بايرىمىڭغا مۇبارەك، ئانا!

مەرۋەرى

	سالام ساڭا ئانا! ۋاقىت نىمانچە تېز ئۆتكەن،  كۈنلەر- كۈنلەرنى قوغلاپ، ئايلار- ئايلارنى قوغلاپ، يەنە بىر يىل ئۆتۈپ، سېنىڭ بايرىمىڭ، يەنى<<ئانىلار بايرىمى>>مۇ كېلىپ قاپتۇ. مەن يەنە مۇشۇ ئاددى يازمام، قۇرۇق تەبرىكلىرىم بىلەن ئەتتىكى بايرىمىڭنى تەبرىكلىمەكچىمەن! رۇخسەت قىلغىن! ئانا، مانا مەنمۇ ئىككى بالىغا ئانا بولدۇم، مەن ھەر قېتىم بۇ بەڭۋاشلار گەپ ئاڭلىماي مېنى ئارتۇقچە قاقشاتقان چاغلاردا سېنىڭ قەدىرىڭگە شۇنچىلىك يېتىمەن. جېنىم ئانا، مەن ئىككى بالىنى باشقۇرالماي شۇنچىلىك ھېرىپ- چارچاپ كېتىمەن، ئەمما، سېنىڭ  شۇ چاغلاردا بىر تەرەپتىن ئاغىرىق ئاكامنىڭ ھالىدىن خەۋەر ئېلىپ، يەنە بىر تەرەپتىن بىز ئۈچ بالىنىڭ ھالىدىن خەۋەر ئېلىپ يەنە تېخى دادام ۋە ئۇنىڭ ئايىقى ئۈزۈلمەس مېھمانلىرىنى كۈتۈپمۇ، بىرەر قېتىم ۋايسىغىنىڭنى ئاڭلاپ باقماپتىكەنمەن. ئانا، سېنىڭ پېشانەڭگە خۇددى ئاغىرىق بېقىش پۈتۈلگەندەك، مانا ئەمدى بەش يىلدىن بۇيان يېرىم جان بولۇپ قالغان شۇ دادامنىڭ ھالىدىن خەۋەر ئېلىپ كېلىۋاتىسەن، سېنىڭ سەبرىڭگە ھەيران قالىمەن، بۇ بەش يىلدىن بېرى سەن نە توي- تۆكۈن، نە نەزىر- چىراق، نە دوستلار يىغىلىشى، نە تۇغقانلار يىغىلىشى، نە قاتار چايغا بېرىپ باقمىدىڭ. لېكىن سەن بىرەر قېتىم ۋايساپ باقمىدىڭ، دادامغا دوق قىلىپمۇ باقمىدىڭ. ھەتتا، دادامنىڭ ئاغرىقىنى دەپ قېرىندىشىڭنىڭ نامىزىغىمۇ بارالمىدىڭ، بىزنى ياق ، دادامنى ئاياپ باشتا ئۆزۈڭنى شۇنچىلىك تۇتىۋالدىڭ، ئەمما يەنىلا يىغلىدىڭ. شۇ كۈنى مەن مۇشۇ ياشقا كىرىپ سېنىڭ تۇنجى قېتىم ئۈن سېلىپ يىغلىغانلىقىڭنى ئاڭلاپتىمەن. قېرىندىشىڭ ئۈچۈن قانچىلىك ئازاپلىنىۋاتقانلىقىڭنى بىلىپ تۇرساممۇ، ئەمما ساڭا ھېچنەرسە قىلىپ بېرەلمىگەنلىكىمدىن ھازىرغىچە ئۆكۈنىمەن. ئاپا، دەپ كەلسەم گېپىم بەك جىق، سېنىڭ ۋاقىتسىز ئاقارغان چاچلىرىڭغا قاراپ شۇنچىلىك ئازاپلىنىمەن، يۈزلىرىڭدىكى ئاشۇ سانسىز قورۇقلارنى كۆرسەم يۈرەكلىرىم ئېچىشىپ، كۆز چاناقلىرىم نەمدىلىدۇ، ئەمما سېنىڭ مەندىن ئەنسىرەپ قېلىشىڭدىن ئەنسىرەپ ياشلىرىمنى بوغۇزۇمغا يۈتىمەن. - بالام، چۈشكە تاماق قىلغان بىللە يەيلىمىكىن دەپ تېلىفۇن قىلدىم. ھەر قېتىم مۇشۇنداق مېھرىبانلىق بىلەن ئېيتىلغان سۆزلىرىڭنى ئاڭلىغىنىمدا، ئانىلارنىڭ يۈرىكىنىڭ مەڭگۈ پەرزەنت ئۈچۈن سوقۇدىغانلىقىغا شەكسىز ئىشىنىمەن ۋە سېنىڭ مانا مۇشۇنداق كۆيۈمچانلىقىڭنىڭ، جۈپتىڭگە بولغان ۋاپادارلىقىڭنىڭ ماڭا ئۇدۇم بولۇپ قېلىشىنى ئۇلۇغ ئاللاھتىن تىلەيمەن! ئانا، بايرىمىڭغا مۇبارەك بولسۇن! ئۇلۇغ ئاللاھ ساڭا ئۇزۇن ئۆمۈر ئاتا قىلسۇن! مۇبارەك تېنىڭ سالامەت بولسۇن!

dilroh

	ئانا ھەممىگە چىدايدۇ ھە  شۇنداق چىدامچانلىقى يۇقىرى ئىكەنكى شۇنداق ھەيران قالىمەن ئانامغا ۋە ئانىلارغا قاراپ كونىلار ئالتۇن باش داداڭ بىلەن قالغۇچە  پاخما باش ئاناڭ بىلەن قال دەپ بىكار ئىيتماپتىكەن مەن 6 بالا  8 كەنمۇز ئەسلى  2 ئاكىمىز 1-2 ياشلاردا تۈگەپ كىتىپتىكەن 6 بالىنى بىقىپ ئوقۇتۇپ يەنە  نەۋرىلەرنىمۇ بىقىپ  ````` ھازىرقى ياش ئانىلار بالىنى باقالماي ھە دىسىە ئانىسىغا تاشلاپ بىرىپ ئانىلار بايرىمىڭغا  ۋە بارلىق ئانىلارنىڭ بايرىمىغا مۇبارەك بولسۇن !! ھاياتلارنىڭ ئۆمۈرىنى ئۇزۇن قىلسۇن ! كەتكەنلەرنىڭ گۇناھلىرىنى مەغپىرەت قىلسۇن ياتقان جايىنى ئاللاھ كەڭرى قىلسۇن ! مۇنبەردىكى ئانىلار سىلەرنىمۇ بايرىمىڭلارغا مۇبارەك

anar

	ئاپامنى يوقلىمىغىلى بىر ھەپتە بوپتۇ ....ئەتە خۇدايىم بۇيرىسا بايرىمنى تەبرىكلەپ چىقاي بارلىق ئانىلارنىڭ بايرىمىغا مۇبارەك !

ayqiz

	ۋەي ئاپامما ! _ ھە مەن ، نىم بولدى ئەتىگەندە تېلفون قىلىپ قاپسەڭغۇ ؟ _ ھىچ ئىش بولغىنى يوق ،شۇ ‹‹ ئانىلار بايرىمىنى ››مۇبارەكلەپ تېلفون قىلغان ئىدىم . _ رەخمەت !سەنلا تېنچ بولساڭ ماڭا كۈندە بايرام ، چۇشلۇك تاماققا كېلەمسىلەر ؟! _ ھەممىمىز بارىمىز . _ ئۇنداق بولسا مەن تاماققا تەيارلىق قىلىپ تۇرسام ،سەن ئىشلىرىڭنى تۈگۈتۈپ بالىلىرىڭنى ئېلىپ كەلگىن . _ بولىدۇ ، خوش! (بۇ دۇنياغا ئاپامنى ئەنسىرتىش ئۈچۈنلا تۇغۇلغاندىمەنمۇ دەپ قالىمەن بەزىدە )

dilroh

	ayqiz يوللانغان ۋاقتى  2011-يىلى 5-ئاينىڭ 8-كۈنى 09:34 ۋەي ئاپامما ! _ ھە مەن ، نىم بولدى ئەتىگەندە تېلفون ق ... مۇندا دېگەن بولسىڭىز بەلكىم نىم بولدى ئەتىگەندە تېلېفون قىلىپ قاپسەنغۇ دىمەستى بەلكىم ئەسسالام ئەلەيكۇم ئاپا  بايرىمىڭغا مۇبارەك بولسۇن   ۋەلەيكۇم ئەسسالام  رەھمەت بالام !

مەرۋەرى

	بۈگۈن ئاپامنىڭ ئۇنىمىغىنىغا قويماي، قىسمەت ئىككەيلەن ئىككى قولىدىن يېتىلەپ ئاددى بولسىمۇ بىر ۋاق تاماققا مېھمان قىلۋالدۇق، شۇنداق خۇش بوپ كەتتى . ئاپامنى ئالغىلى دوختۇخانىدىن چىقىپ يولدا گۈللەرنى كۆتۈرۈشۈپ كېتىۋاتقانلارغا  قاراپ كېلىۋېتىپ،  قارىسام يول بويىدا توختىغانلا ماشىنىغا قاراپ بىر ئايال تۇرىدۇ، بۈگۈن ئازراقلا ياسىنىپتىكەن تونىمايلا قاپتىمەن ، تازا سەپسېلىپ قارىسام ئاپام ئىكەن، مېنى كۆرۈپ شۇنداق خۇش بولۇپ كەتتى.ئويلاپ باقسام ئانىلارنىڭ كۆڭلى مانا مۇشۇنچىلىك كىچىككىنە نەرسىلەردىلا خۇش بولىدىكەن، ئەمەسمۇ؟

dilroh

	مەرۋەرى يوللانغان ۋاقتى  2011-يىلى 5-ئاينىڭ 8-كۈنى 22:24 بۈگۈن ئاپامنىڭ ئۇنىمىغىنىغا قويماي، قىسمەت ئىككەيلەن  ... شۇنىڭ دەڭە مېنىڭ ئاناممۇ ئۇنماي  تاماق يەپ كېرەيلى دىسەك كىچىك ئاچام مەن بىر مېھمان قىلۋالاي ئاز بولسىمۇ دىسە سىلە بىرىپ كېلىڭلار دەپ قەتئىي ئۇنىمىغان  ئاكام ھەممىڭ كتىشسەڭ ئانام قانداق قىلىدۇ ئانام بارمىسا مەنمۇ بارمايمەن دەپ بىر ۋاقىرغان   ئانام ئاكاڭ مەن بارسام بارامدىكەن دەپ ھە ئە  سېنى بارمىسا بارمايمەن دەپ ئولتۇردۇ دېسەم ماڭدى ھى ھى ئاكام ياماندە