مۇھەببەتنىڭ جەۋھىرى

MARS-500

	مۇھەببەت ئىللىق قۇياشنىڭ ئاتەش باغرىدىن ئىتتىلىپ چىققان بىر نۇردۇر. بۇ نۇر پۈتكۈل كائىنات ، تەبىئەت ۋە بارچە ھاياتلىق ئۈچۈن تەڭرى تەرىپىدىن نازىل قىلىنغاندۇر. ھاياتلىقتىكى ھەربىر مەۋجۇدات مۇھەببەتنىڭ سىھرى كۈچىدىن ئايىرىلالمايدۇ. مۇھاببەت قەدىرلەشكە، قوغداشقا، ئاسراشقا مۇھتاج. ئەمدى بىز بۇ كۆزگە كۆرۈنمەس سىھرى كۈچكە ئىگە ھاياتلىق ئۇرۇقى بولغان مۇھەببەتنىڭ ئىنسانلار ئارسىدىكى جەۋھىرىنى بىلىپ باقايلى، مۇھەببەتنىڭ ئىنسانلار ئارسىدىكى جەھىرى، يۈكسەك دەرىجىدىكى ئۇلۇغ قۇرئان كەرىمنىڭ دۇردان-ھىكمەتلىرى بولغان نىكاھ بىلەن مەۋھۇم مۇقەددەس مۇھەببەتنىڭ كۈچى ئارقىلىق ئۆزئارا ياخشى كۆرۈشۈپ، ساپ كۆڭۈل ئاتا قىلىپ توي قىلغان ئىككى بەرنا-ناتىۋان قىز-يىگىتنىڭ ئوخشاش رىتىمدا سوققان بىر جۈپ يۈرىكىدىن، قىپ-قىزىل قانلىرىدىن، ئۈزۈلمەس ھىسىيات دولقۇنلىرىدىن، قەلب بۇلىقىدىن، كۆڭۈل بوستانىدىن، ئۇلۇغ تەڭرىنىڭ ئادەم تەسسەۋۋۇرىدىن ھالقىغان لايىھىلىشى ئارقىلىق ئاپىرىدە بولغان پەرزەنتتۇر.

nazinin

	مۇھەببەت شۇنداق نەرسىكى، ئۇ ئادەمنى بىر پۈتۈنلۈككە قوشۇلۇشقا دالالەت قىلىدىغان بىر خىل چوڭقۇر ئىچىكى كۈچتۇر. بۇ خىل ئىچكى كۈچ سىز بىلەن مېنى بىر گەۋدە قىلىپ يۇغۇرىۋېتىدۇ. مۇھەببەت ئۆزىمىز بىلەن ئەسلىمىزنىڭ ئايرىلىشى، بۇ خىل ئايرىلىشتىن ئاشۇ بىر پۈتۈنلۈككە قايتىش ئىستىكى تۇغىلىدۇ – دە، ئىستەك ئۇنىڭ بىلەن بىر گەۋدە بولۇپ يۇغۇرۇلۇپ كېتىدۇ. ئېسىڭىزدە بولسۇن ھەم ئىشىنىڭكى، مۇھەببەت بولمايدىكەن خۇشاللىق بولمايدۇ، مۇھەببەت بولمايدىكەن ھاياتلىقمۇ بولمايدۇ، مۇھەببەت بولمايدىكەن سىز نامەلۇم بىر نەرسىگە ئىچىرقاش بىلەن تەلپۈنىسىز، نېمىنىدۇر بىر نەرسىنىڭ كەملىك قىلىۋاتقىنىنى، روھىڭىزنىڭ بوش قالغانلىقىنى ھېس قىلىسىز، ئۆزىڭىزدە ھېچ نەرسە قالمىغاندەك قۇپقۇرۇق ھەم بوش ھېس قىلىسىز، مەنىسىزلىك ۋە ئازابلىنىش سىزنى چىرمىۋالىدۇ، يەنە تۇرۇپ ئۆزىڭىزنى قانائەتكە ئىرىشتۈرىدىغان نۇرغۇن ئۇسۇللارنىڭ بارلىقىغىمۇ ئىشىنىسىز.

tabassum333

	ھەقىقى ئىشىق ئىختىيارسىز بولىدۇ.مۇھەببەت كىشىنڭ غىمىنى يوقىتىدۇ، كىشىگە شادلىق يەتكۈزىدۇ،مۇرادىغا يىتەلمىگەنلەرنى مۇرادىغا يەتكۈزىدۇ. ئىشىق  تۈپەيلى جاندىن كىچىشنىڭ سەۋەبى جانانغا يىتىش ئۈچۈندۇر، كىمىكى ئىشىق ئەسىرى بولسا ،دەرتكە ھەمدەم،بالاغا غەمخانا بولمىغۇچە ۋىسالغا ئىرىشەلمەيدۇ،ئەي دوستۇم ،جۇدالىق غەملىرىنىڭ ئوتىدا كۆيۈپ كۈل بولماي دىسەڭ،ۋاپاسىزلارنىڭ ئوتىدا كۆيمە.....

جۇلالىق

	قىز-ئوغۇللار ئارىسىدىكى مۇھەببەتتىن باشقا يەنە نۇرغۇنلىغان مۇھەببەتلەر بار. ھەممىسى ئۆز ئورنىدا لايىقىدا ئىپادىلەنگەندە ھەقىقىي مەنىسىنى تاپىدۇ.