ئاراڭلاردا مۇسۇلمان بارمۇ؟

جۇلالىق

	بىر ئادەم قولىدا يوغان بىر پىچاقنى تۇتقان پېتى مەسچىتكە كىرىپ : _ ئاراڭلاردا مۇسۇلمان بارمۇ ؟ دەپتۇ . قورقۇپ كەتكەن جامائەت گەپ قىلالماپتۇ ، بىردەمدىن كېيىن بىر مويسىپىت كىشى ؛ _ مەن مۇسۇلمان! دەپ ئورنىدىن تۇرۇپتۇ . پىچاق تۇتقان ئادەم مويسىپىت كىشى بىلەن بىللە مەسچىتتىن چىقىپ، سىرتتىكى بىر توپ كالىنى كۆرسىتىپ تۇرۇپ ؛ _تاغا مۇشۇ ماللارنى قۇربانلىق قىلماقچى ئىدىم ، لېكىن دۇئا قىلىپ بوغۇزلاشنى ئوبدان بىلىپ كەتمەيمەن ، ماڭا ياردەم قىلغان بولسىڭىز -،دەپتۇ . مويسىپىت كىشى بىر قانچە كالىنى بوغۇزلاپ بولغاندىن كېيىن ؛ _ مەن بەك ھېرىپ كەتتىم ، باشقا مۇسۇلمان تېپىپ كەلگىن_دەپتۇ . ئۇ ئادەم بۇ قېتىم قولىدىكى قان يۇقى پىچاقنى تۇتقان پېتى مەسچىتكە يەنە كىرىپتۇ ۋە : _ ئاراڭلاردا يەنە باشقا مۇسۇلمان بارمۇ -دەپتۇ . بايىقى مويسىپىتنىڭ مۇشۇ كىشى تەرىپىدىن بوغۇزلانغانلىقىنى تەسەۋۋۇر قىلغان جامائەت قورقۇپ كېتىپ ھەممىسى تەڭلا ئىمامغا قاراپتۇ . ئىمام : _ نېمىگە قارايسىلەر جامائەت، ئىككى رەكەت نامازنى باش بولۇپ ئوقۇتۇپ قويغىنىمغا مۇسۇلمان بولۇپ قالدىممۇ ئەمدى -،دەپتۇ

گۈلسەنەم

	كۈلەيمۇ، يىغلايمۇ

سامسىپەز

	بىر كىشى قەشقەر ھېيتكارنىڭ ئالدىدا زاماندىن نارازى بولۇپ:  " جاھان نېمە بوپ كېتىۋاتىدۇ... مۇشۇمۇ كۈنما بىزگە؟!" دەپ سۆزلەپ قاپتۇ.  بۇ چاغدا يان تەرەپتە ئولتۇرغان بىر موزدوز ئۇ كىشىگە ھاي بېرىپ: ـــــ ماڭ قايلىسىلا~! لىڭ لىڭ چى (007) نى بىلەملا؟ ـــــ بىلىمەن، نېمە بولدى؟ ـــــ ھە شۇ گۇيمۇ مۇشۇ ھېيتگاھنىڭ ئالدىدا تۇتۇلۇپ قاپتىكەن، ئېغىزلىرىغا بايقاپ سۆزلىسىلە بولامىكىن؟ ـــــ ....... *********************************************************** ئادەم يا يىغلىشىنى، يا كۈلىشىنى بىلمەيدىغان يۇمۇرلارنى "قارا يۇمۇر" دەپ قويىمىز.

ahmunqak

	ھا ھا  مەن ھەيرانقالدىم   مەن بىر قاتىل ئوخشايدۇ دەپتىمەن

قەھۋە

	ئادەمنى قاتتىق ئويغا سالىدىكەن. ..................

جۇلالىق

	گەرچە بۇ بىر يۇمۇر بولسىمۇ ئادەمنى خېلىلا ئويلاندۇرىدۇ. 2006- يىلى "ھەقىقى مۇسۇلمان قانداق بولىدۇ؟" دەپ بىر ماقالە يازغانىدىم مۇنبەرلەر بىلەن مەرھۇم بوپ كەتتى. مۇشۇ توغرۇلۇق بەك تەپسىلى توختالغان. ئۆزىنىڭ مۇسۇلمان ئىكەنلىكىگە جەزىم قىلالماي تۇرۇپ، باشقىلارغا ئەگىشىپ ناماز ئوقۇيدىغانلار كۈرمىڭ. سەن ئاللاھنىڭ بارلىق، بىرلىكىگە مۇھەممەد ئەلەيھىسسالامنىڭ ئاللاھنىڭ ئەلچىسى ئىكەنلىكىگە ئىشەنگەنىكەنسەن ھەر قانداق ئەھۋال ئاستىدا سەندىن "سەن مۇسۇلمانمۇ؟" دەپ سورىسا ئىككىلەنمەي جاۋاب بەرگىدەك جۈرئەت بولىشى كېرەك. يەنى ئادەمنىڭ ئىچىنى ئاچچىق قىلىدىغىنى ئىمامنىڭ " سىلەرگە باش بولۇپ ئىككى رەكەت ناماز ئوقۇپ قويغىنىمغا مۇسۇلمان بولۇپ قالدىممۇ؟" دېگەن ئەخمەقلەرچە بەرگەن جاۋابى. شۇ ھالىڭغا نېمىگە مېھرابقا چىقىپ جامائەتكە باش بولۇپ ناماز ئوقۇيسەن؟  ئىمام دېگەن بىر مەھەللىنىڭ جامائەتلىرىنى يىتەكلەيدىغان، يامان ئىشلاردىن توسۇپ ياخشىلىققا دەۋەت قىلدىغان ئۇستاز. جامائەتلەرگە سەندەك يارىماسلار لازىم ئەمەس.

سامسىپەز

	ئۇنداق قولىدا قان تېمىپ تۇرغان پىچاقنى كۆتۈرۈپ كىرسە، تاھارىتى بۇزۇلۇپ كېتىدىغانلارمۇ چىقمايدۇ دېگىلى بولمايدۇ.... بەندىچىلىك ئەمەسمۇ... بۇ بىر يۇمۇر خالاس.

tamqa

	ھىلىقى كىشىدە بار جۇرئەت قانچە ((مۇسۇلمان))دا باردۇر؟