يولدىشىڭىزنى ئۆمۈرۋايەت رام قىلاي دېسىڭىز

arman-taxkin

	يولدىشىڭىزنى ئۆمۈرۋايەت رام قىلاي دېسىڭىز قۇرۇق سەپسەتە قۇلاققا ياقمايدۇ ، پەقەت سەمىمىي سۆھبەتلا ئەر – خوتوننىڭ ئۆز ئارا ئىشەنچىسىنى ئاشۇرۇپ ، چۈشىنىشنى چوڭقۇرلاشتۇرىدۇ . ئاياللار ئەرلىرىنىڭ كۆڭلىنى ئۆمۈرۋايەت رام قىلىشتا ئۇسۇلغا دىققەت قىلىشى زۆرۈر .    ئۇنىڭ دوستىغا ئايلىنىڭ ، ئەركىنلىكىنى بوغماڭ ، قىزىقىشىغا سوغۇق سۇ سەپمەڭ . ئېرىڭىزنى ئىلگىرىكى تۇرمۇش ئادىتى ۋە ئۇسلۇبىنى ئۆزگەرتىشكە قىستىماڭ ، ئۇنداق قىلسىڭىز ئۇ ئۆزىگە ئوخشىماي قالىدۇ .    ئېرىڭىزنىڭ دەردىنى چۈشىنىڭ ، قارىغۇنى ياردا قىستىغاندەك ئىش قىلماڭ ، مۇھىمى ئۇنىڭ خوجايىنغا ئايلىنىپ قالماڭ . ئەرلەرنىڭ كەسپى ۋە شۇنىڭغا تۇشلۇق بېسىمى ، ئارزۇ – ئارمىنى بولىدۇ ، شۇڭا ئۆزىڭىزنى ئۇنىڭ بارلىقى دەپ ئويلىماڭ ، ئىچ سىرىنى سۆزلىمىگىنىدىن رەنجىپمۇ يۈرمەڭ .    ئۇنىڭ مۇۋەپپەقىيەت قازانغان كىشىگە ئايلىنىشىغا ياردەم بېرىڭ ، مۇھىمى ئۆزىڭىزنىڭ ئورنىنى توغرا تونۇڭ .    ھەممە كىشىنىڭ ئۆتمۈشى بولىدۇ ، شۇڭا ئېرىڭىزنىڭ ئۆتمۈشى بىلەن قالماڭ . ئۆتمۈشتىكى ئىسمىنىمۇ بىلمىگەن ئاتالمىش ‹‹نازىنىن ›› بىلەن ئۆزىڭىزنى سېلىشتۇرۇپمۇ يۈرمەڭ ، بولمىسا چارچاپ قالىسىز . ئۆزىڭىزنىڭمۇ ھېكايىسى بارلىقىنى ئېسىڭىزدىن چىقارماڭ .    ئەگەر ئۇ سىزنى سۆيسە ، ھەردائىم دەپ يۈرۈشنىڭ ھاجىتى يوق ، شۇڭا ئۇنى كۈندە نەچچە رەت ‹‹سېنى سۆيىمەن ›› دېيىشكە قىستىماڭ . ئاياللار تەسەللىگە مۇھتاج بولغاندەك ئەرلەرمۇ تەسەللى ئىستەيدۇ ، شۇڭا بۇنداق شەكىلۋازلىق بىلەن ئۇنىمۇ ، ئۆزىڭىزنىمۇ ھاردۇرۇۋالماڭ .    مۇستەقىل بولۇڭ ، گەرچە ئاياللارنىڭ ئېرىگە بېقىنىپ ياشىشى بەرھەق بولسىمۇ ، ئېرىڭىزنىڭ زېھنى ۋە ۋاقتىنى ھەر دائىم قولىڭىزدا قاماللىۋالماڭ . ئۆزىڭىزگە تۇشلۇق تەپەككۇر شەكلىڭىز ۋە كەسپىڭىز بولسۇن ، شۇندىلا ئېرىڭىزنىڭ نەزىرىدىكى مۇھىم كىشىگە ئايلىنالايسىز .    ئېرىڭىزنىڭ يات جىنىستىن دوست تۇتۇشىدىن ئەنسىرەپ كەتمەڭ ، بۇ نورمال ئىجتىمائىي ئالاقە ، ئەگەر پەقەت خاتىرجەم بولالمىسىڭىز ، قارشى تەرەپ بىلەن يېقىن دوستلاردىن بولۇپ قېلىڭ . قۇم سىقىمدىغاندەك ھالەتكە چۈشۈپ قالماڭ ، قانچە چىڭ سىقىمدىسىڭىز ، قۇم شۇنچە ئېقىپ كېتىدۇ . ئۇنىڭ بىلەن مەسلەكداش بولۇڭ ، سىزدەك مەسلەكداش تۇرغان يەردە ، ئۇ سىرتتا ‹‹دەرد تۆكۈپ ›› يۈرمەيدۇ

MARS-500

	كۆڭۈل بەتلىرىمىزگە يېزىۋالغۇدەك  دۇردانىلەركەن ھارمىغايسىز قېرىندىشىم...........

گۈلسەنەم

	يېزىپ ياتاق ئۆينىڭ تېمىغا ئېسىپ كۈندە بىر رەت كۆرۈپ تۇرغىدەك تېما ئىكەن، كۆپ رەھمەت ئارمان تاشقىن قېرىندىشىم!

arman-taxkin

	كونىلارنىڭ <<سۈيى بار يەرنىڭ ئوتى يۇق ،  ئوتى بار يەرنىڭ سۈيى يۇق  >> دىگىنى راسىتكەن .

hilal

	توي قىلىشتىن بۇرۇن جىق ئۆگىنىپ تەييارلىق قىلىۋالىدىغان بولدۇم .....

جۇلالىق

	مۇستەقىل بولۇڭ ، گەرچە ئاياللارنىڭ ئېرىگە بېقىنىپ ياشىشى بەرھەق بولسىمۇ ، ئېرىڭىزنىڭ زېھنى ۋە ۋاقتىنى ھەر دائىم قولىڭىزدا قاماللىۋالماڭ . ئۆزىڭىزگە تۇشلۇق تەپەككۇر شەكلىڭىز ۋە كەسپىڭىز بولسۇن ، شۇندىلا ئېرىڭىزنىڭ نەزىرىدىكى مۇھىم كىشىگە ئايلىنالايسىز . ---------------------------------------- ئۆزىگە بولغان ئىشەنچىسى تۆۋەن ئاياللارغا بەكلا ماس كېلىدىكەن.

جۇلالىق

	hilal بۇ يازمىنى 2011-يىلى 2-ئاينىڭ 25-كۈنى 02:17 دە يوللىغان توي قىلىشتىن بۇرۇن جىق ئۆگىنىپ تەييارلىق قىلىۋالىدىغان بولدۇم ..... تەييارلىقنى بەك پۇختا قىلىۋالماڭ. قارشى تەرەپكىمۇ ئازراق يۇچۇق قالسۇن.

قەھۋە

	شۇنداق بىر گەپلەر بارغۇ، قولىڭىزنىڭ ئالقىنغا بىر ئوچۇم قۇم ئېلىپ چىڭ سىقىمداپ تۇرۇپ بېقىڭ، شۇنداقلا بوشراق سىقىمداپ بېقىڭ.  تۇرمۇش دېگەن ھامان ئادەمنىڭ ئىرادىسىگە باقمايدۇ، ئەمما تەقدىرىڭىز يەنىلا ئۆزىڭىزنىڭ قولىدا.

tiwix

	ماڭا  نىمانچە  ئامراقكىن  دىسەم   ئەسلىدە  مەن  رام  قىلىۋىلىپ  بولغانىكەنمەن دە بەك  تەماننا   قويماي  يەنە  تولۇقلاپ  تۇراي  جۇمۇ

saye

	مەن رام بولۇش باسقۇچىدا، ئۇنىڭغا ئەۋەتىپ بېرەي.