ھاياتلىق <داۋامى>

MARS-500

	1. بىز ئۇلۇغ ئىنسان ئەمەس، ئەمما بىز ئۇلۇغ ئىشلارنى ۋۇجۇدقا چىقىرىش ئۈچۈن، ئۇلۇغۋار كۈرەشلەرنى قىلىپ، بىز ياشاۋاتقان دۇنياغا ۋە يەرشارىغا يۈزكېلەلىگىدەك ئىنسان بولىشىمىز كېرەك! 2. مۇھەببەت نەپرەت قىلىچى ۋە نەيزىسىدىن مۇداپىئەلىنىدىغان قورال، مۇھەببەت نەپرەتنى مۇھەببەتكە ئايلاندۇرالايدۇ. 3. بىز مۇھەببەت ئىچىدە ئۆسۈپ يېتىلىمىز، شۇڭا بىز زېمىندىكى مەجبۇرىيىتىمىزنى ئادا قىلىشىمىز كېرەك! 2009.6.14   4. مۇھەببەت بولمىسا سەن مىڭ تالانتلق بولۇپ كەتسەڭمۇ ئاخىرىدا بەرىبىر مەغلۇب بولىسەن. 5. بۇ ھايات شۇنداق نەرسە، سەن ئۇنىڭغا كۈلۈپ قارىساڭ ئۇمۇ ساڭا گويا قۇياش كەبى كۈلۈپ قارايدۇ. سەن ئۇنىڭغا مۇش ئاتساڭ ، ئۇ ساڭا مۇش ئەمەس، پىچاق ئاتىدۇ. 2009.4.4 6. تۆتنى سۆيۈش-دىننى، ئىلىم -پەننى، ئىتتىپاقلىقنى، دۇنيانى سۆيۈش. بىز دىننى سۆيگەندىلا ماڭغان يولىمىز كەڭرى، توسالغۇسىز داغدام بولىدۇ. بىز ئىلىم-پەننى سۆيسەك كۆزىمىز، تەپەككۇرىمىز، ئەقىل ئىدىراكىمىز، تەسەۋۋۇرىمىز ئېچىلىپ ھاياتلىق يولىمىزنى داۋاملاشتۇرالايمىز. ئىتتىپاقلىقنى سۆيسەك كۈچىمىز زورىيىپ كۈچ-قۇدرەتكە ئىگە بولىمىز. دۇنيانى سۆيسەك، دۇنيا بىزنى سۆيۈپ دۇنياغا ئىگە قىلىمىز. 7 . ئەگەر بىز بىر تال تاماكا چەكسەك، ھاياتىمىز بىر كۈن قىسقىرايدۇ، ۋاقتىمىز بىر سېكونت قىسقىرايدۇ، تىنىمىز بىر كۈن بالدۇر قېرىيدۇ. 8. سەن ئالدى بىلەن ئۆزەڭگە ئىشەن، ئۆزەڭنى سۆي. سەن ئۆزەڭگە ئىشەنمەي تۇرۇپ، ئۆزەڭنى سۆيمەي تۇرۇپ قانداقمۇ ئۆزگىلەرنى سۆيەلەيسەن ۋە ئۆزگىلەرگە ئىشىنەلەيسەن؟ 9. تەۋەككۈل دەرياسىغا سەكرىمىگىچە ئۇنىڭ چوڭقۇرلىقىنى بىلگىلى بولماس! 2008.7.20. 10. ئەگەر سەن بۈگۈنكى ۋاقتىڭنى بىكار ئۆتكۈزۋەتسەڭ ھاياتىڭنىڭ بىر بېتىنى ئاق قويغان بولىسەن، شۇڭا سەن بۈگۈنكى ھەربىر سېكونت، ھەربىر مىنۇت ۋاقتىڭنى قەدىرلىشىڭ كېرەك! 2009.6.14. ئاپتورى: <غ> ئۇيغۇرى.

جۇلالىق

	1. بىز ئۇلۇغ ئىنسان ئەمەس، ئەمما بىز ئۇلۇغ ئىشلارنى ۋۇجۇدقا چىقىرىش ئۈچۈن، ئۇلۇغۋار كۈرەشلەرنى قىلىپ، بىز ياشاۋاتقان دۇنياغا ۋە يەرشارىغا يۈزكېلەلىگىدەك ئىنسان بولىشىمىز كېرەك! -------------------------------- بەكمۇ ئورۇنلۇق سۆزلەر. بىز ئىنسانلار ئارىسىدىكى ئاددىي بىر ئىنسانكەنمىز. بارلىق ئىنسانلارغا يۈز كېلەلىگىدەك ئىشلارنى قىلىشىمىز كېرەك. ئەلۋەتتە بىر ئىنسان دۇنيانىڭ ئىشلىرىغا بەك كۆپ تەسىر كۆرسىتەلمەيدۇ. بىراق، قولۇڭدىن كېلىشىچە قىل. شۇندىلا ئۆز رولۇڭنى جارى قىلدۇرالايسەن.