ئاتا-ئانىنىڭ قولىدىن كېلىدىغىنى ۋە كەلمەيدىغىنى

Jewlaniy

	ئاتا-ئانىنىڭ قولىدىن كېلىدىغىنى ۋە كەلمەيدىغىنى •    مەن ساڭا ھاياتلىق ئاتا قىلالايمەن ، لېكىن سېنىڭ ئورنۇڭدا ياشالمايمەن . •    مەن ساڭا نۇرغۇن نەرسىلەرنى ئۆگىتەلەيمەن ، لېكىن سېنى ئۆگىنىشكە زورلىيالمايمەن . •    مەن قانداق ئادەم بولۇشىڭغا يول كۆرسىتەلەيمەن ، لېكىن بارلىق يۈرۈش-تۇرۇشىڭغا مەسئۇل بولالمايمەن . •    مەن ساڭا ئاق-قارىنى قانداق پەرىق ئېتىشنى ئېيتىپ بېرەلەيمەن ، لېكىن سېنىڭ ئورنۇڭدا ئېنىق تاللاپ بېرەلمەيمەن . •    مەن ساڭا مېھىر-مۇھەببىتىمنى تولۇق بېغىشلىيالايمەن ، لېكىن ھەممنى قوبۇل قىلىشقا زورلىيالمايمەن . •    مەن ساڭا دوست-بۇرادەرلىرىڭ بىلەن جاپادىمۇ ، ھالاۋەتتىمۇ بىللە بولۇشنى ئۆگىتەلەيمەن ، لېكىن سېنى شۇنداق قىلىشقا زورلىيالمايمەن . •    مەن ساڭا باشقىلارنى قانداق ھۆرمەت قىلىشنى ئۆگىتەلەيمەن ، لېكىن سېنىڭ باشقىلارنىڭ ھۆرمىتىگە سازاۋەر بولۇشۇڭغا كاپالەتلىك قىلالمايمەن . •    مەن ساڭا ھەقىقي دوستلۇقنىڭ قانداق بولىدىغانلىغىنى ئېيتىپ بېرەلەيمەن ، لېكىن ساڭا دوست تاللاپ بېرەلمەيمەن . •    مەن ساڭا جىنسىيەت توغرىسىدا تەربىيە بېرەلەيمەن ، لېكىن سېنىڭ پاكلىقنى ساقلاپ قېلىشىڭغا كاپالەتلىك قىلالمايمەن . •    مەن ساڭا كىشىلىك ھاياتنىڭ ھەقىقىتىنى سۆزلەپ بېرەلەيمەن ، لېكىن سېنى شان-شەرەپكە ئېرىشتۈرەلمەيمەن . •    مەن ساڭا ھاراقنىڭ زىيانلىقلىغىنى ئەسكەرتەلەيمەن ، لېكىن سېنىڭ ئورنۇڭدا ئۇنى رەت قىلالمايمەن . •    مەن ساڭا زەھەرلىك چېكىملىكنىڭ زىيىنىنى ئېيتىپ بېرەلەيمەن ، لېكىن ئۇنىڭدىن يىراق تۇرۇشىڭغا كاپالەتلىك قىلالمايمەن . •    مەن ساڭا ئادەم ھاياتىدا يۈكسەك نىشان بەلگىلىشى كېرەكلىگىنى  ئېيتىپ بېرەلەيمەن ، لېكىن سەن ئۈچۈن بۇ نىشاننى ئەمەلگە ئاشۇرۇپ بېرەلمەيمەن . •    مەن ساڭا ئادەم بولۇشنىڭ ئالىي پەزىلىتىنى ئۆگىتەلەيمەن ، لېكىن سېنىڭ ئاقكۆڭۈل ئادەم بولۇشىڭغا كاپالەتلىك قىلالمايمەن . •    مەن ساڭا سەۋەنلىكلىرىڭنى كۆرسۈتۈپ بېرەلەيمەن ، لېكىن سېنىڭ گېپىمنى ئاڭلاپ ئەخلاقلىق ئادەم بولۇشىڭغا كاپالەتلىك قىلالمايمەن . •    مەن ساڭا قانداق ياشىغاندا تېخىمۇ ئەھمىيەتلىك بولىدىغانلىغىنى  ئېيتىپ بېرەلەيمەن ، لېكىن ساڭا مەڭگۈلۈك ھاياتلىق ئاتا قىلالمايمەن . •    مەن ساڭا زور تىرىشچانلىقلارنى كۆرسىتىپ ، ساڭا ئەڭ گۈزەل نەرسىلەرنى ئاتا قىلالايمەن ، لېكىن ساڭا ئىستىقبال ۋە كەسىپ ئاتا قىلالمايمەن . ..............    بالام ، مەن ساڭا نۇرغۇن ئىشلارنى قىلىپ بېرەلەيمەن ، چۈنكى مەن سېنى سۆيىمەن ؛ لېكىن ، شۇنى چۈشىنىشىڭ كېرەك ، مەن سەن بىلەن مەڭگۈ بىللە بولۇشنى خالىساممۇ ، لېكىن مۇھىم قارارلارنى ئۆزۈڭ چىقىرىشىڭ كېرەك . شۇڭا ، مېنىڭ تىلەيدىغىنىم ، توغرا يول تاللىشىڭ ئۈچۈن ، پارلاق قۇياش ھاياتلىق يولۇڭنى مەڭگۈ يورۇتۇپ تۇرسۇن . ----------------------------------------------- «تەرمىلەر» ژورنىلى ، 2004-يىللىق 1-سانىدىن ئېلىندى

گۈلسەنەم

	پەرزەنت ئاتا- ئانىنىڭ يۈرەك پارىسى،ئاتا- ئانىغا  پەرزەنتلىرىنىڭ ياراملىق ئادەم بولغانلىقىنى ۋە  غەلبىسىنى كۆرۈشتىنمۇ ئارتۇق بەخت بولمىسا كېرەك!

قەھۋە

	بەك توغرا دېيىلىپتۇ. دېمىسىمۇ نۇرغۇن ئىشلار ئاتا-ئانىنىڭ قولىدىن كەلگىنى بىلەن يەنە نۇرغۇنلىرىغا ئامالسىزدۇر. دۇنيادا ئىنساننى ئۆزگەرتىش ئۇ ئەڭ مۈشكۈل ئىش. ئاتا-ئانا بولغۇچى پەرزەنىتىنى ھەر جەھەتتىن ياخىشى تەربىيلەشنى ئويلايدۇ، بارلىق تىرىشچانلىقلارنى كۆرسىتىپ باقىدۇ. ئەمما روھى جەھەتتىن يەنىلا بەزىدە يۇقىرىدا دېيىلگەندەك ھالەتلەر مەۋجۇت بولىدۇ.

Jewlaniy

	گۈلسەنەم بۇ يازمىنى 2011-يىلى 3-ئاينىڭ 8-كۈنى 22:31 دە يوللىغان پەرزەنت ئاتا- ئانىنىڭ يۈرەك پارىسى،ئاتا- ئانىغا  پەرزەنتلىرىنىڭ ياراملىق ئادەم بولغانلىقىنى ۋە  غەلبىسىنى كۆ ... لېكىن نۇرغۇن ئاتا - ئانىلار شۇ غەلبىنى كۆرۈش ئۈچۈن مۈكچىيىپ كىتىدۇ ياكى كۆرەلمەي بۇ دۇنيا بىلەن خوشلىشىدۇ. بالىلىرىمىزنىڭ كۆڭلىگە ئىنساپ، ئاتا - ئانىلىرىمىزنىڭ ئۆمرىگە بەركەت بەرگەي خۇدايىم.

dilnaz

	يەنە بىرى، ئاتا-ئانىلىرىمىز بىزگە توغرا يول كۆرسۇتۇپ بىرەلەيدۇ،لىكىن شۇ يولدا مەڭگۇ بىز بىلەن بىللە مىڭىشىپ بىرەلمەيدىكەن.