ئازابلىرىڭىزنى قۇم ئۈستىگە يېزىڭ

nazinin

	بۇرۇن مۇنداق ئىش بولغانىكەن : ئىككى دوست بىرلىكتە قۇملۇقتىن كېسىپ ئۆتمەكچى بولۇپ يولغا چىقىپتۇ . ئەمما، ئۇلار سەپەر ئۈستىدە تاكاللىشىپ قاپتۇ ، ئارىدىن بىرى يەنە بىرىنى بىر شاپىلاق ساپتۇ . تاياق يېگەن دوستى قاتتىق ئازابلانغان بولسىمۇ ،ئەمما ھېچنەرسە دېمەپتۇ . پەقەتلا قۇم ئۈستىگە "بۈگۈن مېنىڭ ئەڭ يېقىن دوستۇم مېنى بىر شاپىلاق ئۇردى " دەپ يېزىپ قويۇپتۇ . ئۇلار سەپىرىنى داۋاملاشتۇرۇۋېرىپتۇ ۋە ئاخىرى بىر  پارچە بوستانلىقنى بايقاپتۇ . شۇنىڭ بىلەن ئۇلار راسا بىر يۇيۇنۇۋېلىشنى ئويلاپتۇ .يۇيۇنۇپ ئۇزۇن ئۆتمەي ھېلىقى تاياق يېگەن دوستتى پاتقاققا  پېتىپ قېلىپ ،تۇنجۇقۇپ ئۆلگىنى تاس قاپتۇ . ھېلىمۇ ياخشى بەختكە يارىشا دوستى ئۇنى قۇتقۇزۇۋاپتۇ . ئۇ ھۇشىغا كەلگەندىن كېيىن ،بىر پارچە تاش ئۈستىگە "بۈگۈن مېنىڭ ئەڭ يېقىن دوستۇم ھاياتىمنى قۇتقۇزۇۋالدى" دېگەن خەتلەرنى ئويۇپتۇ . بۇنى كۆرگەن دوستى :"مەن سېنى ئۇرغاندا سەن قۇمغا خەت يازغان ئىدىڭ ، سېنى قۇتقۇزۇۋالسام ئەمدى تاشقا خەت ئويىسەن ،بۇ زادى نېمە ئۈچۈن؟" دەپ سوراپتۇ . دوستى ئۇنىڭغا : "ئازابقا ئۇچرىغان ۋاقىتلىرىمىزدا ، ئازابلىرىمىزنى قۇم ئۈستىگە ېيزىشىمىز كېرەك . شۇنداق قىلساق ،قەلبىمىزدىكى ئەپۇچانلىق ۋە كەڭ قورساقلىق تۇيغۇسى گوياكى  شامالدەك ئازابلىرىمىزنى ئۇچۇرتۇپ ، ئاخىرى يوق قىلىۋېتىدۇ . باشقىلارنىڭ شاپائىتىگە ئېرىشىپ ،قەلبىمىز مىننەتدارلىققا تولغاندا ، بىز ئۇنى تاش ئۈستىگە ئويۇپ قويىشىمىز كېرەك .چۈنكى ، ئۇنى ھەرقانداق قۇدرەتلىك كۈچمۇ يوق قېلىۋېتەلمەيدۇ  " دەپ جاۋاب بېرىپتۇ . شۇنداق ،بىز تۇرمۇشتا ئەپۇچان ، كەڭ قورساق بولۇش بىلەن بىرگە ، بىراۋنىڭ قىلغان ياخشىلىقىنى مەڭگۈ ئېسىمىزدە چىڭ ساقلىشىمىز لازىم . مەنبە: ئىشچىلار ۋاقىت گېزىتى .

مەرۋەرى

	مەن دوستلىرىمغا ئەمەس مېنى دۈشمەن ساناپ كېلىۋاتقانلارغىمۇ،ئەزەلدىن ئاداۋەت ساقلاپ باقمىغان، بۇنىڭدىن كېيىن تېخمۇ ھەم شۇنداق قىلىمەن

dilroh

	بەك تەسىرلىككەن جۇمۇ ``   قۇمغا خەت يېزىپ ئۆگىنەي جۇمۇ

جۇلالىق

	بىر ياخشىلىق ئۇنتۇلماس دەپ، دوستۇڭنىڭ سەن ئۈچۈن قىلغان ياخشىلىقى مەڭگۈ ئۇنتۇلمايدۇ. ئازابلىق ئىشلارنى قۇمغا يېزىپ قويۇش بولىدىغان ئامالكەن.

anar

	مەرۋەرى بۇ يازمىنى 2011-يىلى 3-ئاينىڭ 1-كۈنى 23:30 دە يوللىغان مەن دوستلىرىمغا ئەمەس مېنى دۈشمەن ساناپ كېلىۋاتقانلارغىمۇ،ئەزەلدىن ئاداۋەت ساقلاپ باقمىغان، بۇنىڭدىن كېيى ... كۆرمىگەنگە سالاي ما ئىنكاسنى جۇلالىق ، ماڭا قاتناشتىكىلەردىن ئاز-تولا قۇم ئېۋەتسىڭىز بوپتىكەن ، دەرىزەم ئالدىغا يېيىتىۋالاي .....ئاز-تولا يازىدىغان نەرسلەر بارتى

مەرۋەرى

	ئانىرىم قۇمنى تۇرپاندىكىلەردىن سورىڭە  خوتەندىن توپا ئەۋەتىپ يۈرمىسۇن جۇلالىق

anar

	ئۆزىنىڭ مېيىدا ئۆزىنىڭ گۆشىنى قورامدىم ؟ يەنىلا خوتەننىڭ قۇمىنى ئالاي ، ھىدىمۇ باشقىچە

hilal

	مەن مىنى خاپا قىلغانلارنى  تامغا ياكى سۇغا تازا تىللاپ بىرىپلا ئۇنتۇپ قالىمەن ....

جۇلالىق

	مەرۋەرى بۇ يازمىنى 2011-يىلى 3-ئاينىڭ 2-كۈنى 22:55 دە يوللىغان ئانىرىم قۇمنى تۇرپاندىكىلەردىن سورىڭە  خوتەندىن توپا ئەۋەتىپ يۈرمىسۇن جۇلالىق ھەدەم خوتەن دىيارىنىڭ تەكلىماكاننىڭ باغرىدا ئىكەنلىكىنى بىلمەيدىكەندە؟

月花

	بۇنىمىدىگەن مەزمۇنلۇق تىما ھە؟ ھەرقانداق ئادەم دوستلىرىنىڭ خاتالىقىغا ئېسىلۋالماي  كەڭ قورساق بۇلىشى، ياخشىلىقىنى مەڭگۇ ئۇنتۇپ قالماسلىق كېرەكلىكىنى ،شۇندىلا دوستلىقىنىڭ مەڭگۇ داۋاملىشىدىغانلىقى يۇرۇتۇپ بىرىلگەن ئكەن .