ئۇيغۇر قىزى

dilroh

	ئابدۇخالىق ئۇيغۇر ئەي قەمەر ، قارىشڭدا مەن ھەيرەتتە قالدىم ئۇشبۇ تۈن ، ماھى رۇخسارىڭ سېنىڭ ئون تۆت ئىكەن تولغان بۇ كۈن . ئۇل قۇياش تارلىق قىلىپ ، چاچقانى راست ئوخشايدۇ ياغ ، شۇل سەۋەبتىنمۇ يۈزۈڭدە بار ئەجەب  يىتمەس بۇ داغ . ئۇشبۇ داغدىن گۈل يۈزۈڭگە يەتمىدى ھېچبىر زەرەر ، بۇ ئەسەر بىر مەڭ بولۇپ ، ھۆسنۈڭنى ئارتتۇردى مەگەر . بىر قاراشتا گۈل يۈزۈڭگە ئاشىق بولدۇم بىقارار ، ئوخشىغان نەركەس كۆزۈڭ خۇددى ئېلېكتىر يالتىرار . لەۋلىرىڭنىڭ قېنى ئانار رەڭگىدىنمۇ ياخشراق ، چىشلىرىڭ ئۈنچىدىن ، تىللىرىڭ مەھبۇبراق . قاشلىرىڭدۇر يېڭى چىققان ئەينى شەۋۋالنىڭ ئېيى ، سېنىڭ ئالدىڭدا باراۋەردۇر گادا ، شاھۇ بېيى . سېھىرگەر گۈل ، كۆزگە ساقچى ، كىرىپكىڭ بىر نەيزىدۇر ، ھەر قاراشىڭدا كېلىپ نەيزەڭ يۈرەكنى ئېزىدۇر . ساچلىرىڭ رەقىبىڭ كۆڭلى كەبى بىر سىر قارا ، ئەۋرىشىمدەك يەلپۈنۈپ سالدى كۆڭۈلگە جىق يارا . قوللىرىڭنىڭ ئاقلىقى ، سۈزۈكلۈكىدىن نۇر چىقۇر ، بۇ قوپال قولۇم بىلەن تۇتسام قولۇڭغا ھۈر چىقۇر . تەنلىرىڭ ئالماسقا ئوخشاش ئاق سۈزۈك بىر شەئلىدۇر ، خېنە ياققان تىرنىقىڭ مىسلى بەدەخشان لەئلىدۇر . بويلىرىڭ زىلۋالىقى سەرۋىگە ئوخشار ئەي قەمەر ، كۆرمىدىم ھېچبىر چىرايلىق ساڭا ئوخشاش بىر نەپەر . تەۋرىنىپ كەتسەڭ ئەجەب يەلپۈنەدۇر بۇ ساچلىرىڭ ، ئىلتىپاتىڭدىن ئۈمىد ئەيلەپ ئاقۇر قان - ياشلىرىم . قاتتى ، قالدى قارىغان يەردە سېنىڭ بۇ شائىرىڭ ، تىلسەڭ قىلغىل مۇسۇلمان ، تىلسەڭ مەن كاپىرىڭ . ئىزاھات : بۇ شئىر تارىم ژۇرنىلىنىڭ 1979 - يىل 12 - سانىدا «ھەيرەتتە قالدىم» دېگەن ماۋزۇ بىلەن ئېلان قىلىنغان . شېئىرنىڭ مەزكۇر ۋارىيانتى 1946 - يىلى كۆچۈرۈپ خەلق قولىدا ساقلانغان يازما نۇسخا بويىچە ئېلىندى . ھۈر - قاپارتقۇ ، ھۈررەك دېگەن مەنىدە شەئلى - زىننەتلىك دېگەن مەنىدە ئاپتورنىڭ «ئاچىل» ناملىق شېئىرلار توپلىمىدىن ئېلىندى

MARS-500

	ئۇيغۇر قىزلىرى، دۇنيا قىزلىرىنىڭ مەلىكىسىدۇر!بارچە گۈزەللىك ئۇيغۇر قىزلىرىدىن تىپىلىدۇ.

گۈلسەنەم

	ئابدۇسوپۇرنىڭ ئۇيغۇر قىزى دەپ بىر ناخشىسى بولىدىغان، بارې بولسا يوللاپ قويساڭلار تازىمۇ ماس كېلەتتىكەن