دوستلاردىن ياردەم سورايمەن

hasyat

	ھۆرمەتلىك دوستلار مەن بۇ مۇنبەرنى خانىم-قىزلار تورىكەن دەپ ئاڭلاپ، كىرىپ ئۆزۈم تۇرمۇشۇمدا يولۇققان بەزى مەسىلىلەردە دوستلاردىن ياردەم سوراي دەپ تىزىملىتىپ كىردىم، ياردەم قىلارسىلەر. مەن ئۈچ يىل بۇرۇن قايتا توي قىلغان، ھازىر مېنىڭ يولدۇشۇمنىڭ بولۇپ ئۆيدە ئىككى قىزىم بار تۆتىمىز بەك ياخشى ئۆتىمىز. بىراق يېقىندا بىر تۈگەپ كەتكەن. ئاكامنىڭ قىزىمدىن يېرىم ياز پەرىق قىلدىغان ئوغلىنى ئاپام بىزنىڭ ئۆيدە تۇرۇپ ئوقۇسۇن دەپ ئەكەلگەن ھازىر كىچىك قىزىم بىلەن ئىككىسى تولا ئۇرۇشۇپ خاپا سېلىۋاتىدۇ. ئوينىغاندا شۇنداق ياخشى، ئاكىسى ۋاي ئۇكام دەپ شۇنداق ئامراقلىق قىلىپ ئىشلىرىغا ياردەملەرنى قىلىپ كېتىدۇ. بىراق قىزىم كىچىكىنە ئىش بولسىلا ئاكىسىدىن خاپا بولۇپ دومسۇيۇپ ئۇرۇشۇپ تۇرىدۇ. مەن قىزىمغا قاتتىق گەپ قىلاي دىسەم ماڭا ئۆگەي، ئاكامنىڭ بالىسىغا قاتتىق گەپ قىلاي دىسەم ئۇنىڭ دادىسى يوق دىلى سۇنۇق، ئاپىسى خېلى بۇرۇن بالىنى تاشلاپ باشقا بىرى بىلەن توي قىلىۋالغان، بالىنى پەقەت ئاپام بېقىپ چوڭ قىلغان . شۇڭا مەن زادى قانداق قىلسام ھېچكىمنىڭ كۆڭلىنى ئاغرىتماي بۇ مەسىلىنى ھەل قىلالايمەن؟ بىر ياردەم قىلىۋەتكەن بولساڭلار؟ ياخشى پىكىرلىرىڭلارنى ئاڭلاپ باقسام باشقۇرغۇچىدىن: سالام سىزگە خاسيەت مۇنبىرىمىزگە كەلگىنىڭىزنى قارىشى ئالىمىز! بىراق سىزگە ئىلتىماسىم تېما يوللىغاندا ئىملاغا ۋە تىنىش بەلگىلەرگە كۆپرەك دىققەت قىلغان بولسىڭىز! تۇنجى قېتىملىق تېمىڭىز بولغاچقا ھەم ياردەم سوراپ يوللىغان تېما بولغاچقا تەستىقىلىۋەتتىم، بۇنىڭدىن كېيىن كۆپرەك دىققەت قىلىشىڭىزنى ئۈمۈت قىلىمەن!

ماھىتابان

	بولسا ئاڭلىماسقا سېلۋېلىڭ بىردەمدىن كېيىنلا يەنە ئوينايدۇ بالا دىگەن.  ياكى بولمىسا ھەر ئىككىلىسىگە تەربىيە قىلىڭ تەربىيەنى ئاڭلىمىسا قاتتىق تەنقىدلەڭ

جۇلالىق

	ئەسسالامۇ ئەلەيكۇم، خاسىيەتنىڭ يەتتە قىزلىرىم مۇنبىرىگە قەدەم تەشرىپ قىلغانلىقىنى قىزغىن قارشى ئالىمىز. يەتتە قىزلىرىم مۇنبىرىنىڭ نامىنى ئاڭلاپ، يەتتە قىزلىرىمدىكى خانىم-قىزلاردىن مەسلىھەت سورىغىنىڭىزدىن خۇرسەن بولدۇق. تېمىڭىزنى ئوقۇپ چىقتىم، ئەر-ئايال ئىككىڭلار بەختلىك ئۆتىدىكەنسىلەر. سىلەرنىڭ تۇرمۇشۇڭلاردىكى شۇ كىچىككىنە مەسىلە ئىكەن. مېنىڭچە بۇنچىلىك كىچىك ئىشلار ئىككىڭلار ئۈچۈن ھېچ گەپ ئەمەس. شۇڭا كىچىك بالىلار ئوتتۇرىسىكى ئىشلارنى ئېغىر-بېسىقلىق بىلەن ھەل قىلىڭ. كىچىك قىزىڭىز سىزگە ئۆگەي ئىكەن. ئاكىڭىزنىڭ ئوغلىنى دەپ كىچىك قىزىڭىزغا قاتتىق گەپ قىلسىڭىز ئۇ نېمىلا بولمىسۇن يولدىشىڭىزنىڭ ئامراق قىزى ئاددىي ئىشلارنى دەپ ئىككىڭلارنىڭ ئارىسىغا سوغۇقچىلىق چۈشۈپ قالمىسۇن. ئەھۋالغا قاراپ ئىش كۆرگەن ياخشى. ئامال بار كىچىك قىزىڭىزغا نەسىھەت قىلىڭ. ھەرگىز يېنىكلىك قىلماڭ. سىز ئىككى قىزىڭىزغا ئانا بولغان ئىسسىق-سوغۇقنى بېشىڭىزدىن ئۆتكۈزگەن ئادەم بولغاندىكىن ئۇنچىلىك ئىشلارنى يولىدا بىر تەرەپ قىلالايسىز. ئۆزىڭىزگە ئىشىنىڭ. خاسىيەتنىڭ بۇندىن كېيىنكى تۇرمۇشىغا خاتىرجەملىك تىلەيمەن!

قەھۋە

	ھەر ئىككىيلەنگە ياخشى تەربىيە قىلىڭ. بەكرەك ئېشىپ كەتسە مۇئامىلىڭىزنى ئۆزگەرتسىڭىز بولىدۇ. بۇ بالىلارغا پايدىلىق.  ھەر ئىككىلىسىنى ئايىماڭ، ئەمما مۇئامىلىدە پەرقلەندۈرۈپ قويماڭ. ھازىرقى يولدىشىڭىزمۇ توغرا چۈشەنسۇن. ئاتا-ئانا زالىم بولسا، بالا ئالىم بولىدۇ. سىزگە ئامەت تىلەيمەن!

مەرۋەرى

	مەنمۇ يۇقۇردىكى دوستلارنىڭ پىكىرىنى قوللايمەن. مەن بۇنداق ئىشلارغا كۈندە دىگۈدەك ئۇچراپ تۇرىمەن ، بەزىدە كۈلۈپ تۇرۇپ ھەل قىلسام بەزىدە قاتتىق گەپ بىلەن ھەل قىلىمەن ، بەزىدە بولسا ئايرىم- ئايرىم تەربىيە قىلىش ئارقىلىق ھەل قىلىمەن ، قەھۋە ئېيتقاندەك مۇئامىلىدە بىر خىل بولۇشقا ئالاھىدە دىققەت قىلىڭ!

jahandar

	كىچىك بالا دىگەن شۇنداق، بىردەم ئۇرۇشىدۇ، بىردەم بىللە ئوينايدۇ....بەك ئارىغا كىرىۋالماڭ

sakina

	كەلگەن قەدىمىزگە مەرھابا ! بالىلىرى بارلار مەسلىھەت بەرسۇن .

anar

	ياخشىمۇ سىز خاسىيەت ، مەنچە بولغاندا ھەر قېتىم جىدەل چىققاندا ئىككىلىسنى ئوخشاش جازالاڭ ، ئاخىرىدا ئىككىسى يېقىن بولۇپ كېتىدۇ