بىز نامرات ئەمەس، كۆڭلىمىز نامرات

MARS-500

	1. ھازىرقى يېڭى توي قىلغان ياش قىز-يىگىتلەرنىڭ ئائىلىسىگە شۇنداق كىرىپ قارىسىڭىز، ئۆزىڭىزنى بىرەر قەدىمى ئوردىغىمۇ ۋە ياكى بولمىسا بىرەر سارايغىمۇكىرىپ قالغانلىقىڭىزنى تۇيمايلا قالىسىز، نىمىشقا دەمسىز؟ چۈنكى ئۇلارنىڭ ھۇجرىسىدا ئىسىل گىلەملەر، ئىسىل تىكىلگەن پەردىلەر، داڭلىق ماركىلىق تېلېۋىزور، توڭلاتقۇ، كىرئالغۇ، كىرىسلو، نازۈك پار-پۇر جانان قاچىلىرى رەت-رىتى بىلەن تىزىلغان. لىكىن، بۇ چىرايلىق بىزەلگەن سارايدەك <ئىچى پال-پال تىشى غال-غال> ئۆيلەردىن ئىنساننىڭ مەنىۋى ئوزۇقىنى قاندۇرىدىغان، بىرەر مىللەتنىڭ مەدىنيىتىگە ۋەكىللىك قىلىدىغان مەدىنىي مىراس، كىتاپ ئۈستىلى تۇرماق، بىرەر پارچە كىتابنى ئىزدەپ تىپىشىڭىز ئەسلا مۇمكىن ئەمەس. بىز بۇنى <دېڭىزدىن يىڭنە ئىزدىگەنلىك بىلەن باراۋەر> دىسەك ھەرگىزمۇ ئارتۇق كەتمەيدۇ، ھەم بۇ ئۆيلەرگە يۈرەكلىك بىلەن ساراي دىگەن ئىسىمنىڭ ئورنىغا بىز بىلەن دۇنياداش ، رەتلىك سەرەمجانلاشتۇرۇلغان ئات-ئىشەك، كالا-قويلارنىڭ تۇرالغۇسى بولغان < ئېغىل> دەپ ئىسىم قويساق ھەرگىزمۇ مۇبالىغە قىلغانلىق ئەمەس. ( 2008-2-24 ) كۆڭۈل نامراتچىلىقى ئىنساننى ۋە شۇنىڭ ئىسكەنجىسىگە ئايلانغان مىللەتنى ئامەت باغچىسىغا ئەمەس، بەلكى ئاپەت خارەكتىرلىك كۈن تەرتىپسىز كەلگەن قىيامەتكە باشلايدۇ. ( 2009-4-16 ) ئاپتورى: <غ> ئۇيغۇرى.

arman-taxkin

	سىز ھازىرقى ھەقىقى تۇرمۇشىمىزنى  دەپسىزغۇ - !!! رەھمەت جۇمۇ سىزگە - !!!

MAYNUR

	بەك ياخشى  يىزىپسىز  .  ئاپىرىن  سىزگە !  ھەممە ئادەم  سىزگە  ئوخشاش  ئويلىسا  نىمە  دىگەن  ياخشى  !!!

tabassum333

	ھەقىقەتەن توغرا دەيسىز!!!  ھازىرقى جەمىيەت ئۇچقاندەك تەرەققى قىلىۋاتقان بۇ دەۋىردە بىچارە ئاتا -ئانىلار باشقىلاردىن تۆۋەن قالماسلىق ئۈچۈن قىز-ئوغۇللىرىنىڭ تويىغا بەس-بەستە دۇنيا راسلىماقتا،بەزى بىر قىزلىرىمىز( پالانچى مۇنداق ماركىلىق سۈيۈق كىرىستاللىق تىلىۋزۇر ئاپتۇ،مەن ئاشۇنىڭدىن قالسام خەقلەر مىنى نىمە دەيدۇ!!!  يىگىتىم مىنى كومپىيوتىر ئىلىڭ دىدى، ئىلىپ بەرمىسەڭ بولدى مەن بۇ توينى قىلمايمەن.....) دىگەندەك ئارتۇقچە تەلەپلەرنى قويۇپ ،ھەشەمەتچىلىكنىڭ تىخمۇ ئەۋجە ئىلىشىغا تۈرۈتكۈلۈك رول ئوينىماقتا،ھەي نىمە دەيمىز ئالدى بىلەن ئىشنى ئۆزىمىزدىن باشلايلى قىرنداشلىرىم،ئاللا ھەممىمىزگە ھىدايەت ئاتا قىلغاي

جۇلالىق

	نۇرغۇنلىغان ئائىلىلەرگە دىققەت قىلىپ باقتىم. يۈز ئائىلىنىڭ بىرەسىدە كىتاب ئىشكابى بولسا باركى بولمىسا يوق. شۇ ئائىلىنىڭ خانىمىدىن قايسى كىيىم يېڭىدا مودا بولدى ئۆيىڭىزگە قانداق پەردىلەرنى ئاساي دەۋاتىسىز؟ دېسە دەرھال جاۋاب بېرەلەيدۇ. يېڭىدا قايسى كىتابلار نەشىردىن چىقىپتۇ؟ دەپ سورىسىڭىز بۇ سوئالىڭىز جاۋابسىز قالىدۇ. مانا بۇ بىزنىڭ ھازىرقى تېراگىدىيىمىز...... ئالدى بىلەن بىزەيدىغىنىمىز قەلبىمىز، قەلبىمىزنى بىلىم گۈللىرى بىلەن بېزىسەك ئۇنىڭغا ھېچنەرسە تەڭ بولالمايدۇ.