كىشىنى بىئارام قىلىدىغان ئادەتلەر

مەرۋەرى

	باشقىلارنىڭ ئەتەي دىققىتىنى تارتىپ پايپاسلاش. ئادەم بار يەردە قاتتىق يۆتىلىش، چۈشكۈرۈش، كېكىرىش، ئاغىزىنى چاكىلدىتىش. تىياتىرخانىلاردا، كىنۇخانىلاردا پاراڭ سېلىپ، باشقىلارنىڭ كىنو، تىياتىر كۆرۈشىگە دەخلى يەتكۈزۈش. ھە دېسىلا بولمىغۇر گەپلەرنى قىلىش. باشقىلارنىڭ كەينىگە كىرۋېلىش، جامائەت ئالدىدا بىر- بىرىگە مۇھەببەت ئىزھار قىلىش. كىيىم- كېچەكلىرى رەتسىز، يۈز- كۆزلىرى پاسكىنا، تىرناقلىرى ئۆسۈك، تېنى پۇرايدىغان بولۇش. تاماق ئۈستىدە ھەركىتى قوپال بولۇش، تائاملارنى تۆكۈۋېتىش. پوزىتسىيىسى قوپال بولۇش، پوچىلىق قىلىش. شەيئىلەرگە قارىتا تۇخۇمدىن تۈك ئۈندۈرۈش پوزىتسىيىسىدە بولۇش. ھاراقنى ھەدىدىن زىيادە كۆپ ئىچىۋېلىپ، جېدەل چىقىرىش. گەپ- سۆزدە يېڭىلىپ قالسا، ئۇرۇشۇپ جېدەل چىقىرىش. باشقا كىشىلەرنىڭ ئىشلىرىغا نىسبەتەن ھەددىدىن ئارتۇق ھەۋەس قىلىش، يىپىدىن - يىڭنىسىغىچە سۈرۈشتە قىلىش. گەپ دىتىغا ياقمىسىلا تېرىكىش، ھە دېسىلا كايىش. جانلىق بولماسلىق، ئىش قىلغاندا بىپەرۋالىق قىلىش.   مەنبە: ئاياللار سىردىشى

باغرىم

	ۋاي - ۋۇي ھەممىسى مەن ئەڭ بىزار بولىدىغان قىلىقلاركەن . يەنە بىرىنى قوشۇپ قوياي : ئاممىۋى سورۇندا تېلىفۇندا ئەتراپىدا ئادەم يوقتەك ،  ئۈنلۈك ئاۋازدا ۋارقىراپ تۇرۇپ سۆزلىشىش ...

saye

	مەنمۇ بىرنى قوشۇپ قوياي: بىردىن گەپ سوراپ، خەق جاۋاب بېرىۋاتسا باشقا ياقلارغا قاراپ قېلىش ياكى خەقنىڭ گېپىنىڭ يېرىمىغا تېپىۋىتىپ سۆزلەپ كېتىش !

ماھىتابان

	مەنمۇ بىرنى قوشۇپ قوياي: ئاغىزىنى ماچىلدىتىپ ئاۋاز چىقىرىپ نەرسە يىيىش ۋە توختىماي سېغىز چايناش

jahandar

	سەت تۈكۈرۈش...بۇلۇپمۇ يۈتىلىپ بەلغەملىرىنى يۈتىۋېتىش....

باغرىم

	جاھاندار ، ھەجەپ كۆڭلۈمنى ئىلەشتۈردىڭىز ...

قەھۋە

	مۇشۇ ئەرلەرنىڭ ھاراق ئىچىۋالسا كۆڭلەك، ئىشتانلىرىنى تۈزۈك ئەتمەي مېڭىشلىرى...خۇدايىم ساقلىسىۇن!

جۇلالىق

	مەنمۇ قوشاي: ئادەم گەپ قىلىۋاتسا قىلىۋاتقان گېپىنى تارتىۋېلىپ ئۆزىلا سۆز باشلاپ كېتىش. مەن ئەڭ بىزار بولىدىغان قىلىق.

anar

	تونىمايدىغان ئادەمنىڭ كۆزىنىڭ ئىچىگە قاراش ...............ئەڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭڭ بىزارمەن ، بولمىسا ئىدارىمىز خېلى ئاۋات يەرگە جايلاشقان ، لېكىن ئەتراپتىكى ئادەملەر بىر بىرىگە تويماي قارايدۇ ..ئۇھ

Erkman

	يۇقىرىقىلار مەن بەك ئۆچ ئادەتلەر بولغاننىڭ تاشاينىدا يەنە كۈپ-كۈندۈزدە ئوچۇقچىلىقتا تام تۈۋىگىلا سىيىش ، ئادەم بار يەردە بۇرنىنى كوچىلاش ، ئادەم بار يەردىلا مىشقىرىش ... بىز ئۇيغۇرلاردا بۇنداق ئادەت ئىلگىرى يوق ئىدى، چۈنكى ئەنئەنىۋىي تەربىيە ئۇدۇملىرىمىزدا بۇ ھەقتە تەربىيە مەزمۇنى بار. بوۋام دائىم : پەيغەمبەر ئادەم بار يەردە تۈكۈرمەيتتى، گېلىنى قىرمايتتى، بۇرنىنى كوچىلىمايتتى ، كېكىرمەيتتى، چىشىنى كوچىلىمايتتى، كۆزىنى ئۇۋىلىمايتتى، بىر يەرلىرىنى قاشلىمايتتى، باشقىلارنىڭ گېپىنى تۈگىگىچە ئاڭلايتتى ... دەپ تەربىيە قىلاتتى، رەھمەتلىك ھەق رەھمىتىدە جەننەت پەيزىنى سۈرگەي!