[7يىگىت]يەتتە قىز كۈندىلىك خاتىرىسى

7YIGIT

	مەن بۈگۈن بىرسىنى بوزەك قىپ-قويدۇم. چۇۋۇلۇپ ئولتۇرىدۇ ھازىر ، قانداق قۇراشتۇرىشنى بىلمەيۋاتىمەن ھازىر .. داۋاملىق چۇۋايمۇ-يە ، ئويلىشىپ قېلىۋاتىمەن .. بەرداشلىق بېرەلەرمۇ ..

قەھۋە

	يەتتە يىگىتنىڭ چۇۋۇپ قويغان نېمىسىگە ھەجەپ قىزىقىپ قېلىۋاتىمەن.     كۈندىلىك خاتىرىگە بىر نېمە تىزمىغىلى نەچچە كۈنلەر بولۇپ كەتتى. بۇ ئالدىراشچىلىق كۈنلەرنىڭ قاچان ئاخىرى چىقار، دەپ ئويلايمەن. شەنبە-يەكشەنبە كۈنى بىردەم-يېرىمدەم ئارامچىلىق يوق. يولدۇشۇم ئىشلەپلا، ئىشلەپلا. ئۇ بالىلار يا تۈركۈم-تۈركۈملەپ ئىچكىرى تولۇق ئوتتۇرىغا مېڭىپ كەتكىنى يوق. مۇشۇ بىر بالامنىڭ ھۆددىسدىن چىقىپ بولالماي ھېرىپلا كېتىمەن. جۈمە كۈنى كەچتە بىر كىرىپ كەتسەم (ئالاھىدە ئىشلار بولمىسلا)دۈشەنبە كۈنى ئەتىگەن چىقىمەن ئۆيدىن. تۈنۈگۈنمۇ بىر كۈن ئۆي ئىشى بىلەن بوپتىمەن، بىردەم بىكار بولغىنىمنى بىلمەيمەن. نېمە دېگەن تۈگىمىگەن ئىش بۇ دەپ كەتتىم. بۇلۇڭ-بۇلۇڭنى قېزىپ قىلسىڭىزمۇ تۈگىمەيدىكەن، بەكلا ھاردىم.  ياخىشى يولدۇشۇم ھەمكارلاشتى. شاھزادەمنىڭ يۆتىلى ساقايماي، بىچارىگە ئۇرمىغان ئوكۇل قالمىدى. باغچىغا بىر كۈن بارسا بەش كۈن ئارام. خىزمەتدىشىم سوۋغا قىلغان كونا بىر كىتاپ بولىدىغان، شۇنىڭدىكى رېتىسپ بويىچە يەرلىك توخۇنىڭ ئۆتىنى يىگۈزۈپ باقايلى دەپ يېرىم كۈن شۇ نېمە بىلەن ھەپىلەشتۇق. بالا ئاغرىسا با جاپا ئاپامغىلا بولغان. قېيىنئانام دېگەن ئايال ھەي...ئويلىساملا بەك ئاچچىقىم كېلىدۇ. بوپتىلا ياشنىپ قالدى، دەپلا ئۆزەمنى بەزلەيمەن. 平方 بولغاندىكىن ئەكىلىڭلار، يەتتە بالىنى باققان مەن، بىر دورا قىلىپ قوياي، دەپ يەرلىك دورا قىلىپمۇ قويمىدى. ئاغزىدا كۆيسىلا ھېسابمۇ؟ (قەشقەرلىق دېگەنگە يولۇقامدىغان)... بۇنداق گەپلەرنى ئاممىۋى سورۇندا پەقەت دېمەيتىم مەن، ئەمما كۈندىلىك خاتىرە بولغاچقا ئىچىمنى بوشىتاي، دەپ تۆككۈم كەلدى.    خۇدايىم، شاھزادەمگە بالدۇرراق شىپا ئاتا قىلغاي.

anar

	بۈگۈن چۇۋۇلغان مەنلىمىكىن دەپتىمەن تېخى ... خەير-خوش ، مېنىڭ ئالدىراش ئەمما خوشال ئۆتكەن دۈشەنبەم ! بۇمۇ بەلكىم ئۇنتۇلماس خاتىرلىرىم بېتىگە قىستۇرۇلغۇسى   [ anar بۇ يازمىنى  2011-يىلى 4-ئاينىڭ 11-كۈنى 23:25  دە تەھرىرلىگەن. ]

دىلەيسەم

	سالام يەتتە قىز: ئۇزۇن بولدى ۋاقتى- ۋاقتىدا يوقلىيالمىدىم ،ئالدىڭدا ئۆزۈرلىكمەن! بۇ بىر نەچچە كۈن كەيپىياتىم تازا ياخشى ئەمەس، ئويلاپ باقسام بەزى ئىشلاردا يەنىلا ئېھتىياتچانراق بولمىسام، سەگەكرەك بولمىسام بولمىغىدەك. ھەدىدىن ئاشقان ئاق كۆڭۈللىكمۇ بەزىدە ئادەمنى چارچىتىپ قويىدىكەن.

anar

	كېچىدە كەلگەن ئۇچۇر ئۇيقۇمنى قاچۇردى ....ئېسىمگە ياخشى كۆرىدىغان كىتابىمدىكى بىر بۆلەك كېلىپ قالدى ، بۇ ھازىرقى كەيپىياتىمغا بەك چۈشىدىكەن ئادەملەر ئۆزى بىللە تۇرغان ، ياشىغان ئادەملەر بىلەن كۆرۈنمەس رىشتە بىلەن باغلىنىدىكەن ،ھەر بىر قېتىملىق ئايرىلىش بۇ كۆرۈنمەس رىشتىلارنى ئۈزۈپ ، ئۈزۈلگەن ئىسكىرىپكا تارىسدەك  ئايرىم ئايرىم ھىجران ئويغۇتارمش

hilal

	ئادەملەر ئۆزى بىللە تۇرغان ، ياشىغان ئادەملەر بىلەن كۆرۈنمەس رىشتە بىلەن باغلىنىدىكەن ،ھەر بىر قېتىملىق ئايرىلىش بۇ كۆرۈنمەس رىشتىلارنى ئۈزۈپ ، ئۈزۈلگەن ئىسكىرىپكا تارىسدەك  ئايرىم ئايرىم ھىجران ئويغۇتارمش بۇ جۈملە ماڭىمۇ بەك چۈشىدىكەن ، ھاياتىمدىكى ھىجرانلاردىن بىچارە يۈرىكىم ....

hilal

	مۇنبەردىكىلەرنى شۇنداق سېغىنىپتىمەن .... خاتا چۈشىنىشلەردىن ئەنسىرەپ دىمىگەنلىرىم تېشىمۇ چوڭ خاتا چۈشىنىشلەرنى پەيدا قىلىۋاتىدۇ ، قورقۇش ، ئەندىشە ، پۇشايمان ۋە ئاللىقانداق مۇرەككەپ ھىسسىياتلار .... ئۇھ ، ھەممىنى بىر ئولتۇرۇشتا سۆزلەپ ئىچىمنى بوشاتقۇم بىراقلا ھەل قىلغۇم بار ، ئەمما يەنىلا توغرا چۈشىنىلمەيدۇ ....قاچانمۇ كۆڭلۈمنى چۈشىنەر بۇلار ....

jahandar

	تۇنۈگۈن بىر كۈن سەپەردە بوپتىمەن، قانداق بولۇپ چىقىپ قالدىم بۇ ئاپتۇبۇسقا،ساپلا پۇت پورايدۇ،سېسىقچىلىقتا پۇراش سىزىمىمنىمۇ يوقاتقىلى ئازلا قاپتىمەن،ئۆيگە كىلىپ قارىسام بۇرنۇمنىڭ تۈكلىرى چارلىشىپ چۈشۈپ كىتىپتۇ

neyime

	بۇگۇن تۇيۇقسز كۆڭلۇم ھەجەپ يېرىم بۇلۇپ كەتتى ،ئۆزەمنىڭ ھازىر قىلىۋاتقان ئىشىمنىڭ توغرا ياكى خاتالىقىنى پەقەتلا ھىس قىلالمايۋاتىمەن ،ئۇلۇغ ئاللاھدىن ياردەم تىلەيمەن !

دىلەيسەم

	بىز بىر ئائىلە كىشىلىرى زۇكامنىڭ بوزەك قىلىشىغا ئۇچرىدۇق كۆڭلۈمدىكى تۈگۈشلەر يېشىلىپ ئۆزۈمنى شۇنداق ئازادە ھېس قىلۋاتىمەن، ياخشى كۆرگەن ئادىمىنى باشقىلاردىن قورۇش بەزىدە شۇنداق لەزەتلىك تۇيۇلغان بىلەن، بەزىدە بەكلا ئازاپلىق ئىكەن. گەرچە قارشى تەرەپكە شۇنداق ئىشەنسەممۇ، يەنە نىمىشقىكىن ئۇنى ھەممە، ھەممىدىن قورۇغۇم كېلەتتى،قايسى بىر ناخشىدا ئېيتىلغىنىدەك: <مەن سېنى كۆزلەرىمدىن قىزغانىمەن>>،  بۇ مۇھەببەتتۇر بەلكىم، مەن بۇ خىل مۇھەببەتنىڭ قارشى تەرەپنى چارچىتىپ قويىدىغانلىقىنى بىلىپ تۇرساممۇ، بەزىدە كۆڭلۈم مەيلىمگە قويمايتتى. كەچۈر جېنىم سېنى بەكلا چارچىتىۋەتتىم، بىراق مېنىمۇ چۈشەنسىكەن دېگەن ئۈمىتتىمەن، بۇ مۇرەككەپ جىمىيئەت، مۇرەككەپ مۇناسىۋەتلەر ئىچىدە گاڭگىراپ قالدىم، بۇنداق قىلىشىم ئۆزۈمگە ياكى ساڭا ئىشەنمىگەنلىكىم ئەمەس، پەقەت ۋە پەقەت سېنى سۆيگەنلىكىم، سېنى يوقۇتۇپ قويۇشتىن قورقانلىقىمدىن، مېنى چۈشەنگىن! سېنى بىر ئۆمۈر سۆيىمەن!