كۈندە بىر باش سەۋزە يەپ بەرسە، تېرىنى پارقىراق قىلىدۇ

tabassum333

	كۈندە بىر باش سەۋزە يەپ بەرسە تېرىنى پارقىراقلىقىنى ئاشۇرغىلى بولىدىكەن. ئالىملار سەۋزە، ئەينۇلا قاتارلىق كۆكتات، مېۋەلەرنى كۆپرەك يەپ بەرسە ئادەمنى تېخىمۇ جەلىپكار قىلىدىغانلىقىنى تەتقىق قىلىپ چىققان. سەۋزىنى ئىككى ئايغىچە ئۈزۈلدۈرمەي يەپ بەرسە، تېرىدە رەڭ ئۆزگىرىشنى پەيدا قىلىدىكەن.     تەتقىقاتتا ئىسپاتلىنىشىچە، يەنە بىر قىسىم مېۋە، كۆكتاتلارمۇ ئوزۇقلۇق تولۇقلاش ئارقىلىق گۈزەللەشتۈرۈش رولىنى ئوينايدىكەن. قان تەركىبىدە ۋىتامىن A مول بولۇپ، تېرە ھۈجەيرىلىرىنى ئەسلىگە كەلتۈرۈش رولىنى ئوينايدۇ. تەركىبىدە ۋىتامېنC مول بولغان سىترۇس قاتارلىق مېۋىلەر، ئاكتىنىرىيە(مايمۇن شاپتۇلى)قىزىل قاپاق مۇچ قاتارلىق مېۋە، كۆكتاتلار تېرىنىڭ بوشىشىپ كېتىشىنىڭ ئالدىنى ئالىدىكەن. ئۇنىڭدىن باشقا، يەنە تەركىبىدە ۋىتامىنE مول بولغان پالەكنى دائىم يەپ بەرسە، قورتۇق ۋە تارتۇقنى ياخشىلاشقا پايدىسى بارئىكەن. ئۇرۇمچى كەچلىك گېزىتىدىن ئېلىندى.

nazinin

	بۇ تەكلىپ بىز ئاياللارغا بەكلا قولايلىقكەن .قازان بېشىدا تاماق ئەتكەچ بىر تال سەۋزىنى يەۋالساق تېرىمىزنىڭ پاقىراقلىقىنى تېخىمۇ ئاشۇرالايدىكەنمىز . لېكىن دىئابىت كېسىلى بارلار ئويلۇشۇۋراق يېسە بولىدۇ ،سەۋزىنىڭ تاتلىق ماددىسى سەل كۆپرەك.

قەھۋە

	تېرەمنىڭ مۇشۇنداق ياخشى تۇرىشىدا سەۋەب باركەندە ئەسلى. سەۋزىنىڭ تەركىبىدە مول ۋىتامىنلار ئاياللار ۋە بالىلارغا ناھايىتى پايدىلىقكەن. مەن ئادەتتە ئۆيدە پولۇ ئەتسەم ئاقلىغان سەۋزەمنىڭ يېرىمىنى يەپ بولىمەن.

جۇلالىق

	مەن ئۈگەنمىسەممۇ بولىدىغان بىلىمكەن. چۈنكى مەن سەۋزىگە بەكلا ئامراق. قەھۋە، ئۆزىنى ماختىغان بىرىنچى ئەخمەق دەپ............

سامسىپەز

	سامسا يەپ بەرسىمۇ ئوخشاش ۋاي.... مەڭزى يېڭى قومۇرغان سامسىدەك پارقىراپ تۇرىدۇ.

kizilgul

	مۇشۇ قىزلارنىڭ ئىنكاسىنى ئوقۇسام كۆڭلۈم بەكلا ئېچىلىپ قالىدۇ . سەۋزىنىڭ باھاسى ئۆرلەيدىغان بولدى-دە! مەنمۇ كۆپرەك يەپ بەرسەم بولغۇدەك.مەن سەۋزىنىڭ   پايدىسىنىڭ كۆپلىكىنى بىلسەممۇ ، ئانچە  كۆپ يېمەيتتىم،ئەمدى كۆپرەك  يەيدىغان بولدۇم.چۈنكى مېنىڭمۇ گۈزەل تۇرغۇم بار .ھى ھى ھى

مەرۋەرى

	بىر-بىرىدىن ماختانچۇق قىزلىرىم بار دېسە مېنىڭ . بىلىقىز ھەدە، ىسز ھازىرمۇ شۇنداق لاتاپەتلىك، گۈزەل تۇرۇپسىز، مۇشۇ ئۇسۇلنى قوللىنىپ راستىنلا تېخىمۇ گۈزەل بولىدىغان ئىش بولسا، مەن يەتكۈزۈپ بېرەي، ياخشى سەۋزىدىن بىر توننا

dilroh

	مەرۋەرى بۇ يازمىنى 2011-يىلى 3-ئاينىڭ 2-كۈنى 00:38 دە يوللىغان بىر-بىرىدىن ماختانچۇق قىزلىرىم بار دېسە مېنىڭ . بىلىقىز ھەدە، ىسز ھازىرمۇ شۇنداق لاتاپەتلىك، گۈزەل تۇرۇپس ... ئۈرۈمچىدىن بىر توننا ياخشى سەۋزىنى نەدىن تاپارسىز ماۋۇ ئۇسۇلنى ئۆيدىكلەرگە دەپ بەرسە سەۋزە توشمايدىغان بولدى ئەمدى قىزلارنىڭ جىقلىقىدا ئۆيدە

kizilgul

	راس مەن كۈندە بىر باش سەۋزە يەۋاتىمەن،ئۆي ئىسسىق ،مۇزدەك خېلى خۇش ياقىدىكەن . بەلكىم تىرەممۇ شۇنىڭ بىلەن تېخىمۇ ياخشى بوپ كېتەر . راس،بىر توننا سەۋزىنى نەدە قويارمەن؟

anar

	يىمەيلا قويايمىكىن ...ھېلىمۇ پارقىراق بۇ تېرەم ، ئەمدى كۈندە بىر تال سەۋزىچاق يەپ بەرسەم يولدا خەقلەر كۆزلىرىنى ئاچالماي قالمىسۇن بەك پارقىراپ نۇر چېچىپ كېتىپ