرى يوللانغان ۋاقتى  2011-يىلى 6-ئاينىڭ 1-كۈنى 00:16 شۇنى دەڭە، بىزدەك غەيرەتلىك بولمامدۇ دەيمەن،چىرايلى ... شۇنى دەڭە ، ھەممىسى شۇنداق بولۇپ كەتمەيدۇدە ...سىزدەكلەرمۇ بار ، مەندەك ئەقلىنى لال قىلغۇدەك گۈزەللەرمۇ بار كېچىسى تورغا چىقىدىغان

خۇشچىراي

	ھاھاھاھاھا ئانار ،قاتتىق قىززىقچى جۇمۇ سىز ،مەرۋەرى ئىككىڭلارنىڭ ئىنكاسلىرىڭلارمۇ كىشىنى شۇنداق خوش قىلىدۇ بەزىدە .