بەختلىك بول ئەزىزىم

xakilat

	ئەگەر سەن ياشلىقىڭدا بىراۋنى ياخشى كۆرۈپ قالدىڭمۇ، ئۇنى قەدىرلە، ئۇنىڭغا ياخشى مۇئامىلىدە بول! ۋاقىتنىڭ ئۇزۇن ياكى قىسقا بولۇشىدىن قەتئى نەزەر ئۇنىڭ بىلەن ئۆتكەن ھەر-بىر مىنۇتنى قەدىرلە!  شۇنداق بىر كۈنلەر كېلىپ ئايرىلىشقا توغرا كەلسە، سەن ئۇنىڭغا دۈشمەنلەرچە قارىمىغىن، ئەكسىچە ئۇنىڭغا <رەھمەت> ئېيتقىن، چۈنكى،ئۇ ساڭا  تولىمۇ شېرىن ئەسلىمىلەرنى قالدۇردى، ئەمەسمۇ؟! مەن سېنىڭ بىلەن مەڭگۈ ئەشۇ  يېزىنىڭ توپىلىق يوللىرىدا قول تۇتۇشۇپ  مېڭىشنى، قۇشلارنىڭ سايراشلىرىنى بىللە ئاڭلاشنى، ساپ ھاۋادىن قانماي نەپەس ئېلىشنى  بەكمۇ، بەكمۇ ئارزۇ قىلاتتىم، ئەپسۇس....... تۈنۈگۈنكى سىم- سىم يامغۇردا  يېنىمدىن بىر جۈپ قىز يىگىت كۈنلۈك كۆتۈرگەن ھالدا ئۆتۈپ كەتتى، مەن تاكى ئۇلارنىڭ قارىسى يۈتكىچە قاراپ تۇردۇم،  چۈنكى،  ئۇ كۈنلۈك ئاستىدىكى يىگىت دەل سەن ئىدىڭ ئەزىزىم! كۆز ئالدىمدىن سەن بىلەن ئايلانغان يامغۇرلۇق كۈنلەر كەلدى، سەن قۇلۇقۇمغا ئاستا شىۋىرلاپ: < جېنىم، مەن سەن بىلەن بىر ئۆمۈر مانا مۇشۇنداق يامغۇرلۇق كۈنلەردە بىللە كوچا ئايلانسام نىمدىگەن ياخشى ھە!> دىگەن سۆزلىرىڭ كەلدى، ئەپسۇس ........ مۇھەببەت دىگەن بۇ ئۇقۇمنىڭ قانداق، نەدە پەيدا بولغانلىقىنى بىلمەيمەن، ئەمما، مۇھەببەتنىڭ ئىككى يۈرەكنىڭ بىر- بىرىنى سېغىنغان ئەشۇ ئوتلۇق يۈرەكلىرىنىڭ چوڭقۇر يېرىدە بولىدىغانلىقىنى بىلىمەن، بىر چاغلاردا مەنمۇ بۇ شۇ مۇھەببەت دېڭىزىدا غەرىق بولغان ئىدىم، سېنى سېغىناتتىم، سېنىڭ ھەر- بىر ئېغىز سۆزۈڭنى ئەسلەيتتىم، يادلايتتىم. ھەر كۈن ئاخشىمى ئاسماندىن ئىككىمىزنىڭ بەخت يۇلتۇزىمىزنى ئىزدەيتتىم، تاپالمايتتىم. ئەزىزىم! بۈگۈنمۇ يەنە يالغۇز ئولتۇرۇپ كونا ئالبومنى ۋاراقلىدىم، سەن بىلەن ئۆتكەن ئەشۇ خوشال كۈنلەرنىڭ يالدامىسى بولغان سۈرەتلەرگە قاراپ ئولتۇرۇپ  ئۆتمۈشىمنى، سەن ماڭا قالدۇرۇپ كەتكەن گۈزەل ئەسلىمىلەرنى ئەسلەپ ئولتۇرۇپتىمەن. يالغۇزلۇقۇمدا  ماڭا ھەمرا بولغۇدەك گۈزەل ئەسلىمە قالدۇرغىنىڭغا رەھمەت! بەختلىك بول ئەزىزىم! مەنبە: ئۆزۈم ئۇزۇندىن بېرى زىيارەت قىلىپ كەلگەن بۇ مۇنبەرگە بۈگۈن ئەزا بولۇپ، يالغۇزلۇقۇمدا ئويغانغان ھېسسىلىرىمنى، ئاددى بولسىمۇ ئىلھامىمدىن پۈتۈلگەن يازمىلارنى دوستلار بىلەن ئورتاقلىشاي دەپ كىردىم.

مەرۋەرى

	شاكىلات قىزنىڭ قاتارىمىزغا قوشۇلغانلىقىنى قىزغىن تەبىرىكلەيمەن! ئېسىل يازمىلىرىڭىز ئۈزۈلمىگەي!

leyli

	ھەر كۈن ئاخشىمى ئاسماندىن ئىككىمىزنىڭ بەخت يۇلتۇزىمىزنى ئىزدەيتتىم، تاپالمايتتىم. مەنمۇ تولا ئىزدەپ ئاخىرى يۇلتۇزسىز ئاسمانلارغا كۆنۈپ قالدىم

ئاھۇ

	شۇنداق تەبىئىي،سەمىمىي تۇيغۇلاركەن بۇ....

anar

	ئەسلىمىلەر بىلەن ئۆتۈشتىنمۇ ئازابلىق ئىش بارمۇ ؟ ئەسلىمىلەردىن بىزارمەن ....

ئاھۇ

	ئانارخان ئۇندا دېمەيلى...بەزىدە ئەسلىمىمۇئادەمنىڭ روھىنى تىرەپ تۇرىدۇ جۇمۇ

ئوماق

	ئەسلىمە ئەڭ شىرىن ھەم ئەڭ ئازاپلىقتۇر ... ئۆزىگە تەۋە بولمىغان ئەسلىمىلەرنى ئۇنتۇش كېرەك.

MARS-500

	تۇنجى مۇھەببەت-تۇنجى سۆيگۈ..........قىزلار ئۈچۈن ئابى زەم-زەم كەۋسەردۇر! ئۇ دۇنيا-بۇ بۇدۇنيا تىگىشكۈسىز قىممەتلىك گۆھەردۇر!

گۈلسەنەم

	‹قاغىش تەككۈر تۇنجى مۇھەببەت› مۇشۇنداق بىر ھېكايىنى نەدە ئوقۇغانلىقىم ئېسىمدە يوق، راست تۇنجى مۇھەببەتتىكى شېرىن ئەسلىمىلەرنى ئۇنۇتۇش ئۇنچىمۇ ئاسان ئەمەس

MARS-500

	مۇھەببەتنىڭ دەشتە-چۆل،باياۋانلىرىدا قىلىپ كۆل سۇيى ئىچمىگەن كىم بار دەيسىز................!