يامان بولدى

dilroh

	يامان بولدى ئابدۇخالىق ئۇيغۇر ئېزىلدى يار دەردىدە يۈرەكلەر پارچە ، قان بولدى ، كۆزۈمدىن كەتتى يار ، گويا ماڭا ئاخىر زامان بولدى . پەلەكنىڭ دەستىدىن پەرياد ، مېنىڭ يارىم قايان بولدى ، قېلىپ سەھرادا يالغۇز ، ۋاي ، ئىشىم ئەمدى يامان بولدى . جېنىمنىڭ دەردىدە بولدى كۆڭۈللەر غەم ، ئەلەم كانى ، يوقالدى بۇ كۆڭۈلنىڭ ئۇ ئىشەنگەن ماھى تابانى . بولۇرمۇ ھىممىتى ۋىجدان بۇ ئىشتا دەردى ، دەرمانى ، قېلىپ چۆللەردە يالغۇز ، ۋاي ، ئىشىم ئەمدى يامان بولدى . ئېغىر بىر دەرد ئىكەن يارنىڭ پىراقى ، كۆيۈكى ھىجران ، خىيالى ، پىكرى يادىدا كۆيۈپ جان قالمىدى دەرمان . جېنىمدىن ئاجرىغان كۈن بۇ تىرىكلىك بولدى بىر ئالۋاڭ ، قېلىپ چۆللەردە يالغۇز ، ۋاي ، ئىشىم ئەمدى يامان بولدى . كۆڭۈلدە يارنىڭ دەردىدىن ، غېمىدىن باشقا بىر ئىش يوق ، قادالدى ھەر كۈنى ئۇشبۇ يۈرەككە يۈز تۈمەن مىڭ ئوق . ئەجەپمۇ بىچارە بولدۇم مەن ، لېكىن ئەسلا ئىلاجىم يوق ، قېلىپ سەھرادا يالغۇز ، ۋاي ، ئىشىم ئەمدى يامان بولدى . ئاچىل ناملىق توپلامدىن

anar

	رەھمەت ساقام ...ئابدۇخالىق ئۇيغۇرنىڭ شېئىرلىرىنى بەكمۇ ياقتۇرىمەن ، بولسا يىغىپ توپلام قىلىپ قويغايسز

قەھۋە

	بەك ياخىشى يېزىلغان شېئىركەن!   ھەقىقەتەن يامان بولدى...

saye

	ئالىجاناپ غايە ، يۈكسەك تالانت ، ئېگىلمەس - سۇنماس قەيسەر ئىرادىگە ئىگە ۋەتەنپەرۋەر ‏- ئابدۇخالىق ئۇيغۇر 1901- يىلى 2- ئاينىڭ 9- كۈنى تۇرپان  يېڭىشەھەردىكى ئابدۇراخمان مەخسۇم ئائىلىسىدە دۇنياغا كەلگەن . 1933-يىلى 3-ئاينىڭ 13-كۈنى جاللات شىڭ شىسەي   مەرھۇمنى  سەپداشلىرى بىلەن قوشۇپ ، جازا مەيدانىغا ئېلىپ چىقىپ  ، ۋەھىشىيلىك بىلەن چېپىپ ئۆلتۈرۋەتكەن . ئابدۇخالىق ئۇيغۇر بوينىغا قىلىچ ئۇرۇلغاندا : « ياشىسۇن ئەركىنلىك ! » ، « ياشىسۇن ئازادلىق ! » دەپ ياڭراق شۇئار توۋلاپ قەھرىمانلارچە قۇربان بولغان .

anar

	پەرياد دەپ بىر شېئىرى بولىدىغان ، بىلىدىغانلار يوللاپ قويۇڭلارچۇ

arman-taxkin

	بۇشېئرنى ئوقۇپ ئۆز-ئۈزۇمگە تەسەللى تاپقاندەك بۇلدۇم ، تىمىڭىزغا رەھمەت قىرىندىشىم .