پىچاق ئاسقان ئەر

ayqiz

	غوجىمۇھەممەت مۇھەممەت زور بەدەل تۆلەر دىل ئەسلەشكە بىر رەت، ئۇنىڭ شاپ بۇرىتىنى تولغاشلىرىنى. ئۇنتۇشچۈن بىر ئۆمۈر قىينىلار ئادەم، ئۇنىڭ كۆك يالقۇنلۇق چوڭقۇر كۆزىنى. رەستىنى تىرىتىپ كېلەر ئۇ گۈس گۈس، ئۆلگىلى ماڭغاندەك ئۆلتۈرگىلى ھەم. كۆڭلىكى ۋەرت – ۋەرت يىرتىلىپ تۇرار، چىڭقالغان بەستىگە چىدالماي ھەردەم. سەن كىم دەپ سوراشقا بولمايدۇ ئەسلا، ئۇنىڭچۈن ئانا يەر بېرىدۇ جاۋاپ : ئۇ يۈز يىل بۇرۇنقى پىچاق ئاسقان ئەر، ۋە يۈز يىل كىيىنكى ئەسلەنگەن ئازاپ.

dilroh

	دېمەكچى 100 يىل بۇرۇنقى ئەرلەردىكى روھ  ھازىرىقى ئەرلەردە يوق دەپ چۈشەندىمغۇ

سامسىپەز

	ھازىر بىرەر نەرسە كېسىدىغان، ئۈزىدىغان ئىش بوپ قالسا تىرناق ئالغۇچ  ئىزدەپ كېتىمىز......

مەلەك

	ئەسسالامۇئەلەيكۇم ،مەن غوجىمۇھەممەت مۇھەممەتنىڭ شئىرلىرىنى بەك ياخشى كۆرەتتىم،بۇ شئىرنى ھەر كۆرسەم ئىچىم ئاچچىق بوپ قالىدۇ،چۈنكى ھازىرقى يىگىتلىرىمىزنىڭ يانچۇقىدىن ئەينەك بىلەن تاغاق چىقىدىغان بوپ كىتىپتۇ خوتۇن كىشلەردەك

دىلەيسەم

	مەلەكنىڭ ئىنكاسنى ئوقۇپ، ھەقىقەتەن ئىچىم ئاچچىق بولدى، چۈنكى مەنمۇ ئاممىۋى ئاپتۇبۇسلاردا بىر نەچچە قېتىم مۇشۇنداق ئەھۋالنى ئۇچراتقان ئىدىم

arman-taxkin

	ئۇنچىۋالامۇ بۇلۇپ كەتمىدۇق تىخى . لىكىن بۇ شىئىر ئادەمنى ھەقىقەتەن چۇڭقۇر ئۇيغا سالىدۇ .

قەھۋە

	ماڭا ئوخشاش جەنۇبىي شىنجاڭنىڭ قەيىرىگىلا بارساڭلار پىچاق ئەكىلىپ سوۋغا قىلىڭلار، يېنىدىن ئايرىماي ئاسىدىغان بولىدۇ. قارىسىڭىزمۇ بىرخىل ھەيۋەت، ھەقىقى ئەركەكتەك تۇيغۇ بېرىدۇ.   ئەرلىرىمىز پىچاقنى بولسىمۇ ئېسىپ قويۇڭلار، ئۇيغۇرلىرىمىزنىڭ روھى كۆتۈرۈپ تۇرسۇن!! بۇ شېئىر ھەقىقەتەن ياخىشى يېزىلىپتۇ.

گۈلسەنەم

	بۇ شېئىرنى ئوقۇپ شىنجاڭ مەدەنيىتىنىڭ ئالدىنقى يىللىق سانلىرىدا ئوقۇغان<< يولۋاس ئۆلتۈرگەن ئەزىمەت ۋە كىر يۇيىۋاتقان ئەر>> نامىلىق ئەسەر يادىمدىن كەچتى!